ادبیات سئونلر

اوشاق ادبیاتی اوشاق ادبیاتی هرهفته پنجشنبه گونو ادبیات سئونلر کانالیندا  . اوشاق ادبیاتینا دایر یازیلارینیزی بیزه گوندرین . https://t.me/Adabiyyatsevanlar

«محمدعابدین پور» ادبیات سئونلرگوزگوسوندده زمان: پنجشنبه 1402/2/21 موضوع: اوشاق ادبیاتی آپاریجی:«کریم قربانزاده» https://t.me/Adabiyyatsevanlar

پنجره‌یه طرف گئتدی. دؤشه‌مه‌نین اوستونده‌کی خالچا آیاق سسلرینی آج‌گؤزلوک‌له اوددو. اللری پنجره‌یه قانادلاندی. پنجره تای‌ با تای آچیلدی. اوزونو گؤیلره توتموشدو معصوم، ایلاهی گؤرکمی اونو ملاکه‌یه بنزه‌دیردی، گؤیده‌کی ملاکه...‌ همیشکی کیمی،  یئنه ده پنجره قارشیسینداکی ملاکه‌یه ال ائله‌ییب، ماوی انگینلیک‌لرده گؤرونمز اولاندا، کؤکسونو اؤتوروب اوتاقدان چیخدی. یاز سحری‌نین مئحی اوتاقلا بیر اولموشدو.  مئح اوتاقدا گزیب، دولاشیر، نملی-روطوبتلی دیوارلاری یوخودان اویاتماغا چالیشیردی. پنجره‌یه هارادانسا پارلاق ماوی رنگلی گؤیرچین قونموشدو. پارلاق ماوی گؤیرچینین گؤزلری ائله دوغمالیقلا آلیشیب یانیردی کی، سانکی او دا مئحه قاریشیب اوتاغا کئچه‌جکدی. دیوارلار اوتاغا دولان هنیرتیدن اویاندیلار. ساغا-سولا دارتیلدیلار. بیر-بیرینه ديَه-ديَه پنجره‌یه طرف گئتدیلر. دیوارلارین بیری او بیرینی ایتله‌ییر، هر بیری پنجره‌یه داها تئز چالماغا جان آتیردی. بیری،سوسمامیش  او بیری باشلاییردی. کیریمک بیلمیردیلر: "او چوخ آغلاییر، چوخ عذاب چکیر. گؤره‌سن، بو نه واختادک داوام ائده‌جک؟ گونلریمیز یئکه‌نسک‌لییه بله‌نیب، گئجه‌لر یوخوموز عرشه چکیلیب. یورولموشوق، بئزمیشیک، داها دؤزه بیلمیریک. اونون گؤز یاشلاری بیزی تامام نمله‌ندیریب،  چاتلاریمیزین سایی گوندن-گونه چوخالیر. اوچولوب داغیلماق قورخوسو وار! " -دئییردیلر. بایاقدان سوساراق دیوارلارین شیکایتینه قولاق آسان پارلاق ماوی گؤیرچینین گؤزلری دولموشدو. کؤکسونو اؤتوره‌نده ایکی داملا گؤز یاشی هیجان‌لا تیتره‌ین بوغازی‌نین آلتینا، اورادان دا تاپپیلتی ایله دؤشه‌مه‌یه دوشدو. دهلیزدن آیاق سسلری.ائشیدیلدی. پارلاق ماوی گؤیرچین اوتاقداکی‌لارین دردلرینی اوره‌یینه چکیب، آغیر-آغیر سمایا قانادلاندی. ایندی بوتؤولوکده ائله بیل اوتاغین نفسی گئتدیکجه دارالیر، گؤزلری آلاجالانیر، آیاقلاری یئردن اوزولوردو. ایللردن بری بو اوتاغین ساکینی اولموش، ائله بو اوتاقداجا قوجالمیش ساچی-ساققالی آغارمیش سوکوتون دمیرلشمیش، داشلاشمیش بارماقلاریندا سون آنلارینی یاشاییردی لال اوتاق... ال-اوزونو یوموشدو. آلنیندا قیوریلان ساچلاری‌نین اوجوندان آسیلمیش سو دامجیلاری گول لچه‌یینده‌کی شئحه بنزه‌ییردی. اللری ایله ساچلارینی گئرییه داراقلادی. اوّلجه دیوارلارین سسسیز هارایینی،  سونرا دا اوتاغین بوغوق هنیرتیسینی دویدو. دیوارلارین هر بیرینه اوزون-اوزادی گؤز گزدیردی. سول دیوارین چاتی بیر آز دا بؤیوموشدو. الینی اوره‌یی‌نین اوستونه قویدو. ایریلشمیش چاتا باخا-باخا یئنه ده معجزه‌لی، سیرلی بیر آنین ایسته‌یی وارلیغینی بورودو. آه چکدی. ایلک دفعه‌ ایدی کی، ایسته‌یی قارشیسیندا چوخ گوجسوز، اومیدسیز حیسّ ائدیردی اؤزونو. سول طرفینده کؤکسونون آلتی برک سانجدی. الی ایله اوره‌یینی توتوب، دؤشه‌مه‌یه چؤکدو. آغریدان قیوریلا-قیوریلا اینیلده‌دی. دوداقلاری گؤم-گؤی اولموشدو.  اوزونده‌کی حیات علامتلری گئتدیکجه اؤلزه‌ییر سؤنوردو. خئیلی واخت اوتوردوغو یئرده قالدی. ایللردیر کی، بوتون آرزولاری‌نین، اومیدلری‌نین، طغیان ائله‌دییی وارلیغی‌یلا یالنیز آللاهی کیمی تاپیندیغی، آللاهی قدر ایناندیغی اومیدی‌نین اته‌ییندن الینی اوزمه‌میشدی. گئجه ده، گوندوز ده  یورولماق بیلمه‌دن عزیزی، حسرتلی‌سی ایله قوووشاجاغی معجزه‌لی آن اوچون دوعالارینی بیر آن دا اسیرگه‌مه‌میشدی. گؤزله‌دییی او بیر آن عزیزی‌ ایله قوووشاجاغی آن اولموشدو اونو حیاتا باغلایان. اوره‌یینی دؤیوندورن، دیزلرینه طاقت، گؤزلرینه ایشیق وئرن. یاواش-یاواش، دیزی اوسته سورونه-سورونه بیرتهر گئدیب یاتاغیندا اوزانماق ایستسه‌ ده باجارمیردی. بیر آز سورونوب دایاندی. آغریلارینی  آجیلارینی جانیندان چیخارماق، قووماق اوچون دریندن نفس آلدی. آه چکدی. آغریلی، آجیلی اودلو، تلاطوملو نفسینی گئرییه قایتارماغا ماجال تاپمادی. آرخاسی اوسته دؤشه‌مه‌یه ییخیلدی. اوتاغا دولان مئح اونو اوشودوردو. دوداقلاری سیریییر ، اللری-آیاقلاری تیتره‌ییردی. مئح اؤز ایشینده ایدی. اونون اوشودویونون، تیتره‌دییی‌نین فرقینده دئییلدی. نوازیش‌له آستاجا ساچلارینا سیغال چکیردی. و بیر اوجدان دا اونا تانریسی اومیدین شیرین سئحیرلی سؤزلرینی پیچیلداییردی: "گؤزله منی،  منیم یالقیزیم، منیم تنهام! من، سنین‌له‌یم ائشیدیرسنمی؟! بیلیرم  چوخ اوزولموسن، چوخ عذاب چکمیسن. بیر آز دا دؤز، بیر آز دا گؤزله! آز قالیب، لاپ آز. گله‌جه‌یم...". https://t.me/Adabiyyatsevanlar

  هله کی، نیشانلی قیزلار توی گونری‌نین شیرین صدالارینی اوره‌کریندن قووماقدا ایدیلر. و هله کی، دوشمنلر اونلارا ائله اؤز ائولرینده‌جه، اؤز اوجاقلارینداجا تجاوز ائتمه‌میشدیلر. و داها سونرا گؤزل-گؤیچکلرینی سئچیب ایروانداکی ائرمنی‌لره پای گؤندرمه‌میشدیلر. هله کی، ایینلرینده پالتار، باشلاریندا لچک واردی خوجالی قیزلاری‌نین. هله کی، یئر ده-گؤی ده عینادکارلیقلا سوسوردو. آخشامدان یاغان قار بوتون دونیانی اؤز بیاض‌لیغی‌یلا آلداتمیشدی. هله کی، دوشمن ده سوسوردو بو بیاض دونیانی تورکون قانی ایله بویامامیشدی. آخشامکی بیاضلیغا خوجالی دا آلدانمیشدی. خوجالی دا سوسوردو  طالعیین حؤکمونو، قرارینی گؤزله‌ییردی... ...خاطیرلادی کی، اونون باخیشلاری‌نین لاپ سونوندا، قورتاراجاغیندا قاراباغین دؤیونن اوره‌گی خان‌کندینده آذربایجان بایراغی غرورلا دالغالانیردی. یوخ، او سهو ائده بیلمزدی. بو یقین کی، ائله بئله ده اولاجاقدی. چونکی، اونون عزیزی‌نین گئییندییی عسگر پالتاری دا، عسگر چکمه‌لری ده، قارتال باخیشلاری دا، ائنلی کوره‌یی ده، قوووتلی اللری ده اونا آنجاق بئله سؤیله‌میشدی، بئله دئمیشدی آخی؟! او گوندن، او قانلی فئورال گونوندن چوخ کئچمیشدی. اونو نه یارالانانلارین، نه ده شهید اولانلارین آراسیندا تاپا بیلمه‌میشدی. ایندی اونون آدینی دایم عونوان‌سیز بیر یئرده "ایتکین دوشنلرین"سییاهیسی‌ندا آراییردی. باغری‌نین باشی یانا-یانا اونون ائرمنی‌لرین اسارتینده ایشگنجه چکدییی جور به‌ جور سارسیدی‌جی صحنه‌‌لری خیالیندا جانلاندیریردی. گاه دا بیر چوخ ديیشدیریلمیش اسیرلر کیمی یا گؤزسوز، یا دا السیز-آیاقسیز  یاندیریلمیش، باشی کسیلمیش حالدا گؤروردو اونو. آنجاق بوتون فاجعه‌‌لردن فاجعه‌‌لی،  دهشتلی بیر صحنه‌‌ اونون خیالیندان چکیلمیردی. ائرمنی‌لرین ساغلام اسیرلری سئچیب یا دیری-دیری، یا دا کی، اونلارین اورقانلارینی چیخاردیب کونسئرولشدیره‌رک دونیانین ان بؤیوک اؤلکه‌لرینده‌کی ائکسپئرئمئنتال خسته‌خانالارا ساتدیقلارینی بیر آن دا اولسا فیکریندن، بِینیندن سیله بیلمیردی‌ اونا ائله گلیردی کی، اونون عزیزی، سئوگیلیسی ده سئچیلیب ساتیلان اسیرلرین آراسیندا ایمیش. آخی او، هم ساغلام، هم ده یاراشیقلی ایدی! یوخ! یوخ! یوخ اللاه!  کاش اونون دوشوندویو کیمی اولمایایدی! اگر او یانلیش دوشونوردوسه،  بس اوندا او هارادادیر؟ نییه ایندییه دک اوندان بیر خبر چیخمامیشدی؟ آخی او، دوردوغو یئرده غئیبه چکیلمه‌میشدی کی؟ ایلاهی! تانری! گؤره‌سن اونون بؤیره‌کلرینی... یوخسا، اوره‌گینی...چیخاردیبلار؟! اوف! یقین کی، نارکوزسوز! تانریم! اللاهیم! او، سنه سون آندا نه دئدی؟ سنی کؤمه‌گینه چاغیرماغا، سندن ایمداد دیله‌مه‌یه ماجال تاپدیمی؟ گؤره‌سن هر شئیدن، هر یئردن الی اوزولدویونو دویدوغو آن، جراح استولوندا بدنی کسیلیب-دوغراندیقجا فریادی گؤیلرینه چاتدیمی؟ گؤینرتیلی  آجی هؤنکورتوسو بولّور-بولّور سمالارینی چاتلادیب یئره تؤکدومو؟!... بوتون اولانلاری تصوّور ائدینجه بوغولا-بوغولا اوره‌یی پارچالانیردی، داغیلیردی، آغلی یئریندن اویناییردی. بو بوغوق توستو-دوماندا، او ال‌چاتماز اوزاق اؤلکه‌لرین گیزلی، قارانلیق، قانلی کوچه‌لرینده دولاشیردی، خیالی قریب شهرین قانلی کوچه‌لری‌نین بیرینده عزیزینی آپاران ماشین غفلتاً دایانیردی.  اونو ال-آیاغی قانداللی، آغزی ساریقلی آپاران الی قانلی قصّابلارین هامیسی بیر آندا محو اولوردو. او ایسه آزادلیغا چیخیردی. آنجاق نه اللری‌نین، نه آیاقلاری‌نین، نه ده آغزی‌نین سارغیسینی آچا بیلمیردی. آغزیندا سارغی، ال-آیاغیندا قاندال آغیر-آغیر، یاواش-یاواش یول گلیردی. گؤزلرینده اومیدی، اوره‌یینده محبتی ایله دوز اونا ساری گلیردی. یول ایسه ائله هئی اوزانیر، اوزانیردی.  آمّا هردن یول لاپ قیسالیر، دوز اونون بیر آددیملیغینا قدر یاخینلاشیردی. او،  اللرینی ائله قاندالدا اونا طرف اوزادیردی. اونون‌سا بئله آنلاردا سئوینجدن اوره‌یی اوچونوردو. ائله همین آنداجا یول اوندان میلیون کیلومئترلرله اوزاقلاشیردی. او یولون، ابديّتین اؤزو قدر سونسوز گؤرونن یولون باشا چاتاجاغی بیر آن ایسته ییردی. آللاهیندان آنجاق بیر آن  اونو عزیزی‌یله قوووشدوراجاق بیر آن... یاری‌یوخولو، یاری‌اویاق حالینا اویوشمایان جلدلیک‌له آیاغا قالخدی. صوبح گونشی‌نین مین بیر رنگه چالان شفقلری پنجره‌دن ائهمالجا آشیریلیب ایندی ده اونو بزه‌مه‌یه باشلادیلار. شفقلرین آلماز پاریلتیلاری، اونون ماوی رنگلی گئج‌کؤینه‌یی‌نین یاخاسیندا میرواری کیمی سیرالاندیلار. سونرا دا واختیندان اوّل دن دوشموش آغلی-قارالی ساچلارینی اوخشاییب سیغال چکدیلر، دارادیلار. داها سونرا یاناقلارینا یول آلدیلار. یاناقلاری‌نین حیات علامتی اولمایان سولغون رنگینی آل-قیرمیزی، پارلاق شفقلری‌یله ایشیقلاندیردیلار.

«سوکوتون هارایی»  حئکایه‌ یازان:«اومبول‌بانو» کوچورن:«ویدا حشمتی» حاضیرلایان:«ادبیات سئونلر»     دان یئری سؤکولنده اویاندی یوخودان. صوبح یئرله-گؤی یاراناندان هله هئچ بیر رسّامین چکه‌بیلمه‌دییی اؤز غئیری عادی رسمینی ایشله‌ییردی. اؤز نادیر بویالارینی سون درجه‌‌ دقتله  اؤزونه مخصوص خسیس‌لیکله ایشله‌دن صوبحون، بیر الینده گئجه‌نی قوینوندا دفن ائله‌ییب، حسرتله سحرین آچیلاجاغینی گؤزله‌ین پریشان آیین ایشیغی، او بیری الینده گئجه یوخوسوندان سکسکه‌لی اویانیب سئوگیلی‌سی آیین گؤروشونه تله‌سن  طبیعتین لطافتلی، ظریف قیزی گونشین شفقلری‌یله گؤی اوزونو بزه‌ین فیرچاسی اؤز ایشینی سونا چاتدیرماقدایدی. -اوّل یان-یؤره‌سینه بویلاندی. داها سونرا دالغین باخیشلاری سوکوتون هارایی گیزلنمیش دیوارلاری آرام-آرام گزدی. باخیشلاری تاوانا دیکیلمیشدی. کیرپیکلرینی آزجا قیییب، نه‌یی‌سه،  کیمی‌سه خاطیرلاماق ایسته‌ییردی. هر گون یوخودان اویاناندا بئله اولوردو.  اونسوز دا فایداسیز ایدی. خاطیرلاماق ایسته‌یی. گؤردویو یوخونو یئنه ده اونوتموشدو. دقیق بیلیردی کی، یئنه تانریسی‌یلا دردلشمیشدی. یئنه گؤزگؤرونمزدن و ال‌چاتمازدان معجزه‌لی بیر آن دیله‌میشدی. یالنیز بیر آن. ایکی یوخ، اوچ یوخ، بیر آن... معجزه‌لی، اونو خوشبخت ائده بیله‌جک آن. حیاتیندان قیمتلی ساندیغی او آن اوچون دونیانین او بیری باشینا قدر آیاق‌یالین گئتمه‌یه حاضر ایدی. نه آز، نه چوخ. دوز اون ایکی ایل ایدی کی، بئله‌جه دؤزوردو. گؤز یاشلارینی اوره‌یینه آخیدا-آخیدا کیریدیردی.  آجی هؤنکورتولرینی، هیچقیریقلارینی سویوق تبسّومویله بوغوردو. تانرییا یوللایاجاغی شیکایتلرینی کدرلی باخیشلاری‌یلا ديیشیردی. دردلرینی، اورک آغریلارینی بو ایللر عرضینده اونا دوغما، یاخین همدم اولان، اته‌ییندن توتوب ایمداد دیله‌دییی تانریسی اومیدله بؤلوشوردو. آرزولاری‌نین، ایستکلری‌نین سونونجو دالانی‌نین سونونجو قاپیسی تانری‌سی اومیدده قاپانیردی. هئیکل‌لشمیش، بوتلشمیش خیاللاری‌یلا ال به‌ یاخا اولماقدان جانا دویموشدو. ساققیز کیمی چئیننه-چئیننه دارتیلان، اوزانان حسرتلی گونلر سرعتله بیر-بیرینی عوض ائتمکده ایدیلر دئیه‌سن، بو "ساققیز اوشاق" اویونو ابديّته قدر اوزاناجاقدی. سونونجو دفعه‌ اونو جبهه‌یه یولا سالدیغی گونو اونودا بیلمیردی. گئییندییی ضابیط پالتاریندا یاراشیقلی بوی-بوخونو اونو بیر آز دا قوووتلی،  جثّه‌لی گؤستریردی. نیگاران، آلوولو باخیشلاری اوزاقلارا دیکیلمیشدی. ائله اوزاقلارا کی، اورادا هر آن دوشمنلرین، غصبکار، فیتنه‌کار، دلدوز، حیله‌‌گر ائرمنی‌لرین هوجومو گؤزله‌نیلیردی. اونون باخیشلاریندا ایلدیریملار اویناییردی، طوفانلار قوپوردو. او، بیر آن دا اولسون کیرپیکلرینی قیرپمیردی. باخیشلاری اوزاقلاردا ایتیب-باتیردی. ائله اوزاقلاردا کی، اورادا خوجالی ائولری‌نین اوجاقلاری آجی-آجی،ناراحات-ناراحات توستوله‌نیردی. خوجالی شهری سکسکه ایچینده ایدی. اونون باخیشلارینداکی اوزاقلاردا اوراداکی تزه گلینلرین خینالی اللریندن توتوب هله یاللی گئتمه‌میشدیلر ائرمنی‌لر. دونیانین معصوم مخلوقلاری اولان کؤرپه‌لرسه میشیل-میشیل یاتماقلاریندایدیلار و هم ده هله کی امزیک، آنا سودو عوضینه آوتومات سونگوسو امدیکلرینی ده، اللری‌نین  آیاقلاری‌نین کسیلیب پارچا-پارچا ائدیلدییینی ده، گؤزلری‌نین وحشی‌جه‌سینه کؤکوندن چیخاریلدیغینی دا، سایسیز-حِسابسیز، کؤمک‌سیز کؤرپه‌لرین دمیر یئشیکلره دولدورولوب دیری-دیری قایناق ائدیلدییینی ده  آتا-آنالاری‌نین ایشگنجه ایله اؤلدورولدوکلرینی ده، ائو-ائشیکلری‌نین، اویونجاقلاری‌نین داغیلیب یاندیریلدیغینی دا هله‌لیک  آنجاق یوخولاریندا گؤروب ایچین-ایچین آغلاییر، تئز-تئز دیکسینیب یوخودان اویانیردیلار. اونون باخیشلاری ائله اوزاقلاردا ایدی کی، اورادا هله خوجالی آغ‌بیرچکلری، آغ‌ساققاللاری آیاق‌یالین، باشی‌آچیق، تانکلارین-توپلارین قاباغیندان قاچمیردیلار. هله کی، گئجه-گوندوز سینه‌لرینی سیپر ائدیب اؤنده دایانان خوجالی عسگرلری، گوجلو سلاح-سورساتلا غفلتاً اونلاری موحاصیره‌‌یه آلان دوشمن‌له قانلی دؤیوشدن سونرا اسیر دوشمه‌میشدیلر. و هله کی، اونلاری گیروو گؤتوروب خان‌کندینه آپارمامیشدیلار. اوراداکی ائرمنی قبیرلری‌نین اوستونده تورک عسگرلری‌نین باشلاری کسیلمه‌میشدی هله کی...  هله‌ کی...  ائرمنی‌لر خوجالیدان اسیر گؤتوردوکلری گنج  ساغلام اولانلاری سئچیب اونلارین اورقانلارینی چیخاردیب کونسئرولشدیره‌رک دونیانین ان بؤیوک اؤلکه‌لرینده‌کی ائکسپئریمئنتال خسته‌خانالارا ساتمامیشدیلار. هله کی، خوجالی قیزلاری‌نین هئچ واخت، هئچ زامان اولو گؤیلره چاتدیرا بیلمه‌یه‌جکلری آجیلی، گؤینرتیلی فریادلاری چؤللره-دوزلره سس سالمامیشدی. خوجالی قیزلاری تلاش ایچینده‌یدیلر. یاتمامیشدیلار، آتالاری‌نین  قارداشلاری‌نین دؤیوشدن قاییداجاغینی گؤزله‌ییردیلر.

« عذر ایستی​ییرم، اول آقای بزرگی سیزین کدخدالیغیز چوخ مبارکدی. رحمتلیک مشه رحیم یاخشی کیشی​ایدی آما آقای بزرگی هارا، مشه رحیم هارا؟.ا... کؤمه​یی اولسون. دئمه لییم کی آقای بزرگی بیرکندی یوخ بلکه دونیانین بوتون کندلرینی ده اداره ائلییه بیلر. آما جسارت اولماسا دئمه​لییم، قوروخجولوق دا چتین ایشلرین لاپ بیریدی. ایندی​یه​جن بیزیم کند، دوز-عملی بیر قوروخجو اوزو گؤرمویوب، قونشو کندلرین چوبانلاری، ناخیرچیلاری، ائلاتلار، هی بیزیم اوتلاناجاقلاریمیزی، زمیلریمیزی اوتاریللار؛ هئچ کسین ده توکو ترپنمیر. گؤرون من گلن ایل نئینی​یه​جیم. دوشمانلارا بیر گؤز قورخوسو وئریم کی بیرینین بیزیم کندیمیزه خور باخماغا جرأتی اولماسین. اوستا محسن ده گرک بو ایل باشاردیقجا دینک حاضیرلاسین. بوگون قاپیدان، پنجره​دن، دربچه دن هله چؤرکدن ده واجیب، دَینک​دی...» شمی​نین سؤزو بیتجک مشه رحمان اونون سؤزونون دالیسینی توتدو: «شمی دوغرو دئییر. کندیمیزی دوشمانلارین قارشیسیندا قوروماق اوچون هر شئی دن چوخ بیزه دینک لازیمدی. اوستا محسن گرک نجارخاناسین دینک​خانییا چئویره. اسگی قاپی پنجره لراینن نئچه ائلده کئچینمک اولار. هله نئچه آیری دینک​خانا دا ایشه سالمالی​ییق. جاوانلاریمیز دا گرک دینکله ساواشماق هنرلرینی داها چوخ آرتیرالار. ایسته​سک ایشلریمیز دوز قاباغا گئتسین اولدوقجا آییق-ساییقلیق گرکدی». بالا-بالا قارانلیق گئجه یولدان یئتیشیردی. نئچه کیشی​نی اسنه​مَک توتموشدو. کاتدا رحمان اوزون جماعته توتوب دئدی : «محترم قارداشلار ایه بیرینین سؤزو اولماسا جلسه​میزی بیر صلواتینان قورتاراق».  مشه فاضل الین-زادین قووزامامیش ائله اوتوردوغو یئرده دانیشماغا باشلادی: « کاتدا بیلدیگیز کیمی کندیمیزین تکجه بیر مستراحی وار. مشه رحیم بیزه اجازه وئرمه​دی هره​میز اؤزوموزه بیر مستراح تیکک. ممکن اولسا اجازه وئره​سیزاؤز خرجیمیزینن اؤزوموزه مستراح تیکک. وا... آرواد اوشاغین مستراح صفینده دورماخلاری یاخشی ایش دؤیول. گئنه یای-یازی جماعت بی داش دیبینده اوتوروب ایشین گؤرور آنجاق قیشین شاختاسیندا ایش لاپ چتینله​شیر». مشه رحمان بیرآز دایانیب، سونرا قاباقکینا رغما سسینی اوجالدیب سون سؤزلرینی دیله گتیردی: «آ کیشی من ده بیلیرم کندیمیزین تکجه بیر مستراحی وار. اوردا بلکه ده نوبته دورماقدان یورولوسوز. آما دؤزمکدن باشقا بیر چاره​ یوخ. هله چوخ واجب ایشلریمیز وار. نه تئز فداکارلیغیزی اونوتدوز؟ ایر دینک کرخانالاریمیزی یولا سالا بیلسک مشکلریمیزین چوخو قیراقدا قالار.دوشمانلاریمیز گؤرسه​لر دینک کرخانالاریمیز یولا دوشوب یقین بیزدن چکینه​جکلر. کیم بیلیر بلکه ده دینک گوجونه بیرگون ماحالین خانلیغینی دا اؤز الیمیزه کئچیرتدیک. اوندا داها چؤرک آزلیغی اولمویاجاق، هر ائوه ده بیر مستراح تیکدیره​جه​ییک...                                                   تبریز ۱۳۹۰       [1]- Dəyənək- چماق [2] کندخدا- کدخدا https://t.me/Adabiyyatsevanlar

«نادر پاشایی» پاشا دَیه​نک[1] مشهدی رحیمی تورپاغا تاپیشیراندان اوچ گون سونرا، رحمان بزرگی یوخسون​آوانین تزه کاتدا[2]سی، کندلیلری بیر یئره ییغدیرتدیریب، اؤز کاتدالیغی دورونده نه ائده​جکلرینی دیله گتیردی: «ا... مشه رحیمه رحمت ائله​سین، یاخشی کیشی ایدی. کاتدالیقدا دا باجاریغی قدر کندیمیزه خدمت ائله‌میشدی. آما کندیمیزده مدرسه تیکیلمه​دی؛ ماشین یولو چکیلمه​دی. ایندی بیرینین مریضی اولسا گرک علیارا کیمی قاطیرینان گئتسین؛ او دا، پاییزدا-قیشدا ال وئره سی دئییل. کندیمیزه ایکی-اوچ ایل معلم آیاغی چاتمادی. من پاییزین اولینده آموش و پرورشه گئتمه​سیدیم ائله بوگون ده معلم اوزونه حسرت قالاجایدیق.بوگون گوردویوز کیمی، کندیمیزین معلمی  وار، اوشاقلاریمیز دا مکتبه گئدیللر. البته ائله دورد-بئش کلاس درس اوخوسالار گؤرر ها. میرزه دازالاق دئین کیمی، چوخ درس اوخوماغین زیانی وار؛ آدامی یولدان چیخادار. کندین یولو اولمادیغینی دا بخشدارا یازمیشام. ا... قویسا سو دا چکدیره​جَیم. بلکه ایشیغا دا بیر ایش گؤردوک...» کندلیلر بیر آغیزا "ا... سیزدن راضی اولسون "دئدیلر سونرا تازا کاتدا اوزونو معلمه ساری چئویردی: «آقا مودور بیزیم کتده قایدا بو دئییل کاتدا جماعتی ییغیب اولارین سؤزونه قولاق وئره؛ آما من او کاتدالاردان دئییلم. من صلاح-مشورتسیز بیر ایش گؤرمه​رم؛ نه یاخشی کی مجلیسیمیزین بیریمجی نطق ائلییَنی، ائله سن اولاسان». کاتدانین بویوروغو اوزره معلم آیاغ اوسته دوروب، سینه‌سینی قاباغا وئریب ساری ساققالین قاشییا-قاشییا دانیشماغا باشلادی: «بسمه تعالی. سلام عزیز برادرلر. من بویون چوخ خوشحالام کی بوجور محروم بیر کنده معلم گلمیشم. رحمتلیک مشه رحیم آموزش و پرورشه یول دؤیمکدن یورولسا دا، مشه رحمانین بیر نامه‌سینی اداره‌یه گتیرننن سورا منی سیزین کندیزه یوللادیلار. متاسفانه ممدقولونون اوتاغی کلاس اوچون چوخ داراشلیقدی؛ ائله کی یازیق اوشاقلار بیر-بیرلرینه ائله سؤیکه​نیرلر کی بعضا بیری زورا دوشوب... اوشاقلارین درس وضعیتلری ده دوغرودان آغلامالیدی. پنجم شاگردینین قاباغینا اول ابتدایی​نین فارسی کیتابین قویورام اوخویانمیر. مکتبه گئجه گلنلرین اوضاعلاری لاپ گولمه​لیدی. تخته سیاهدا یازیرام، «زن آرواد، مرد کیشی» اون دفعه ده اوجادان اوخویورام خانعلی کیشی اوخویور "سن آرواد، بن کیشی." قاباقکی معلم​لر تکجه یئییب، یاتیبلار. سپاهی دانشلر ده او بی​لیاقت شاه دورونده، همیشه اؤز شهرلرینده-کندلرینده اولوبلار. یقین کی منیم ایشیم چتین اولاجاق؛ اؤزو ده تک باشینا بئش پایه یه، بیر ده یاشلی​لارا درس دئمک راحات ایش دئییل». معلمین فرمایشلری بیترکن، مشه غلامعلی ساغ الینی قووزاییب دانیشماغا اجازه ایسته​دی. تزه کاتدا دا مهربانلیقلا اونون سؤزلرینی دینله​میه ماراق گؤستردی. مشه غلامعلی، آیاغا دوروب دانیشماغا باشلادی: «بویون بیزیم کندیمیزین، توی بایرامیدی. آقای بزرگی نین کاتدالیغی مبارک اولسون. آرزوم بودو اونون کاتدالیق دورونده کندیمیزآبادلاشا؛ یولوموز چکیله. معلیمیمیزی ده وار اولسون. وا... بو بئش آیدا بیزیم کنده گلدیگی گوندن یازیغین گئجه گوندوزو یوخدو. اوشاقلارا اوقدر دانیشیر، بوغازی توتولور. اؤزو ده او زمانه​ده کی فلکه باغلاماق ییغیشیلیب، شویلر ده هرگون اینجه لَشیر. من اؤزوم ملا قنبرین قوللوغوندا دورد ایل، قرآن، گلستان، بوستان اوخوموشام؛ بیلیرم یاشلی آداملارا درس اؤیرتمک نئجه چتیندی؛ آما منیم بیر آیری سؤزوم ده وار. ایندی قیشدان ایگرمی گون قالیر؛ بالا-بالا مال حیوانی چؤلده اوتارماق واختی گلیر. یئتیم موسا ارومیه یه کؤچوب، کندیمیزه ده چوبان سئچمه​میشیک. حوسو یاخجی اوغلاندی؛ اؤزو ده بئکاردی. مصلحت گؤرسز اونو بورا چاغیراق؛ اینانیرام او بیزیم تکلیفیمیزی اورکدن قبول ائلییه​جکدی». کاتدا رحمان کیچیک باشینی نئچه یول آشاغی-یوخاری ائله​ییب، کئچه بورکونو آلنینین اوستونه ائندیریب، بیر نفری حوسونون دالینجا یوللادی. حوسو ایگرمی دیقه چکمه​دن اوتاغا تَپیلدی . کاتدا رحمان اوزونو حوسویه توتوب دئدی: - حوسو به سلامین هانی...حوسو بیلیسن کی یئتیم موسا اورمویا  کؤچوب، قاباغا گلن ایل کندیمیزین چوبانی یوخدو. حاضیرسان گلن ایل قویونلاریمیزی اوتاراسان؟ - مشه رحمان به نییه اوتارمیرام. - آما گؤزله مه لیسن کی قورد، قویونا گیرمه سین؛ خالخین زمیسین زادین اوتارمییاسان! - مشه رحمان؛ او یئتیم موسایدی، چولده باشین قویوب یاتیردی، قویونلارین دا باشلارینا هر اویون گلیردی. قویون من کندین چوبانی اولوم؛ گؤرون چوبان نئجه اولار. ایندی شمی دشتستانی گلن ایکی ایلین قوروخجوسونون دانیشماق سیراسیدی:

  مرگ نازلی(وارطان) «احمد شاملو» نازلی! بهار خنده زد و ارغوان شکفت. در خانه، زیرِ پنجره گُل داد یاسِ پیر. دست از گمان بدار! با مرگِ نحس پنجه میفکن! بودن به از نبودشدن، خاصه در بهار…» نازلی سخن نگفت  سرافراز دندانِ خشم بر جگرِ خسته بست و رفت… «ــ نازلی! سخن بگو! مرغِ سکوت، جوجه‌ی مرگی فجیع را در آشیان به بیضه نشسته‌ست!» نازلی سخن نگفت؛ چو خورشید از تیرگی برآمد و در خون نشست و رفت… نازلی سخن نگفت نازلی ستاره بود یک دَم درین ظلام درخشید و جَست و رفت… نازلی سخن نگفت نازلی بنفشه بود گُل داد و مژده داد: «زمستان شکست!» و رفت… https://t.me/Adabiyyatsevanlar

«عدالت دومان» دنیز-دنیز ماس ماویمدین اورمان –اورمان گؤم  گؤی گؤیوم هاردا قالدین یئریم- گؤیوم گؤینویورم  گؤیوم – گؤیوم https://t.me/Adabiyyatsevanlar

نازلی خیاولی یالقیزلیغیم چکدی دارا غم باغریمی یارا-یارا گئجه باخدیم اولدوزلارا خاطیره‌لر دوشدو یادا او سنلی گونلرین دادی هئچ ایلییردی هرزادی عجب ظولومکار دونیادی آرزیلاری وئردی بادا سئوینجیمی آلدی کدر چکدی باشیم قضا-قدر ایندی عومور گئدیر هدر سانکی قفسدی دونیادا نازلی دییر یانا-یانا گور نئجه دوشدوم هیجرانا کیمدی بو دردیمی قانا بیر سو سه‌پن یوخ بو اودا... https://t.me/Adabiyyatsevanlar

فیروز رحمانی بیر گون گئدیب من گؤره رم الینی یالوارارام منه سالار مئیلینی یاخجی یامان آنلایارام دیلینی دیلدن دوشموش اوره ییمی نئیله ییم یولو ائنیش یولو یوخوش دونیانین هر سؤزونه اینانیردیم زامانین ایندی گئندن آییریرام یالانین بوشا گئدن امه ییمی نئیله ییم گلیب دورسا لاپ یاخیندا اوزاقلار دیله توتسا بولودلاری بو داغلار جوشا جوشا آخسا یئنه بولاقلار زده لنمیش سنه ییمی نئیله ییم سؤز همن سؤز دوداق همن دوداقدی گؤیلوموزدن کئچن لرده یاساقدی «من» گؤزله ین «سن» گلمه ین او چاغدی الده سولموش چیچه ییمی نئیله ییم

وطن «یعقوب حضرتی» اوره ییم سنده دیر اوزوم سنده یم سن منیم اوزوم سن جانیمسان وطن تنگی شیر نفسیم سن اولمویان دا سانکی داماریم دا قانیمسان وطن دونیا بیر یانادیر  وطن بیر یانا آنام تک باسارام باغریما سنی اورک کووره لنده دوشنده درده مرهم تک یاخارام آغریما سنی تاریخدن هوندوردور اوجا قامتین سنی وراق وراق یازیب ارنلر کیم سنه بوز باخیب آغزینی اییب یئربه یئر قبرینی قازیب ارنلر اونودماز هئچ زامان اوز اولوسونو بویوک نیظامییه سویکنن ائلین جانیندان دا عزیز بسلییه جکدیر تاریخ قانشاریندا اوز آنا دیلین سارسیلماز نسیمی اییلمییه جک دریسین سویسالار فیریخ چیخسادا اکیلمز گولدانا اوجا بوی چینار بورروغان گلسه ده ویریب ییخسادا اوقدرگوجلوسن اوقدر ارن دونیا داغیلسادا سن قالاسی سان دومانلی گونلرده سینه گری ین ائلیمین آلینماز بئذ قالاسی سان چنلی بئلده دوروب سانکی کوراوغلو دلی لر  بیربه بیر آرازدان کئچیر خانلار هووشنه ده قاچاق نبی دن بابکین آدین دان  خلیفه اسیر قیزلارین نیگاردیر قیزلارین هجر سوسمازلار آپارسا سئل ساراسینی ستارخان الینده آینالی توفنگ اوزو باغلییاجاق  ائل یاراسینی توزدومان گلنده بوران گلنده دوش وئریر قاباغا سنده ساوالان یومروغو قووزانیر گویه سهندین ظولمون قارشیسیندا دورور هر زامان الماسین دنیزی ایشیغین داغی باش باشا یاتیبلار سنین قوینوندا اولکه لر یانیندا باشین اوجادیر آدین بیراینجی دیر تاریخ بوینوندا عالیم لراویلاغی شعئیر قایناغی ببزیم یوردوموزدور ببزیم وطن دیر تورک اولا فارس اولا. یا لور یابلوچ قانلاری عینی دیر.  عینی بدن دیر قارقا یاشامینا باش ایمییه جک قارتال قانادلی دیر قارتال ویقارلی ایلهام چشمه سی دیر آخارلی قاینار بولاغ لاری سولو داغلاری قارلی https://t.me/Adabiyyatsevanlar

«میکاییل مشفق» جان آتمادین‌می؟ من کی بیلمز ایدیم ندیر محبت بو سیرری سن منه آنلاتمادین‌می؟ دونیایا سیغمایان شاعیر کؤنلومو کؤکسومدن چیخاریب اویناتمادین‌می؟ من کی نغمه دئییب بنؤوشه‌لردن پئشه‌م ذؤوق آلماقدی بیر شوخ دلبردن مندن اوزاق گزیب، دولانیب هردن قلبیمی سیخماغا جان آتمادین‌می؟ مین هیجران کؤنلومو آلاندا له‌له ذرّه‌جه حالیما یانمادین بئله موشفیقین قلبینی تئز آلیب اله اونو رؤیالاردان اویاتمادین‌می؟! https://t.me/Adabiyyatsevanlar

اوستاد شهریار " حکیمه جان" 1365 سن وطندن ساری قلبین دویونورسه ، مارالیم وطنین ده مارالیندان ساری قلبی دویونور وطنی باغریوا باسسان سئوینیرسن یئنه سن کی وطنده بالاسین باغرینا باسسا سئوینیر منیم عشقیم اوجالی ، غوربت اولوب دونیا منه دوست دویانمیر دویونور، دوشمن اویانمیر اویونور https://t.me/Adabiyyatsevanlar