چوبان اوغلونون شعر کانالی

گَل گؤر، ائی بولبول، بو گولشنده نه حالیم وار مَنیم بیر گولِ رَعنایه بَند اولماق خَیالیم وار مَنیم مَن نئجه عشق عالمینده اَل چکیم، صَبر ائیله‌ییم؟ ناز ایله مین جان آلان بیر مَه جَمالیم وار مَنیم چوخدا یوسیف اؤز زولئیخاسین گؤروب فَخر ائتمه‌سین قوی گَلیب گؤرسون نئجه قاشی هیلالیم وار مَنیم واحیدا،فَخرله هَرگون سؤیله سَـن اؤز یارینا سئـوگیلی، ایستکلی بیر اَهلِ کَمالیم وار مَنیم علی آغاواحید آغاخان عبدوللایئو

════‌༻‌♥️༺═══

گوزوم سنی گوردی کونلوم وورولدو اثباتی قلبیمین یاراسیندادی سئومک عادتدی بیزیم زاماندا بس منیم گناهیم هاراسیندادی ...؟! سئومه یَه بیلرمی بلبول چمنی لاله نی نرگیزی گول یاسمنی نه اوچون گناهکار گؤرورسن منی ...؟ گوناه گؤزلرینین قاراسیندادی ...! ════‌༻‌♥️༺══

صبادان گۆل اۆزۆنده سۆنبۆل پر پيچ و تاب اۏينار،  ساناسان پر آچېب گۆلشنده بير مشكين غراب اۏينار.  خيال عارضېن جولان ائدر بو چشم پر نمده،  نئچۆن کيم موجلنميش سو دا عكسِ آفتاب اۏينار. سو چرشنبه نیز قوتلو اولسون 🌹 🌹🌹 ════‌༻‌♥️༺═══

گؤزلرین نه یامان گؤزلدی سنین گؤزلرین ائله‌بیل دان ایشیغی‌دیر اۆزون یارانیشین شاه اثری‌سه گؤزلرین اۆزونون یاراشیغی‌دیر بئله بیر گئجه‌ده یاتماق نه شیرین بئله بیر سحرده آییلماق گؤزل بئله بیر دنیزه باتماق نه شیرین بئله بیر اورمانا یاییلماق گؤزل گؤزلرین نه یامان گؤزلدی سنین دوشسل بیر کوره‌نین مینیاتورودور سانکی گؤز یاشیندان یوغرولوب، آنجاق بو داها کؤورک‌دیر، داها دورودور گؤزونون اؤنونده آنلاملار ایتیر بیلمیرم دوردوغوم بو یئر هارادیر باخیشین هر یئری گؤیه چئویریر باخیشین انسانا قاناد یارادیر نورالدین_مقدم ❤️ ════‌༻‌♥️༺═══

گله بیرگون یارب نه اولا ، سوگیلی یاریم ، گله بیر گون ، او مهربانیم ، یار ونگاریم ، گله بیر گون ، چوخداندی جانیم گوز یاشینان دردینه دوشدو ... او غنچه دهان باغ و بهاریم گله بیر گون ، هر شام وسحر گوز یاشیدور بیرجه فراقون .. وصلینن اوتور یوخدو قراریم گله بیر گون ، بولمم کیمه من نامه وریب یاره یترسین ؟ او جاننان عزیز دارو نداریم ، گله بیر گون سِرّیم آچیلیب دوسلار ایچنده ،خبرین یوخ ، او اعتباریم چشم خوماریم گله بیر گون ، کونلوم داریخیر ناله ادیر هر گجه گوندوز .. قیش فصلیده او گولو باهاریم ، گله بیر گون ، جفت عالمه ورمم من اونون طره زلفین .. طرلان کیمی او ، جمله شکاریم گله بیر گون ، سوز وردی منه ، انتظارام یوخدو قراریم ،. او هرنه واریم ‌ ‌، دارو نداریم گله بیر گون ، پیچیده اولوب درده ، قارا گونلره دوشدوم .. انصاف السین ، یوخدو قراریم گله بیرگون ، بو شعر دگیل ، یازدیم اورک سوزلری بلکه ... او گولو باغیم ، باغ و بهاریم ، گله بیر گون ، راحم گینه یالوار او نگاره ‌، گینه یالوار ، بلکه او گدن ، سوگیلی یاریم ، گله بیر گون ، راحم تبریزی ════‌༻‌♥️༺═══

••✾•۞•✾•• یازیرام گوز یاشینان ، سوگیلی جانان اوخوسون ...‌... قیلمادیم سیرّیمی اغیاره کی پونهان اوخوسون ، گجه گوندوز یازیرام دردیمه درمان یوخدور ... گوندرین دیلبریمه  ، دردیمه درمان اوخوسون ، راحم تبریزی ════‌༻‌♥️༺═══

گل داریییم ساچلارینے جیرانیم، تومارلاییم اللریم لہ تئلینی، گل بیر اوتور دئییم سنہ دردیمی، الیمہ وئر بیر مهریبان اَلینی، گئچیر زامان ساعاتلارلا گونلرله، یاخینلاشیر آیریلیقین زامانی، قوے دادلانسین گولوشون لہ گونلریم، سونا وئرڪ سنلن یاخشے یامانی، بارداق گوتور گئدڪ بولاق باشینا، چیچڪ دریم سندہ دولدور بارداقی، یادا سالاق گیچیب گئدن گونلری، بیردہ سنلن سئویشدیگیم چارداقی، بیر قونچایا گول آچدیریب سولدورور، نہ یاماندیر بوفلڪین قایداسی، جان وئرسہ دہ آلاجاقدیر خبر سیز، آل قانیلان دولموش سینیق بایداسی. گل بیر اوتور ساییم هوروڪ لرینی، بیردہ باخیم ڪئچن عمرون سایے نا، سنلن ڪئچن گونلریم حساب دگیل، عمور دئمہ م ایل لرینہ آیے نا. ڪاش سنے لن ڪئچہ تامام گونلریم، چیچڪ لن سین سنلن گئجہ گوندوزوم، سنلن اولور جنت منیم جاهانیم، سن سن گئجہ م گونوم آییم اولدوزوم. حیدر بابایی ════‌༻‌♥️༺═══

Sabahınız xeyir ❤️❤️❤️ 💧🌊 Su Çərşənbəsi Mübarək Olsun! 🌊💧 Əziz izləyicilərimiz, Novruzun ilk müjdəçisi olan Su Çərşənbəsi münasibətilə hər birinizi ürəkdən təbrik edirik! 💙 Su həyatdır, saflıqdır, yenilənmədir. Bu gözəl çərşənbədə axar sular kimi bütün dərdləriniz axıb getsin, qəlbiniz su kimi duru və təmiz olsun. Evlərinizə ruzi-bərəkət, ailələrinizə sevinc, süfrələrinizə bolluq gəlsin. Hər yeni gün sizə ümid, sağlamlıq və uğur gətirsin! 💦 Su kimi saf, 🌿 Bahar kimi təravətli, 🔥 Novruz kimi işıqlı günlər arzulayırıq! Su Çərşənbəniz mübarək! 🌸✨

گوزل بیر ماهنی ════‌༻‌♥️༺═══

اؤره ييمين گوزونده سن سنی اؤلونجه سئوه جم بو سازيمين سوزونده سن سنی اؤلونجه سئوه جم چيچكله يير كونلوم سني قوي غميمده گولوم سني ياخالاسا  اؤلوم مني سنی اؤلونجه سئوه جم سني آرزوما قازميشام سني بو شعره آزميشام شعريمده بونو يازميشام سنی اؤلونجه سئوه جم عومروم سني زاغ-زاغ اسر فلكلرين   ذاتين   كسر سئومه سه سني «مه اسر» سنی اؤلونجه سئوه جم مه اسر ❤️ ════‌༻‌♥️༺═══

یاشاسین تورک دونیاسی🌸🍀🌸 عشق دامینا گیریفتار اولالی زار اولوبام نه بلادیر کی، اونا بؤیله گیریفتار اولوبام؟ دیل، دئمکدن کسیلیب؛ تن حرکتدن، وه کیم، کنج غمخانه‌یه بیر صورت دیوار اولوبام. قدرتیم یوخ کی، قیلام کیمسه‌یه شرحِ غمِ دل، اؤیله کیم عارضه‌ی هجرله بیمار اولوبام. حذریم طعنه‌دن اول غایته یئتمیشدیر کیم، یارا اغیار اولوب، اغیاریم ایله یار اولوبام. دئمزم دخی: «سنه عاشیقم»، ائی گول! زیرا، سنه عاشیقلیییم اظهار ائده‌لی، خوار اولوبام. عقل و صبر و دل و دین گئتدی بحمدالله، کیم، سفر ساحل دریایه سبکبار اولوبام. یوخ، «فضولی!» خبریم موطلق اؤزومدن، بس کیم، والهِ نقشِ خیالِ رخِ دلدار اولوبام... ✍حکیم ملا محمد فضولی سلاملار سایغیلار سئوگیلر حؤرمتلی دوستلارا گون آیدین 🌤️ ❤️ ════‌༻‌♥️༺═══

بو گئجه یینه اوْل ماه بنیم آلدی قراریم بو گئجه چیقاجاقدور فلکه نالۀ زاریم بو گئجه شمع‌وَش محرمِ بزم ائیله‌میش اوْل ماه بنی یاناجاقدور یینه هجر اوْدینه واریم بو گئجه هم وصالی اورور اوْد جانیمه هم هجرانی بیر عجب شمع ایله دوشدی سر و کاریم بو گئجه نه توتوندور که چیقار چرخه، دلِ زاره مگر هجر داغینی اورور لاله‌عِذاریم بو گئجه صبحه سالدی بو گئجه شمع گیبی قتلیمی هجر اوْله کیم، صبح گلینجه گله یاریم بو گئجه پاره پاره جگریم ایتلرینه نذر اوْلسون اوْل سرِ کویه اگر دوشسه گُذاریم بو گئجه وار ایدی صبح وصالینه، فضولی، امّید چیقماسا حسرت ایله جانِ فَگاریم بو گئجه ‎‌ حکیم فضولی گئجه نیز غمسیز عزیز دوستلار 💫🌙💫

ماهنی....تار کامانیم گل گل....💐 ❤️ ════‌༻‌♥️༺═══

ایسته‌ییر گؤزلریم  نازلی گؤزوندن تکجه بیر ناز ایسته‌ییر جان وئره جانسیز بو جیسمه، کؤکلو بیر ساز ایسته‌ییر آنلاییر کؤنلوم کی سندن پای چتین آلماق اولار ایسته‌ییر سندن محبت، آمما چوخ آز ایسته‌ییر سن غرور کروانی سان، ویرانه‌دن دوشمَز یولون نئیله‌سین ویرانه دِل، یالقیزدی، دمساز ایسته‌ییر موسِمِ کؤنلون دَییشدیر قوی خزاندان قورتولاق رحمه گل! بسدیر یئتر! سولموش اورک یاز ایسته‌ییر سن اَزَل بیر شاه ایدین بو مولکه من ده بیر اسیر ایندی  گل دوش تختیدن، بو خسته همراز ایسته‌ییر تانری جانیم خلق ائدیب، سنده اورکده سئوگیمی ایندی بیر جوت تانری‌دان، بد بنده اعجاز ایسته‌ییر عاشیقی ائتمه ملامت گلسه کؤنلون کویینه چاره‌سیزدیر چون (کؤنول) تک سئوگی‌دن ناز ایسته‌ییر فاطمه عبدی_کؤنول یاز_کتابی ❤️ ════‌༻‌♥️༺═══

گؤرمه‌دیم هئچ. بو گؤزل‌لرده وفا گؤرمه‌دیم هئچ، عشقده ذوق و صفا گؤرمه‌دیم هئچ. گؤردویوم غصّه، کدر، غم‌دی مدام، دردیمه آمّا دوا گؤرمه‌دیم هئچ. دؤزدوم هر جؤور ائله‌دی یار منه، چکسین اغیاری جفا گؤرمه‌دیم هئچ. «تک منه یار ائله‌سین ظولمو» دئدیم، اؤزگه‌یه چونکی روا گؤرمه‌دیم هئچ. چکدی عشق ایچره باشیم درد و بلا، بئله عؤمرومده بلا گؤرمه‌دیم هئچ. یاسین خلیل ❤️ ════‌༻‌♥️༺═══

او قٓدَر سنی سئوجه‌یم، سئوگیمیز، هئچ شاعیرین  شعرینه سیغیشماسین... یوسف صداقتی جمال آبادی ❤️ ════‌༻‌♥️༺═══

...اوخوسون یازیرام گوز یاشینان ، سوگیلی جانان اوخوسون ...‌... قیلمادیم سیرّیمی اغیاره کی پونهان اوخوسون ، گجه گوندوز یازیرام دردیمه درمان یوخدور ... گوندرین دیلبریمه ، دردیمه درمان اوخوسون ، دفتریمده یازیدان چوخلی ، دولی گوز یاشی وار ... قوی پریشان حالیمی ، زولف پریشان اوخوسون ، یوخدو مجنون کیمی صبریم کی دییم صحرایه ... سینه ده ساخلامیشام ، خانه ی ویران اوخوسون ، سودییم یارین الینن نه گجم وار نه گونوم ... گوزومین یاشینا باخسین شب هیجران اوخوسون ، روحوم آشفته ، گوزوم یاشلی اورک لاله کیمی .... چوخ سوزم یوخدو اونا ، آهیله افعان اوخوسون ، وصل یارین سِون عاشق گرگ اتشده یانا .... شمع تک سودیگینه نعمه ی سوزان اوخوسون ، اگر اولسمده غمین لن او یاره نامه یازون ... بیر گلیب قبریمین اوسته ، گوزو یاشدان اوخوسون هامی بیر دفعه اولر عومرده ، من یوز دفعه ... بیزیم افسانه میزی باغری اولان قان اوخوسون ، #راحمین هر گونو گچدیکجه فغانی چوخالیر ... سنی تاری ورین او جانیما جانان اوخوسون ، راحم تبریزی ❤️ ════‌༻‌♥️༺═══