𝑵𝑶𝑽𝑴𝑩𝑬𝑹 •

ازيك يا ابراهيم.. أنا قولت أكلمك، جيت على بالي انهارده فقولت مش إشكال لو أعرف أخبارك ايه، أنا عارفة إن إحنا المفروض منتكلمش وعارفة إن مكالمتي بالذات دلوقتي ممكن تضايقك، بس أنا مستغربة ازاي الموضوع خلص كده ومبقيناش نعرف حاجة عن بعض، غريبة إني مبقيتش أعرف يومك ماشي ازاي، كل واحد له حياته، وبقى في دنيا بعيدة عن التاني، سكك صعب أوي تتلاقى، صعب أوي تتلاقى زي الأول، بالذات في دنيا بتجري بالشكل ده، مش عارفة أنا بقولك الكلام ده ليه، يمكن الواحد لو مقالش اللي في مخه احتمال يتجنن، أو ممكن يصحى يلاقي نفسه في عالم تاني زي ما حصل معانا كده، غريبة قد ايه بنتغير مع إن مفيش حاجة بتتغير فعلا، إبراهيم .. أنا مش عارفة امتى هقدر أكلمك تاني، مش عارفة إذا كنت هكلمك تاني من أساسه، وأكيد مش عارفة امتى ممكن نتخبط في بعض صدفة، ف قولت اسيبلك رسالة زي دي، عبيطة، ملهاش أي معنى، مش عارفة انت هتقول ايه لما تسمع الرسالة، اللي مش عارفة أنا بقول فيها ايه من أصله، بس يمكن حبيت أتكلم معاك زي الأول والصدمة انك مش موجود، عموما نفسي الأمور عندك تتحسن، نفسي أقولك متزعلش، إبراهيم.. صدقني، كله هيبقى كويس. - هليوبوليس / ٢٠٠٩