ادبیات سئونلر

اوشاق ادبیاتی کودکان دارای توانایی‌های خاصی در درک و احساس شعر هستند که ممکن است بزرگ‌ترها آن را نادیده بگیرند. این توانایی‌ها به عوامل متعددی بستگی دارد که در اینجا به برخی از آن‌ها اشاره می‌شود: 1. تجربه و تخیل: کودکان به طور طبیعی تخیل قوی‌تری دارند و می‌توانند با تصاویر و احساسات شعری ارتباط برقرار کنند. بر اساس نظریه‌ی روان‌شناسی رشد پیاژه (۱۹۷۰، ص. ۱۵۲)، تخیل در کودکان به آن‌ها کمک می‌کند تا مفاهیم را بهتر درک کنند. آن‌ها ممکن است به جنبه‌های عاطفی شعر واکنش نشان دهند حتی اگر تمام جزئیات معنایی آن را درک نکنند. این امر به آن‌ها اجازه می‌دهد که دنیای عاطفی و تخیلی خود را از طریق شعر گسترش دهند. 2. زبان و صدا: کودکان به موسیقی و ریتم زبان جذب می‌شوند. نظریه‌ی زبان‌شناسی چامسکی (۱۹۶۵، ص. ۴۳) نیز بر اهمیت ساختار و لحن زبان تأکید دارد و نشان می‌دهد که حتی اگر معنای دقیق شعر را نفهمند، لحن، قافیه و آهنگ آن می‌تواند برایشان جذاب باشد. این جذب شدن به صداها و الگوهای زبانی به آن‌ها کمک می‌کند تا مهارت‌های زبانی خود را تقویت کنند. 3. درک غیرمستقیم: کودکان معمولاً معانی را به طور غیرمستقیم و از طریق تجربیات خود درک می‌کنند. نظریه‌ی یادگیری اجتماعی بندورا (۱۹۷۷، ص. ۲۲) بیان می‌کند که کودکان از طریق مشاهده و تجربه، احساسات و معانی را یاد می‌گیرند. یک شعر پیچیده ممکن است برای آن‌ها احساساتی را برانگیزد که فراتر از کلمات است. این نوع درک غیرمستقیم می‌تواند به آن‌ها کمک کند تا با مفاهیم عمیق‌تری مانند عشق، دوستی یا غم آشنا شوند. 4. قضاوت بزرگ‌ترها: بزرگ‌ترها ممکن است با معیارهای خود به ارزیابی درک کودکان بپردازند و این باعث می‌شود که توانایی‌های آن‌ها را دست کم بگیرند. این قضاوت می‌تواند ناشی از عدم آشنایی با دنیای ذهنی کودکان باشد. نظریه‌ی هوش چندگانه گاردنر (۱۹۸۳، ص. ۱۱) نیز نشان می‌دهد که هر فرد دارای نوعی خاص از هوش است که ممکن است در کودکان به شکل‌های متفاوتی بروز کند. بزرگ‌ترها ممکن است انتظار داشته باشند که کودکان همانند خودشان به شعر نگاه کنند، اما واقعیت این است که دنیای ذهنی کودکان متفاوت است و آن‌ها ممکن است با احساسات و تصاویر شعری به شیوه‌ای کاملاً منحصر به فرد ارتباط برقرار کنند. این تفاوت در درک می‌تواند ناشی از تجربه‌های زندگی، سن و مراحل رشد شناختی باشد. https://t.me/Adabiyyatsevanlar

اوشاق ادبیاتی میلاش اوشاقلاریله گوروش 2 https://t.me/Adabiyyatsevanlar

اوشاق ادبیاتی شیلتاق اوشاق #آنتوان_چخوف فارسجادان چئویرن: #محمد_عابدین_‌پور قایناق: گزیده‌ داستان‌های جخوف ترجمه: رضا آذرخشی، هوشنگ رادپور* انتشارات: جاودان خرد مشهد ویراستار فنی: سعید یونسی   سیمادان گؤزل گنج کیشی«ایوان ایوتیپ لاپکین»؛ سیوری بورونلو دوزلو قیز «آنا سیموتونا زامیلتسکایا» بیرلیکده اوز یئنیش بیر یولدان گلیب چای قیراغیندا نیمکتده اَیلَشدیلر. نیمکت دوز چای‌ین قیرلغیندا بؤیوک بیر سالخیم سؤیودون آلتیندا ایدی. نئجه ده بئله یاخچی و منظره‌لی بیر یئر ایدی. ایکی سئودالی نیمکتده اوتوروب بو دونیادان آیریلیب آیری دونیالاردا دالارکن بریجه چای‌ین بالیق‌لاری، آغاجین تورآتان‌لاری اونلاری گؤروردولر. یئنی‌جه اورایا چاتمیش گنج‌لرین بالیق اوولاما وسایل‌لری تکمیل ایدی. نیمکتده اوتوروب همن بالیق توتماغا باشلادیلار. لاپکین اویان بویانا بیر گؤز گزدیریب دوزلو قیزا دئدی: -          بو نه خوشبخلیخ، ایکیمیز باش باشا،  بیر تح سن، بیرده من، منیم سنه دئمه‌یه چوخ سؤزوم وار... چوخ چوخ سؤزوم... من سنی بیریمجی یول گؤرنده... بیر باخ! دوز سنین قلابیندا چابالایان بالیخ کیمی... بعلی، دوز ائله اولدن بولدوم کی نییه من دیری‌یم، باشا دوشدوم کی کیمی پرستیش ائله‌مه‌لی‌یم و بوتون شرافتلی یاشامیملا زحمت‌لریمی کیمه وقف ائتمه‌لی‌یم...آه... بو نه بیر بؤیوک خوشبخلیخ... باخ بیر... باخ سنین قلابین گینه ترپشیر، ائله‌بیر بالیخ  بو یاخینلیخ‌لاردا... سنه گؤزوم دوشه‌لی عمرومده بیریمجی یول عاشیق اولدوم و سنین درین همده شهوتلی عشقیوه دوشدوم... آنا! بو قدر قلابی دبرتمه، قوی بالیخ جایناغا اولدوخجا یاخینلاشا... عزیزیم خواهیش ائلیرم منه سؤیله؛ اومودوم اولا بیلر سنه... فیکر ائله‌مه سندن قارشیلیخ ایستح گؤزله‌ییرم؟ یوخ هئچ بئله بیر فیکریم یوخ، چونکو اؤزومو او قدرده قابیل گؤرمورم، تحجه سؤیله اومودوم اولا بولر... آنا تئز اول! یوخاری چح! بالیخ دوشدو. آنا سیموتونا سرت قلابی یوخاری چکدی. ایپین او باشیندا یئکه بیر بوز بالیق جایناقدان آسلانمیشدی. قیز باغیردی: -          تانریم... نه بؤیوح بیر بالیخ آه... آه... تئز اولون، کؤمح ائدین... آه! بالیخ قاشدی.    بالیق  اؤزونوجایناقدان قورتاریب اوت‌لارین اوستونه دوشدو. نئچه دؤنه هوپباناراق چایا یاخینلاشدی. لاپکین بالیغی توتماق اوچون تلم‌تلسیک الینی اوزاداراق ال‌آیاغینی ایتیردیگینه گؤره آنا سیمونونا-نین الینی توتدو و گئنه ده ال‌آیاغی دولاشمیش بیر حالدا اونو دوداق‌لارین آپاریب محک اؤپدو. بو اولای گؤزلمه‌دن اولدو... دوامی دا گؤزلمه‌دن اولدو... اؤپوش اؤپوش آردینجا گلدی، و اؤپوش‌لرله بیرگه آند ایچمه‌لر، سؤز وئرمه‌لر. نئجه بئله موتلو آن‌لار! باخمایاراق کی بو دونیادا تام موتلولوق دئیه بیر شئی اولا بیلمز. قایدا اوزری موتلولوقلا بیرگه هپ آجی دا اولور و یا ائشیکدن اونا آجی‌لار سیزیر. بو سفر ده بئله بیر قایدادان مستثنا دئییلدی. قیزلا اوغلان بو دونیادان خبرسیز اؤپوشه‌رک باشقا دونیادا گزدیکده بیردن بیره بیر گولوش قولاق‌لارینا چاتدی. چایا دوغرو باخدیلار، هویوخاراق یئرلرینده قورودولار. بئلینه‌جن سویا گیرمیش لوت بیر اوغلان اوشاغی اونلارا باخیردی. بو اوغلان آنا سیمونونا-نین قارداشی «کولیا» ایدی.                                                                                                                                                                      آردیسی وار *بو کتابی ایکی نفر (هانسی دیلدن؟) ترجمه ائتمه‌یینه باخمایاراق چوخ بیر ضعیف ترجمه دیر منجه! فنی ویرستاری اولماسینا باخمایاراق فنی ایرادلاری چوخ دور؛ هم تایپ باخیمدان (ویرگول، فاصله، یاریم فاصله وس)، هم ده جمله و کلمه باخیمدان (منجه چوخ وقت قویوب داها دقت ائتسیدیلر داها گؤزل ترجمه اولا بیلردی.) منیم الیمده اولان 1398ده 6.جی چاپی دیر. بوتون بو آخساقلیقلارا رغمن؛ گینه ده چخوفون بو کتابدا توپلانان حیکایه‌لرینین دادلی دوزلو اولدوغونا گؤره آدام کتابی یئره بوراخماق ایسته‌میر!    https://t.me/Adabiyyatsevanlar

اوشاق ادبیاتی سس: سارا رضوی https://t.me/Adabiyyatsevanlar

اوشاق ادبیاتی خالق ناغیللاری حاضیرلایان رقیه اسماعیلی قاریشقا و گؤیرچین بیر گون قاریشقا ایلیب دریادان سو ایچیردی. بیردن سوروشوب دریایا دوشدو. آز قالمیشدی کی، بوغولسون. گؤیرچین بونو گؤردو. او، قاریشقانی اؤلمکدن قورتارماغا چالیشدی. فیکیرلشدی. آغزینا بیر چؤپ آلیب، گؤیه قالخدی. سویون اوزونه ائندی، چؤپو سویا سالدی. قاریشقا او ساعات چؤپون اوستونه چیخدی. گؤیرچین یئنیدن چؤپو دیمدیگینه گؤتوردو. او قاریشقانی قورولوغا چیخارتدی. بئله لیکله اونو اؤلمکدن قورتاردی. قاریشقا گؤیرچینه راضیلیق ائله‌دی. ائله همین گون اؤز یئریندن کؤچدو، گؤیرچینین یوواسی اولان آغاجین دیبینده یووا سالدی. بورادا یاشاماغا باشلادی. گؤیرچین بیر یئره گئدنده، قاریشقا دن توپلاییب آغاجا چیخیردی گؤیرچینین بالالارینا وئریردی. اونلار بئله‌جه‌ مئهریبان دولانیردیلار. گون اؤتدو، آی دولاندی، ایل گلدی، بیر اووچو تور قوروب گؤیرچینی توتدو. قاریشقا بونو گؤرنده تئز گئدیب اووچونون جورابینا گیردی. اووچو بیچاغی چیخاردیب، گؤیرچینین بوغازینا چکمک ایسته‌ینده قاریشقا اونون آیاغینی ائله برک سانجیدی کی، اووچو الینی-آیاغینا آتدی. ائله بیلدی کی، آیاغینی ایلان چالدی. گؤیرچین تئز اوچوب یوواسینا گلدی. اوندان سونرا همیشه بیرلیکده مئهریبان دولاندیلار. https://t.me/Adabiyyatsevanlar

اوشاق ادبیاتی اوشاق ادبیاتی هرهفته پنجشنبه گونو ادبیات سئونلر کانالیندا، اوشاق ادبیاتینا دایر یازیلارینیزی بیزه گوندرین. https://t.me/Adabiyyatsevanlar

تیراختور:3 الوکره:0

شاهین_مرادی تورک میفولوگیاسیندا «مئرگئن خان» ( Mergen xan) تورک و آلتای میفولوگیاسیندا عاغیل تانریچاسی و یا الهه‌سی‌دیر. «پئرگئن خان» اولاراق دا تانینیر. هر شئیی بیلیر. عقل و ذکانی تمثیل ائدیر. گؤیون یئددینجی قاتیندا اوتورور. بیلگه‌لیک صاحبی‌دیر. هر شئیی بیلدییی اوچون، هر شئیه گوجو یئتیر. اوخو و یایی واردیر. بیلگه‌لییی ایله آتدیغی اوخ، هدفینی چاشماز. انسان‌لارا بیلگه‌لیک وئریر. علم و فلسفه‌نی سیمگه‌له‌ییر. اولگئن‌ین قارداشی و قایرا خانین اوغلودور. مئرگئن، آیریجا ناغیل و افسانه قهرمان‌لاریندا بیر عنوان و تیتول اولاراق دا قوللانیلیر؛ قان مئرگئن، آی مئرگئن، سودئی مئرگئن و... اتیمولوژی‌سینه گلدیییمیزده، مئرگئن سؤزو، «بئر/پئر/مئر» کؤکوندن یارانیبدیر. اوخچو، نیشانچی، قهرمان دئمکدیر. مغول و مانچو دیلین‌ده بیلگه، داهی معناسیندا گلیر. مئرگئن خان قهرمانلیق، ساواشچی‌لیق، جسارت و بیلگه‌لیک کیمی دَیَرلری تمثیل ائدیر. قان مئرگئن، ساواشچی‌لیغی و جسارتی سیمگه‌له‌یرکن، آی مئرگئن آیدینلیق و بیلگه‌لییی تمثیل ائدیر. کارتاغا مئرگئن طبیعتین گوج‌لری ایله ایلگی‌لیدیر. سودئی مئرگئن ایسه باریش، عدالت و یاخشی‌لیق کیمی دَیَرلری تمثیل ائدیر. یایی‌نین ایکی اوجوندا ایکی قورد نمادی واردیر. یایی‌نین قوللوق‌لاری دا قودد اَنسه‌سی شکلینده‌دیر. آلاجا بیر آتا مینن مئرگئن، یونان میفولوگیاسیندا «هئرمئس»دیر. اسکی تورک‌لرده ان ماهیر اوخچولارا «ائرتنه مئرگئن» آدی وئریلمیشدیر. گونشی اوخ ایله وورماق‌لا، انسان‌لارا غضب‌ین بیلدیریر. فقط تانری، گونشین یئرینی دییشدیریر و مئرگئن اونو وورا بیلمیر. جزا اولاراق کؤسته‌بَیه چئوریلیب و یئرین آلتینا گؤندریلیر (یئرآلتی دونیاسینا). مَرگَن آدی ایله، توپونیم‌لریمیزده (یئر آدلاریمیزدا) بو آد یاشاماقدادیر. مرگن‌لر شهری، ماکونون قره‌قویونلو بخشی‌نین مرکزی و شوط شهری‌نین چئوره‌سینده یئرآلمیشدیر. دؤرد کندین بیرلشمه‌سی ایله ۱۳۸۶- جی ایل شهر اولموشدور. عزیزآباد مرگنی. اورتا مرگن، قدیم مرگن، اسماعیل کندی مرگنی. بو شهرین انسان‌لاری، قاراقویونلو طایفاسینا عائددیرلر. شمالی خوراساندا و «جوین» و «گرمه» شهرلری‌نین طایفالاری، بوتونلوک‌له «مرگن»‌دیر و اؤزلرین دانیشدیردیق‌دا، طایفا آدلارینی «اوخچو»  معناسیندا بیلیرلر. هامیسی دا تورک سویونداندیرلار. https://t.me/Adabiyyatsevanlar

سیدمرتضی حسینی "قورد قادین" اینانماسی چتین اولسادا بو بیر گرچک‌دیر: انسان تاریخ‌دن داها چوخ اسطوره‌لری سئور و تاریخی ده حتی اؤز ذهن فیلتریندن کئچیردیب اسطوره‌لشدیرَر. بو اؤزل‌لیک بیزیم انسان‌لاردا داها چوخ و داها درین‌دیر چون دوشونجه طرزی و دوشونجه تاریخی باخیمیندان بیزیم انسان‌لارین چوخو منطق اساس‌لی رئال دوشونمک آشاماسینا وارماییب، هله‌ ده میتولوژیک دوشونمک آشاماسیندادیرلار. میتولوژیک دوشونجه عالمینده، انسان حیاتی‌ایله ایلگیلی هر بیر شئی‌یین میت‌لر دونیاسیندا اؤزل بیر سیمبولو وار. میتولوژیک دوشونن توپلوم‌لاردا دوغااوستو (ماوراء‌الطبیعه)،  ناغیل‌لار، افسانه‌لر، اینانج‌لار، یوخولار و اؤلولر چوخ چوخ اؤنملی‌دیرلر. عین حال‌دا بو میتولوژیک دوشونجه‌لر و اینانج‌لاردا چوخ بؤیوک و گئنیش بیر چئشیدلی‌لیک وار. هر شهر، کند، ائل و طایفانین اؤزونه گوره اؤزل بیر میتولوژی دونیاسی وار. بو توپلوم‌لارین گرچک اؤزونو گوروب گرچک کیملیگینی تانیماق‌ایچین، اونلارین میتولوژی دونیاسینی تانمیاق و آنلاماق گرکلی‌دیر. بورادا یازدیغیم "قورد قادین" اسطوره‌سی چوخ کیچیک بیر اؤرنک‌دیر. زنگانین زؤیرون کندینده، باشقا تورک ائل‌لر، کندلر و شهرلر کیمی، قورد حقینده چوخ اینانج‌لار، مثل‌لر و ناغیل‌لار وار. یوخودا قورد گورمک خوش اوغوردور آما ایت گورمک بد اوغور. قوردون اَلی شفا قایناغی‌ایدی. بعضی ائولرده کَسیک بیر قورد اَلی اولاردی. بیری‌نین بوغازی گلنده و یا به‌به‌سینه سود وئرن قادینین سودو قاییداندا، قورد اَلی چالاردی‌‌لار‌ و س. هله ده قدیم عائله‌لرین ائولرینده قورد اَلی وار. زؤیرونون قوردلا ان اسکی و چوخ اؤزل دئییم‌لریندن بیری "بوغازا قورد دریسی گئچمک"ایدی. هر کس اؤزل‌لیک‌له بیر قادین دائماً اوفکه‌لی و عصبی اولوب هامی‌ایله ساواشسایدی، دئیردی‌لر "بئله‌بیل بوغازینا قورد دریسی گئچیب" (زؤیرون‌ده ائله‌بیل یئرینه بئله‌بیل دئیرلر؛ سانکی). "بوغازا قورد دریسی گئچمک" دئییمی چوخ اؤزل و اسکی بیر اسطوره‌دن قایناقلانیردی. تورک میتولوژی‌سینده "قورد"ون نه قدر اؤنمی و رولو اولدوغونو بیلیریک و بورادا تکرارا گرک یوخ آما "قورد قادین" میت و سیمبولو حقینده یئترینجه بیلگی و آراشدیرما یوخدور. "بوغازینا قورد دریسی گئچیب"، "قورد قادین" اولان قادینین حکایه‌سی: چوخ اسکی زمان‌لاردا بیر قادین‌ وار ایمیش. گنج‌ایکن ائشی اولور و اوشاق‌لارینی ساخلاماق‌دا چوخ چتین‌لیک چکیر. بیر گون چوخ یورغون و افکارلی حال‌دا ائوه گئدر کن قونشوسو اولان قاری نه‌نه‌نی گؤرور. بو قاری نه‌نه چوخ زادلار بیلَرمیش. ناخوش‌لوق‌لارین درمانینی، انسان‌لارین طالع‌لرینی، اوزون- اوزاق ناغیل‌لار و تاریخ‌لر، گله‌جک‌ده نه‌لر اولاجاق.... آنجاق بو قاری نه‌نه شامان کیمی بیر قاری نه‌نه‌ایمیش. گنج و چاره‌سیز قادین بو قاری‌ نه‌نه‌دن یاردیم ایسته‌ییر. قاری نه‌نه دئییر: سنه اؤزل بیر یاردیم یولو وار. قورد دریسی سالاجایام بوغازیوا. دوشون گؤر ایسته‌ییرسن؟ گنج قادین سوروشور: او نه‌دی؟ قاری نه‌نه دئییر: آی‌دا بیر گئجه قورد اولاجاقسان. اوشاق‌لاریوین روزی‌سین او بیر گئجه‌ده تاپیب گتیره‌جک‌سن چون چوخ گوجلو و قورخونج بیر قورد اولاجاقسان آما بو داها سنین کیملیگین اولاجاق. هر آی دولان‌آی (۱۴ گئجه‌لیک آی) گئجه‌لری قورد اولاجاقسان. گنج قادین ایلک باش‌دا قبول ائتمیر آما بیرآز سونرا راضی‌لاشیر.  قاری نه‌نه دئییر: ایلک دولان‌آی گئجه‌سی منیم ائویمه گل. ایلک دولان‌آی گئجه‌سی اولونجا گنج قادین قاری نه‌نه‌نین ائوینه گئدیر. قاری آی ایشیغیندا بیرزادلار یاندیریر و بیر سیرا اؤزل و آنلاشیلماز سؤزلر دئییر، باشقا بیر دیل‌ده شعر اوخویان کیمی. سونرا گنج قادینا بیرزادلار یئدیردیر و اسکی بیر قارا قورد دریسی وئریر گئیسین. گنج قادین قورد دریسینی گئییر و قوردا دؤنوشور. چوخ ییرتیجی و قورخونج بیر قورد. دورمادان گئدیر اوردان- بوردان چؤرک، اَت و... کیمی چوخ زادلار یاغمالاییب گتیریر ییغیر ائوینه. صبحه قدر ائوینی دولدورور اوشاق‌لاری‌نین احتیاجی اولان هر بیرزاد اؤزل‌لیک‌له یئمک‌لرله. آی باتینجا اؤزونه دؤنور و گنج قادین اولور. اوندان سونرا هر دولان‌آی یعنی آی ۱۴ گئجه‌لیک اولان گئجه‌لرده، اوشاقلارینی تئز یاتیردیب، تندیرین باشیندا اوتوروب باجادان باخارمیش آیا و قوردا دؤنَرمیش. صبحه قدر اوشاق‌لاری‌نین روزی‌سین او بیر گئجه‌ده توپلارمیش و آی باتینجا اؤزونه دؤنوب، اوشاق‌لاری‌نین یانیندا یاتارمیش. اوشاق‌لاری هئچ زمان گؤروب- بیلمز ایمیش‌لر آنالاری‌نین "قورد قادین" اولدوغونو. بئله‌لیک‌له قادین بیر عمر آی‌دا بیر گئجه قورد اولماغی یاشامیش‌دیر. آی‌دا بیر گئجه چوخ وحشی و قورخونج بیر قورد اولماق؛ "قورد قادین". چون کی او قادینین "بوغازینا قورد دریسی گئچمیش"دیر و اوندان قورتولاجاغی یوخ‌ایمیش.                          https://t.me/Adabiyyatsevanlar

ویدا حشمتی دیلیم دویورسان‌می؟!.. ساچلاریمدا کولک اسیر، ببه‌نک دوغور اللریم، سس‌سیزدیر دیلیم، دیلیم آناسیزدیر. من یارالی اویغولاریمی، کؤکله‌ییرم اومود تئلینه تون به تون دوشسون گئجه‌ کابوسلاری آجی آغلاییر هر سئکانسی آخی گؤزلریم دادسیزدیر... دار گلیبمیش آغزیمدا دیلیم یاپراقلی سؤزلریم لای-لای هاواسی چالیر چای جوشدورور، گیزلری چالیر، آت چاپیر چاغیر گلسین صولح بویالی ماهنیلاری قولاقلاریم رنگ‌سیزدیر... کول بویالی آرزیلاریم انقلاب دادیر آرزیلاریم اینقلابدادیر سانجیلارین یئنی دوغولموش بوداغی هوسله‌نیر یاشیلی- هوسله‌نیر تورونجو، بیر قوجاق باهاری کؤنلوم سن‌سیزدیر دیلیم آناسیزدیر... https://t.me/Adabiyyatsevanlar

استاد شهریار حتی یک بند از حیدر بابا را نمی توان به فارسی ترجمه کرد.

اوستاد شهریا یار گونومی گؤی اسگییه توتدو کی دور منی بوشا جوتچو گؤروبسه ن اؤکوزه اؤکوز قویوب بیزوو قوشا؟ سن اللینی کئچیب یاشین ، من بیر اوتوز یاشیندا قیز سؤیله گؤروم اوتوز یاشین نه نیسبتی اللی یاشا؟ سن یئره قویدون باشیوی من باشیما نه داش سالیم؟ بلکه من آرتیق یاشادیم نئیله مه لی ؟ دئدیم یاشا بیرده بلالی باش نچون یانینا سوپورگه باغلاسین؟ بؤرکو باشا قویان گرک بؤرکونه ده بیر یاراشا بیرده کبین کسیلمه میش سن منه بیر سؤز دئمه دین یوخسا جهازیمدا گرک گلئیدی بیر حوققا ماشا دئدیم : قضا گلیب تاپیب ، بیر ایشیدی اولوب کئچیب قوربانام اول آلا گؤزه ، حئیرانان اول قلم قاشا منکی اؤزومده بیر گوناه گؤرمه ییرم ، چاره ندیر ؟ پیس بشرین قایداسی دیر ، یاخشی نی گؤرسه دولاشا دوستا مروت ائتمه لی دوشمه نیله کئچینمه لی قایدا بودیر ، حئیف دئگیل بشر یولون آشیب چاشا ؟ من ده سنین دای اوغلونام سن ده منیم بی بیم قیزی گؤنول باخیرسا گونه شه ، گؤزده گرک بیر قاماشا https://t.me/Adabiyyatsevanlar

حسن کافی پاییز پاییز گلیب داغ باشینی چن آلیر اوبامیزدان کوچ ائیله ییر یای ایندی بولاق باتیر،یاپراق سولور سارالیر داغ دره دن کسیلیری های ایندی. ائل ده گئدیب یایلاقلاردا های دا یوخ ئولن ده یوخ ماتم ده یوخ وای دا یوخ یاغیش دا یوخ، دره لرده چای دا یوخ ائله بیل کی امک اولوب زای ایندی داغ باشیندان سوری آخیب گلمه ییر نشانلی قیز خان چوبانین گورمه ییر قارا ساچین قاچاراقدا هورمه ییر کیپریکی اوخ، قاشی اولوب یای ایندی کهلیک قاچیب دورنا کوچوب غاز هانی؟ آشیق گئدیب، اوخویان یوخ ساز هانی؟ گول چیچک دن اثر قالمیر یاز هانی؟ گون ده گئتدی گوز ئونوندن یاییندی کول آلتیندا ایسسی قالیب هله کوز آجی لاشیب آغیزلاردان چیخان سوز یازیخ  کافی  ائله قاریش سنده دئوز یاز گلینجه گونلریوی سای ایندی https://t.me/Adabiyyatsevanlar