ادبیات سئونلر

8مارت دونیا قادینلار گونو قوتلو اولسون. 8مارس روز جهانی زن گرامی باد. کفتگو با« آلیس» موضوع: 8مارس و حقوق زن در آلمان زمان: بو گئجه 1401/12/17 ساعت: 21 ادبیات سئونلر کانالیندا مجری:«کریم قربانزاده» https://t.me/Adabiyyatsevanlar

«سحر_خیاوی» اَتَنه(جنین)- سکگیز مارت، دونیا قادینلار گونو مناسبتینه او آخشام غریبه بیر آخشام ایدی. کولک دام- باجانی اوچوردوردو. نَم هارادان گلن توز- تورپاق، قزئت قیریغی، نایلون، زیر- زیبیل گؤیده اوچوشوردو. قاپیلار سیلکه‌لنیب، پنجره‌لر تیتره‌ییردی. دوغولماغینا تکی بیر هفته قالیردی. آیاق قویاجاغی دونیادان هئچ بیر تانیشلیغی یوخ ایدی. اورادا اونو نه حادیثه‌لر گؤزله‌دیینی بیلمیردی. باپ- بالاجا اوره‌یینه هؤوشنه دولموشدو. بو سیجاق، دینج قیرمیزی ائوینی ترک ائتمک ایسته‌میردی. آمما بورادا همیشه‌لیک قالا بیلمه‌دیینی ده یاخشی دوشونوردو. رَحِمین اَت پنجره‌سینی آرالادی، کیچیک اللرینی گؤزونه توتوب، بارماقلارینین آراسیندان دونیایا باخدی. گؤردویو اییرنج منظره‌لری هئچ خوشلامادی. دونیا اوره‌یی سئودییی کیمی دئییلدی. قیرخ آیاقلار کیچیک دیرناقلاری ایله سینیرلارینی پوزدولار، دریسینین آلتیندا عصبلنمیش سیچانلار چابالادی. وحشتلی گؤزلری گؤردوکلریندن آچیلا قالمیشدی. قورخودان ایلبیز کیمی اؤزونه بوزوشدو. دونیا بوتون اینسانلار اوچون، اؤزللیک‌له اونون کیمی "قیزلار" اوچون تهلوکه‌لی و سئویلمز ایدی. باشی هرَلَندی، گؤزونون اؤنونده قیزیل ساچلی گلینجیک‌لر گولله‌لنیب قانا بَلَشدیلر، دارا چکیلدیلر.   اؤزونه یازیغی گلدی، غملی گؤزلریندن نئچه داملا یاش آخدی، گؤبک باغیسینی اینجه بوینونا ساریییب، عوصیان ائتمیش بیر دئوریمچی کیمی اؤزونو دارا چکدی... رنگی گئت- گئده گؤردویو زَهَرلَنمیش مکتب قیزلاری کیمی قارالیردی، نفسی تنگه دوشوردو. سون آنلاریندا بیری قولاغینا،"دونیا* فایداسیزدیر، هئچ بیر شئی الدن وئرمه‌ییبسن منیم بالام!"،-پیچیلدادی. پیچیلداسا دا قریبه سسی عکس اولوب رحمین فضاسیندا، اِکو کیمی گونبولده‌دی. بو قورخونج سَسدن آناسی یوخودان دیک آتیلدی. گؤوده‌سینی سویوق تر باسمیشدی، اوره‌یی بولاندی، هؤللو یورغانی کنارا آتیب آیاق یولونا ساری قاچدی. ایچینده باش وئرن عوصیانچیل دئوریمدن خبری یوخ ایدی!!... قیزجیغاز سئویردی دونیایا گلسین شیرین سؤز ائشیدیب، گؤزللیک گؤرسون بوللوجا، یاشامدا سئویب، سئویلسین راحات، آیین- شایین عؤمور- گون سورسون گؤستردی کؤرپه‌یه پیس اوزون حیات گؤروب، گؤردوگوندن قارالدی باغری سوزولدو او اَنیک جانینا آغری آرتیق بو آجی‌یا دؤزه بیلمه‌دی بو قَدَر ظولماتی چؤزه بیلمه‌دی دونیانین قاراسی باسدی رویاسین زَهَرله یوغوردو شیرین خولیاسین گلمه‌میش، یاشامدان کوسدو قیزجیغاز بو قارا کولَک تک اَسدی قیزجیغاز قایغیسیز یاشاما واردیر هَوَسی قولاق وئر، طوفاندا اینیلدیر سسی *یازیدا گیومه آراسیندا گلن سؤز،آلبرکامودان دیر. https://t.me/Adabiyyatsevanlar

«بهروز صدیق» "قیرمیزی قارانلیقدا  کینو پیئس" اولای دولو بیر کینو گؤرونتوسودیر قیرمیزی ایشیق آرخاسیندا دیله نن قادین. کوره ییینده؛ شارابی شالیلا شله لنمیش شافاق. دونوق بیر قیش آخشامی یاغیر لوپا-لوپا قار یوبانمیش یئنه ده یارالی باهار. کینو بئله جه باشلامیشدی ایکی کاراکتئری وار ایدی بو ایکی پرده لی پیئسین نه "هالیوود"کینوسونا بنزه ییر دی نه ده "بالیوود". بوغازیمی ساریر بوغاناق باخیش بوجاغیم آلیشیر چؤکموش دومان قوجاغینا سیغینیب آغلایاراق خیخیرام لاپ بئله جه اوره ییمین آخیرینا چیخیرام ایشیق اکیلیر پرده چکیلیر.

« حیدر آرازلی» قادینلار دئییرلر تاریخی حاکیم‌لر یازیب زامان دؤنه‌مینده بیزدن خبرسیز. حققین، عدالتین کؤکونو قازیب آغیندان خبرسیز، بوزدان خبرسیز جهالت اودویلا آلوولانیب‌لار حققی تاپدالاییب، حققی دانیب‌لار قادین وارلیغینی ضعیف سانیب‌لار نیشاندان خبرسیز، ایزدن خبرسیز. قادین دئدیییمیز مقدس آنا زمانه جووروندن گلیبدی جانا اوگئی یاناشیلیب بئله اینسانا چؤره‌کدن خبرسیز، دوزدان خبرسیز. ظولمت آلووونا یاغان قادینلار گونش تک ظولمتی بوغان قادین‌لار یوردومدا سعادت دوغان قادینلار آلیشیب، یانیب‌لار کؤزدن خبرسیز! اونلار یاز گتیریر پاییزا - قیشا ایندی دونیا اهلی دوروب آلقیشا قادین‌لا دؤزوروک قارا - یاغیشا باهاردان خبرسیز، یازدان خبرسیز. چتین آنیمیزدا اؤرنک‌دیر بیزه او قدرت بخش ائدیر اوره‌ییمیزه قئیرتی، هیمتی گلمه‌سین گؤزه- «آرازلی»! بدنظر گؤزدن خبرسیز. https://t.me/Adabiyyatsevanlar

گفتگوی خلیل بحران با خدا

قیتلیق / کریم قربانزاده شهرده سئوگی قیتلیغی  وار، ائولرده چؤره‌ک، وطنده باهار. شهرده ایشیق قیتلیغی  وار... سورویه - سورویه آپاریرلار گونشی دار آیاغینا، حؤکوم وئریبلر اونا. نفس قیتلیغا دوشوب، هارای چارمیخا چکیلیب، بو یئرین سینه‌سینده قیزیل – قیزیل اولدوز اکیلیب. 13 اسفند 1401 https://t.me/Adabiyyatsevanlar

«محمد الفت» فیلم تانیتیمی: نهنگ 🎬فیلم سینمایی The Whale «نهنگ» یونتمن:«دارن آرنوفسکی« اویونجولاری:«برندن فریزر - سادی سینک» ۲۰۲۲ایلی نین گوزل فیلملریندی بیری ⏱مدت زمان : ۱ ساعت و ۵۷ دقیقه محصول : آمريكا سال ساخت : ٢٠۲۲ کارگردان: Darren Aronofsky ستارگان: Brendan Fraser, Sadie Sink, Ty Simpkins امتیاز : ۷/۸ از ۱۰ ژانر: درام رده سنی: R خلاصه داستان: این فیلم داستان معلمی مبتلا به چاقی مفرط را روایت می کند که تشنه صمیمی شدن با دختر نوجوانش است. برندن فریزر برای بازی در این فیلم نامزد دریافت جایزه بهترین بازیگر نقش اول مرد از آکادمی اسکار و جوایز گلدن گلوبز ۲۰۲۳ شده است. این فیلم همچنین نامزد دریافت جایزه بهترین چهره آرایی و بهترین بازیگر نقش مکمل زن از آکادمی اسکار ۲۰۲۳ شده است. https://t.me/Adabiyyatsevanlar

همت شهبازی‌نین «پست‌مدرنیزمین دورومو» کیتابی، تبریزین اختر نشریاتی طرفیندن چاپ اولدو. پست‌مدرنیزمین دورومو» کیتابی، تورک یازار و یا تورک چئویرمن‌لرین غرب یازارلاریندان چئویردیک‌لری مقاله‌لردن عبارتدیر. پست‌مدرنیزمین اساس قاوراملارینی (مفاهیم) چؤزمک اوچون، دونیادا مباحثه‌یه چئوریلن اؤنملی مقاله‌لر واردیر. بو کیتابدا بو مقاله‌لرین بعضی‌لری آنا دیلیمیزه چئوریلمیشدیر: ایلک مقاله «نظری باخیمدان مدرنیزم و پست‌مدرنیزمه باخماق» باشلیقلی مقاله، مدرنیزمله پست‌مدرنیزمی مقایسه‌لی اولاراق صنعت و ادبیات ساحه‌سینده، ایکینجی مقاله‌ده دئیوید هاروئی، پست‌مدرنیزمین دورومونو «اوست‌آنلاتی = کلان روایت / توتال ایفاده»لاری سیندیرماقدا، چوخچولوق (تکثرگرایی) و… باخیمدان آچیقلاییر. اوچونجو مقاله بو ساحه‌ده دونیادا ان چوخ مباحثه دوغوران فرانسوا لیوتارین «پست‌مدرن نه‌دیر؟» سورغوسونا جاواب اولاراق اونو بیر «دوروم» اولدوغونو آراشدیرماسی‌دیر. کئلنئر داگلاس «اجتماعی نظریه اولاراق پست‌مدرنیزم» و گئنجای شایلان «پست‌مدرن سؤیلم اوزرینه بعضی دوشونجه‌لر» باشلیقلی مقاله‌لرده پست‌مدرنیزمه سوسیولوژی بوجاقدان یاناشیبلار. فرهاد آمور «پست‌مدرنیزم» مقاله‌سینده مدرنیزمله پست‌مدرنیزمین قارشیلیقلی یؤنلندیریجی سؤزلویونو وئریر. اومبئرتو ائکو «پست‌مدرنیزم، استهزا، اَیلنجه‌وی‌لیک» مقاله‌سینده پست‌مدرنیزمین اویون اولدوغونو؛ و فوندا قیزیل‌اَر اؤز مقاله‌سینده بونون داوامیندا اونو آیرونیک-پارودیک یؤندن آچیقلاییر. سونونجو مقاله ایسه پست‌مدرنیزمی، فلسفه ساحه‌سینده آراشدیریر. بو کیتاب، اویغونلاشدیرانین اوچ سئری کیتابدا ایشله‌دییی ایکینجی کیتابدیر. بیرینجیسی ۱۳۹۲ ده «مدرنیته و مدرنلیک» آدیندا چاپ اولدو. اوچونجوسو ایسه «پست‌مدرنیزم سؤزلویو» کیتابی‌دیر. بو سون کیتابا ارشاد طرفیندن وئریلن اساسلی دییشیک‌لیک‌لره گؤره یازیچی داها اونون چاپ اولماسیندان واز کئچیبدیر. بو سیرا کیتابلارین هامیسی ۱۳۸۹-۱۳۹۰ آراسیندا ایشله‌نیله‌رک بیرلیکده مجوز اوچون وئریلمیشدیر. بو کیتاب ایسه، اوچ پرئزیدئنت (احمدی‌نژاد- روحانی- رئیسی) حیاتینی یاشادیقدان سونرا نهایت چاپ اجازه‌سی آلاراق ایشیق اوزو گؤردو. قایناق: ایشیق سایتی https://t.me/Adabiyyatsevanlar