Nurulloh Muhammad Raufxon

Давлат нима ўзи? Жамият тайёр эмас...ми? «Аср шоҳиди» кўрсатуви, 22-қисм Томоша қилинг 👉 https://youtu.be/2LNJeRR2gS8 ©️Azon Global

Мен ўтган иқтидор даврида қўшни давлатлар, Турк ва Ислом давлатлари билан узоқлашишдан қанча қайғурган бўлсам, кейинги иқтидорнинг, аксинча, улар билан яқинлашиш йўлидаги ҳаракатларидан шунчалик ва ундан ортиқ қувонавераман, олқишлайман ва қўллаб-қувватлайман. Президент Шавкат Мирзиёевнинг Туркияга бу галги расмий сафари давомида эришилган келишувлар ҳам одамни севинтирди. Муҳими — бу келишувларни кам-кўстсиз амалга оширишдир. Булар устига тил, ёзув ва пул бирлиги, иқтисодий ва ҳарбий бирлик сари отни янада қамчилаш зарур деб ҳисоблайман.

Oдатда ўзгаришлар узоқ вақт кўрмасдан, кейин бирдан кўрганингизда сезилади. Ҳар куни ёнида яшасангиз, болаларингиз катта бўлиб қолаётгани ҳам унча билинмайди. Тошкентда мен сезган ижобий ўзгаришлар: 1. Икки йил ичида анча-мунча қурилиш қилинибди! 2. Янги қурилган уйлар қиёфаси ҳам анча замонавий! 3. Булар олдида советдан қолган тўққиз-ўн икки қаватли бетўн уйлар жуда хунук кўриниб қолибди. 4. Йўллар одамга ўхшаб таъмирланибди. 5. Мошина тиқилиб кетибди! Айни чоқда: 1. Айниқса катта йўл ёқаларига бир хилдаги катта уйлар қуришдан воз кечиш керак. 2. Алишер Навоий кўчасидаги Пахтакор метроси ёнидан то Ҳадрагача қисмига узун девор каби қурилган уйлар янги "Тошкент сити" мутлақо ярашмай турибди. Нисбата янги бўлса ҳам уларни бузиб ташлаб, ўрнига ситига ярашиқли турли қиёфадаги замонавий уйларни қуриш керак эди. 3. Йўл қоидаларига риоя этишга одамларни ўргатиш яхши нарса, лекин йўллар ҳали одимида камера қўйиб ташлаш талабига жавоб бера олмайди. 4. Тошкент тили, ёзувлари, муомалалари билан мустақил Ўзбекистоннинг пойтахтидан кўра кўпроқ Ўрисиянинг биронта шаҳрига ўхшайди!

Юртга кириб келган кунимдан тилга диққат қилабошлаганимга ҳайрон бўлманглар. Ахир мен ҳатто ўрис ўз тилини қўйиб туркчалаб юборадиган мамлакатдан ўзбек ҳатто ўз юртида ўрисчалаб ётган мамлакатга келдим!!!

Юртга келганимдан дарров тилга диққат қилабошлаганимдан ҳайрон бўлманглар.

Тўловларимни ўтказиш учун эшигига "Открьiто" деб ёзилган "Туронбанк"ка кирдим. Эшик тагидаги маъмур йигит навбат белгилайдиган автоматга топшириқ бераётиб, тил танлашга келганида ўрис тилини танлади. Ўзи ўзбек, мен ҳам ўзбек, лекин навбат талўнини ўрисча чиқариб берди! Қарасам, ҳаммага ўрисча талўн чиқариб беряпти. Хайрият, ходимлар ҳартугул ўзбекча гаплашди. Ўрганишим, мослашишим қийин бўляпти.

Тўловларимни ўтказиш учун "Туронбанк"ка кирдим. Эшик тагидаги маъмур йигит навбат белгилайдиган автоматга топшириқ бераётиб, тил танлашга келганда ўрис тилини танлади. Ўзи ўзбек, мен ҳам ўзбек, лекин навбат талўнини ўрисча чиқариб берди!