صَفيفْ."🩵

أسرع طريق لخراب أي حاجة حلوة في حياتك، هو إنك تبص في إيد غيرك أو تقارن خط سيرك بخط سير الناس. كل بني آدم وله توقيته، وله رزقه، وله ابتلاءاته اللي محدش يعرف عنها حاجة. اللي نجح بدري مش معناه إنك تأخرت، واللي اتجوز أو خلف أو جاب بيت قبلك مش معناه إنك فشلت. المقارنة بتسرق منك فرحتك بالنعم البسيطة اللي في إيدك.. ركّز في ورقتك، افرح لغيرك من قلبك، وامشي في طريقك بهدوء ومن غير استعجال. اللهم اقنعنا بما رزقتنا، وبارك لنا فيه، ولا تجعل أعيننا متطلعة لما في أيدي سواك..💚

مفيش حد في الدّنيا ماشي من غير ابتلاء في اللي وجعه باين للناس، وفي اللي شايل همّ كبير محدّش يعرف عنه حاجة، بينه وبين ربّنا وبس، وكلّ واحد فينا ليه اختباره اللي ربّنا كتبهوله. ولما الإنسان يفهم إن الابتلاء مش عقاب بالضرورة، وإن الدُّنيا دي دار عبور مش دار بقاء، قلبه بيهدأ، ونفسه بترتاح، ويبدأ يسلّم أمره لربّنا وهو مطمّن ومهما اشتدّت الأيام، يفضل الأمل في وعد النبي ﷺ: مَن يَتصبَّرْ يُصبِّرْه اللهُ. فالصبر مش بس بيهوّن الطريق، ده كمان سبب إن ربّنا يرزقك قوّة وثبات ماكنتش تتخيّلهم.

"يا ثانيَ اثنينِ لمْ يشبهْكَ إنسانُ ‏يا كاملَ الحسْنِ لمْ يَنقصْكَ إحسانُ ‏صلى عَليكَ الله ما هلّ الهنا و انزاحَ همٌّ وانجلتْ أحزانُ. ﷺ "

فقدان الأمل من أصعب المشاعر اللي ممكن يمر بيها الإنسان.. لما كل الأبواب تبان مقفولة، والحلول تختفي، والإنسان يحس إن مفيش مخرج من اللي هو فيه! وفي لحظات زي دي، العقل بيبدأ يقنع صاحبه إن النهاية خلاص قربت، وإن مفيش فايدة من المحاولة! الإحساس ده مرّ على ناس قبلك زي قوم سيدنا موسى عليه السلام.. لما كانوا خارجين من مصر، ووصلوا عند البحر، ولقوا نفسهم محاصرين.. البحر قدامهم، وفرعون وجنوده وراهم، وكل الأسباب الظاهرة كانت بتقول إن مفيش طريق للنجاة! في اللحظة دي قال قوم موسى: {إِنَّا لَمُدْرَكُونَ}.. لكن سيدنا موسى عليه السلام كان شايف المشهد بعين تانية، عين مليانة يقين بالله، فقال: {كَلَّا ۖ إِنَّ مَعِيَ رَبِّي سَيَهْدِينِ}. وهنا كان قدامهم اختيارين؛ إما الاستسلام لليأس لأنهم مش شايفين حل، أو الثقة في الله حتى لو الطريق لسه مش واضح. ولما اختار سيدنا موسى اليقين، كانت النتيجة إن الله سبحانه شقّ لهم البحر، وفتح طريقًا للنجاة لم يكن ليخطر لهم على بال! وإحنا أحيانًا بنكون زيهم بالضبط! نقف قدام مشكلة كبيرة، أو أزمة ملهاش حل واضح ونحس إن كل الأبواب اتقفلت. وفي اللحظات دي لازم نفتكر إن عدم رؤيتنا للحل مش معناه عدم وجوده! وإن ربنا سبحانه وتعالى قادر يفتح أبواب مكنّاش نتخيلها، ويجعل بعد الضيق فرجًا من حيث لا نحتسب.

الخذلان من أصعب المشاعر اللي ممكن يمر بيها الإنسان.. لما تروح لحد وأنت محتاج دعم أو كلمة طيبة، فتلاقي العكس تمامًا، ساعتها بتحس إنك وحيد، وإن كل الأبواب اتقفلت في وشك! والشعور ده، رغم قسوته، مرّ على أطهر القلوب قبلنا.. بعد سنوات من الأذى في مكة، خرج النبي ﷺ إلى الطائف يدعو أهلها إلى الله، وكان يرجو أن يجد منهم قبولًا أو نصرة، لكن اللي قابله كان عكس كل ما تمناه! فرفضوا دعوته، وسخروا منه، وخرج ﷺ من الطائف حزينًا بعد أن لقي منهم ما لقي.. ومع ذلك لم يتوقف النبي ﷺ عند خذلان الناس له، ولم يجعل قسوة الموقف تملأ قلبه يأسًا، بل اتجه إلى الله يشكو إليه ضعفه ويطلب منه العون. فخذلان الناس مش معناه إن ربنا خذلك! لكن لعل يكون إغلاق باب هو بداية فتح أبواب تانية مكنتش تتوقعها. فلو خذلك حد أو خابت توقعاتك في شخص ما كنت تظن أنه هيكون سند ليك؛ متخليش ده يأثر عليك أو يبعدك عن الله عز وجل! الناس ممكن تخذل، وممكن تتغير؛ لأنهم بشر.. لكن رب الناس سبحانه وتعالى لا يخذل من لجأ إليه، ولا يضيع من أحسن التوكل عليه أبدًا. {وَمَن يَتَوَكَّلْ عَلَى اللَّهِ فَهُوَ حَسْبُهُ}

السلام عليكم ورحمة الله وبركاته.💚 إوعى وإنت بتدعي تقول في نفسك صعب جدًا إن كذا يتصلح، مستحيل فلان يتغير! استحالة أعرف أحج وأنا مش معايا فلوس! خلاص مافيش فايدة إني أعرف أتخلص من الذنب الفلاني أصل حاولت كتير ووقعت! وهكذا.. كل دا سوء ظن بالله! إنت لازم تحسن الظن بالله، ويكون عندك يقين وصدق توكل عليه سبحانه مهما كنت شايف اللي بتتمناه بعيد وصعب يحصل. فالسيف بقوة ضارِبه! ابن القيم رحمه الله قال: "والأدعية والتعوذات بمنزلة السلاح، والسلاح بضاربه لا بحدّه فقط، فمتى كان السلاح سلاحًا تامًّا لا آفة به، والساعد ساعد قوي، والمانع مفقود، حصلت به النكاية في العدو، ومتى تخلّف واحد من هذه الثلاثة تخلّف التأثير. فإذا كان الدعاء في نفسه غير صالح، أو الداعي لم يجمع بين قلبه ولسانه في الدعاء، أو كان ثَمَّ مانع من الإجابة، لم يحصل الأثر".. فلا تيأس وظُنَّ خيرًا في ربك الوهّاب.

اشتغل معاكم !!؟

جربوه

بوت تواصل صَفيفْ تقدر تستخدمه في اي وقت لو فيه مساعدة.🔖 @Ttafeefbot

هو البوت شغال..!؟

بوت تواصل صَفيفْ تقدر تستخدمه في اي وقت لو فيه مساعدة.🔖 @ThafeefBot

أسألك من فضلك وتوفيقك أن لا أنوي شيئًا إلا نلته، ولا أسلك طريقًا إلا وصلت لغايتي منه، ولا أطرق بابًا إلا فُتحت لي أبواب الخير فيه، ولا أجتهد بشيء إلا باركت لي به، اللهُمَّ أنت القادر فبشّرنا وبلّغنا تمام فرحتنا على خيرٍ وسِعة.

جبرَ اللّٰه قُلوبكم فردًا فردًا وحقق لَكم كلّ دعوَة خرجت من أعماق قُلوبكم وكُل دعوَة لم تستطيعوا ترتيبها لكن اللّٰه كان عليمٌ بها ثبتّ اللّٰه قُلوبكم على دينه وحبه وحسن عبادته ورزقكَم من سِعَته أضعافَ ما تتمنّون🤍

احنا حاليًا في ذو القعدة، واحد من الأشهر الحُرم. واللي رسالتها لينا دلوقتي هي: {فَلَا تَظْلِمُوا فِيهِنَّ أَنفُسَكُمْ}. بس إزاي ممكن تظلم نفسك دلوقتي؟ ببساطة، إنك تكمل في طريق إنت عارف ومتأكد إنه غلط. الظلم هو "الإسراف" في الذنب والمعصية وإنت في وقت ربنا طلب منك فيه الكف عن الأذى والذنب أصلًا وتعظيم الوقت ده. كل ذنب بتعمله النهاردة عارف زي إيه؟ كأنك بتعمل إطفاء متعمد لنور قلبك وعملك اللي حاولت في رمضان أنت تبنيه! كف الأذى يبدأ من الداخل يا صديقي: كف أذى المعصية عن حياتك هو أعظم انتصار ليك في ذو القعدة، وأيوة هي أذى، ليك ولقلبك ولدنيتك وآخرتك ..المعصية في الشهر الحرام مش زي غيرها، هي أذى مباشر وعاقبة وخيمة لروحك غير إنها مخالفة لأمر الله! الخلاصة: ترميم الذات بيبدأ لما تقرر تعظم حرمات الله، وتقرر إنك مش هتهون على نفسك لدرجة إنك تضيعها بذنوب ومتع مؤقتة. استغل سكون الشهر ده في إنك تفوق وتطهر قلبك بالاستغفار، عشان تدخل العشر من ذي الحجة ويوم عرفة وأنت فعلًا مستعد تكون من العتقاء!

هل هيّأت قلبك لاغتنام عشر ذي الحجّة ؟ واللهِ إنها لغنيمة عظيمة إن بلّغك الله خير أيام الدّنيا، وأمدّ في عمرك لتسعى في ميدانٍ يكون وزن العمل فيه مختلف.' فأَرِ الله من نفسك صدق الرّغبة لاغتنامها ﴿ ولو أرادوا الخروج لأعدّوا له عدة ﴾ فأعدوا العدة لها . .

عرف غيرك !!

١٠ نصايح لو عايز تستغل عشر ذي الحجة ١- الصيام: صيام التسع أيام مش تقيل خالص، دي بس وسوسة الشـيطان! إنت صُمت رمضان كله وكان ٣ أضعاف الأيام دي، يعني تقدر.. دي فرصه لحسنات كتير جدًا، متضيعهاش. ٢- القيام: حاول ماتفوّتش القيام، حتى لو ركعتين بعد العشا وركعة وتر، هتاخد الأجر، ولو مش قادر خالص، اقرأ آخر آيتين من سورة البقرة، النبي ﷺ قال عليهم إنهم يكفوا المسلم قيام الليل أو يكفوه السوء في تلك الليلة. ٣- القرآن: حاول تختمه في العشر، يعني ٣ أجزاء في اليوم. ولو مشغول اقرأ اللي تقدر عليه، بس المهم تفتح المصحف كل يوم، كل حرف بحسنة، وخد بالك الأجر في الايام دي مضاعف.. ٤- الصدقة: لو تقدر تطلع صدقة كل يوم، يبقى حلو أوي! مش قادر؟ حتى لو مرة في الأيام دي تكفي، وخصوصًا لو ساهمت في إطعام.. الخير مش بكميته، النية أهم. ٥- الدعاء: ادعي من قلبك، وماتستقلّش بدعوتك، ربنا كريم وبيحب اللي الإنسان اللحوح، اطلب كل اللي نفسك فيه مهما كان، وادعي لحبايبك وأمواتك، واعمل قايمة من دلوقتي بدعواتك. ٦- الذِكر: خلي لسانك دايمًا رطب بذكر الله، في أي وقت: وإنت بتغسلي، بتطبخي، راكب مواصلات، ماشي.. سبحتك في إيدك، استغفار، تسبيح، حمد، تكبير.. كله أجر عظيم. ٧- السُنن: حاول تطبق أكبر قدر منها: - إشرب وانت قاعد وعلى ٣ مرات - أذكار الصباح والمساء - السحور حتى لو بتمرة - نام على وضوء وقول أذكار النوم - إقرأ سورة المُلك قبل النوم - صلي ١٢ ركعة سُنة في اليوم - قول للي بتحبه إنك بتحبه في الله - افطر بدري واتسحر متأخر - ادعي لغيرك بظهر الغيب - امسك نفسك وقت الغضب - ابتسم وقول كلمة طيبة حاجات بسيطة بس ليها أجر كبير، خصوصًا الأيام دي. ٨- التوبة ومحاولة التغيير: محدش يقولك إنك بتنافق لو بدأت تتغير في الأيام دي، دي أيام فرصة، ربنا بيحب التوّابين، الأوابين، اغتنمها بكل قوتك ومتسمعش كلام الناس! ربنا يجعلنا من اللي بيستغلوا الأيام دي على أحسن وجه، ويكتب لنا فيها أضعاف الأجر والخير يا رب.

أصعب حاجة في موت الفجأة إنه مابيسيبش مساحة للوداع ولا فرصة لتصحيح الغلط. فجأة بنلاقي خبر وفـاة حد كان لسه باعت رسالة أو بنضحك معاه، وكأن الدنيا بتقولنا "أنا فعلًا مش مضمونة". الحقيقة إننا مش محتاجين نكبر عشان نموت، إحنا محتاجين نكون جاهزين في أي وقت بقلب نظيف موصول بالله. ​بلاش تأجل توبتك ولا تظلم حد ولا تنام وفي قلبك خصومة، لأن ملك الموت مابيستأذنش حد. ابدأ النهاردة صحح مسارك، وقرب من ربك، وخلي النفس اللي طالع منك دايماً في طاعة. ​اللهم إنا نعوذ بك من الغفلة، وارزقنا توبة قبل الممات وحسن الخاتمة. 🤲

اكتشفت أن الحاجة الوحيدة اللَّي ممكن تخليك تتقبل اي بلاء صعب.. هو يقينك بـ إن ربنا حرمك من ده علشان عارف ان ده الخير ليك، وعشمك في ان عوضه اكيد قريب بيخليك اهدي بكتير في الرضا بقضاء الله هو مش بيحبك ومش هينقص من مُلكه حاجة لو كان سابلك الحاجة دي، بس جايز عايزلك الاحسن وجايز ارد يديلك هدية اغلي بس بيختبرك الاول يشوف تستاهل ولا لا وجايز لما يديك العوض، تحس اوي بقيمته وتحافظ عليه، الحمدلله علي كل شيء ورب الخير لا يأتي إلا بالخير.💖

*يا لذَّة الشُّعور، حين تدعوهُ بشيءٍ طالما أرهَقَ قلبك، ثُمَّ يُؤتيكَ سُؤلك، يا جمال الٱستجابة، وجلال اللَّحظة، وهيبة الموقف، وعظيم الإمتنان الَّذي فيك يا ربّ، أتيتُكَ بحال ﴿فنادى﴾ فهل أبلغُ مقام ﴿فٱستجبنا له﴾* *فاللهم استجب لكل دعوة فاضت بها قلوبنا 💕.*