Rauf Parfi

* * * Мен биламан, вужудинг бўзлар, Бағринг ёнар саёқ ўғлингга. Сени ўртар бир оғир сўзлар, Ахтариб чиқарсан йўлимга. Кўчаларга қарайсан ҳар зум, Кечаларни оқлайсан, она. Гуноҳкорман ёлғиз мен ўзим, Яна мени оқлайсан, она. Очиқ ётар токчада китоб, Очиқ ётар менинг дафтарим, Унда кезар мангу изтироб. Тубанликда ёсуман жари. Шўрлик ўғлинг бир умр бетоб Синган сози, синган ханжари. 1964 Rauf Parfi

Duelning oʻtgan mavsumlarida ishtirok etgan shoirlarning kanallar roʻyxati. ⬇️⬇️⬇️ https://t.me/addlist/xki0_3wUpTwyNTgy

‍#Эълон СОТУВ Раҳматли шоиримиз Зариф Султоний (тахаллуси Беназир Муҳаммад) китобини академнашр нашриётида бостирган эдик. Ва ҳали тириклик чоғлари сотувга қўйиб, анчасини тарқатгандим. Хуллас ўша китобдан 150 тача қолган. Агар олувчилар бўлса, бемалол манга (фейсбук, телеграм, твитер, инстаграм орқали) алоқага чиқишингиз мумкин. Маълумот учун тел: 912206126 Китоб нархи: 100 минг сўм. Тошкентда китоб. Вилоятларга етказиб бериш хизмати бор. Аммо текин эмас. Почтадан юборамиз, йўл ҳақини тўлаб олиб қоласиз. Китоб нархини тўғридан тўғри раҳматли Зариф Султоний пластик карточкасига ўтказасиз. Аввало бу китоб, ундаги шеърлар оригинал ва топилмас, бошқа тарафдан шоир оиласига қурбимиз етганича ёрдам кўрсатган бўламиз. Эслатиб ўтаман китоб нархи 100 минг сўм. Карта рақам: 8600 0610 5516 2274 ( G‘afurov Zarif Hikmatovich) Жонтемир @Jontemir_t

*** Автобус деразасидан қараб кетсанг Узоқ-узоқларга, Масофалар сувратини олиб кўзларга. Хусусан, ой булутлар орасига беркиниб турса, Хусусан, юлдузлар сўнганда, Хусусан, зим-зиё тун чоғи. Айниқса, шаҳарнинг шовқини сени зериктирса, Айниқса, севгилинг севмаса сени… Айниқса, ғийбатлар тўқиса дўстларинг Йироқларга қочар қисматлар, Автобус деразасидан қараб кетсанг... Рауф ПАРФИ

‍МУНОЖОТ Етар! Шоир берма дунёга Тангрим, Руҳи хасталарни хўрлама, етар! Уммон арзимайди улар оҳига, Осмон арзимайди, гуллар арзимас. Зарраси – Ҳимолай гуноҳин судраб мозорда изғиган қуллар арзимас. Ёзаркан қон ютар, қайси жоҳилнинг кўнглига тегса гар – Қон қусар тағин. Назокат, нафосат кушандалари қузғундай ёприлиб куйлаган маҳал, Тилидан ҳақиқат тўкилмасин, деб босаркан қалбига жароҳат – нағал, Қониқмай бўйнига сохта айб юклаб, Шунчаки эрмакка, томоша учун терисин шиларлар, осиб, отарлар. Етар! Шоир берма дунёга Тангрим, Ёнингда олиб қол. Гоҳида дўзах, Гоҳида жаннатга ўтиб ҳурларнинг кўнглини хушласин кўз олдингда шод. Қиёмат шарпаси кезиниб юрган олам шалтоғига ағанаб ётсин, Шоирсиз кун ботсин, шеърсиз тонг отсин – Чиркин чеҳраларга гўзаллик увол. То Одам Атодан бугунга довур рўшнолик кўрдими бирорта куйчи? Синади, заҳарга тўлади, аммо косаси оқармас бундан кейин ҳам. Майли, олим юбор, авлиё улаш, Даҳодан қисма, ботир туғилсин. Девона, фоҳиша, қотил туғилсин, Аҳдингни бузгину пайғамбар йўлла. Ахир тарих гувоҳ, Ўзинг гувоҳсан, Туйғулар қарғиши урган зоҳирни. Ўликлар ҳукумрон ер куррасида замин кўтаролмас ТИРИК шоирни! Дунё кўтаролмас ТИРИК шоирни! Етар! Шоир берма дунёга Тангрим. Жонтемир