EHS Myanmar

"Sharing is Caring Campaign Week-1" ------------------------------------------------------------------------------------------- EHS Myanmar - 10/03/2024 Hello! EHS Myanmar ရဲ့ Monthly Campaign လေးကနေ ပြန်လည်ကြိုဆိုလိုက်ပါတယ်။ Sharing is Caring Campaign လေးကို ပြုလုပ်ရတဲ့ ရည်ရွယ်ချက်ကတော့ မတ်လ ၂၁ ရက်နေ့မှာ ကျရောက်မယ့် “International Day of Forests” ကို ပါဝင်ဆင်နွှဲသော အနေဖြင့် ကမ္ဘာအဝှမ်း ပျက်စီးသွားတဲ့ သစ်တောနေရာတွေမှာ အစားထိုး စိုက်ပျိုးနေကြတဲ့ အဖွဲ့အစည်းတွေ၊ သူတို့ရဲ့ လုပ်ငန်းဆောင်တာတွေ၊ အောင်မြင်မှုတွေကို မျှဝေပေးလိုသောကြောင့် ဖြစ်ပါတယ်ရှင့်။ ဒီတစ်ပတ် Sharingလုပ်ပေးချင်တဲ့တာကတော့ “ECOSIA” ဆိုတဲ့ App လေးပဲဖြစ်ပါတယ်။ Ecosia ဆိုတာက Google နဲ့ပုံစံတူတဲ့ Application တစ်ခုဖြစ်ပါတယ်။ 🌳🌿 Google နဲ့မတူတဲ့ အရာက သင် Search Bar မှာ တစ်ခုခုရှာလိုက်ရင် ညာဘက်ထောင့်မှာ သစ်ပင်ပုံလေး တစ်ခုပေါ်လာမှာဖြစ်ပြီး 🌳 45 search = 1 tree 🌳စနစ်နဲ့ စိုက်ပျိုးပေးသွားမှာဖြစ်ပါတယ်။ ဆိုလိုတာက ကျွန်တော်တို့ 45ခါရှာတိုင်း Ecosia က သစ်ပင်တစ်ပင်စိုက်ပေးသွားမှာဖြစ်ပြီး Ecosiaကို အသုံးပြုတာများလေ သစ်ပင်တွေ ပိုမိုစိုက်ပေးမှာဖြစ်ပြီး ကမ္ဘာကြီး စိမ်းလန်းစိုပြေအောင် သစ်ပင်လေးတွေစိုက်ပေးမှာမို့ Google အစား ဒီ App လေးကို သုံးဖို့အကြံပြုချင်ပါတယ်။ ECOSIA app ကိုတော့ Google Playstore နဲ့ App Storeတွေမှာ အလွယ်တကူ download လုပ်နိုင်ပါတယ်။ Sharing is Caring ဆိုတဲ့ Campaign ခေါင်းစဉ်လေးအတိုင်း အခြားသူတွေ သိအောင်လဲ Share လုပ်ပေးသွားဖို့ မမေ့နဲ့နော်။ International Day of Forests မှာ မိမိတို့စိုက်ပျိုးထာတဲ့ အပင်လေးတွေကိုလည်း Comment မှာမန့်သွားလို့ရပါတယ်။ #EHSMM #ForestDay #IntlForestDay #GenerationRestoration #Campaign #ecosia

EHS Myanmar မှ Team Member များသည် Biodiversity and Nature Conservation Association (BANCA) အဖွဲ့ဝင်များအဖြစ်ဝင်ခဲ့ပြီး ဇီဝမျိုးစုံမျိုးကွဲထိန်းသိမ်းခြင်း နှင့် ရေရှည်တည်တံ့ခိုင်မြဲသောဖွံ့ဖြိုးတိုးတက် မှုလုပ်ငန်းစဉ်များတွင် ပိုမိုပူးတွဲလုပ်ဆောင်သွားနိုင်ရန်ရည်ရွယ်ထားပါကြောင်း သတင်းကောင်းအပ်ပါတယ်ရှင့်။ #EHSMyanmar #BANCA #membership #biodiversity #environmentalsustainability

👩‍💼🌍 Happy International Women's Day from EHS Myanmar! 🎉 Today, we celebrate not only the achievements of women but also their crucial role in decision-making processes. Women bring diverse perspectives, innovative ideas, and empathy to the table, enriching discussions and leading to more inclusive outcomes. As we advocate for gender equality, let's recognize the importance of women's voices in shaping policies, businesses, and communities for the betterment of all. Join us in championing women's empowerment and their vital role in creating a brighter future! #InternationalWomensDay #EHSMyanmar 💪🌟

👩‍🦰ပတ်ဝန်းကျင်ထိန်းသိမ်းရေးဆိုင်ရာ ဆုံးဖြတ်ပိုင်ခွင့်များတွင် အမျိုးသမီးများ၏ အခန်းကဏ္ဍ မည်မျှအရေးကြီးပါသနည်း။ ဘာကြောင့်လဲဆိုတာ comment မှာဖြေပေးသွားပါဦးနော်။ 👇 #EHSMyanmar #womenday #environmental #sustainabledevelopment #decisionmakingpower

🐑မွန်ဂိုလီးယားနိုင်ငံတွင် "dzud" ဟုခေါ်သည့် ပြင်းထန်သော ဆောင်းရာသီဒါဏ်ကြောင့် မွေးမြူရေးတိရစ္ဆာန်အကောင်ရေပေါင်း(၂)သန်းကျော် သေဆုံးခဲ့ကြောင်းသိရှိရပါသည်။ Source: https://www.channelnewsasia.com/sustainability/mongolia-winter-animals-die-extreme-weather-herders-dzud-climate-change-4150021#:~:text=intensity%20of%20dzuds.-,Iklan,to%20survive%20the%20harsh%20winter. #EHSMyanmar #mongolia #extremeweathers #dzud

အသိပေးကြေငြာခြင်း📣 ---------------------------------- 🎯ကျွန်မတို့ EHS Myanmar Team Member များ၏ Email Hosting (@ehsmyanmar.org) များကို ယခင်အတိုင်း ပြန်လည်ဆက်သွယ်အသုံးပြုနိုင်ပြီဖြစ်ပါကြောင်း သတင်းကောင်းပါးအပ်ပါတယ်ရှင့်။ အဆင်မပြေမှုများရှိခဲ့သည့်အတွက်တောင်းပန်အပ်ပါသည်ရှင့် 🥰🙏 #EHSMyanmar #announcement #Email

ရေဓာတ်ပြည့်ဝနေစေဖို့ ရေများများသယ်သွားပါ။ အစိမ်းရောင်လေ့ကျင့်ခန်းလုပ်ဆောင်ခြင်းဖြင့် ကျွန်တော်တို့ဟာ ကျန်းမာကြံ့ခိုင်ရေးနဲ့ သဘာဝတရားရဲ့ စိတ်ကြည်လင်စေမှုကို ပေါင်းစပ်ပြီး နေ့စဉ်ဘဝရဲ့ လုပ်ဆောင်မှုတွေမှာ အပြောင်းအလဲကောင်းတွေ ဖြစ်ပေါ်လာစေနိုင်ပါတယ်။ ပန်းခြံထဲမှာ အေးအေးဆေးဆေး လမ်းလျှောက်တာ ဖြစ်စေ၊ တောအုပ်ထဲမှာ အပန်းဖြေခရီးထွက်တာမျိုး ဖြစ်စေ၊ အေးချမ်းသာယာတဲ့ ပန်းခြံထဲမှာ ယောဂကျင့်တာ၊ တရားထိုင်တာမျိုးဖြစ်စေ ... သဘာဝပတ်၀န်းကျင်မှာ အချိန်ကုန်တာက ခန္ဓာကိုယ်အတွက်ရော စိတ်အတွက်ပါ အကျိုးကျေးဇူးတွေ အများကြီးရှိပါတယ်။ အချုပ်အားဖြင့်ဆိုရရင် ... အစိမ်းရောင်လေ့ကျင့်ခန်းတွေက ကျွန်တော်တို့ရဲ့ စိတ်ကျန်းမာရေးကို မြှင့်တင်ပေးရုံသာမက ရုပ်ပိုင်းဆိုင်ရာ ကြံ့ခိုင်မှုလည်း မြှင့်တင်ပေးပြီး ကျွန်တော်တို့ကို သဘာဝနဲ့ နီးစပ်စေပါတယ်။ ဒါကြောင့် အပြင်ထွက်ပြီး လတ်ဆတ်တဲ့လေကိုရှူရှိုက်ကာ လေ့ကျင့်ခန်းတွေ လုပ်ဆောင်ပြီး ကျန်းမာတဲ့ ဘဝနေထိုင်မှုပုံစံကို ပြောင်းလဲလိုက်ပါစို့။ ရေးသားသူ - မာရီယာ (EHS Myanmar) ကိုးကား - orlincohen.com --------------------------------------------------------------------------- Don't forget to follow us on Instagram - https://www.instagram.com/ehsmyanmar/ #EHSMyanmar #greenexercise #exercise #outdoorexercise

အစိမ်းရောင်လေ့ကျင့်ခန်း သို့မဟုတ် ပြင်ပလေ့ကျင့်ခန်း၏ အကျိုးကျေးဇူးများကို လေ့လာခြင်း ----------------------------------------------- EHS Myanmar | 3.3.2024 နေ့စဉ်နဲ့အမျှ ရုန်းကန်လှုပ်ရှားနေရတဲ့ ယနေ့ခေတ်ကမ္ဘာကြီးမှာ ကျွန်တော်တို့ရဲ့နေ့စဉ်ဘဝအတွင်း လေ့ကျင့်ခန်းပုံမှန်လုပ်ဆောင်ဖို့ဆိုတာ စိန်ခေါ်မှုတစ်ရပ်လို ဖြစ်နေပါတယ်။ လေ့ကျင့်ခန်းလုပ်ဆောင်ဖို့ အချိန်ပေးနိုင်သူတွေကတော့ မိုးလုံလေလုံ အားကစားရုံတွေ (Gym) ဆီ သွားရောက်ပြီး ပြေးစက်များ၊ စက်ဘီးများ အသုံးပြုကာ လေ့ကျင့်ခန်း လုပ်ဆောင်ကြပါတယ်။ ဒါပေမယ့် သုတေသနလေ့လာချက်တွေအရ အစိမ်းရောင်လေ့ကျင့်ခန်း တနည်းအားဖြင့် အပြင်ဘက် (outdoor) မှာ လေ့ကျင့်ခန်းလုပ်ဆောင်ခြင်းက အဆောက်အအုံအတွင်း လေ့ကျင့်ခန်းလုပ်ဆောင်ခြင်းထက် ရုပ်ပိုင်းဆိုင်ရာနဲ့ စိတ်ပိုင်းဆိုင်ရာ ကျန်းမာရေး အကျိုးကျေးဇူးတွေ ပိုမိုပေးစွမ်းနိုင်တယ်လို့ အကြံပြုထားပါတယ်။ စိတ်ဖိစီးမှုနဲ့ သွေးဖိအားတက်ခြင်းကို လျှော့ချခြင်းက သွေးတွင်းသကြားဓာတ်ကို ထိန်းညှိပေးပြီး အလုံးစုံသော ကျန်းမာရေးကို ကောင်းမွန်စေပါတယ်။ အစိမ်းရောင်လေ့ကျင့်ခန်းက အိမ်တွင်းလေ့ကျင့်ခန်းတွေထက် စိတ်ကို ပိုမိုလန်းဆန်းစေပြီး စိတ်ခံစားချက်ကိုပါ မြှင့်တင်ပေးပါတယ်။ 🎾 အစိမ်းရောင်လေ့ကျင့်ခန်းဆိုတာဘာလဲ? Green Exercise ဆိုတာ အဆောက်အအုံ၊ အိမ် အပြင်ဘက်ထွက်ပြီး outdoor ဧရိယာမှာ လုပ်ဆောင်ရတဲ့ ကိုယ်လက်လှုပ်ရှား လေ့ကျင့်ခန်းတစ်ခုဖြစ်တယ်။ ပန်းခြံ၊ ကမ်းခြေ၊ တောအုပ်လိုမျိုး သဘာဝပတ်ဝန်းကျင်မှာသာမက အနီးစပ်ဆုံး ကျွန်တော်တို့ရဲ့ အိမ်နောက်ဖေးမှာတောင် အလွယ်တကူလုပ်ဆောင်လို့ရပါတယ်။ အစိမ်းရောင်လေ့ကျင့်ခန်း ဥပမာတွေကတော့ - - ပြေးခြင်း - စက်ဘီးစီးခြင်း - ဥယျာဉ်ခြံမြေစိုက်ပျိုးခြင်း - လမ်းလျှောက်ခြင်း - ယောဂကျင့်ခြင်း - ဘေ့စ်ဘော၊ ဘောလုံး၊ ဘတ်စကတ်ဘော နဲ့ ဖရစ်စဘီ လို အားကစားများ ကစားခြင်း စတာတွေ ပါဝင်ပါတယ်။ 🎾 အစိမ်းရောင်လေ့ကျင့်ခန်း၏ အကျိုးကျေးဇူးများ Outdoor Exercise လုပ်ဆောင်ခြင်းဖြင့် စိတ်ကျန်းမာရေးဆိုင်ရာ အကျိုးကျေးဇူးတွေ ရရှိနိုင်ပါတယ်။ သုတေသနလေ့လာချက်တွေအရ အစိမ်းရောင်လေ့ကျင့်ခန်းတွေက စိတ်ပူပန်မှု၊ စိတ်ဓာတ်ကျခြင်းနှင့် စိတ်ဖိစီးမှုတို့ကို လျှော့ချပေးနိုင်တယ်လို့ သိရပါတယ်။ စိမ်းလန်းတဲ့ သဘာဝပတ်ဝန်းကျင်၊ နေရောင်ခြည်နဲ့ လေကောင်းလေသန့်တို့ကို ထိတွေ့ခြင်းက စိတ်ကို ကြည်လင်စေပြီး စိတ်အပန်းပြေစေတယ်။ မှတ်ဉာဏ်စွမ်းအားကို မြှင့်တင်ပေးကာ အာရုံစူးစိုက်မှု ပိုမို ကောင်းမွန်လာပြီး တစ်နေ့တာလုံး အားအင်အပြည့် ခံစားရစေမှာ အမှန်ပါပဲ။ ဒါ့အပြင် ရုပ်ပိုင်းဆိုင်ရာကြံ့ခိုင်မှုကိုလည်း တိုးတက်စေပါတယ်။ တောင်တက်ခြင်း၊ စက်ဘီးစီးခြင်း သို့မဟုတ် ပြေးခြင်းကဲ့သို့သော ပြင်ပလှုပ်ရှားမှု လေ့ကျင့်ခန်းများလုပ်ဆောင်ခြင်းက နှလုံးသွေးကြောကျန်းမာရေး၊ ကြွက်သားကြံ့ခိုင်မှုနှင့် အမောခံနိုင်ရည်တို့ကို ပိုမိုကောင်းမွန်စေတယ်။ အစိမ်းရောင်လေ့ကျင့်ခန်းတွေက သဘာဝနှင့် ပြန်လည်နီးစပ်ဖို့ အဖိုးတန်အခွင့်အရေးလည်း ဖြစ်တယ်။ သူတို့က လူသားတို့ကို သဘာဝပတ်ဝန်းကျင်ရဲ့ သာယာလှပမှုကို တန်ဖိုးထားတတ်စေပြီး ကမ္ဘာမြေအပေါ် ကျေးဇူးတရားလည်း တိုးပွားလာစေနိုင်တယ်။ သဘာဝနဲ့ ထိတွေ့ခြင်းဖြင့် ကျွန်တော်အနေနဲ့ ပတ်ဝန်းကျင်အပေါ် ပိုမိုဂရုပြုမိလာပြီး နေ့စဉ်ဘဝမှာလည်း ရေရှည်တည်တံ့တဲ့ လူနေမှုဘဝပုံစံ ရွေးချယ်မှုတွေဆီ ဦးတည်လာစေနိုင်ပါတယ်။ ကဲ ... ဒါဆိုရင် စာဖတ်သူတို့ရဲ့ နေ့စဉ်လှုပ်ရှားမှုတွေထဲမှာ အစိမ်းရောင်လေ့ကျင့်ခန်းတွေ ထည့်သွင်းလုပ်ဆောင်ဖို့ အဆင်သင့်ဖြစ်ပြီလား? 🏃ပထမဦးဆုံးအနေနဲ့ စာဖတ်သူတို့ရဲ့ အနီးနားမှာ ပန်းခြံ၊ တောတွင်းလျှောက်လမ်းနဲ့ စိမ်းလန်းတဲ့ သဘာဝပတ်ဝန်းကျင်နေရာတွေ အရင်ရှာကြည့်ဖို့ လိုပါတယ်။ နောက်ပြီး အဲ့ဒီ့နေရာတွေက လမ်းလျှောက်ဖို့၊ စက်ဘီးစီးဖို့နဲ့ အခြားလေ့ကျင့်ခန်းတွေ လုပ်ဆောင်ဖို့ အဆင်ပြေ၊ မပြေ စစ်ဆေးကြည့်ဖို့ လိုပါတယ်။ မိမိလုပ်ဆောင်လိုတဲ့ လေ့ကျင့်ခန်းနဲ့ အဲ့ဒီ့နေရာတွေက ကိုက်ညီရဲ့လားဆိုတာကို သိရပါမယ်။ 🏃မိမိနဲ့ ကိုက်ညီတဲ့ လေ့ကျင့်ခန်းကို ရွေးချယ်ပါ။ မိမိရဲ့ စိတ်ဝင်စားမှုနဲ့ ကြံ့ခိုင်မှုအခြေအနေတွေပေါ်မူတည်ပြီး ကိုယ်နဲ့ အဆင်ပြေမယ့် လေ့ကျင့်ခန်းပုံစံတွေကို စဉ်းစားသုံးသပ်ဖို့ လိုပါတယ်။ ကိုယ်အမှန်တကယ်နှစ်သက်တဲ့ လေ့ကျင့်ခန်းကို ရွေးချယ်လုပ်ဆောင်ခြင်းက ရေရှည် လုပ်ဆောင်နိုင်ဖို့ အခွင့်အလမ်းတိုးစေပါတယ်။ 🏃 လေ့ကျင့်ခန်းလုပ်ဆောင်တာကိုလည်း ကိုယ့်ရဲ့တနေ့တာလုပ်ဆောင်မှုစာရင်းထဲ ထည့်သွင်းပြီး တစိုက်မတ်မတ် လုပ်ဆောင်ဖို့ အရေးကြီးပါတယ်။ အချိန်တစ်ခု သတ်မှတ်ပြီး စနစ်တကျ လုပ်ဆောင်မှသာ ရေရှည်အကျိုးကျေးဇူးတွေ တိုးပွားလာမှာ ဖြစ်ပါတယ်။ 🏃 ဘေးကင်းလုံခြုံတဲ့ လုပ်ဆောင်မှုဖြစ်ဖို့ကိုလည်း သတိပြုဖို့ လိုပါတယ်။ ဒါကြောင့် မိမိလေ့ကျင့်ခန်းလုပ်ဆောင်မယ့် ပတ်ဝန်းကျင်မှာ ဘယ်လိုအန္တရာယ်တွေ ဖြစ်ပေါ်လာနိုင်တယ်စေတာနဲ့ ရာသီဥတုအခြေအနေဘယ်လိုရှိတယ်ဆိုတာကို အရင်စုံစမ်းရပါမယ်။ ပတ်ဝန်းကျင်နဲ့ လေ့ကျင့်ခန်းအမျိုးအစားပေါ်မူတည်ပြီး သင့်လျော်တဲ့ အဝတ်အစား ဝတ်ဆင်ဖို့ အရေးကြီးပါတယ်။ ရာသီဥတုပူတဲ့ နေ့တွေမှာဆို

၂၀၂၄ ခုနှစ် မြန်မာတွင် ရာသီဥတုအပူဆုံးဖြစ်လာမည့် လများမှာ မတ်လ နှင့် ဧပြီလတို့ဖြစ်လာနိုင်ပါသည်။ 🌤 📣Weather.com နှင့် Weather25.com တို့၏ ခန့်မှန်းချက်များအရ မတ်လတွင် ၃၆ ဒီဂရီစင်တီဂရိတ် နှင့် ဧပြီလတွင် ၃၇ ဒီဂရီစင်တီဂရိတ် တို့ဖြစ်နိုင်ပါကြောင်း နှင့် နေရာဒေသပေါ်လိုက်၍ ပိုမိုပူပြင်းနိုင်ကြောင်းသုံးသပ်ထားပါသည်။ အထူးသဖြင့် မြန်မာ့နိုင်ငံအလယ်ပိုင်းဒေသများဖြစ်သည့် စစ်ကိုင်းတိုင်း၊ မကွေးတိုင်း နှင့် မန္တလေးတိုင်းတို့တွင် ၃၇ ဒီဂရီစင်တီဂရိတ် နှင့် ၄၅ ဒီဂရီစင်တီဂရိတ် ကြားရှိနိုင်ကြောင်းခန့်မှန်းထားကြသည်။ 🇲🇲မြန်မာ့ရာသီဥတုအပူဆုံးမှတ်တမ်းမှာ ၂၀၂၀ ခုနှစ်မေလတွင် ခြောက်မြို့၌ ၄၇.၅ ဒီဂရီစင်တီဂရိတ် နှင့် ၂၀၁၀ မြင်းမူမြို့၌ ၄၇.၂ ဒီဂရီစင်တီဂရိတ် တို့ဖြစ်ကြသည်။ ပြုစုသူ - နိုင်ကျော်လူ #EHSMyanmar #myanmarweather #forecasting #2024 #hottest #months

၂၀၂၄ ခုနှစ် မတ်လ (၂) ရက်နေ့တွင် ကျရောက်သော “တောင်သူလယ်သမားနေ့” မှစ၍ ပြည်ထောင်စုတလွှားရှိ တောင်သူဦးကြီးများအားလုံး စိတ်ချမ်းသာကိုယ်ကျန်းမာ၍ သဘာဝဘေးအန္တရယ်ကင်းရှင်းပြီး လယ်ယာများအထွက်တိုးကြပါစေကြောင်း EHS Myanmar မှ ဆုတောင်းမေတ္တာပို့သအပ်ပါသည်။ #EHSMyanmar #Myanmar #NationalFarmersDay

EHS Myanmar's Monthly Theme: What is it for March? -------------------------------------------------- 🇲🇲 EHS Myanmar မှ ရေရှည်တည်တံ့ခိုင်မြဲပြီး ဟန်ချက်ညီသောဖွံ့ဖြိုးတိုးတက်မှုပန်းတိုင် (Sustainable Development Goals) များကို အထောက်အကူပြုစေရန် ရည်ရွယ်၍ တစ်လနှင့်တစ်လ မတူညီသော ခေါင်းစဥ် (Theme) များကို အလှည့်ကျဖြင့် Knowledge Sharing များ ပြုလုပ်ပေးနေပါသည်။ 🍃 ၂၀၂၄ ခုနှစ် နွေဦးရာသိအစဖြစ်သည့် မတ်လအတွက် "Healing Earth, Healing Mind" Theme ကိုရွေးချယ်ထားပါသည်။ 🍂 ကျွန်ုပ်တို့၏သဘာဝပတ်ဝန်းကျင်ကိုထိန်းသိမ်းစောင့်ရှောက်ခြင်းသည် လူသားတွေအတွက် ကိုယ်စိတ်နှစ်ဖြာကို များစွာကုစား (healing) ပေးနိုင်ကြောင်းကို ယခု Theme ဖြင့် ဆောင်းပါးများရေးသားခြင်း၊ Content များဖန်တီးခြင်း၊ အွန်လိုင်းဟောပြောပွဲများလုပ်ဆောင်ခြင်း၊ အွန်လိုင်းကမ်းပိန်းများစီစဉ်ခြင်း၊ Instagram တွင် Post အသစ်များရေးသားခြင်း စသည့် နည်းလမ်းများဖြင့် အသိပညာများရရှိ အောင်ကြိုးစားပေးသွားမှာ ဖြစ်ပါသည်။ 😍 Healing Earth, Healing Mind - March နှင့်ပတ်သတ်ပြီး စိတ်ဝင်စားလို့ လေ့လာသင်ယူချင်တယ်ဆိုရင်တော့ EHS Myanmar page ကို see first လုပ်ထားဖို့မမေ့ပါနဲ့ဦး။ ----------------------------------------------------------------------- "𝙂𝙖𝙞𝙣𝙞𝙣𝙜 𝙠𝙣𝙤𝙬𝙡𝙚𝙙𝙜𝙚 𝙞𝙨 𝙩𝙝𝙚 𝙛𝙞𝙧𝙨𝙩 𝙨𝙩𝙚𝙥 𝙩𝙤 𝙬𝙞𝙨𝙙𝙤𝙢. 𝙎𝙝𝙖𝙧𝙞𝙣𝙜 𝙞𝙩 𝙞𝙨 𝙩𝙝𝙚 𝙛𝙞𝙧𝙨𝙩 𝙨𝙩𝙚𝙥 𝙩𝙤 𝙝𝙪𝙢𝙖𝙣𝙞𝙩𝙮." Don't forget us to follow us on instagram - https://www.instagram.com/ehsmyanmar/ #EHSMyanmar #environmental #sustainability #ecosystem #mentalhealth #SDG

လူအများစုဟာ ရေနေအပင်တွေရဲ့ကောင်းကျိုးကို မသိ၊ နားမလည်တာကြောင့် ပတ်ဝန်းကျင်မှာရှိတဲ့ သဘာဝရေနေပင်တွေကို ရှင်းလင်းတတ်ကြပါတယ်။ တကယ်တော့ သူတို့တွေဟာ ရေကန်၊ ရေအိုင်ရဲ့အလှကို ဖန်တီးပေးရုံသာမက ရေထုဂေဟစနစ်ကိုပါ အကျိုးပြုနေတဲ့ ရေထုအရင်းအမြစ်တွေ ဖြစ်ပါတယ်။ ဒါ့အပြင် ရေနေအပင်တွေအချို့ဟာဆိုရင် လူသားတွေအတွက် ဆေးဖက်ဝင်ပါသေးတယ်။ ဒါကြောင့် ‌ရေနေအပင်တွေရဲ့ အကျိုးကျေးဇူးတွေအကြောင်း အသိပညာ‌ပေးခြင်းနဲ့ ဘေးပတ်ဝန်းကျင် ရေကန်၊ ရေအိုင်တွေမှာ ရေနေအပင်တွေကို ဝိုင်းဝန်းစိုက်ပျိုးဖန်တီးပြီးတော့ စနစ်တကျ ထိန်းသိမ်း၊ စောင့်ရှောက်၊ စီမံခန့်ခွဲနိုင်ဖို့အရေးကြီးပါတယ်။ ဒါတင်မကပါဘူး။ သူတို့ရဲ့ ပေါက်‌ရောက်ပုံသဘောတရားကို နားလည်ဖို့လည်း လိုတာပေါ့။ အချုပ်အားဖြင့်ဆိုရရင် ... ရေထု‌ဂေဟစနစ်ဆိုတာ ရေနေသက်ရှိတိရိစ္ဆာန်တစ်မျိုးတည်းနဲ့သာ လည်ပတ်နေတာမဟုတ်ဘဲ ‌ရေနေအပင်တွေဟာလည် ရေထုဂေဟစနစ်ကို ရေရှည်တည့်တံ့အောင် ပံ့ပိုးကူညီပေးနေလျက်ရှိတာမို့ အားလုံးအတူတူ ဝိုင်းဝန်းထိန်းသိမ်းကြပါစို့။ ရေးသားသူ - ဖိုးကျား (EHS Myanmar) Don't forget to follow us on Instagram - https://www.instagram.com/ehsmyanmar/ #EHSMyanmar #AquaticPlants #underwaterplants#aquaticecosystem

Week-3 ရဲ့အဖြေမှန်ကတော့ 3% ပဲဖြစ်ပါတယ် -------------------------------------------------- ဒီ‌ရေတောကိုမြန်မာနိုင်ငံမှာ ကမ္ဘာ့ဒီရေတော 4%နဲ့ အ‌ရှေ့တောင်အာရှဒီ‌ရေတောရဲ့ 8.8% ပမာဏတည်ရှိနေတာပဲဖြစ်ပါတယ်။ ကမ်းရိုးတန်းတစ်လျှောက်မှာတွေ့ရှိရပြီး ရေ၀ပ်‌‌ဒေသရှိbiodiversityအတွက်ကျက်စားရာနေရာဖန်းတီးပေးမှု, ကာဗွန်စုပ်ယူမှူ အားကောင်းတာကြောင့်မြေဆီလွှာတိုက်စားခြင်း,နဲ့ ရာသီဥတုဖောက်ပြန်ခြင်းတို့ကိုကာကွယ်ပေးနိုင်မှုတို့ကြောင့် သဘာ၀ပတ်၀န်းကျင်ထိန်းသိမ်းရေးအတွက် အရေးပါလွန်းလှတဲ့ အပင်ပဲဖြစ်ပါတယ်။ ဒါ့ပြင် တန်ဖိုးရှိရင်းမြစ်များနဲ့ငါးလုပ်ငန်းကိုပံ့ပိုးပေးတာကြောင့် စီးပွားရေးလုပ်ငန်းအတွက်လည်းအရေးပါတဲ့နေရာမှာပါ၀င်ပါတယ်။ ဒါပေမဲ့ မြန်မာနိုင်ငံမှာရှိတဲ့ ဒီရေတောရဲ့ 3%ကပဲ protected area ထဲမှာပါ၀င်ပြီး အများစုကို‌တော့ ဧရာ၀တီတိုင်းဒီ‌ရေတာနယ်မြေ,ရခိုင်နဲ့ တနင်္သာရီတိုင်းရဲ့ ကမ်းရိုးတန်းဒေသမှာ တွေ့ရပါတယ်။ #EHSMyanmar #WorldWetlandsDay2024 #Quiz #Week3

ဆက်လက်၍ ကနဖော့မျိုးစိတ်များ (Enhydra fluctuans) အကြောင်းကို ဖော်ပြလိုပါသည်။ ကနဖော့ပင်များသည် ရေချိုရေအိုင်တွင်သာ အပေါက်များလေ့ရှိကြသည်။ အခေါင်းပွ ပင်စည်များကိုလည်း ပိုင်ဆိုင်ထားကြသည်။ ၎င်းပင်စည်တို့သည် ရှည်လျားပြီး ရေပြင်ညီတစ်လျှောက်တွင် တစ်ပြေးညီတည်း ကြီးထွားကြသည်။ ထိုသို့တွားသွား၍ ပေါက်ရောက်သောကြောင့် Trailing Floating Plant ဟူ၍ ထပ်ပေါင်း ခွဲခြားသတ်မှတ်ထားပြန်ရှိလေသည်။ ကနဖော့ပင်တို့သည် ပင်ပိုင်းမျိုးပွားနည်းဖြင့် မျိုးပွားကြသောကြောင့် အချိန်တခဏ အတွင်းပင် အခင်းကြီးအဖြစ်သို့ တိုးပွားလာနိုင်ပေသည်။ သို့သော် တစ်နှစ်ခံ ပင်ပျော့မျိုးများသာ ဖြစ်လေသည်။ ဆေးဘက်ဆိုင်ရာနယ်ပယ်များတွင်သာ တွင်တွင်ကျယ်ကျယ် အသုံးပြုသည်များသာ တွေ့ရပေသည်။ ကင်ဆာရောဂါများ၊ ဝမ်းလျှောရောဂါများ၊ ဆီးချိုရောဂါများ ကုသရာတွင် အထူးသုံးသည်ဟု ဆို၏။ ထီးတည်းထွက်ပင် (emergent plant) ။ ။ ထီးတည်းထွက်ပင်ဟု ဆိုရခြင်းမှာ ဤအပင်မျိုးတို့သည် ရေမျက်နှာပြင်ပေါ်သို့ ထင်ရှားစွာ တိုးထွက်နေသောကြောင့် ဖြစ်ပေသည်။ အမြစ်တစ်ခုထဲကပင် ‌ရေ၏ မျက်နှာပြင်အောက်တွင် တည်ရှိ၍ ကျန်သော အရွက်များ၊ ပင်စည်များ၊ အပွင့်များသည် ရေ၏ မျက်နှာပြင်အပေါ်တွင်သာ ရှိပေသည်။ ထိုထီးတည်းထွက်နေသော အပင်အစိတ်အပိုင်းတို့သည် များသောအားဖြင့် အရှည် ၃ ပေမှ ၆ ပေအထိ ရှိတက်၏။ သို့သော် တစ်ချို့သော မျိုးစိတ်များတွင်မူ အရှည် ၁ လက်မခန့် ဝန်းကျင်သာ ရှိတက်ကြ၏။ ဥပမာ - ကတောက်စပ် (Monochoria vaginalis) သည်လည်း ထီးတည်းထွက်ပင် အမျိုးအစားတွင် ပါဝင်၏။ ကတောက်စပ်ပင် တို့သည် အင်းအိုင်ရေစပ်များတွင် ပေါက်လေ့ရှိ၏။ ၎င်းအပင်တို့၏ အပွင့်သည် ဗေဒါပွင့်များနှင့် ဆင်၏။ အရွက်များသည် အသဲပုံသဏ္ဌာန်ရှိ၏။ အရွက်နှင့် ပင်စည်များသည် ‌ရေမျက်နှာပြင်ပေါ်တွင် တိုးထွက်ကြီးမား၍ ပွားများကြ၏။ အရောင်အသွေးနှင့် ပုံသဏ္ဌာန်မှာ ထူးခြားသော‌ကြောင့် အလှစိုက်ရန် အသုံးပြုမှုများ ရှိပေသည်။ ထို့အပြင် ပန်းနာရင်ကျက်၊ အသည်း၊ အစာအိမ်၊ သွားကိုက်ခြင်း စသည့် ရောဂါများအတွက် ဆေးထုတ်လုပ်ရာတွင် အသုံးပြုမှုများ ရှိသည်။ 🌱 ရေနေပင်များအား ထိန်းသိမ်းခြင်း အထက်တွင်ဖော်ပြခဲ့သည့်အတိုင်း ရေနေအပင်တို့သည် အစာအာဟာရကိုလည်း ထောက်ပံ့၏။ ရေထုဂေဟစနစ်ကိုလည်း ထောက်ပံ့၏။ လူထု စီးပွားကိုလည်း တိုးစေ၏။ လူထု ကျန်းမာရေးကိုလည်း ပံ့ပိုး၏။ ညစ်ညမ်းမှုများကိုလည်း သန့်စင်ပေး၏။ ဤသည်မှာ ရေနေအပင်များ၏ အကျိုးရှိပုံ အရေးကြီးပုံကို ညွှန်ပြ၏။ ရေနေပင် မျိုးတုံးလျှင် ဂေဟစနစ်ပြောင်းလဲမည်။ ပျက်စီးနိုင်မည်။ ‌ဂေဟစနစ်ပျက်စီးလျှင် လူတို့ စီးပွားရေး၊ လူမှုရေး ကျပ်တည်း ပျက်စီးနိုင်ချေရှိသည်။ တစ်နည်း စားဝတ်နေရေး ပျက်ကပ်ဆိုက်တက်၏။ ထို့ကြောင့် လူတို့ ရှင်သန်ရပ်တည်နိုင်ရန် (သို့မဟုတ်) စားဝတ်နေရေး အဆင်ပြေစေနိုင်ရန် ‌ဂေဟစနစ်သည် လွန်စွာအရေးပါ၏။ ဆက်စပ်၍ ‌ရေနေပင်တို့သည် ‌ဂေဟစနစ်အား တစ်ဖက်တစ်လမ်းမှ ထောက်ပံ့သောကြောင့် ‌ရေနေပင်တို့အား ထိန်းသိမ်းသင့်ရာ၏။ တိုက်တွန်းလျက်။ ။ ရေးသားသူ - ဓနိ (EHS Myanmar) ကိုးကား - Grade 10 Biology ပြဌာန်းစာအုပ်, sciencing.com, www.floweradvisor.com --------------------------------------------------------------------------- Don't forget to follow us on Instagram - https://www.instagram.com/ehsmyanmar/ #EHSMyanmar #AquaticPlants #underwaterplants #aquaticecosystem

ရေမြုပ်ပင် (submerged plant) ။ ။ ရေမြုပ်ပင်ဟုသတ်မှတ်ထားသည့်အတိုင်း ၎င်းအပင်မျိုးတို့သည် ရေမျက်နှာပြင်အောက်၌ မြုပ်၍ ကြီးထွားလေ့ရှိသည်။ ရေမျက်နှာပြင်ပေါ်သို့ တက်လာ၍ မျောပါနေခြင်း မရှိပေ။ ၎င်းတို့၏ အရွက်နှင့် ပင်စည်တို့တွင် လေအိတ်ငယ်များ ပါရှိသည်။ ထိုလေအိတ်ငယ်များကြောင့် ရေမြုပ်ပင်များသည် ရေမျက်နှာပြင်နားအထိ နီးကပ်စွာ တက်လာနိုင်ခြင်း ဖြစ်လေသည်။ ဤသို့တက်နိုင်မှသာလျှင် ၎င်းတို့သည် နေရောင်ခြည်ကို ကောင်းစွာ ရရှိနိုင်မည် ဖြစ်သည်။ ထို့အပြင် ရေမြုပ်ပင်တို့၏ အမြစ်များသည် ရေမျက်နှာပြင်အောက်ရှိ ရေအောက်ကြမ်းပြင်၌ ကုပ်တွယ် ပွားများနေလေ့ရှိသည်။ ငါးရှဉ့်မြက်ဟုခေါ်သော အပင်မျိုးသည် ရေမြုပ်ပင်အမျိုးအစားဟု ခေါ်ဆိုနိုင်သည်။ ငါးရှဉ့်မြက်တို့သည် ရေချို‌ရေအရင်းအမြစ်၏ ရေအောက်ကြမ်းပြင်၌ ကုပ်တွယ်ပြီး ရေမျက်နှာပြင်အောက်တွင်သာ ပေါက်ရောက်ကြသည်။ ငါးရှဉ့်မြက်တို့သည် ကြီးထွားမှုနှုန်းမြန်ပြီး ၎င်းတို့၏ အရွက်အရှည်မှာ ၁၅ စင်တီမီတာမှ ၂၀ စင်တီမီတာအထိ ရှိ၏။ တစ်ချို့ငါးရှဉ့်မြက်၌ ၃၀ စင်တီမီတာမှ ၆၀ စင်တီမီတာအထိ ရှိကြ၏။ ထိုအခါတွင် ငါးရှည့်မြက်တို့သည် မျိုးပွားနှုန်း ပျံ့နှံ့နှုန်း နှေးလေ့ရှိသည်။ ငါးရှဉ့်မြက်တို့သည် ရေထုကို သန့်စင်ပေးနိုင်ပြီး အစာထောက်ပံ့ပေးနိုင်ခြင်းကြောင့် အလှမွေးငါးကန်များတွင် များသောအားဖြင့် တွေ့ရလေ့ရှိသည်။ စီးပွားဖြစ်သော်လည်းကောင်း၊ အလှမွေးလို၍သော်လည်းကောင်း ငါးမွေးကန်များတွင် စိုက်ပျိုးလေ့ရှိ၏။ ၎င်းငါးမွေးမြူရေးလုပ်ငန်းများတွင် ငါးရှဉ့်မြက်များ အပါအဝင် အခြားရေနေအပင်တို့၏ စီးပွားရေးစျေးကွက်သည် အင်မတန်ကျယ်ပြန့်ပေသည်။ ထိုသို့သော ရေနေအပင်တို့နှင့် စီးပွားရေး လုပ်ရသည်ဖြစ်သည့်အတွက် ရေနေအပင်များကို သေချာစွာ စီမံခန့်ခွဲရ၏။ ပြုစုရ၏။ စောင့်ရှောက်ရ၏။ ဤလုပ်ဆောင်ချက်များကို ကြည့်ခြင်းအားဖြင့် စီးပွားရေးအရ အရေးပါနေ‌သော ‌ရေနေအပင်တို့သည် မျိုးတုံးမှု အန္တရာယ် ရာခိုင်နှုန်းနိမ့်ကြောင်း ခန့်မှန်းနိုင်ပေမည်။ ငါးရှဉ့်မြက်သည်လည်း အပါအဝင်ဖြစ်ပေသည်။ ရေဖော့ပင် (floating plant) ။ ။ ရေ၏မျက်နှာပြင်ပေါ်တွင် ထွက်ပေါ်ပေါက်ရောက်သော ရေနေပင်မျိုးများကို ‌ရေဖော့ပင်မျိုးဟု ခေါ်၏။ ဥပမာ - Eichhornia crassipes အမည်ရှိ ဗေဒါပင်မျိုးစိတ်ကို ကြည့်ပါ။ ဗေဒါတွင် ဖောင်းပွနေသော ရွက်ညှာများရှိ၏။ ထိုရွက်ညှာများတွင် လေအိတ်များပါရှိ၏။ ထိုလေအိတ်များသည် ရေပေါ်တွင် လွတ်လွတ်လပ်လပ် မျောပါနိုင်စေရန် စွမ်းဆောင်ပေး၏။ အစုလိုက်အပြုံလိုက် ပေါက်ရောက်လေ့ရှိသောကြောင့် အထွေးလိုက်အပိုက်လိုက် လွတ်လွတ်လပ်လပ် ရေပေါ်တွင် ပေါလောမျောသော သဘာဝရှိ၏။ ရေချိုတွင် ပေါက်ရောက်ကာ ရေထု‌ဂေဟစနစ်ကိုလည်း ပြုပြင်၏။ ထို့ကြောင့်ပင် ရေဖော့ပင် အမျိုးအစား ဟုဆိုလေသည်။ လွတ်လွတ်လပ်လပ် ပေါက်ရောက် မျောပါနိုင်သောကြောင့် Free Floating Plant ဟု အမျိုးအစား ထပ်ခွဲကာ သတ်မှတ်ထားရှိပေသည်။ ဗေဒါတို့သည် ‌ရေထဲမှ ညစ်ညမ်းသော ဒြပ်များကို စုပ်ယူချေဖျက်နိုင်စွမ်းရှိပေသည်။ စုပ်ယူချေဖျက်နိုင်စွမ်းလည်း အားကြီး၏။ ၎င်းစွမ်းရည်မျိုးရှိသော ဤဗေဒါပင်များကို ရေကန်၊ ရေအိုင်များ သန့်စင်ခြင်း လုပ်ငန်းစဥ်များတွင် များစွာတွေ့ရှိရတတ်​၏။ ထို့အပြင် ဆီးကျောက်ရောဂါ၊ အစာအိမ်ရောဂါ နှင့် ဆီးချိုသွေးချိုရောဂါ များအတွက် ဆေးဝါးများ ဖန်တီး ထုတ်လုပ်သောအခါများတွင်လည်း ဗေဒါပင်များကို အသုံးပြုကြရ၏။ တစ်ဖန် မွေးမြူရေးလုပ်ငန်းများတွင်လည်း တိရစ္ဆာန်များအတွက် အစာအာဟာရအဖြစ်လည်း အသုံးပြုကြ၏။ ထို့သို့ နယ်ပယ်အမျိုးမျိုးတွင် အသုံးပြု၍ ရခြင်းမှာ မျိုးပွားမှုနှုန်းများခြင်းကြောင့်ဟု ဆိုအပ်၏။ ဗေဒါတို့သည် အပင်တစ်ပင်မှ မျိုးစေ့ပေါင်း တစ်ထောင်ကျော် ထုတ်လုပ်နိုင်စွမ်းရှိသည်ဟုလည်း လေ့လာတွေ့ရှိထားပါသည်။ ထိုမျိုးစေ့များသည်လည်း ၂၈ နှစ်ကြာ မျိုးအောင်နိုင်စွမ်းရှိပေသည်။ ထို့ကြောင့် ဤဗေဒါမျိုးသည်လည်း မျိုးတုံးလုနီး မျိုးစိတ်တွင် မပါရှိသေးကြောင်း ခန့်မှန်းသိရှိနိုင်ပေသည်။ တစ်ဖန် ကြာပင်မျိုးစိတ်များ (Nelumbonaceae sp:) သည်လည်း ရေဖော့ပင်မျိုးများပင် ဖြစ်လေသည်။ သို့ပေသည့် ၎င်းတို့သည် ရေအောက်ကြမ်းပြင်တွင် အမြစ်တွယ်ကာ ပေါက်ရောက်ရ၏။ အရွက်နှင့် အပွင့်သာလျှင် ရေမျက်နှာပြင်ပေါ်တွင် ပေါ်နေလေ့ရှိသည်။ ထိုသို့သော အချက်များကြောင့် ကြာမျိုးစိတ်နှင့် ကြာမျိုးစိတ်ကဲ့သို့သော ပေါက်ရောက်ပုံ အလေ့အထတူညီသည့် ရေနေပင်မျိုးများကို Submerged Floating Plant ဟု ထပ်ပေါင်း ခွဲခြားထားပေသည်။ ကြာတို့သည် ရေချိုတွင်သာ ပေါက်ရောက်ကြ၍ အရောင်အသွေးလည်း စုံလင်ကြ၏။ နယ်ပယ်အမျိုးမျိုးတွင်လည်း အသုံးတည့်လှ၏။ ကြာသီး၊ ကြာစေ့၊ ကြာမြစ်၊ ကြာစွယ်များဆိုလျှင် ဟင်းလျာ ချက်ပြုတ်စားသောက်၍ ရ၏။ အချိုပွဲများလည်း ပြုလုပ်၍ ရ၏။ စီးပွားလည်း ဖြစ်၏။ ကြာစေ့များ၏ ထူးခြားချက်မှာ နှစ်ပေါင်း ၂၇၀ မျိုးအောင် နိုင်သည်ဟု ဆို၏။ တစ်ဖန် ကြာနွယ်၊ ကြာရိုးတို့မှလည်း ကြာချည်များ ထုတ်လုပ်၍ ရိုးရာအထည်များကို ဖန်တီးနိုင်သေး၏။ ပွင့်ဖတ်နှင့် ဝတ်ဆံ များသည်လည်း ဟင်းခတ်အမွှေးအကြိုင်များအဖြစ်သို့ ပြောင်းလဲ အသုံးပြုနိုင်သေး၏။

ရေနေပင် အမျိုးအစား အမျိုးမျိုး ----------------------------------------------- EHS Myanmar | 25.2.2024 🌱 ရေနေပင်များ အကြောင်း အပင်များသည် ဂေဟစနစ်တစ်ခုလုံး၏ ထောက်တိုင်တစ်ခုဟု ဆို၏။ အပင်များသည် အစာကို ထုတ်၏။ နေရာထိုင်ခင်းကို ပေး၏။ ဥတုကို ဖန်တီး၊ ပြုပြင်တတ်​၏။ ထိုသို့သော စွမ်းဆောင်ရည်များကြောင့် သက်ရှိတို့သည် ဤဂေဟစနစ်တွင် အပင်များကို မှီလျက် အသက်ရှင်နေထိုင်နိုင်ခြင်းဖြစ်လေသည်။ တစ်ဖန် သဘာဝသည် ကုန်းမြေပြင်ပေါ်တွင် နေထိုင်လျက်ရှိသော သက်ရှိတို့အတွက် ကုန်းမြေပြင်‌ဂေဟစနစ်ကို ဖန်တီးပေးထားသည်။ ထိုဖန်တီးမှုအား ကုန်းပေါ်တွင် ပေါက်ရောက်လျက်ရှိသော အပင်များက ဦးဆောင်စီမံ၏။ ထို့အတူ ရေထု‌ဂေဟစနစ်တွင်လည်း ရေနေအပင်တို့က ဦးဆောင်၍ ဖန်တီး၏။ ရေနေအပင်များသည် ရေနေသက်ရှိတို့အား အစာပေး၏။ အိမ်အဖြစ် အကာအကွယ်ပေး၏။ မျှတသော ဥတုကို ဖြစ်စေ၏။ ညစ်ညမ်းမှုများကိုလည်း သန့်စင်ပေးနိုင်စွမ်းရှိ၏။ အစာကွင်းဆက်၏ သဘာသဘာဝအရ ရေနေအပင်သည် ရေနေသက်ရှိအားလုံးအတွက် အစာကို ပင်မထုတ်လုပ်ပေးသူ ဖြစ်သည်။ ရေနေအပင်များသည်လည်း ကုန်းပေါ်ရှိ အပင်များနည်းတူ အလင်းမှီစုအစာဖွဲ့စည်းခြင်းလုပ်ငန်းစဥ်ကို လုပ်ဆောင်နိုင်စွမ်း ရှိပေသည်။ ရေအောက်အတွင်းမှနေကာ နေရောင်ခြည်ကို ယူ၍ ကာဗွန်ဒိုင်အောက်ဆိုဒ် နှင့် ရေကိုအသုံးပြုကာ အစာကို ထုတ်လုပ်၏။ ရေနေသက်ရှိ တို့သည် ထိုထုတ်လုပ်ပေးသော အစာကို စားသုံး၍သော်လည်းကောင်း၊ ရေမှ အောက်စီဂျင်ကို စစ်ထုတ်၍သော်လည်းကောင်း ရေနှင့် အစာကို အသုံးပြုကာ အသက်ရှင်ကြရ၏။ ၎င်းအောက်စီဂျင်ကိုလည်း ရေနေအပင်များသည် အလင်းမှီစုအစာဖွဲ့စည်းခြင်း လုပ်ငန်းစဥ်ဖြင့် ဖန်တီး ထုတ်လုပ်ပေးလေ့ရှိသည်။ အောက်စီဂျင်ဒြပ်များနည်းတူ အခြားဒြပ်စင်၊ ဒြပ်ပေါင်းများသည်လည်း ‌ရေထုထဲ၌ ပျော်ဝင်တည်ရှိနေပေသည်။ ၎င်းဒြပ်များသည် ၎င်းတို့၏ သင့်တင့်ရာ ပမာဏအလျောက် ရောနှောပေါင်းစပ်လျက်ရှိသည်။ ထိုပါဝင်နေသော အရေအတွက် အနည်းအများ ပမာဏသည် ရေထုအတွင်းရှိ ပူခြင်း၊ အေးခြင်း၊ တစ်နည်း ဥတုကို ဖန်တီးပေး၏။ ပမာဏများ ညီမျှမှု လွဲချော်သွားလျှင် ရေထု၏ ‌ဥတု တစ်နည်း ဂေဟစနစ် ဖောက်ပြန်ပြောင်းလဲနိုင်ချေရှိ၏။ ဖောက်ပြန်ပြောင်းလဲခြင်းများအား လျော့နည်းစေရန် ပျော်ဝင်နေသော ဒြပ်ပါဝင်မှု ပမာဏများကို ထိန်းညှိရန် လို၏။ ထိုထိန်းညှိသော လုပ်ငန်းစဥ်ကိုလည်း ရေနေအပင်များက ဦးဆောင်ကာ ပူးပေါင်းပါဝင် လုပ်ဆောင်ပေးလေသည်။ လုပ်ဆောင်ပေးနိုင်စွမ်းလည်း ရှိ၏။ ဥပမာ - ရေထုတွင် ကာဗွန်ဒိုင်အောက်ဆိုဒ်များ များပြားလာပြီး ရေထုအပူချိန် တိုးပွားလာလျှင် ရေနေအပင်များသည် ထိုကာဗွန်ဒိုင်အောက်ဆိုဒ်များကို စုပ်ယူသုံးစွဲကာ အပူချိန်ကို ထိန်းညှိပေးလေသည်။ ရေနေအပင်များသည် ၎င်းတို့၏ မျိုးစိတ်အလိုက် အထက်ဖော်ပြပါ အကျိုးကျေးဇူးများကို ထောက်ပံ့သည့်အပြင် လူတို့၏ စီးပွားရေး၊ လူမှုရေးကိစ္စများတွင်လည်း တွင်ကျယ်စွာ အကျိုးပြုလျက်ရှိသည်။ မျိုးစိတ်အလိုက်ဟူ၍ ဆိုရခြင်းမှာ ရေနေအပင်များတွင်လည်း မတူညီကွဲပြားလျက် ရေထုဝန်းကျင်တွင် အပြိုင်အဆိုင် ရှင်သန်ပေါက်ရောက်နေသော အပင်မျိုးကွဲများစွာရှိပေသည်။ ထိုမျိုးစိတ်မျိုးကွဲတို့သည် နယ်ပယ်အသီးသီးတွင် ပုံစံအမျိုးမျိုးဖြင့် ကူညီထောက်ပံ့လျက်ရှိ၏။ ထို့ကြောင့် မည်သို့သော အပင်မျိုးစိတ်မျိုးကွဲများသည် မည်သို့သော နည်းလမ်းများဖြင့် အဘယ်သို့သော နေရာ၊ နယ်ပယ်များတွင် မည်သို့မည်ပုံ ရှင်သန်နေကြောင်းကို ဆက်လက်၍ ဖော်ပြသွားပါမည်။ 🌱 ရေနေပင် အမျိုးအစားများ ဂေဟစနစ်အား ထိန်းညှိပေးလျက်ရှိသော ရေနေအပင်များသည်လည်း အသက်မွေးရ၏။ ၎င်းတို့ အသက်မွေးရန် နေရောင်ခြည်ကို အဓိကလို၏။ မြေဩဇာလည်း လို၏။ ရေနေအပင် ဖြစ်သည့်အလျောက် ရေထုသည်လည်း လို၏။ နေရောင်ခြည်သည် အစာချက်လုပ်ရန်၊ မြေဩဇာသည် ကြီးထွားရန် ထောက်ပံ့သကဲ့လို့ ရေထုသည်လည်း ရေနေအပင်၏ သဘာဝအရ ပေါက်ပွားရာနေရာဒေသ ဖြစ်သွားကြောင့် အထူးလိုအပ်ပေသည်။ ရေနေအပင်တို့သည် ရေထုအမျိုးအစား အပေါ်လိုက်၍ သော်လည်းကောင်း ရာသီဥတုကို လိုက်၍သော်လည်းကောင်း အမျိုးအမျိုး အသွယ်အသွယ် ကွဲပြားစွာ ပေါက်ဖွားရှင်သန်ကြသည်။ ထိုသို့ အမျိုးအမျိုး အသွယ်အသွယ် ပေါက်ရောက် ရှင်သန်ကြသော ရေနေအပင်များကို ၎င်းတို့၏ ပေါက်ရောက်မှု ပုံစံ အလေ့အထကို လိုက်၍ သုံးမျိုး၊ သုံးစား ခွဲခြား၍ သတ်မှတ်ထားပေသည်။ ရေမြုတ်ပင် (submerged plant) ဟုတစ်မျိုး၊ ရေဖော့ပင် (floating plant) ဟုတစ်ဖုံ၊ ထီးတည်းထွက်ပင် (emergent plant) ဟုတစ်သွယ် ကွဲပြားစွာ ခွဲခြားတွေ့ရှိရ၏။