ادبیات سئونلر

میرزه علی اکبر طاهرزاده " صابرین" ایلک و یگانه مصاحیبه سی... https://t.me/Adabiyyatsevanlar

علی‌یئوا» آدلی کیتابیلاری دا نشر ائدیلمیشدیر. س.و. ائل او‌غلو قوزئی آذربایجاندا یاشایان مسلک‌داشلاری‌نین اثرلرینی کیریل و لاتین الیفباسیندان اسکی الیفبایا کؤچوروب، چاپ ائتدیرمیشدیر: مولود سولئیمانلی‌نین «سؤز ایچینده سؤز»، صلاح‌الدین خلیل اووون «شرق و غرب»، ایسماعیل ولی‌یئوین «بیلقامیش داستانی» و س. او، ایندییه دک چاپ اولونموش اونلارلا کیتابین مقدّمه و اؤن سؤزلرینی یازیبدیر کی،  بونلاردان محمّد حسن یوسفی‌نین «ائل"سؤزلری»، پرویز یئکانی زارعی‌نی «آذربایجان شفاهی ائل ادبيّاتینا بیر باخیش»،  بختیار واهابزاده‌نین «پاییز دوشونجه‌لری»،  تورکجه «حافظ غزل‌لری»،  «میرزه علی اکبر صابیرین» «هوپ هوپ نامه»،  «ووقار نعمت‌ین «سنی قایالارا چاغیراجاغام» آشیق کاماندار افندی‌یئوین «بورچالی لایلاسی»،  غلامحسین ساعدی‌نین «بَیل عزالی‌لاری»،  حسین صیفی هئریس‌ین «گونشه ساری»،  بهروز ایمانی‌نین «گؤزلرینی آچ»  محرّم فرزانه‌‌نین «ایستک زیروه‌سی»،  جمشید شیبانی‌نین «بایاتی بولاغی»،  جواد دربندی‌نین «آشیقلار دونیاسی»نی، آشیق مراغه‌یی‌نین غزللرینی، رامیز ممدزاده‌نین «همیشه سن گله‌سن/،  علی قولو کاتبی آغ قوشون «تزه بایاتیلار»،  عبدولله کاظمی قارابولاغین «آتا-بابالار سؤزو»،  عباس دهقانی‌نین «بایاتی بوخچاسی» و س‌  قید ائتمک اولار. فداکار ضیالیمیز ۲۰۰۵-جی ایل دئکابرین ۲۵-ینده آذربایجان ادبيّاتی‌نین و فلسفی فیکری‌نین تبلیغینده‌کی خدمتلرینه و معاریفچیلیک فعالیّتینه گؤره آذربایجان اونیوئرسیتی‌نین «فخری فرمانی» ایله تلطیف اولونموشدور. بو گونلرده شاعر، ناثر، ادبيّات شوناس، متن‌شوناس و آراشدیرماچی صدیار وظیفه‌‌ ائل او‌غلونون ۶۵ یاشی جنوبی آذربایجاندا گئنیش قید اولونور. بیز ده ائلیمیزین دایم زیروه‌لره جان آتان وطن و میللت سئور اوغلونو آذربایجان ادبی جامعه‌سی آدیندان تبریک ائدیر، اونا جان‌ساغلیغی و یئنی یارادیجیلیق اوغورلاری آرزولاییریق. https://t.me/Adabiyyatsevanlar

ایراندا رحمتلیک ب.ق. سهندین «سازیمین"سؤزو» اثری و اوستاد شهریارین «حئیدر بابا»سی خالقا باغلی صنعت اثرلری‌نین یارانماسینا بؤیوک تکان وئردی. باخ بیزیم ائل او‌غلوموز همین نسلین داوامیدیر...- قناعت ایله کیتابین مؤلفینی قورورلا، اؤیور   میلّی ادبيّات سئوداسی و تصّوب کشلیک دویغولاری ائل او‌غلودا گنج یاشلاریندان باش قالدیرمیشدیر. ۱۹۸۹-جی ایلدن اوستاد یحیی شیدا، هلال ناصری، عباس بارز، عباس صابیری و باشقا قلم صاحبلری ایله بیرلیکده تبریزده یارانان «آذربایجان شاعرلر و یازیچیلار جمعيّتی»نین فعال و رسمی عضولریندن اولاراق جمعيّتده چالیشمیش و ایجلاسلاریندا اشتراک ائتمیشدیر. «آذربایجان شاعرلر و یازیچیلار جمعيّتی» قاپانیلاندان سونرا دا تهران شهرینه کؤچوب ۱۹۸۴-جو ایلین اوّلیندن تهراندا شاعر و یازیچی دوستلاری: مورادلی قریشی، قافلانتی، بورجعلی قریشی، تورک اوغلو، حسن  ریاضی(حسن ایلدیریم)، سعید بذلی(آیدین تبریزلی)، محمّد قاسمی(آقشین آغ‌کمرلی)، جبراییل صیفی هریس، حسین صیفی هریس(آغ‌یارلی)، جمشید شیبانی آوچی، قادر جعفری قوروچایلی ایله بیرلیکده او محیطده تورک‌دیللی شاعر و یازارلار اوچون یارادیلان «آرزو کاروانی» آدلی ادبی درنه‌یین بانی‌لریندن اولموش و او ایللرده اجلاسلاری آنجاق ائولرده کئچیریله‌ بیلن ادبی درنه‌یی اداره ائدنلردن اولموشدور. س.و. ائل او‌غلو ۱۹۹۴-جو ایلدن سونرا ایلک بانی‌لری مظفّر درفشی، سیّد منیری، اوستاد بهزاد بهزادی، علی‌قلی کاتبی، هاشیم ترلان، حسین شهرک و دیگر شاعیرلرین اشتراکی ایله یارانان مشهور «میرزه علی اکبر صابیر» آدینا ادبی درنه‌یین دایمی عضولریندن اولموش و درنه‌یین تدبیرلرینده یاخیندان اشتراک ائتمیشدیر. او ۱۹۹۸-جی ایلده تهران بلدیّه‌سی‌نین مدنيّت سارایلاریندان اولان هونری حؤزه‌‌‌نین مرکزی بیناسیندا هفته‌ده بیر گون کئچیریلن «تورکجه شعر تنقیدی» آخشاملاری آدلانان ادبی ایجلاسلارین تشکیلاتچی‌لاریندان اولموشدور. بو آغیر ادبی چالیشمادا اونون شاعر و یازیچی همکارلاری عباد ممی‌زاده آغ‌داشلی،  باقر رشادتی، حسین شهرک، میرزه رسول ایسماعیلزاده، مهدی عبدوللاهی اولموشدور.  بئش ایل عرضینده آردیجیل اولاراق هر هفته‌نین بیرینجی گونلری تشکیل ائدیلن او شعر تنقیدی آخشاملاری‌نین او ایللرده تهران ادبی محیطینده تورک ادبيّاتی ایله ماراقلانان گنج ادبی نسلین یئتیشدیریلمه‌سینده بؤیوک رولو اولموشدور. س.و. ائل او‌غلو عینی زاماندا اوزون ایللر مطبوعات اورقانلاریندا چالیشمیشدیر. او، «آذربایجان(تورک  دیلی)» درنه‌یی‌نین بولتنی «ائل دیلی و ادبیاتی»، نشریه‌سی «ارک » قزئتی و پئیکی «آذر»، «خودافرین»، «آذری»، «دیلماج»، «ائل ادبيّاتی» کیمی درگی‌لرین رئداکسییا هیئتینده فعالیّت گؤسترمیش،  بعضی‌لری‌نین‌سه تأسیسچی و یا باش رئداکتورو اولموشدور. فارس دیلینه حاکم اولماسی ائل او‌غلونون آراشدیرماچی عزمینی و روحونو داها دا گوجلندیرمیش، ادبيّات‌شوناسلیق فعالیّتینی گئنیشلندیرمیشدیر. اونون ال یازمالار اوزه‌رینده‌کی ایشلری خصوصی ایله دقته لایق‌دیر. شاعرین پوئتیک آختاریشلاری کیتاب‌خانالاردا کونجده، بوجاقدا گؤزدن اوزاق قالان هر ورق‌ده، هر سطرده وطن آختاریشلارینا چئوریلمیشدیر. او، «دیوان نظامی [گنجوی]» ( خدیویّه) ال یازماسی، «دیوان والی»، «دیوان شوکری»، «بختیارنامه»، «اوغوزنامه» و «سلجوق نامه»، «دیوان شیخ نظامی»، «غز‌ليّات تورکی»،  «محمّد فوضولی»نین ایندییه دک اوزه چیخمایان بیر قصیده‌‌ و بیر ملمّع غزلینی، یئنی تاپیلان بیر فارسجا-تورکجه ملمّع غزلینی ال یازمالار آراسیندان تاپیب ایلک دفعه‌ اولاراق مطبوعاتدا یاییملامیشدیر. شاعرلر حاقیندا یازدیغی ادبی باخیشلاری و کلاسسیک ال یازمالار حاقیندا «آختاریشلار، تاپینتیلار» باشلیقلی علمی-ادبی مقاله‌لری ایراندا یاییملانان «دده‌ قورقود»، «وارلیق»، «فوروغ آزادی»، «مهد آزادی»، «فجر آذربایجان»، «اختر»، «یول»، «آذری»، «اومید زنجان»، «باهار زنجان»، «ارک»، «گونش»، «دیلماج»، « پیک آذر»، «خودافرین»، «بایرام»، «آراز»، «آفتاب آذربایجان» و باشقا تورک‌دیللی درگی و قزئتلرده درج ائدیلمیشدیر.  ۱۹۴۶-جی ایلده جنوبی آذربایجاندا یارانان میلّی حؤکومتین مبارزه یوللارینی عکس ائتدیرن «تئللی ممی» آدلی رومانی ۲۰۰۲-جی ایلین مای آییندان باشلایاراق اردبیل شهرینده نشر اولونان «آراز»  هفته‌لییینده آردیجیل سایلاردا چاپ ائدیلمیشدیر. «خودوش» رومانی ایسه اوستاد بهزاد بهزادی‌نین تهراندا نشر ائتدیردییی «آذری» درگی‌سینده سلسله شکلینده درج اولونوبدور. س.و. ائل او‌غلونون «ایللرین قانادیندا» (جنوبی آذربایجان شعر آنتولوگییاسی)،  تورکجه «دیوان نظامی گنجوی» (یئنی تاپیلان «خدیویّه» نسخه‌سی)،  تورکجه «دیوان شیخ نظامی»(آیت الله گلپایگانی کیتاب‌خاناسیندا اولان نسخه)، " «آرخادا قالان ایللر» (حسین عاریف ایله شعرلشمه‌لری و خاطیره‌لری  ترتیب ائده‌نی و ناشری ق.ه.

یازان: قنداب علی یئوا. کوچورن:ویدا حشمتی حاضیرلایان: ادبیات سئونلر گونئی ضیاسی: صدیار وظیفه‌‌" ائل او‌غلو نون" ادبی فعالیتینه اوتری بیر باخیش گؤزلری‌نین نورونو، قلبی‌نین اودونو، سؤزلره  میصراعلارا تؤکن، عؤمور-گونونو دوغما ائل-اوبا اوغرونا ادبی فعالیّته حصر ائدن گونئی آذربایجان ادبيّاتی‌نین فداکار ضیالی‌لاریندان بیری ده صدیار وظیفه‌‌ ائل او‌غلودور. ادبی فعالیّت دایره‌سی گئنیش اولسا دا، داها چوخ شاعر کیملییی‌له تانینان صدیار وظیفه‌‌ اؤز میسّییاسینی یازار ایمضاسی ایله  سانکی داها دا برکیشدیرمک ایسته‌میش و اؤزونه «ائل او‌غلو» تخلّوصونو سئچه‌رک یولونو، مرامینی تا باشدان آچیق-آیدین بیان ائتمیشدیر. صدیار وظیفه‌‌ ایسماعیل اوغلو ۱۹۵۹-جو ایل آوریل‌ین ۲-ده قاراداغ ماحالی‌نین خودافرین ناحیه‌سینده یئرله‌شن کاتدالی «قولوبَی‌لی» قیشلاغیندا بیر کؤچری عائله‌‌ده آنادان اولوب. ۱۲ یاشینادک دوغما ائلینده بؤیویوب، ابتدایی تحصیلینی «جعفرقولو اوشاغی» قیشلاغیندا باشا چاتدیریب، اورتا تحصیلینی اهر و تبریز شهرلرینده بیتیریبدیر. ائل او‌غلو ۱۹۷۸-جی ایلدن باشلایاراق دؤرد ایل تبریز شهری‌نین اطرافیندا اولان مایان کندینده معلّیم‌لیک ائتمیش، سونرا تهرانا کؤچوب بیر شرکتده ایشله‌میشدیر. او، گنجلیک ایللریندن باشلایاراق آذربایجان ادبيّاتی‌نین مطالعه‌سی‌ ایله مشغول اولموش، همین ایللرده ایلک قلم تجروبه‌لری کیمی آنا دیلیمیزده شعرلر یازماغا باشلامیشدیر. ائل او‌غلونون شعری ایلک دفعه‌ ۱۹۸۰-جی ایلین آوقوست آییندا تبریزده نشر ائدیلن «دده‌ قورقود» درگی‌سینده چاپ اولونوب. یارادیجیلیغا شعرله باشلایان ائل او‌غلونون ایندییه دک ایکی جیلد شعر کیتابی چاپ ائدیلیب. ایلک آددیملاریندان ادبيّات عالمینده و خالق آراسیندا رغبت‌له قارشیلانان شاعرین اثرلری ایران و او تایلی-بو تایلی آذربایجان مطبوعاتیندا متمادی درج اولونوب.  هله ۱۹۸۱-جی ایلده مرحوم آکادئمیک «میرزه ایبراهیم اوو» او زامانلار شاعرلر و یازیچیلار اتفاقی‌نین اورقانی اولان «آذربایجان»  درگی‌سینده «جنوب سووقاتی» باشلیقلی مقاله‌سینده ائل او‌غلونون ایلک دؤنم چاپ اولونان شعرلرینی دیره‌نیش ادبيّاتی کیمی دَيرلندیریب. س.و. ائل او‌غلونون «قوشمالار» آدلی ایلک شعرلر مجموعه‌سی ۲۰۰۲-جی ایلده تهراندا «نخستین» نشریّاتیندا اسکی الیفبادا چاپدان چیخیب، کیتابین اؤن سؤز مؤلیفی تانینمیش ادبيّات شوناس عالیم محمّدرضا کریمی‌دیر.  ۱۲۰ صحیفه‌‌دن عبارت اولان بو کیتابدا ائل او‌غلونون قوشمالاری، گرایلی‌لاری و بیر سیرا سربست شعرلری یئر آلیر. بو شعرلردن بعضی‌لرینه آشیقلار و خواننده‌لر طرفیندن موسیقی بسته‌له‌نیب، شنلیکلرده اوخونور. س.و. ائل او‌غلونون «اؤلولر ساققیز چئینه‌ییر»  آدلی ایکینجی شعرلر کیتابی دَيرلی ادبيّات شوناس عالیم  عباد ممی‌زاده‌نین (آغ‌داشلی) اؤن سؤزو ایله ۲۰۰۹-جو ایلده کرج شهرینده «پینار» نشریّاتیندا اسکی الیفبادا چاپ اولونوب گئنیش یاییلمیشدیر. ائل او‌غلونو «میلّی دویغولار شاعری» آدلاندیران ای. ممی‌زاده اؤن سؤزونده‌: «گؤزل بیر بدیعی اثر اؤز خلقی‌لییی و اوریژیناللیغی ایله سئچیلیر.،  خلقیلیک خالق کوتله‌سینه باغلیلیق و ائله‌جه ده صنعتکارین منصوب اولدوغو خالقین میلّی مفکوره‌سیندن قیدالانماسی دئمکدیر. هر بیر صنعتکارین یارادیجیلیق باجاریغینی محض همین معیارلا اؤلچمک اولار. تصادفی دئییلدیر کی، قارا قّوه‌لر عصرلر بویو صنعتکارلاری اؤز حقیقی استقامتیندن یاییندیرماق اوچون همیشه اونلاری خالق کوتله‌سیندن و میلّی دویغولاردان اوزاقلاشدیرماغا چالیشمیشلار. اوّل‌لر آوروپادا، سونرالار ایسه وطنیمیزده اوزدن ایراق ضیالی‌لارین ساققیز کیمی چئینه‌دییی «صنعت، صنعت اوچوندور» شعاری دا همین ایدئیالارا قوللوق ائدیردی... لاکین اصل صنعتکارلار هئچ ده بو ساختاکارلیقلارا اویماییب، رئالیزم یارادیجیلیق مئتودونا و اونون ائستئتیک معیارلارینا صادق قالیبلار - یازیر «اؤلولر ساققیز چئینه»ییر  کیتابینی یوکسک قیمت‌لندیریر و داها سونرا... آذربایجان شعرینه گلدیکده ایسه دئمه‌لی‌ییک کی، بو دیارین صنعتکارلاری بوتون دؤورلرده مؤحکم آددیملار آتمیش و دوغما پوئزییامیزی بوتون یانلیشلیقلاردان قورویوب ساخلامیشلار. مولّا پناه واقیف رئالیست شعریمیزین اساسینی قویاراق اونو اؤز خلف‌لرینه تاپشیرمیشدیر.  سونرالار اونون مختلف قوللاری، خصوصی ایله تنقیدی رئالیزم میرزه علی اکبر صابیر کیمی داهی‌لر و دیگر «مولّا نصیرالدین»چی‌لر واسطه‌‌سی‌له گئنیشلندیریلمیش و اؤز یوکسک زیروه‌سینه چاتدیریلمیشدیر. سؤز یوخدور کی، آذربایجان رئالیزمی اؤز سئوگی و گؤزه‌للیک جهتینی آشیقلاریمیزا و عمومیّت‌له، آشیق ادبيّاتیندا فعالیّت گؤسترن شاعرلریمیزه بورجلودور. بو یولون اولدوزلاری آشیق علی‌عسگر، صمد وورغون، حسین عاریف،  زلیمخان یعقوب کیمی صنعتکارلاردیر.

زرین رزندی (طناز) جیب اولسا دولو،کئیفین ایر پیس اولا سازدی عالم ده اوغول،پول کیمی موشکول آچان آزدی سن تحصیلی بوشلا،پدو اول زرچی یانیندا آرواد دئدیگین بزازیله،زرگره بازدی اوغلوم من اوُلوم،لاغه قویوب،شعریمه گولمه ظن ائتمه آنان،میرت ائله ین،مسخره بازدی اولسا ایاغین آلتدا،هییوندا،کوپه،جنسیس یونگول منشین،قیرتی ادان،عشوه دی نازدی سال دولت اله،اوندا سوُروشمازلا،دده ن کیم؟ دلال پینه چی،زیرناچالان،یا تله سازدی یازلیق بیر ائو آل،اوردا اوغول قال ماقال اولماز جننت ده گولوم،حتی زمستان بئله یازدی آل وارلی قیزین،کاراولا یاگوُزلری معیوب دولتلی لرین دایچاسی آت،اوُرده یی غازدی گوُسترسه صوفت سیز گوُرونوشلو،پولا مننت یوخسول گوُزلین،گوُزلری چاش،گوُرکمی آزدی پول دنیاسی دیر دنیامیز،آنجاق کی اونودما پولسوز کیشی یه دنیادا اوغلوم،نه نیازدی حق سوُزلرینی،طنزیله سوُیله دلی طناز آنجاق بیلیسن نصف جماعت دَلی بازدی. https://t.me/Adabiyyatsevanlar

اوشاق ادبیاتی آنامَدیر آذربایجان اوخویور: محیا کریم‌زاده تبریزدن https://t.me/@adabiyyatsevanlar

Kamran Azari Kamran Azari: اوشاق ادبیاتی آلمانیادا مهد اوشاقلارینا "گواهینامه عابر پیاده وئریر لر." اونجه اوشاقلارا خیاواندان کئچنه یی اویردیلر سونر امتهحان آلیرلار. گواهی وئریرلر. جالب بوراسیندادیر امتحانی پولیس آلیر.

آنجاق نئچه ایل اول سیچانین، دمیر دؤیچ یئدیینی اینانان دوستلار، بوگون چؤره‌یی یئییب قورتارماسینی اینانماییب، اوغلانی لووغالاییب بئله دئدیلر: • سیچان چؤرکلرین هامیسینی نئجه یئیر؟ دیلنمک ایسته‌ییرسن، آرتیق دیلن. یالان نییه دانیشیرسان؟ اوتان یئکه‌لییندن!  اوگوندن یازیق اوغلان کوچه‌لرده قالدی.  تاجیر بو حئکایه‌نی سونا چاتدیریب، سونرا اوغلونا دئدی: • سنین دوستلارینی سیناماق گرک. یامان گونونده اونلارین سنه نئجه دوستلوق ائتمکلرینی بیلمک گره‌ک. من بونلاری تانییارامسا اوندا راحاتجاسینا وار دؤولتیمی سنه، سنی‌ایسه تانری‌یا تاپشیرارام.  آتا بیر قویون آلیب باشینی کسدی. قانی آخاراق بیر داغارجیغا سالیب اوغلونا وئریب بئله دئدی: • اوغول بونو بیر بیر دوستلاری‌نین قاپی‌لارینا آپار، دئی کی بو توربانین ایچینده اولان، شهرین آدلیم کیشی‌لری‌نین بیریسی‌نین جسدی دیر. منه هجوم گتیردی اؤزومو قوروماق اوچون اونو اؤلدردوم. ائوینیزده یئر وئریب منی گیزلدرسین؟ گؤر جوابلاری نه اولاجاق؟! اوغلان داغارجیغی چیگنینه آتیب دوستلاری‌نین بیریسی‌نین قاپی‌سینا گئتدی. آتاسی قوشان داستانی اونا تعریفله‌دی. دوستو بو سؤزلری ائشیدجک قورخوب: • منیم اهل عیالیم وار، سنه هئچ نه ائده بیلمه‌رم. _دئدی. اوغلان بیر بیر بوتون دوستلاری‌نین قاپی‌سینا گئتدی. آنجاق بیریسی ده اونا کؤمک ائتمه‌یه راضی اولمادی. هره‌سی بیرماهانا گتیریب اونو قاپیدان قوودو. اوغلان یورولوب غم دنیزینده باتمیش کیمی آتاسی‌نین یانینا گلدی. آتاسی هرنه‌یی بیلیردی. اوزونو بالاسینا توتوب دئدی: • جانیم اوغول! من تانری‌دان آلدیغیم بو نئچه ایل عؤمرومده، بیر دانا دوغرو دوست، بیرده بیر یاریمچیق دوست تاپمیشام. سن بو گنج یاشدا، بو آز عؤمرونده بو قدر دوستو نئجه تاپمیسان؟  ایندی گل منیمله گئدک اول یاریمچیق دوستو، سونرا جان کیمی عزیز دوغرو دوستوملا تانیش ائدیم سنی.  آتا بالا یولا دوشوب، اول یاریمچیق دوستون قاپی‌سینا گئتدیلر. آتا ایره‌لی گئدیب ماجرانی تعریف ائتدی. یاریمچیق دوست چوخ محبتله یاناشیب آچیق اورکله اونلاری قارشی‌لاییب بئله دئدی: • عزیز دوستوم! دوزدو من یوخسولام، ائویم بالاجا دی، آنجاق سیزین ایکی‌نیزدن بیرینیزی گیزلده بیله‌رم، یا دا جسدی منه وئریب قاچ بورادان. نگران قالما! منیم کیمسه‌دن قورخوم یوخدور. من جانیمی سنه قوربان ائدرم.   تاجیر گولومسه‌ییب، دوستونو باغرینا باسیب، حقیقتی اونا دئدی. اوندان وداعلاشیب گئتدیلر. یولدا اوغلونا دئدی: • بو منیم یاریمچیق دوستوم‌ ایدی، اونون دوستلوق غیرتینی گؤردونمو؟. ایندی گل، تام دوغرو دوستوموگؤر. اونلار بیر سوره یول گئدیب دوغرو دوستون قاپی‌سینا چاتدیلار. چوخ سایقیلی بیر کیشی قاپی‌یا گلیب اونلارا اولمازین حؤرمت ائتدی. تاجیر جسدین ماجراسینی اونا دا سؤیله‌دی، دوغرو دوست بو داستانی ائشیدجک دئدی: • گؤزوم اوسته یئرینیز وار. سیزین بو سیرینیز عؤمرومون سونونادک اوره‌ییمده گیزلین قالاجاق. هاچانادک سؤیرسن ائویمده قالا بیلرسیز، هئچ قورخون اولماسین! من سنی تانیرام، بیلیرم سهو ائتمزسن.  تاجیرکیشی بوقدر محبتی گؤرجک گؤزلری یاشلا دولدو. سؤزون دوزونو دوستونا دئییب اوندان آیریلدیلار. اوغلان آتاسی‌نین دئدییی سؤزلری تمامیله باشا دوشوب (دوست) سؤزونون آنلامینی یئنی‌دن اؤیرندی، کی زورگؤنده ‌دا سنی، تک بوراخماز.  بو دا بیزیم ناغیلیمیزین سونو. آللاهین آمانیندا. https://t.me/Adabiyyatsevanlar

اوشاق ادبیاتی یازان: لیلا_کهن مرزبان‌نامه نین حکایه لریندن آلتینجی حئکایه:  تاجیرایله اوغلونون حئکایه‌سی بیری وار ایدی، بیری یوخ‌ ایدی، تانری‌دان اول کیمسه یوخ ایدی.  بؤیوک اولو بابالار بئله حکایت ائدیب، کئچمیشین ناغیللارین بوگون بیزه گتیریب: قدیم زامان دونیانین آلچاق اوجاسین گؤرموش بیر تاجیر وار ایدی. او داییم اوغلوندان نگران ‌ایدی. بیر عؤمور زحمتله قازاندیغی مالینی اونا تاپشیرماقدان قورخوردو. تاجیر اؤزو نه‌ قدر ذکاوتلی‌ ایدیسه، اوغلو بیر اوقدر ساده، آز بیلمیش‌ ایدی. تاجیر اوغلونون تجربه قازانماسی اوچون اونو سفره یوللاماق قرارینا گلدی. اونا یول خرجی اولاراق بیرآز پارا، بیرده یول زوماری حاضیرلاییب بئله دئدی: • بو سفرده اؤزونچون تجربه الده ائت، بیرده عؤمورلوک اولان یاخشی دوستلار قازان. بیراوزلو، صداقتلی، دوغرو دوست تاپماغا چالیش. مالین دؤولتین یوخ بلکه سنین اؤزونو سئون دوستلار. ائله بیر دوست تاپارسان یامان گونونده سنی تک قویماز. اوغلان یولا دوشوب آنجاق نئچه گون کئچمه‌میش قاییدیب گلدی. آتاسی اونون چوخ تئز قاییتماسیندان هویوخوب: • چتین گونونده سنی آتمایان، جانیندان تیکان چیخاران دوستلار، تاپدینمی اؤزونه؟! -اوغلوندان سوروشدو. آتاسی‌نین سؤزونو باشا دوشمه‌ین اوغلان بئله دئدی: • منیم اؤز شهریمیزده چوخلویاخشی دوستلاریم  وار. اونلار منی تک قویمازلار، من اونلاری اینانیرام.  آتا دئدی: • جانیم اوغلوم! من سنین سؤزونو اینانیرام، آنجاق قوی من‌ ده سنین دوستلارینی سیناییم. قورخورام سنین دوستلارین او اکینجی بالاسی‌نین دوستلارینا تای اولا. تاجیرین اوغلو بونو ائشیدجک: • جانیم آتا! اکینجی بالاسی؟ او کیمدی؟ اونون احوالاتینی منه ‌ده دئی، بلکه بویوردوغون سؤزلری یاخشی باشا دوشدوم. تاجیر سؤیله‌دی: • قدیم زامانلار منیم کیمی اکینچی لیکله، باغبانلیقلا، چوخلو عذاب اذیتله وار دؤولت ییغان بیرکیشی وار ایدی. اکینچی‌نین اوره‌یی ایسته‌ییردی اوغلو، بو بول نعمتین قدرینی بیلیب مالینی داغیتماسین. آنجاق اوغلان آتانین اؤیدولرینه قولاق وئرمه‌ییب، اوره‌یی ایسته‌دییی کیمی یاشاییردی. اوغلان چوخ اوره‌یی صاف‌ ایدی، آنجاق دوستلاری اونا تای دئییلدیلر. آخیرکی اکینجی کیشی قوجالیب دونیادان کؤچدو. قالدی اوغلان، بیرده قوجا آناسی. آنا دا هرگون اوغلونو نصیحت ائدیردی:  • اوغول دوستلارینی سینا، سونرا وار یوخونو اونلارا خرجله!. تانری باغیشلایان نعمتلرین قدرینی بیل. پارالارینی هدر ائتمه! دوستلارین سنین اؤزونون یوخ بلکه وار دؤولتی‌نین باشینا ییغیلیب‌لار. بیرگون اونلارا ایشین دوشورسه سنی آتیب گئدرلر. اوغلان، دوستلاری‌نین    یاخشی اولمایینی آناسینا ایناندیرماق اوچون اونلارین بیری‌نین یانینا گئدیب بئله دئدی: •  ائویمیزده بیر سیچان وار، آمانیمیزی کسیب. ائومیزده نه وارسا یئییر. دون گئجه دؤیه‌جیمیزی یئییب!   دوستو آنسیزین جواب وئردی: • جانیم دوستوم! سیچان یاغلی بیرزادلاری چوخ سئور. یقین دؤیج یاغ قوخویورموش، سیچان دا اونو، یئییب! اوغلان سئوینجک ائوه قاییدیب، ماجرانی آناسینا تعریفله‌دی. آناسی دونیا گؤرموش قادین‌ایدی. اوغلونا دئدی: • منیم آزبیلمیش بالام! اونلار سنین مالینا گؤره‌ بوتون دئدیکلرینی حاقلاییرلار. سؤزونون یالان اولدوغونو بیلیب سنین گؤیلونو خوش ائتمک اوچون اوزلرینه گتیرمیرلر، آنجاق اورکلرینده سنه گولورلر. اوغلان آناسی‌نین دئدیکلرینی قبول ائتمه‌ییب، ایکی آیاغینی بیر باشماغا سوخدوکی: • اونلار منی سئویرلر، منیم یالان سؤزومو ده دوز سانیرلار.      آناسی دئدی: • یاخشی دوست سنی راضی سالماق اوچون گئرچه‌یی قوربان ائتمز. سنین یالان سؤزونو راحاتجا قبول ائتمز. آنا چوخ دئدی، اوغلان آز ائشیتدی. ایللر اؤتدو، زامان کئچدی. اوغلانین دوست بازلیقلاری، گل گئتلری نتیجه سینده آتانین قویوب گئتدیی وار دؤولت داغیلدی. اوقدر مال‌دان آرتیق هئچ‌نه قالمادی.  اوغلانین دوستلاری چکیلیب گئتدیلر:      باغدا اریک وار ایدی، سلام علیک وار ایدی      باغدا اریک قورتولدو، سلام علیک قورتولدو یازیق آنا بو فلاکتین غمیندن، دونیادان کؤچوب گئتدی. اوغلان داها یالقیز قالدی. حیات یامان اوزونو  اونا گؤستریردی. یاواش یاواش ائله گونه قالدی کی، آرتیق اِئوده یئمه‌یه بیرتیکه چؤرک ده تاپا بیلمیردی. بیرگون یاردیم دیلنمک اوچون دوستلاری‌نین یانینا گئدیب غملی کدرلی حالدا بئله دئدی: • دونن ائوده یئمه‌یه بیرزاد تاپامادیم. سوفرادا اولان چؤرکلرین هامیسینی سیچان یئمیشدی. ایندی بتر آجام. منه بیرآز یئمک وئرین قارنیمی دویوروم.

اوشاق ادبیاتی قشنگ توْپ ✍یازان: نورالدین_مقدم (آیدین دومان) ائلیار ایله ایلقار بیر حیَطده یاشێیردیلار. اوْنلار ایکی یوْلداش، ایکی قوْنشو ایدیلر. بو ایکی یوْلداش گۆن اوْلمازدی کی، بیر بیرلری ایله اوْیناماسینلار. آنجاق ایکی گۆن ایدی کی، آرالارێنا سَرینلیک دۆشموشدو. نییه‌سینی سوْروشساز، دئیه‌جڲم: هئچ زاد، هئچ زاد ... بوْش یئره، ماهنا(بهانه)....؛ نه بیلیم! سن قاچاندا منیم آیاغێمی آیاقلادێن، منی برک ایته‌له‌دین! اوْیوندا دَجللیک ائله‌دین! چاغێردیم  اوْیناماغا، گلمه‌دین!.. بو ماهنالاردان بیری... بلکه ده باشقا بیر سؤز اوْنلارین  آراسێنی وورموشدو. اوْ گۆن ائلیارین آتاسێ اوْنا یئنی بیر توْپ آلمێشدی. اوْ توْپو گؤتۆردۆ. هر گۆن اوْینادێقلاری چاغدا حیَطه چێخدی. ایلقاردا  بیرآزدان حیطه گلدی. بیردن یادلارێنا دۆشدو کی، اوْنلار بیر بیرلری ایله کۆسۆلودورلر. حیطلرینده بالا باغچانین اوْ طرفینده ائلیار، بو طرفینده ایسه ایلقار، کۆسولو کیمی اوْتوردولار. آنجاق گؤز آلتێ آرادا بیر بیرلرینه باخێردیلار. ائلیار توْپو آیاغێ‌نین یانینا قوْیموشدو. بالاجا یئل ده اسیردی. توْپ دێغیرلانا – دێغیرلانا گئتدی ایلقارین  آیاغێ‌نین یانینا. ایلقار باخدێ گؤردۆ، توْپ تازادی، قشنگ ده رنگی وار. توْپدان برک خوْشو گلدی. اؤزۆ ایسته‌مه‌دن آیاغێ توْپا بالا بیرضربه وۇردو. توْپ دێغیرلانا - دێغیرلانا گئتدی ائلیارین آیاغێ‌نین یانینا. ائلیارین آیاغێ ترپه‌شن کیمی اوْلدو، دَڲدی توْپا، توْپ دێغیرلانا - دێغیرلانا گئتدی ایلقارین  آیاغێ‌نین یانینا. ایلقار ایسه بالا ضربه ایله توْپو یوْللادی ائلیارا. ائلیار ایسه ایلقارا... اوْنلار توْپو بیر نئچه دؤنه بیر بیرلرینه وۇراندان سوْنرا قاه - قاه چکیب، گۆلدولر. دوروب گۆنده‌کینه  تای ایکی یوْلداش کیمی بیر ساعاتاجان توْپ اوینادیلار. https://t.me/Adabiyyatsevanlar

اوشاق ادبیاتی ۲۴ ساعات یوخویلا آییقلیق دا ۵ یازار: صمدبهرنگی چئویرن: منیژه جم‌نژاد 🐪 من دئدیم: شهرین گو٘نئی طرفلرینده بئله شئی‌لر گؤرونمز. اوردا کیمسه‌نین سواری‌سی یوخدو، آما چوخونون ال‌چرخی وار، داخما دا یاتار. بتر آج‌ ایدیم، سانیردیم او٘ره‌ییمین تکی دلینیر. آیاغیمیزین آلتی  رنگلی چیراغلار لا دولویدو. سرین، گو٘للو آغاجلی، طراوت‌لی بؤیوک  بیر باغ ایدی. آرا دا دسته گول کیمی بؤیوک  بیر عمارت واریدی، نئچه متر اویانلیق یئکه بیر گؤل واریدی، دوم- دورو سو ایله دولویدو، ایچینده قیرمیزی بالیقلار، دؤوره‌سی میز- صندل، گو٘ل- چیچک. میزلرین او٘ستونده بیر عالم رنگ به رنگ یئمک‌لر دو٘زولموشدو، قوخولاری آدامی کئفلندیریدی. دوه دئدی: آشاغی گئدک، شام حاضیردی. بو یازینین آردینی ادبیات سئونلر کانالیندا اوخویون. https://t.me/Adabiyyatsevanlar

اوشاق ادبیاتی ۲۴ ساعات یوخویلا آییقلیق دا ۵ یازار: صمدبهرنگی چئویرن: منیژه جم‌نژاد 🐪 من دئدیم: شهرین گو٘نئی طرفلرینده بئله شئی‌لر گؤرونمز. اوردا کیمسه‌نین سواری‌سی یوخدو، آما چوخونون ال‌چرخی وار، داخما دا یاتار. بتر آج‌ ایدیم، سانیردیم او٘ره‌ییمین تکی دلینیر. آیاغیمیزین آلتی  رنگلی چیراغلار لا دولویدو. سرین، گو٘للو آغاجلی، طراوت‌لی بؤیوک  بیر باغ ایدی. آرا دا دسته گول کیمی بؤیوک  بیر عمارت واریدی، نئچه متر اویانلیق یئکه بیر گؤل واریدی، دوم- دورو سو ایله دولویدو، ایچینده قیرمیزی بالیقلار، دؤوره‌سی میز- صندل، گو٘ل- چیچک. میزلرین او٘ستونده بیر عالم رنگ به رنگ یئمک‌لر دو٘زولموشدو، قوخولاری آدامی کئفلندیریدی. دوه دئدی: آشاغی گئدک، شام حاضیردی. من دئدیم: به باغین صاحابی هاردا؟ دوه دئدی: اونو  دو٘شونمه، زئرزمی ده الی‌باغلی دو٘شوب یاتیب. دوه گؤلون قیراغینداکی رنگلی کاشی‌لارین او٘ستونده اوتوردو، منده آتیلیب آشاغی ائندیم. دوشان حاضیر ایدی. الیمی توتوب آپاریب میزلرین بیرینین باشیندا اوتورتدو. بیر آز سونرا قوناقلار گلمه‌یه باشلادیلار. قولچاقلار سواری ماشینلارلا، نئچه‌سی ده اوچاق، هلیکوپترله، ائششک یئکه آددیم لارلا، توسباغالار دا بالا دوه‌لرین قویروغوندان آسیلی، میمون‌لار آتیلیب، مایاللاق سالا-سالا، دووشان لار قاچا-قاچا یئتیشدیلر. عجیبه های-کو٘یلو قوناقلیق ایدی، قوخوسو آدامین آغزینی سولاندیران یئمک‌لر واریدی. قیزارمیش هشترخانلار، جوجه کابابی، قوزو کابابی، پلولار،  جور به جور خوروش‌لار، منیم تانیمادیغیم چوخلو یئمک‌لر واریدی. هر میوه‌دن ده ایسته‌دیین قدر، ال- آیاق آلتینا تؤکولموشدو. دوه گؤلون او باشیندا دایانیب، باشی‌له هامینی ساکتله‌ییب دئدی: هامینیز بؤیوکدن کیچییه خوش گلمیسیز. صفا گتیرمیسیز. آما ایستیردیم گؤرم کیمه گؤره، نیه بئله بیر خرجلی قوناقلیق وئردییمیزی بیلیر سیز؟ ائشک دئدی: لطیفه گؤره. اونوندا دویون- قارین بیر یئمک یئمه‌سینی، حسرتده قالماماسینی ایستیردیک. مسلسلین دالیندا کی آیی دئدی: آخی لطیف چوخ گلیب بیزه باخدیغینا گؤره، بیزده اونو چوخ سئوریک. پلنگ دئدی: هن دا. لطیف نه قدر اونونکو اولمامیزی سئورسه، بیز ده اونونکو اولماغی سئویریک. آسلان دئدی: هه، میلیونر بالالاری بیز دن چوخ تئز دویارلار. آتا لاری هرگون یئنی اویونجاق آلار؛ بولار دا بیر-ایکی دفعه بیزیمله اویناییب، دویارلار، دا بیزی اویناتمازلار، بیزی بوراخارلار قالیب چو٘رویوب آرادان گئدیریک.  من دیله گلیب دئدیم: سیزلردن بیری منیمکی اولسا، سؤز وئریرم هئچ واخ اوندان دویمارام. همشه اونونلا اویناییب اونو یالنیز قویمارام. اویونجاقلار سس بیر دئدیلر: بیلیریک، بیز سنی یاخشی تانیریک، آما بیز سنین اولا بیلمریک، بیزی چوخ باها ساتیرلار. سونرا بیری دئدی: سانیرام سنین آتانین بیر آی گلیری ده بیزدن بیرینین  آلماغینا یئتمز. دوه گئنه هامینی سوسدوروب دئدی: اصل سؤزه قاییداق. هامینیزین سؤزو دو٘زدو، آما بیز بوگئجه قوناقلیغی چوخ اؤنملی بیرشئی او٘چون سالمیشیق، سیز اونا اشاره ائلمدیز. من گئنه دیله گلیب دئدیم: من اؤزوم نیه منی بورایا گتیردیینیزی بیلیرم.  منه بونو دئمک ایسته دینیز: "هامی سنین‌له آتان کیمی آج خیاوان قیراغیندا یاتمادیغینی گؤر". نئچه خانیم، آغا بیر میزین باشیندا اوتورموش تئز-تئز یئمک یئییردیلر. ائوین نوکر-کلفتی اولدوقلاری بللی ایدی. من‌ده یئمه‌یه باشلادیم، او٘ره‌ییمین تکی دلیک ایمیش کیمی یئمک‌دن دویموردوم، قارنیم ائله قار- قور ائلیردی. چوخ آج اولدوغوم زامانلار کیمی. دو٘شونوردوم اولمایا یوخو گؤرورم، دویمورام؟ الیمی گؤزلریمه چکدیم، ایکیسی ده آچیق ایدی. اؤز یانیمدا دئدیم: " من یوخودایام؟ یوخ دئییلم، یوخودا آدامین گؤزلری آچیق اولماز، بیر یئری گؤرمز. به نیه دویمورام؟ نیه او٘ره‌ییمین تکینین دیدیلدیینی سانیرام؟"  ایندی عمارتین دؤوره‌سینی دولانیر، دووارلارینا، باهالی داشلارینا ال چکیردیم. هاردان توز- تورپاق گلدیینی، دو٘ز منیم او٘زومه چیرپیلدیغینی بیلمیردیم. ایندی زئرزمی‌ده‌ ایدیم، توز تورپاغین اوردان گلدیینی سانیردیم. پله‌نین اول بوروغوندا توز تورپاق بورنوما گیردی آسقیردیم: هاپش!...                         ٭٭٭ اؤز اوزومه دئدیم: نه اولوب؟ من هاردایام؟ سو٘پورگه‌چی‌نین سوپورگه‌سی دو٘ز  او٘زومون قاباغیندان کئچیب پیادا یولون تورپاغینی او٘زومه چیرپدی. اؤز اؤزومه دئدیم: نه اولوب؟ من هاردایام؟ اولمایا یوخو گؤرورم؟ آما یوخودا دئییلدیم. آتامین ال چرخی‌نی، سونرا دا تاکسی‌لارین سس-صداسینی ائشیتدیم، سونرا دا سحرین آلا قارانلیغیندا گؤزوم دؤرد‌یولون اطرافیندا کی تیکینتی‌لره دو٘شدو. ائله ده یوخودا دئییلدیم. سوپورگه‌چی منیم قاباغیمدان کئچمیشدی، آما هله ده توزاناق سالیردی، پیادایولو، یولاق-یولاق ائلییب گئدیردی. آردی وار... https://t.me/Adabiyyatsevanlar

اوشاق ادبیاتی اوشاق ادبیاتی هرهفته پنجشنبه گونو ادبیات سئونلر کانالیندا، اوشاق ادبیاتینا دایر یازیلارینیزی بیزه گوندرین. https://t.me/Adabiyyatsevanlar

شعر و سس: دکتر فریبا ابراهیمی *** به به....معلم گونودور ...😏😔🤬

بونجا، یادلاشیبدی اینسان-اینسانا؟ کیمسه آشاغیدیر، یوخاریدیرمی؟ - یانیلدیم، کیمسه یوخ، آللاهیم، آنا!   گؤر نه‌یی گتیریر اوغلونا عوض، بو اونون لایلاسی، دوعاسی دییل. عصرین ناله‌سیدیر بلکه ده بو سس، تک آنا قلبی‌نین آغریسی دییل.   آنالار ائشیتسین قوی، او آنانی، کیمسه فیکیرده‌دی، یقین درد چکیر. «بشری ديَرلر» -  دئینلر هانی؟ بیر اوغول «یانیلیب» اوستدن خطّ چکیر.     اوره‌گینی سیندیرماسین او قوللار، منیم سیرّیم دییل، او اسیریمدی. آناسینا هئیکل قویان اوغول وار - شاعر، سنین، منیم معاصریمدی.   «اوخو»   شمیستان علی زامانلی‌یا   یئرده ائشیتدیییم گؤی گورولتوسو یئرین نعمتیدی، حاقین اؤز سسی. شرفلی بیر عؤمور، سن یول یولچوسو، سن بیر ده تانری‌نین بیزه تؤحفه‌سی   اوخو، قوی او سسی ائشیتسین بشر، برک اوخو، قوی بیر ده یئر سیلکه‌لنسین خاصيّتین حلیم، اؤزون معتبر، باشینا چیچکلر، گوللر اَلنسین.   شمیستان  وصف ائله غلبه‌میزی یاشادیق، اوچ‌رنگلی بیر بایراق اوچون. قالیب باش کوماندان ائشیدیر بیزی اوخو، بیز ووروشدوق، اوخوماق اوچون!   «دونیانین سیرّی»   -شاعر  یئنه یازیرسانمی؟ - سوال وئردی بیری منه. تانیتماق ایسته‌دی یقین منده‌کی شاعری منه.   آخشام اولور، صاباح اولور، من یازماسام گوناه اولور. یازان زامان آگاه اولور بو دونیانین سیرّی منه.   سویوماسین اود نفسین عوضی یوخدو هئچ کسین. اولو تانریم چوخ گؤرمه‌سین اؤز وئردییی شعری منه.  https://t.me/Adabiyyatsevanlar