HAR SOHADAN BIR SHINGIL

28-may – BMTda kuzatuvchi maqomiga ega bo‘lgan Falastin Ozodlik Tashkilotiga asos solingan kun Falastin Ozodlik Tashkiloti – Isroil urushi davrida yashagan arablarning manfaatlarini ifoda etishni da’vo qiladigan siyosiy tashkilot. U 1964-yil 28-mayda “Falastinni ozod qilish” va “Falastinning arab aholisiga qonuniy huquqlar berish” maqsadida tashkil etilgan. FOT (Falastin Ozodlik Tashkiloti) ijroiya qo‘mitasining ilk raisi etib Ahmad Shukeyri saylangan. Keyingi raislari Yosir Arofat (1965-2004) va Mahmud Abbos (2004-yildan) bo‘lgan. FOTning asosiy maqsadi “demokratik va dunyoviy Falastin” davlatini tuzishdir. Falastin Ozodlik Tashkiloti terrorchimidi?  FOT tarkibiga kiruvchi Falastin arablarining harbiy-siyosiy tashkilotlari ko‘plab isroilliklar va boshqa davlatlar fuqarolarining o‘ldirilishi uchun javobgar hisoblangan va bir necha davlatlar tomonidan terrorchi deb tan olingan.  1993-yilda Oslo kelishuvlari qarorlari tayyorlangandan so‘ng, FOT BMT Xavfsizlik Kengashining 242- va 338-sonli rezolyutsiyalarini rasman tan oldi va Isroilni yo‘q qilish istagi hamda terrorizm usullarini rad etganligini rasman e’lon qildi. Isroil ham FOTni muzokaralar bo‘yicha sherik sifatida tan oldi. Hozirgi vaqtda FOT qonuniy ravishda ishlaydi va BMTda kuzatuvchi maqomiga ega. Dunyoning biron mamlakatida, shu jumladan Isroilda, FOT rasmiy ravishda terrorchi deb e’lon qilinmagan. FOTda 1965-yildan to vafotiga qadar rahbar lavozimida faoliyat ko‘rsatgan Yosir Arofatning o‘rni alohida e’tirofga loyiq. Yosir Arofat  • Yosir Arofat 1929-yil 24-avgustda Misr poytaxti Qohira shahrida dunyoga kelgan. Otasi tadbirkor-sarmoyador kishi edi, onasi esa farzandi to‘rt yoshga yetganida vafot etgandi. • Arofat yoshligidan Quddusda yashaydigan amakisining uyida ulg‘aygan. Arablar va yahudiylar o‘rtasida kechayotgan shafqatsiz kurashlar, qirg‘inlarga u ilk bor shu yerda guvoh bo‘lgan. • Arofat Qohira universitetida o‘qish uchun hujjatlarini topshiradi. Eng qizig‘i, Arofat universitetda siyosat yoki iqtisod kabi nufuzli fakultetlarda emas, muhandislik yo‘nalishida o‘qiydi. Keyinchalik esa, o‘z tarafdorlari bilan Falastinni ozod qilish bayrog‘i ostida Fanlar Akademiyasi harakatiga asos soladi.  • 1988-yili Falastin tarixida katta siyosiy voqea ro‘y berdi va bu hodisa sababchisi ham aynan Arofat edi. Ozodlik tashkiloti vа harakаti rahbari Iordan dаryosining g‘arbiy hududi hamda G‘azo sektorida Falastin davlati tashkil topgаnini e’lon qildi. Yil oxiriga borib, yangi davlat dunyoning 70 mamlakati hukumatlari tomonidan tаn olindi. 1993-yili Norvegiya poytaxti Oslo shahrida esa Isroil bosh vaziri Isxoq Rаbin va Yosir Arofat ishtirokidа tarixiy tinchlik shartnomasi imzolanadi.

Bugun 28-may - Ozarbayjonda Respublika kuni Ozarbayjon davlatchiligi tiklanish kuni 1992-yildan boshlab har yili 28-mayda Davlat bayrami - Respublika kuni nishonlanadi. Bugungi bayramning boshqa nomi - Ozarbayjon davlatchiligi tiklanish kuni. Bayram 1918-yilda Ozarbayjon Milliy Kengashi tomonidan Ozarbayjon Demokratik Respublikasi mustaqillikning tantanali suratda e'lon qilinishi sharafiga o’rnatilgan. Shu kuni Tiflisda (hozirgi - Tbilisi) mustaqillik deklaratsiyasi imzolangan. 1918-yilda Ozarbayjon Demokratik Respublikasi tashkil etilishi Ozarbayjon tarixida yorqin sahifa hisoblanadi. Keyingi yillar, o’n yilliklar yorug’ voqealar, katta yutuqlari bilan mamlakatning va Ozarbayjon xalqining hayot  bosqichlarini tashkil etadilar. Aynan shular birgalikda  hozirgi mustaqil Ozarbayjonning iqtisodiy, aqliy va madaniy potensialini  yaratdi.

🌏 Bugun 28-may Xalqaro egizaklar kuni. - Egizaklar odatda 30 yoshdan oshgan ayollarda tug'iladi. - Bugungi kunda egizaklar o'tgan asrga qaraganda 75 % ko'proq dunyoga kelishmoqda. - Ularni ajratishda barmoq izlariga e'tibor berish kerak. - Egizaklarni ikkisi ham omon bo'lsa uzoq umr ko'radi.

“SAMARQAND” SAYYORASI 2009 yilda O’zR FA Astronomiya institutining Maydanak observatoriyasida Bahodir Hafizov va Aleksey Sergeevlar yangi kichik sayyora kashf etishdi. Sayyoraning ochilish tarixi shunday. 2007 yil ancha salqin bo’lib qolgan kuz tunlarining birida Bahodir va Aleksey Maydanak observatoriyasining AZT-22 rusumli bosh teleskopining monitorida turg’un yulduzlar fonida tez harakat qilayotgan bir ob’ektni ilg’ab qolishadi. Bu ob’ektning osmon koordinatalarini va taxminiy orbitasi elementlarini aniqlab AQShdagi Garvard Kichik sayyoralar markaziga yuborishdi. Tez kunda u yerdan bu ob’ekt xalqaro kataloglarda qayd etilmaganligi va unga dastlabki 2007 TU2 raqami berilganligi to’g’risida quvonchli xabar keldi. Yosh olimlarning quvonchi cheksiz edi. To’g’ri, har bir kashfiyot ortida mashaqqatli mehnat yotadi, lekin omad ham kulib boqishi kerak. Ahir Markazdan ular ochgan sayyora allaqachon ochilganligi va xalqaro kataloglarda falon raqam bilan qayd etilganligi to’g’risida javob kelishi ham mumkin ediku. Bunday hollar kam uchraydi deysizmi. Lekin bu haqiqatdan yangi sayyora deb xulosa chiqarishga hali erta edi. Gap shundaki, daslabki hisob-kitoblarga ko’ra kichik sayyoraning Quyosh atrofida aylanish davri, taxminan, 4 yilni tashkil etadi. Bu uning orbitasini to’liq aniqlash uzoq kuzatishlarni taqozo etadi degani. Sayyora yana ikki yil uzluksiz kuzatildi va uning orbitasi elementlari yuqori aniqlikda topildi. Nihoyat, 2009 yilda Garvarddagi Xalqaro kichik sayyoralar markazidan bu haqiqatdan ham hech kim tomonidan kuzatilmagan yangi kichik sayyora ekani va u endi xalqaro kataloglarda doimiy 210271 raqam bilan qayd etilgani to’g’risida xabar keldi. Hozirda ma’lum kichik sayyoralardan beshtasining nomi O’zbekiston bilan bog’liq. Bular «O’zbekistoniya», «Avitsenna», «Ulug’bek», «Beruniy» va «Xorazmiy» nomlari bilan atalgan kichik sayyoralardir. Bu nomlar turli yillarda xorijiy astronomlar tomonidan kashf etilgan kichik sayyoralarga mamlakatimiz va buyuk bobokalonlarimiz xizmatlarining e’tirofi sifatida berilgan. 210271 raqamli sayyora esa O’zbekistonda ilk bor ochilgan kichik sayyoradir. Shuni e’tiborga olib, olimlarimiz bu sayyoraga nom berishni iltimos qilib Respublika Prezidenti I.A.Karimovga murojaat qilishdi. Prezidentimizning taklifi bilan kichik sayyoraga jahonning eng ko’hna va go’zal shaharlaridan biri, astronomiya fanining rivojiga ulkan hissa qo’shgan Samarqand shahrining nomi berildi. Bu haqda 2010 yil 27 mayda chop etilgan Garvarddagi Xalqaro kichik sayyoralar markazining 70135 sonli sirkulyarida xabar berilgan. “Samarqand” yangi kichik sayyorasi haqida ma’lumotlar: • Quyoshdan ungacha bo’lgan masofa: 3044 astronomik birlik yoki, taxminan, 455 million kilometr; • Erdan ungacha bo’lgan masofa: taxminan, 2044 astronomik birlik yoki, taxminan, 306 million kilometr; • Quyosh atrofidagi orbitasi: 4.29 yil; • Taxminiy diametr diapazoni: 849 metr X 1.9 kilometr., заголовок 5

2010-yil 27-mayda Garvarddagi Xalqaro kichik sayyoralar markazining 70135-sonli sirkulyari chop etildi. Unda butun dunyo bo‘ylab O‘zbekiston Fanlar akademiyasi Astronomiya institutining Maydanak observatoriyasida kashf etilgan yangi, shu paytgacha fanda noma’lum bo‘lgan kichik sayyoraga jahonning eng ko‘hna va go‘zal shaharlaridan biri, astronomiya fanining “Oltin beshigi” sanalmish Samarqand shahri nomi berilgani xabari tarqatilgan. bunga qadar olimlar tomonidan aniqlangan kichik sayyoralardan beshtasi mamlakatimiz nomi va tarixi bilan bog‘liq holda atalgan. Bular, xususan: “O‘zbekiston”, “Avisenna”, “Ulug‘bek”, “Beruniy” va “Xorazmiy” nomidagi kichik sayyoralardir. Ushbu samoviy jismlar turli yillarda astronomlar tomonidan kashf etilgan.