Василина Текеянова

Мастер трансформационной игры “Возлюби болезнь свою”. Экзамен сдан! Ура! Оонньуу ааптара Светозар Синельников бэйэтэ тутта. Тургутууга 40 мүнүүтэ бэриллэр буоллаҕына, 10 мүнүүтэнэн барыта билиннэ. Хайҕанным. Экзамеммын аастым. Ис сүрэхпиттэн махтанабын - оонньуубар кыттыбыт, оонньуу дириҥэр умсан, туһатын-көмөтүн иҥэриммит дьоммор❤️

"Сарсыарда уонна мин, бэйэм" дии санаатаххытына, туох өйдөбүл кэлэрий? Массыынабынан айаннаатым. Сыыйыллар суолунан айан - бэйэтэ медитация. Музыкалаах айаны астынар буоллахпына, сарсыарда - айан бэйэтэ музыка. Биһиги олохпут дьону, тулалыыр эйгэни кытта быһаччы ситимнээх. Киһи киһини, олоҕу кытта сыһыаныгар (массыынанан айан да буоллун) бэйэни умнан туран дьоҥҥо барыы, бэйэни тумнан туран дьон туһугар олоруу, арааһа, үгүстүк көстөрө буолуо. Оттон бэйэҕин иһиттэххинэ - барыта орун-оннугар буолар курдук уонна дуоһуйууну да, айар-тутар эрчими эбэ турар. Ол үксүү турар үөрүү, эпсэн иһэр эриэккэс ситиҥэ (контакка) үөскүүр. "Мин эйигин үөрдүөхпүн баҕарабын" диэн санааны ылыахха. Бу икки өрүттээх буолуон сөп. Холобур, "эн эрэ үөр, эн үөрэргин баҕарабын" диэн өйдөбүлтэн (бэйэбин кытта ситимэ суох, бэйэбин көтүтэбин, эйигин уонна эн үөрүөхтээҕиҥ эрэ туһунан көрөбүн) эбэтэр "бу - мин баҕа санаам, эн ону туох дии саныыгын, эйигин үөрдүү миэхэ олус күндү" диэн ис хоһоонтон. Кыракыйы да көтүппэккэ, түгэҥҥэ олох дьиктитин булан көрөр дьоҕур барыбытыгар баар. Үөрүйэх буолар кыахтаах. Ол - "действие в бездействии" уонна "бездействие в действии" курдук ис-иһиттэн олус кэрэ быһыыга-майгыга көстөр, биллэр. Көрө, иһиллэнэ үөрэннэҕинэ, киһи элбэҕи да ыытар: кэмэ суох элбэх кутталы-сэрэхэдийиини, көтөх муҥунан ыйааһын буолар сүгэһэри. Ол түмүгэр халтай устар күүс-сэниэ баранара тохтуур. Ис турук тупсар, санаа кэлэр-көнөр, доруобуйа бөҕөргүүр, үөрүү үксүүр. Олох эйгэтэ-хайысхата тэҥинэн тыллар. Доруобуйа болҕомто эрэйэрэ, санаа түһүүтэ, тулаҥ, түүлүҥ кытта чувство нөҥүө тыллар, кэҥиир баҕаны этэ туруохтарын син. Сөпкө баран иһэрбитин тупсар-табыллар, чэпчиир, үтүөрэр түгэннэр кэпсииллэр. Медитация олус сымнаҕастык өтөн киирэр күүстээх, ис кыаҕы уһугуннарар аналлаах, бессознательнайы кытта ситимнээх. Старт: 01.07.24 Биир ый - медитация❤️ Бэс ыйынааҕы бүгүҥҥү стористартан угуум. Сүрэххитинэн истиҥ. Сөбүлэһэр буоллаххытына, Медитация бөлөҕөр эн миэстэҥ баар.

"Женщины Лазаря" роман тылыттан-өһүттэн, ойуулуур дьонуттан-кэмиттэн саҕалаан умсугутар-умуһуннарар дириҥэр тиийэ - астык! Марина Степнова атын кинигэлэрин ааҕардыы билэн олоробун. Билэн олоруу, тугу баҕараргын чопчу билии, чувствоҕынан билии. Кинигэни эрэ буолбакка, киһиэхэ (бэйэҕэр) сыһыаннааҕы (саха аахпыт киһи, гыммыт киһи диэтэҕинэ атын киһини буолбакка, бэйэтин этэр дии). Амтан, дьүһүн, тыас, сыт, көстүү, уобарас, тутан-таарыйан көрүү өссө чараас, уран өттүлээхтэр. Ол нөҥүө тулаҕын, ис эйэҕин иһиллэнэри биллэххинэ, дьэ, дьикти дьиҥнээх баар. Маны арыйдаха, киэҥ далайы кытта ситимнэспит курдуккун. Оннук көҥүл, кэрэ. Маннык ситиминэн эн бэйэҥ, эн олоҕуҥ, эн сыһыаныҥ, эн хас хардыыҥ угуттана турар. Маннык буолуохтаах дии саныыгын - түөс муҥунан тыынан, этиҥ дьырылыы кынаттанан, сүрэхтиин-быардыын мичээрдээн. Бу барыта, бу суруйбуппунааҕар минньигэс, дьэҥкэ, күндү - бэйэҕэр баар. Уонна медитация нөҥүө холбонор❤️ Понедельниктан саҕалыыбыт. От ыйын бу сүдү күүскэ, сүҥкэн сүүрээҥҥэ аныыбыт.

- Алгы-ыс, бүгүн массыына биһиэхэ хаалла! - Ураа! Ол аата, олордубут да ханна баҕарар барыахпытын син. Биир күн - Толору олох 🫶🏻 Тэҥинэн туох барыта баар. Хараҕыҥ далыгар тугу киллэрэргинэн барытын уйалыаххын, туппакка да тутуоххун, имэрийэн ааһыаххын баҕараҕын. Оҕону кытта алтыһыы. Кини сэҥээрэр эйгэтигэр бииргэ буолуу. Улахан оҕоҕун кытта ситимҥин тутуу, эрэнэргин-хайгыыргын биллэрии; Эри кытта былаан, торум, атаахтаан да ылыы; Уонна - бэйэм: бэйэбин кытта сыһыаннаах- чувствоттан, кинигэттэн, киинэттэн, эмтээх-астыныылаах кэпсэтиилэртэн саҕалаан үлэ былааныгар, сарсыҥҥы саҕахтарга, кыра ымпыктары ырытыыга, ис дириҥ чуумпуга тиийэ барыта. Өйүүн "Возлюби болезнь свою" оонньуубар сертификациям экзамена. Оонньуу автора Светозар Синельниковтыын биир чатка баарым долгутуулаах түгэн буолла. Утары онлайн көрсөн, кэпсэтэн, салгыы психосоматологтар чаттарыгар киирэрим өссө атын дьиктини арыйар. Бэс ыйын быйаҥнаах, үрүҥ түүннэрдээх кэмигэр баарбын. Ону сэргэ сайын оройо быһыытынан аатырар-сураҕырар от ыйын тэҥинэн тутабын. Ымсыырабын да диэххэ сөп. Ис оҕом субу сибилигин буоллун диэн курдук ыксыыр даҕаны. Соһуччу үөрүүлээх суоллар олоҕу өссө киэргэтэллэр, потребность в спонтанности - ис оҕо турукпут биир тирэх потребноһа. От ыйыгар туох алтыһыы буоларый? 🍀 Ыйы тухары - Медитация ыытыам (от ыйын 1-31 күннэрэ) - сарсыарда 7 чаастан, быһа эфиргэ холбонуохпут, запись суох. Күннээҕи олохтон үйэлээххэ, дириҥ далайга, ыраах ыырдарга тиийиэхпит - чуумпуга олорон, иһийии түгэнин тэрийэн. 🍀 Оҕолорго уонна кинилэр чугас дьонноругар (төрөппүттэригэр) 7 күннээх интенсив ыытыам (от ыйын 15-21 күннэригэр). Көрү көҕүлүттэн тутуохпут уонна, биллэн турар, эмпатиялаах, эмоциональнай интеллигени күүһүрдэр, ситими бөҕөргөтөр, үйэ-саас тухары өйдүү-саныы сылдьар сылааспытыгар угуттаныахпыт. 🍀 Соблазнить на Жизнь! Сылга биирдэ буолан ааһар "Имэҥ" практикумун оҥоруом. 2 күннээх буолуоҕа. Умнубат ощущенеҕыт хаалыаҕа. 🍀 Буруй уонна Өһүргэнии чувстволарыгар ананар икки практикум баар буолуоҕа. Бу "Эмоция-чувство айылҕата" диэн 12 тиһиликтэн турар практориуммут көрсүһүүлэрэ от ыйыгар буолуохтара. #2024 программа кыттыылаахтарыгар босхо. 🍀 От ыйыгар эрэ #2024 сыллааҕы программаҕа "Ыалдьыт" тарибы арыйабын. Биир ый кэлэн, биһигинниин бииргэ буолан, бу эйгэ хайдаҕын билиэххитин син. Практикумнары кытта айылҕаҕа сынньаныы, бэйэни кытта билсии үтүөтэ, кэпсэтэр чат сэргэх түһүлгэтэ, миигиттэн - аудио, бүгүҥҥү ыйытыы, болҕомто барыта баар буолуоҕа. Сөбүлээтэххитинэ салгыы барсыаххытын, проекка хаалыаххытын син. Мин күүһүм - тыл көмөтүнэн эмтээһин. ❤️

Дуоһуйуу. Иһиллэнии. Бэйэҕинэн буолуу. Бу тэтими, айылҕаны кытта силбэһии. Кэргэним чааскытыгар чэй куттан иһэ олоробун. Футболкатын кэппитим. Бу тус бэйэбэр (иккиэ бэйэбитигэр?) суолталаах түгэни үйэтитэн ватсаптаатым. Сарсыҥҥа диэри үлэтигэр сылдьар. Атын-атын дьон бииргэ буолар үөрүүлэрин, көрсөр күчүмэҕэйдэрин, хайдах туоруулларын, тугу күүһүрдэллэрин, тугу төлөрүтэллэрин, туохха талаһалларын, туохха болҕомто ууралларын Бэс ыйынааҕы марафоммутугар амтаһыйан, астынан туран ааһа сылдьабыт. Бу ыйдааҕы түгэннэрбиттэн - эһиэхэ чааскы, футболка туһунан кэпсээбитим курдук - аквариум балыктарын, картошка фри, бэчээт-докумуон о.д.а холобурдарыгар олоҕуран үллэһинним. Олохпутугар барыта ситимнээх уонна тус-туһунан, саас-сааһынан сүүмэрдэнэн-сааһыланан сылдьар. Ол - оһуор курдук. Бэйэтэ симфония уонна гармония. Охсуспатахха барыта тылла турар. Бэйэтэ. Айылҕа буоллаҕа дии. Манна бэйэҕин, санааҕын салайан биэрэҕин. Чувствоҕын истэн. Дуоһуйан.

Мин баар сирбэр - барыта этэҥҥэ. Мин этэҥҥэ эйгэлээх сиргэ баарбын. Тоҕо диэтэххэ, мин бэйэм этэҥҥэбин. Мин этэҥҥэбин иһин барыта этэҥҥэ. Чувствуйдааҥ❤️ Үүнэ-тэһиинэ суох барбыт сэрэхэдийиини устуҥ. Кутталтан тахсыҥ. Күүрбүт эккитин ыытыҥ, оннук - сымнааҥ. Тылгытын ыытыҥ. Искитин эмиэ. Дии, мичээрдээҥ. Барыта этэҥҥэ🥰

Чувствуйдаа❤️ Ханна баар буолар/тиийэр сирбитигэр биир мэктиэ - бэйэбит. Бэйэбит диэн, бастатан туран - чувстволарбыт. Чувство, интуиция, буор кут - албыннаабаттар. Арай, бэйэбит албыннатыахпытын син - өйбүтүн буккуһуннардахпытына. Өйү туһунан тутуу, эмоцияны эмоциятынан көрүү, чувствоны чувствонан иһиллэнии уонна хайдах баалларынан буолалларын көҥүллээһин - ол хайдаҕый? Олус дьикти! Сүрэҕи өрүкүтэр, эт саас-сааһынан дьырылааһына, ис билии уһуктуута, ис тирэхтэри булуу, бэйэҥ бэйэҕинэн буолууҥ. Бэйэҥ бэйэҕинэн буолууҥ диэн Таптал❤️ Ол туругу ОТ ЫЙЫН тухары хас биирдиибит чувствуйдуохпут. Чувство диэн Олох🌐🕊️