Sputnik Uzbekistan | Янгиликлар

🧵🪡2024 йилда Ўзбекистон 66 давлатга тўқимачилик маҳсулотлари экспорт қилди "Ўзтўқимачиликсаноат" маълум қилишига кўра, республикада тўқимачилик маҳсулотлари экспорт қилувчи корхоналар сони ва маҳсулотлар тури йилдан-йилга ўсиб бормоқда. Хусусан 2024 йилнинг 6 ойида 1243 та корхона томонидан 559 турдаги маҳсулотлар экспорт қилинди. Батафсил инфографикамизда танишинг. ✅Sputnik канали👉 кирилл 👉 lotin

Камчаткада полициячилар балиқчилар тўрига ўралиб қолган айиқ боласини қутқаришди Қутқарув операцияси муваффақиятли якунлангач, айиқча яқин жойда кутиб турган онасининг олдига югуриб кетди. ✅Sputnik канали👉 кирилл 👉 lotin

Тошкентда қарийб 1 тонна истеъмолга яроқсиз пишлоқ аниқланди Учтепа туманида ўтказилган текширувда тадбиркор сифатида давлат рўйхатидан ўтмаган фуқаролар истеъмолчиларнинг соғлиғи хавфсизлиги талабларига жавоб бермайдиган хорижда ишлаб чиқилган умумий баҳоси 102,3 млн сўмлик 905 кг пишлоқ маҳсулотини бир фуқарога $8100 га сотган вақтида ашёвий далиллар билан ушланган. Ҳолат юзасидан жиноят иши қўзғатилган. ✅Sputnik канали👉 кирилл 👉 lotin

Ўзбекистон ва Беларусь юк ташувлари устидан назорат механизмларини муҳокама қилди Транспорт назорати инспекцияси бошлиғи Жамшид Каримов ва Беларус Транспорт инспекцияси бошлиғи Виталиий Киреев видеоконференц-алоқа шаклида учрашувда шу масалага тўхталди. Йиғилишда юк ҳайдовчилари томонидан вазн ва ҳажм параметрларида белгиланган меъёрларга риоя қилиниши устидан назорат тадбирлари механизмлари муҳокама қилинди Томонлар ҳамкорликни янада ривожлантириш борасида келишиб олишди. ✅Sputnik канали👉 кирилл 👉 lotin

Путин Модига Россиянинг энг нуфузли орденини топширди Аслида Россия президенти Ҳиндистон бош вазирига ушбу мукофотни топшириш ҳақидаги фармонни 5 йил олдин имзолаган эди, лекин уни шахсан топшириш учун қулай фурсат энди пайдо бўлди. “Авлиё Андрей Первозванный” ордени Россиянинг энг нуфузли ордени ҳисобланади ва у давлатга содиқ хизмат қилган фуқароларга ёки Россиянинг ишончли дўсти ҳисобланган хорижий арбобларга берилади. Давлат раҳбарлари орасида ушбу мукофот Си Цзиньпин, Нурсултон Назарбаев, Ҳайдар Алиевларга берилган. ✅Sputnik канали👉 кирилл 👉 lotin

Шавкат Мирзиёев ҳузурида геология соҳасига бағишланган йиғилиш бўлиб ўтди Мутасаддилар президентга геология соҳасида амалга оширилаётган ишлар ҳақида ахборот беришди. Хусусан, 2024 йилнинг биринчи ярмида кўмир қазиб олиш ҳажми ўтган йилга нисбатан 1,4 млн. тоннага кўп бўлгани, қайд этилиб импорт ҳажми камайгани айтилди. Шунингдек, Хитой компанияси билан ҳамкорликда ер ости усулида 8 миллион тоннагача кўмир қазиб олиш режалаштирилаётгани, Туркия компанияси билан ҳамкорликда 70 минг тонна бойитилган каолин тайёрлаш бўйича лойиҳа амалга оширилаётгани ҳам айтиб ўтилди. Президент геология-қидирув ишларини кенгайтириш, олинган хомашёлардан қўшилган қийматли маҳсулотлар ишлаб чиқариш бўйича кўрсатмалар берди. ✅Sputnik канали👉 кирилл 👉 lotin

Мишустинга Ўзбекистон маҳсулотлари тақдим этилди Екатеринбургда 8-11 июль кунлари бўлиб ўтаётган XIV “Иннопром” халқаро саноат кўргазмаси доирасида Ўзбекистоннинг илғор маҳсулотлари намойиш этилди. Милий стендда Мишустинни Ўзбекистон инвестициялар, саноат ва савдо вазири Лазис Қудратов кутиб олди ва “Ўзбекхиммаш” заводи, “Гидростанкосервис” ва “Навпромлитмаш” корхоналари маҳсулотлари билан таништирди.

“Ўзбекхиммаш” стендида Мишустинга турбокомпрессорлар, чиқинди иссиқлик қозони, иссиқлик алмаштиргич ва суюқликни кетма-кет уланган босқичлар ёрдамида ҳайдаш учун мўлжалланган марказдан қочма насос намойиш этилди, уларнинг ҳар бири суюқлик оқимига энергияни оширади ва босимни оширади. “Гидростанкосервис”да автомобиль генераторининг қопқоғи ва валини, “Навпромлитмаш эса «Камаз» учун мис қувурлар ва ҳаво фильтрларини тақдим этди.

Бу йилги "Иннопром"да 60 дан орти давлатдан 900 дан ортиқ корхона ва ташкилотлар иштирок этмоқда. ✅Sputnik канали👉 кирилл 👉 lotin

Бўстонлиқда жароҳат олган фуқарога ёрдам кўрсатилди ФВВ хабарига кўра, 3 нафар фуқаро сайр қилиш мақсадида “Қулосой” шаршараси яқинига борган. Улардан 1 нафари ўз эҳтиётсизлиги оқибатида чап оёғидан жароҳат олган. Бир гуруҳ қутқарувчилар айтилган манзилга етиб бориб, фуқарога биринчи тиббий ёрдам кўрсатган. Фуқаронинг умумий аҳволи яхши бўлган ва унга уйига рухсат берилган. ✅Sputnik канали👉 кирилл 👉 lotin

Тошкент вилоятида 23 та “Яшил боғ” барпо этилади “Очиқ буджет” ахборот портали орқали “Менинг боғим” лойиҳалари учун овоз бериш жараёни якунланди. Натижаларга кўра, Тошкент вилоятининг 22 та шаҳар ҳамда туманида 23 та “Яшил боғ” барпо этилади. Бу боғларда аҳолининг маданий ҳордиқ чиқариши учун замонавий шароитлар яратилади. Ҳар бир боғда майдонидан келиб чиқиб 500 тадан 150 минг тупгача манзарали дарахт кўчатлари экилиши режалаштирилган. ✅Sputnik канали👉 кирилл 👉 lotin

Шавкат Мирзиёев Халқаро меҳнат ташкилоти бош директори Жильбер Унгбони қабул қилди Учрашув чоғида ХМТ бош директори Ўзбекистоннинг меҳнаткашлар ҳуқуқларини таъминлаш, иш ўринларини яратиш ва халқаро конвенцияларни қўллаш борасидаги ютуқларига юқори баҳо берди. Сўнгги йилларда Ўзбекистон ва ХМТ ўртасидаги ҳамкорлик янги босқичга кўтарилди. Ташкилот кўмагида Ўзбекистонда меҳнат соҳасида 40 дан ортиқ норматив ҳужжат қабул қилинди, 22 та халқаро конвенция ратификацияланди. Учрашув якунида 2026–2030 йилларга мўлжалланган янги Мамлакат дастурини ишлаб чиқиш ва қабул қилишга келишиб олинди. ✅Sputnik канали👉 кирилл 👉 lotin