سـيـلـڤـيــا | ＳＩＬVＩＡ

كان قدامي البحر كله ازاي سيبت كل اللي فيه واختارت القرش!

لسه اسمك على لساني ولسه بتلغبط في اسميهم واندهم بأسمك يارتني ماكنت حبيتك يارتني ماكنت صَدفتك سلڤن

انا لسه فاكرة كل غنوة بعتهالي بسمعها كل يوم وغصب عني ببكي، ببكي مش على فراقنا، ببكي على كل حاجه حلوه كنت فكراها حقيقية واثبتلي بالقسوة ان "مش كل المشاعر حقيقة" كل يوم بسال نفسي ازاي "فيه كلام جوايا متشرحش كان نفسي اقوله بس الوقت مسمحش" كان نفسي الوقت يسمح واقولك كل اللي جوايا كان نفسي تكونلي "طبعا امير راجل خطير في الجدعنة" مكنتش محتاجة منك غير اني "اهرب في حضنك بالساعات من ذكرياتي المحزنة" بس برغم كل الوجع اللي سببتهولي غصب عني لسه بتوحشني بس تفتكر "هشوفك تاني ولا الوقت فات؟" انا بجد "خايف احلامي تموت من السكات" كل يوم بقول " مهما كان ليلك طويل كل حاجه بتعدي " بس برجع افتكر "الليل مبيعديش طويل مفيهوش هروب من الذكريات " ممكن اللي وجعني اكتر ان " انا كنت فاكر اني طاير" معاك عمري ما تخيلت ان " اتاريني على وشي بقع" انا دلوقتي بقيت "بجري من حاجات قديمة جوايا" كنت دايما بتغنيلي "معاكي بنسى انا مين" طب ليه نستني؟ وبسال نفسي كتير "ليه بحبه ماهو ماضي عدى وانتهى" كنت دايما بقولك اني مبسوطة ان " عندي قمر بسهر معاه" بس في النهاية انت اكدتلي ان " القمر مسيره يفارق ويسبني تاني مع الوحدة احارب" مكنتش اعرف وقتها ان ممكن في يوم اقول "خلصت حكايتنا والدنيا خدتنا لا انا عارف ابعد ولا قادر اقرب" ولما بقيت اشوف بنت دلوقتي بتعيط من الفراق بفتكر " شايف احلامهم حاسس بوجعهم من قبل ما يحصل مانا اصلي مجرب" شكرًا انك علمتني مشاركش اي اغنية بحبها مع اي شخص مهما كنت بحبه مهما كان غالي عندي لان مسيره يفارق ويتبقالي الذكرى والوجع وبس -سلڤن

كنت حابه اتكلم عن المشهد دا تحديدًا اكتر مشهد وجعني وفكرني بحاجات كتير دايما كل اغنية بتتعلق معانا بأشخاص معينه في حياتنا دايما لما بنسمع باند او اغنية بنفتكر معاها ذكرى حلوه او وحشه بنفتكر معاه شخص معين كان بيسمعها معانا او هو اللي بعتهالنا مهما عدت الأيام هتفضل كل ما تسمع الاغنية او الباند دا هتفتكروا ويحاوطك كل ذكراياتك معاه اسواء ما في الموضوع ان الشخص دا يكون مبقاش موجود في حياتك لأي سبب من الأسباب كم مشاعر وحزن وذكريات في المشاهد والاغاني اللي بتتعلق بأشخاص مبقوش موجودين في حياتنا قاتلة حقيقي ولا انت قادر توقف سماع الأغاني ولا المشاهد ولا انت قادر تمحي الذكريات وتسمع الاغنية من غير ما تفتكر اي حاجه بكل الصدف الممكنة هتقابل الاغنية اللي بتهرب منها في طريقك في موصلات في كافية في اي مكان وغصب عنك هتحوطك الذكريات وتدمع الفراق صعب بس الاصعب منه الذكريات وشوية الصور والكلام المتبقي بعد الفراق انت قادر تمحي الصور وتمحي الكلام بس عمرك ما هتقدر تمحي الذكريات بكل آسف سلڤن

- سورة الكهف - قال رسول الله صلى الله عليه وسلم: «من قرأ سورة الكهف في يوم الجمعة، أضاء له من النور ما بين الجمعتين»

أدعوكَ اليوم، وغدًا، وكُلَّ يوم، أن لا تكِلني إلى نفسي طرفَةَ عَين.

‏مش قادرة أتعامل كإنه عادي وإن مفيش حاجه حصلت مش قادرة أتجاهل زعلي كل مره مش قادرة أمتص وأقول معلش فترة وتعدي أنا معنديش طاقه تاني والله .

بتنهار لوحدك وتواسي الجميع بتخطي

اتقالي جملة النهاردة وهي " اللي غرق مره هيفضل حاطط البحر قدام عينيه" والحقيقة ان الجملة دي مؤلمه اوي لما تفقد الأمان مره بعد ما وثقت وحبيت من كل قلبك واديت كل حاجه عندك وبزيادة وقتها مش هتعرف تدي الأمان لشخص تاني حتى لو الشخص التاني دا كان العوض الكبير عن خذلانك وهزايمك هيفضل جواك جزء بيقولك لا مش أمان لا ممكن يتغير لا ممكن يسيبك في اي وقت ويمشي انت ازاي هتأمن كدا مش كنت مأمن قبل كدا واتخذلت وطلعوك وحش واسوأ شخص في الدنيا لسه عايز تجرب تاني وتأمن وتتقتل تاني مش كفاية الطعنه المليون عايزهم يبقوا مليون وواحد؟ هتفضل في الدوامة دي كتير اوي ويا عالم هتطلع منها ولا لا بس الأهم انك متضيعش العوض من ايدك انا عارف ان صعب عليك تأمن بس صدقني هيبقى صعب عليك اكتر لما يجي الشخص اللي يستاهل وتضيعوا -لكن بالنسبالي عدم الأمان انسب حل لشخص عايش للخذلان وبس دمتم بخير❤️ -سلڤن