المطبخ السوداني الحديث

السلام عليكم ورحمة الله وبركاته دعواتكم للسودان وغزة ربنا يتم نصره ويهزم الأعداء وحده

#جوزية_التوفي دمااار هششة وبتدووب كوب معياري زبدة طرية بحرارة الغرفة( او سمنة باردة من التلاجة) ..نص كوب معياري سكر بودرة ...رشة ملح ..فانليا ..نضربهم بمضرب الكهرباء لما يتجانسو ويبقو كريمي ولونهم يبقى ابيض ..نضيف ليهم بيضة وحدة كبيرة بحرارة الغرفة ونضربهم تاني لما يتجانسو ..نوقف المضرب ونضيف 2 ونص كوب معياري دقيق ونقلبهم بالاسباتيولا لما يتجانسو ويدينا عجينة نااعمة وطرية تلصق فى اليد حبة ..نعبيها فى كيس حلاواني عشان ننزل بيهو العجينة فى فتخات الجهاز اسهل من باليد او بالمعلقة ..ونسخن الجهاز ..ونخت عليهو العجينة ..بتاخد تقريبا دقيقتين او حسب حرارة الجهاز ...بعد تستوي بتكون طرية ولينة نشيلها برااحة ونشيل اى عجينة زايدة بالاطراف ونحشيها بالتوفي او الحشو العايزينو .. للتوفى طريقتين.. 1) نجيب علبة حليب مكثف محلى ونختها في البرستو لمدة ساعة والحليب حيتكرمل ويبقى توفي ونخلي العلبة لما تبرد تمام حتى نفتحها .. 2)كوب معياري سكر حبيبات ..نختو فى طوة على نار هادىة لما يتكرمل بدون يتحرق ..نضيف عليهو علبة قشطة كبيرة ..ورشة ملح وم ك مليانة زبدة ونقلب براااحة وافضل بملعقة خشب ..فى الاول السكر حيتجمد ويبقر حجر نواصل نقلب على نار هادىة لما يرجع سائل ويتجانسو ونطفي عليهم ..ونخليو يبرد ونحشي بيهو ..وبالعافية

#البسبووسة_الملكية دمااار نفس طعم بسبوسة محلات الطازج فى السعودية كوب معياري سميد ...كوب لبن بودرة ناشف... 3 ارباع كوب سكر... نص كوب زيت نوع جيد عشان ما يخربها ... 2 علبة قشطة ... معلقة كبيرة باكنج باودر..كلهم نخلطهم سوا بمعلقة لما يتجانسو العجينة سائلة شوية ...نكب العجينة فى صينية حجمها مناسب مدهونة شوية زيت ورشة سميد وعلى الفرن على حرارة 200 فوق وتحت لما تحمر ..نطلعها نسقيها وهي حارة بعلبة حليب مبخر (170 جم)مضاف ليهو فنجان ونص سكر ( فنجان قهوة الحجم العادي) نغليهم سوا فى النار 5 د كدا بس يدوب السكر ونسقي بيهو وهو حار على طول...اذا ما متوفر حليب مبخر نعمل نص كوب معياري موية مع 4 م ك لبن بودرة بالاضافة للسكر يغلو 5 د برضو ونسقي بيهو..نخليها تبرد تماما ونقدمها......وبالف عافية

#حلا_بارد المكونات ١ باكيت بسكت ساده ١ باكيت قشطه ١ كوب حليب سائل ٢ ملعقه كبيره سكر ربع كوب كاكاو بودره ساده غير محلى الطريقة *نضع البسكوت في الخلاط ونقوم بطحنه جيدا *نضيف الحليب والقشطة والسكر ونضربه بالخلاط *نقسم الخليط إلى قسمين *ناخذ ما تبقى من الخليط الموجود في الخلاط ونضيف الكاكاو البودره ونخلطه بالخلاط *نقوم بتجهيز طبق التقديم ونسكب كميه من الخليط الأول في وسط الطبق وبعدها نسكب فوقه كميه من الخليط الثاني ونكرر العمليه على باقي الكميه *بعود أسنان نقوم بالسحب من الوسط إلى الاطراق ذهابا وايابا حتى تظهر لنا بهذا الشكل والف عافيه

#عصير_الجوافة المقادير عصير جوافة مركز وثقيل . وناعم. كوب صغير كريم فريش...(وممكن تستخدمي كوب زبادي مسكر ابيض بنكهة الفواكة ).. ظرف كريم شانتيه الطريقة لو ماعندك عصير جاهز جيبي جوافه قشريها وقطعيها وختيها فالخلاط ضيفي عليها مويه مثلجة ما تكون كتيرة تكون وسط علشان العصير يطلع ثقيل بعدها صفي منها لحبوب ورجعيها فالخلاط مرة ثانية وضيفي عليها الكريم فريش وظرف صغير كريم شانتي بودره هذا بالنسبة للون الأبيض الأزرق نفس الطريقة بالضبط لاكن نضيف ملون غذائي اللون الأزرق وممكن اللون البتحبي .

ملاح روب أحمر سريع خفيف ظريف😋