داشلے‌ بولاق

🔹ماناس دستانی ماناس‌ین دوغولماسی آرتیق صٶحبت نه لازیم ایندی‌سه قولاق آسین سیزه دستان سٶیله‌ییم اَر ماناس‌دان سٶیله‌ییم توی‌دان ایکی ایل کئچدی ایل یوخ، سانکی یئل کئچدی ماناس آنا بوینوندا اولاندا اۆچ آییندا "بای‌بیکه‌"‌نین اۆره‌یی ایسته‌مه‌دی یئمه‌یی آنلادی کی او داها دییشیبدیر ایشتاها قاچیر بال‌دان، شکردن عاغلینا گلدی بیردن یئسین پلنگ اۆره‌یی بودور آرزو- دیله‌یی او دا کی، دئییل آسان آخی نئجه تاپاسان؟ فیکره گئتدی "بای بیکه" قیسمتیمده وار بلکه.. خبر گلدی، ایلخی‌چی نیشان آلیب گٶزوجو بیر پلنگ یارالاییب باغری نی پارالاییب دری‌سی‌نی سویوبدور اَتین یئرده قویوبدور بو خبری ائشیدن چیغردی قالخدی بیردن چکدی اونو مورادی گٶروشونه تلَسدی گلیب یولونو کسدی گلنده خئیلی گۆموش اٶزو ایله گوتورموش دئدی: ثروت آلارسان چوخلو دولت آلارسان آتین چاپ، ایلخی‌چی بیر پلنگ تاپ، ایلخی‌چی یار گتیر اۆره‌یی‌نی گٶیرت بو دیله‌ییمی سن آتامدان، آنامدان ایندی منه یاخینسان نه ایسته‌سن آل- وئریم قیزیل، گۆموش، مال وئریم ایلخی‌چی بو سٶز ایله قَفیل تاپدی خزینه بیر آلیجی قوش اولدو آشینمالار آشدی او داغلار دولاشدی او یئتدی یولون اۆستونه گوردو یولون اۆستونده اوزانیبدیر بیر پلنگ ووردو اونو بو زیرنگ اۆره‌یی‌نی چیخارتدی آرزویا کاما چاتدی آتی‌نی گئری سۆردو یولدا داها نه گٶردو؟ گوردو آیغیر آت اٶلوب ایلخی‌چیلار توکولوب دری‌سینی سویوبلار اَتین یئرده قویوبلار دۆشوندو کی نه اولار؟ اونون دا اۆره‌یی‌نی آپارسام اولماز یَنی؟ الینده ایکی اۆرک ایلخی چی سئوینه‌رک گلیب چیخدی اوبایا پای دۆشوردو او پایا چکیلدی قارا کٶلگه ایشیقلاندی "بای بیکه" ایشیقلاندی آلاچیق آرزو- کاما یول آچیق سیغماییر یئره- گٶیه یاناشدی بدل بئی‌یه دئدی: اوغلوم نه سیردی؟ ایکی اۆرک گتیردین بئله چوخ‌ایدی پلنگ؟ یوخسا ترپه‌نیب زیرنگ بیر اوخ‌لا ایکی سینی وورموسان دئه دۆزونو اٶزگه حیوان اۆره‌یی دئییل منیم گره‌ییم بدل بئی، آی اوغلوم، سن بلکه یالان دئییرسن شۆبهه‌لندی بای بیکه اۆزدو اونو بو بلکه بدل بئی دئدی؛ والله شاهید دیر کی بیر آللاه دئدیییم یالان دئییل بو پلنگ اۆره‌یی دیر اگر وارسا یالانیم قیلینجم‌لا دوغرانیم یوخ داها سٶز- صٶحبتیم بو دا منیم قیمتیم او یاندی ایچین- ایچین بو شۆبهه‌لی سٶز اوچون ایناندی کی "بای بیکه" یالان دئمیر بو اکه سو گتیردی بیر سهنگ اٶنونده ایکی اۆرک اونلان پاک ائیله‌دی بیشمه‌میش چی چی یئدی پای وئرمه‌دی هئچ کسه یئدی بیرجه نفسه توکوب قانلی سویونو لذت‌له ایچدی اونو داها گلدی اۆزونه باختی گلدی اۆزونه.. "مین بیر اوغوز شعری" کتابیندان. داشلے بولاق @dashlibulaq

اینانج‌لار 🔹یاتان آدامین اۆستوندن آتلانمازلار، آتلانان آدامین قادا-بلاسی یاتان آدامین اۆستونه گلر 🔹یئریکله‌ین آراواد هر آدامین الیندن تیکه آلسا، اوشاغی یالاق اولار 🔹چٶمبه‌لتمه اوتورماق، آداما بدبختلیک گتیرر 🔹چٶره‌گی آیاق اۆسته یئسن، برکتی قاچار 🔹دیرناغی اوزون آدام، شیطان توره‌مه‌سی‌دیر 🔹آیاغی‌نین باش بارماغی یئکه اولان، بختَور اولار داشلے بولاق @dashlibulaq

تکنه= قاییق داخما =دخمه لیل= گل و لای بالیق اوولاماق= ماهیگیری، شکار موعجوز= معجزه قازما= بورادا زاغه آنلامیندا اولا بیلر کرپیچ= آجر زاده‌گان= اشراف زاده جیققا= تاج پالید= بلوط

قوجا قورخوسوندان دینه بیلمه‌دی بیر سٶز ده دئمه‌یه دیلی گلمه‌دی یٶنلندی دنیزه طرف هاواسیز گوردو طوفان قوپوب قارالیب، دنیز غضب‌لی دالغالار جوشوب گورولداییر آجیقلا سسله‌نیب سانکی اولاییر قیشقیریب بالیغی سسله‌دی بیردن بالیق اۆزه چیخدی درینلیکلردن سوروشدو: آی قوجا، نه ایسته‌ییرسن؟ قوجا باش اندیریب، سٶیله‌دی کی سن! ای بالیق‌لار شاهی، منه رحم ائیله نئیله‌ییم؟ قودوروب قاری غضب‌له دئییر: ایسته‌میرم پادشاهلیق ائتمک دنیزلر سولطانی اولوم گرک من قورولسون دریالار ایچینده قصریم قیزیل بالیق گرک اولا نوکریم سس- سمیر چیخمادی قیزیل بالیقدان چیرپیب قویروغونو یوخ اولدو بیردن ساحیل‌ده دایانیب قوجا بیر مدت چوخ گٶزله‌دی، چیخدی گئتدی نهایت گٶردو کٶهنه قازما اٶنونده یئنه.. اوتورموش قاریسی، یانیندا تکنه.. داشلے بولاق @dashlibulaq

قیشقیردی، بالیغی سسله‌دی بیردن بالیق اۆزه چیخدی درینلیکلردن سوروشدو؛ آی قوجا، نه ایسته‌ییرسن؟ قوجا باش اندیریب سٶیله‌دی کی، سن ای بالیق‌لارشاهی، منه رحم ائیله دئیینیب دالاشبب قاریم منیم له باغیریر ، تکنه‌میز سینیق‌دیر، دئییر او سندن بیر یئنی تکنه ایسته‌ییر بالیق دئدی: قوجا! بوراخ کدَری حاق کٶمه‌یین اولار دٶن ائوه گئری دۆزه‌لر سیزین‌چین بیر یئنی تکنه قوجا دٶندو بیر باش گلدی ائوینه گٶردو قازماسیندا یئنی تکنه وار قاری‌نین اۆزوندن یاغیر رهری‌مار قاری سٶیدو اونو، دئدی؛ آی آخماق بالیقدان بیر تکنه ایسته‌دین آنجاق؟ تکنه نه شئی‌دیر کی گئت اَل-ال اۆسته باش اندیر بالیغا، اوندان ائو ایسته قوجا گٶی دنیزه گئتدی هاواسیز گٶردو رنگی دٶنوب بولانیق دنیز چاغیردی، بالیغی سسله‌دی بیردن بالیق اۆزه چیخدی درینلیکلردن سوروشدو: آی قوجا، نه ایسته‌ییرسن؟ قوجا باش اندیردی سٶیله‌دی کی، سن ای بالیق‌لار شاهی، منه رحم ائیله یئنه برک دالاشدی قاری منیم‌له ایندی ده بیر داخما ایسته‌ییر قازمامیز اوچوقدور ، کٶهنه‌دیر دئییر بالیق جاواب وئردی: غم چکمه بونجا حاق کٶمه‌یین اولار، دٶن گئت، آی قوجا! قوجا گلیب گٶردو یوخ اولوب قازما کٶهنه خارابادان قالماییب بیر ایز یئرینده تیکیلیب بیر ائو بیر دهلیز اوتاغین کرپیج‌دن باجاسی‌دا وار آچیلیب تای با تای پالید قاپی‌لار پنجره اٶنونده اوتوروب قاری اونو گٶرن کیمی قودوردو قاری اۆستونه قیشقیریب دئدی: آی آخماق بالیقدان بیر داخما ایسته‌دین آنجاق؟ تئز قاییت باش اندیر اونا، سونرا دئه: اولماق ایسته‌مه‌ییر قاریم بیر کندلی کئچیر اۆره‌ییندن زاده‌گان اولماق ائشیتدین‌می، داها دایانما، سارساق! یوللاندی دنیزه قوجا هاواسیز گٶردو کی: چالخالانیر، گورولداییر دنیز او، قیزیل بالیغی چاغیردی بیردن بالیق اۆزه چیخدی درینلیکلردن سوروشدو: آی قوجا، نه ایسته‌ییرسن؟ قوجا باش اندیریب سٶیله‌دی کی؛ سن ای بالیق‌لار شاهی، منه رحم ائیله قاری برک دالاشدی یئنه منیم‌له ایندی ده زاده‌گان اولماق ایسته‌ییر داهی کندلی‌لیکدن چیخیرام دئییر بالیق جاواب وئردی: بوراخ کدَری حاق کٶمه‌یین اولار، قوجا دٶن گئری قوجا قاری‌سی‌نین یانینا دٶنجک گوردو کی چوخ قشنگ اولدوقجا یۆکسک بیر ائو تیکیلمیشدیر ائیواندا قاری دایانمیش سئیر ائدیر خیابان‌لاری اَینینده قاری‌نین خز دن دونو وار باشیندا زر خارا چیققاسی پارلار بوینوندا اینجی‌دن وار بویون باغی شوق سالیر قولوندا قیزیل قول باغی اۆزوک‌لر پارلاییر بارماق‌لاریندا اونون دٶرد یانیندا نوکرلر دوروب قاری بیرچک‌له‌ییب اونلاری وورور! قوجا دئدی: سلام ای مولک‌دار خانیم ایندی اولموسان‌می بختیار خانیم؟ باغیردی، یاغدیردی قاری سٶیوش‌لر قوجانی طٶیله‌ده ائله‌دی مهتر ایکی هفته کئچدی قاری قودوردو قوجانی چاغیریب اونا بویوردو: بالیغا گئت، باش اَی اونا سٶیله سن دئنن کی شاه اولماق ایسته‌ییرم من قوجانین قورخودان رنگی سارالدی قاری‌نین سٶزوندن ناراضی قالدی دئدی کی: قودورما، بونجا آی قاری! آدام اول، گل بوراخ بو ادالاری اوتوروب دورماغی سن باشارمیسان حکمران‌لیق ائتمک دئییلدیر آسان دونیانی گۆلدورمه اٶزونه آرواد؟ برک قیزدی اری‌نین سٶزونه آرواد اونو سیلله‌له‌ییب دئدی: آی موجیک گل سانما اٶزونو منه تای موجیک زاد‌ه‌گان خانیملا نه جرٲت‌له سن بو دیل‌ده دانیشیب حجت ائدیرسن! بیل کی، اٶز خوشونلا گئتمه‌سن اگر زورلا آپارارلار سنی نوکرلر یوللاندی دنیزه قوجا هاواسیز گٶردو کی جوشقوندور، توتقوندور دنیز او قیزیل بالیغی سسله‌دی بیردن بالیق اۆزه چیخدی درینلیکلردن سوروشدو؛ آی قوجا نه ایسته‌ییرسن؟ قوجا باش اندیریب سٶیله‌دی کی؛ سن ای بالیق‌لار شاهی، رحم ائیله منه قاریم های- کۆی سالیب یئنه غضب‌له داها زاده‌گانلیق گلمیر خوشونا ایسته‌ییر پادیشاهلیق وئره‌سن اونا بالیق جاواب وئردی؛ بوراخ کدَری قارین پادشاه اولار، قوجا، دٶن گئری قاییدیب گلنده نه گٶردو قوجا: بیر قشنگ سارای وار بزک‌لی، اوجا اوتورموش آروادی تخت اۆزه‌رینده بویالار، اعیان‌لار دوروب امرینده هامی باش لندیریر خیدمت ائیله‌ییر قاری شراب ایچیر، شیرنییات یئییر یانیندا غضب‌لی کشیک‌چیلر وار اونلارین چئینینده ایتی بالتالار قوجا بونو گٶروب، لاپ دونوب قالدی قورخودان یازیغین رنگی سارالدی دیز چٶکدو سٶیله‌دی؛ بٶیوک حوکمران سٶیله راضی‌سان می ایندی حالیندان؟ باخماق ایسته‌مه‌دی ارینه قاری بویوروق وئردی کی، قووون کافتاری تئز قالیخیب بیر نئجه زاده‌گان، بویار اونون پئیسریندن ووروب قوودولار نوکرلر بوینونو وورماق ایسته‌دی آداملار مسخره ائیله‌ییب دئدی: سنه بیر درس اولار آی قوجا نادان گرک اٶز یئرینی تانییا اینسان! ایکی هفته کئچدی قودوروب قاری غضب‌له امر ائتدی تئز آداملاری ارین تاپدیلار، دئدی: گئت بو آن باش اندیر بالیغا، سٶیله حوکمران اولماق ایسته‌میرم، گرک بو گۆندن گئنیش دنیزلرین شاهی اولوم من دریالار ایچینده قصریم قورولسون گرک قیزیل بالیق نوکریم اولسون

قیشقیردی، بالیغی سسله‌دی بیردن بالیق اۆزه چیخدی درینلیکلردن سوروشدو؛ آی قوجا، نه ایسته‌ییرسن؟ قوجا باش اندیریب سٶیله‌دی کی، سن! ای بالیق‌لارشاهی، منه رحم ائیله دئیینیب دالاشبب قاریم منیم له باغیریر ، تکنه‌میز سینیق‌دیر، دئییر او سندن بیر یئنی تکنه ایسته‌ییر بالیق دئدی: قوجا! بوراخ کدَری حاق کٶمه‌یین اولار دٶن ائوه گئری دۆزه‌لر سیزین‌چین بیر یئنی تکنه" قوجا دٶندو بیر باش گلدی ائوینه گٶردو قازماسیندا یئنی تکنه وار قاری‌نین اۆزوندن یاغیر زهری‌مار قاری سٶیدو اونو، دئدی؛ آی آخماق بالیقدان بیر تکنه ایسته‌دین آنجاق؟ تکنه نه شئی‌دیر کی گئت اَل-ال اۆسته باش اندیر بالیغا، اوندان ائو ایسته قوجا گٶی دنیزه گئتدی هاواسیز گٶردو رنگی دٶنوب بولانیق دنیز چاغیردی، بالیغی سسله‌دی بیردن بالیق اۆزه چیخدی درینلیکلردن سوروشدو: آی قوجا، نه ایسته‌ییرسن؟ قوجا باش اندیردی سٶیله‌دی کی، سن! ای بالیق‌لار شاهی، منه رحم ائیله یئنه برک دالاشدی قاری منیم‌له ایندی ده بیر داخما ایسته‌ییر قازمامیز اوچوقدور ، کٶهنه‌دیر دئییر بالیق جاواب وئردی: غم چکمه بونجا حاق کٶمه‌یین اولار، دٶن گئت، آی قوجا! قوجا گلیب گٶردو یوخ اولوب قازما کٶهنه خارابادان قالماییب بیر ایز یئرینده تیکیلیب بیر ائو بیر دهلیز اوتاغین کرپیج‌دن باجاسی‌دا وار آچیلیب تای با تای پالید قاپی‌لار پنجره اٶنونده اوتوروب قاری اونو گٶرن کیمی قودوردو قاری اۆستونه قیشقیریب دئدی: آی آخماق بالیقدان بیر داخما ایسته‌دین آنجاق؟ تئز قاییت باش اندیر اونا، سونرا دئه: اولماق ایسته‌مه‌ییر قاریم بیر کندلی کئچیر اۆره‌ییندن زاده‌گان اولماق ائشیتدین‌می، داها دایانما، سارساق! یوللاندی دنیزه قوجا هاواسیز گٶردو کی: چالخالانیر، گورولداییر دنیز او، قیزیل بالیغی چاغیردی بیردن بالیق اۆزه چیخدی درینلیکلردن سوروشدو: آی قوجا، نه ایسته‌ییرسن؟ قوجا باش اندیریب سٶیله‌دی کی؛ سن! ای بالیق‌لار شاهی، منه رحم ائیله قاری برک دالاشدی یئنه منیم‌له ایندی ده زاده‌گان اولماق ایسته‌ییر آدی کندلی‌لیکدن چیخیرام دئییر بالیق جاواب وئردی: بوراخ کدَری حاق کٶمه‌یین اولار، قوجا دٶن گئری قوجا قاری‌سی‌نین یانینا دٶنجک گوردو کی چوخ قشنگ اولدوقجا یۆکسک بیر ائو تیکیلمیشدیر ائیواندا قاری دایانمیش سئیر ائدیر خیابان‌لاری اَینینده قاری‌نین خز دن دونو وار باشیندا زر خارا چیققاسی پارلار بوینوندا اینجی‌دن وار بویون باغی شوق سالیر قولوندا قیزیل قول باغی اۆزوک‌لر پارلاییر بارماق‌لاریندا اونون دٶرد یانیندا نوکرلر دوروب قاری بیرچک‌له‌ییب اونلاری وورور! قوجا دئدی: سلام مولک‌دار خانیم ایندی اولموسان‌می بختیار خانیم؟ باغیردی، یاغدیردی قاری سٶیوش‌لر قوجانی طٶیله‌ده ائله‌دی مهتر ایکی هفته کئچدی قاری قودوردو قوجانی چاغیریب اونا بویوردو: بالیغا گئت، باش اَی اونا سٶیله سن دئنن کی شاه اولماق ایسته‌ییرم من قوجانین قورخودان رنگی سارالدی قاری‌نین سٶزوندن ناراضی قالدی دئدی کی: قودورما، بونجا آی قاری! آدام اول، گل بوراخ بو ادالاری اوتوروب دورماغی سن باشارمیسان حکمران‌لیق ائتمک دئییلدیر آسان دونیانی گۆلدورمه اٶزونه آرواد؟ برک قیزدی اری‌نین سٶزونه آرواد اونو سیلله‌له‌ییب دئدی: آی موجیک گل سانما اٶزونو منه تای موجیک زاد‌گان خانیملا نه جرٲت‌له سن بو دیل‌ده دانیشیب حجت ائدیرسن! بیل کی، اٶز خوشونلا گئتمه‌سن اگر زورلا آپارارلار سنی نوکرلر یوللاندی دنیزه قوجا هاواسیز جوشوبدور، توتقوندور دنیز او قیزیل بالیغی سسله‌دی بیردن بالیق اۆزه چیخدی درینلیکلردن سوروشدو؛ آی قوجا، نه ایسته‌ییرسن؟ قوجا باش اندیریب سٶیله‌دی کی: سن ای بالیق‌لار شاهی منه رحم ائیله قاریم های- کۆی سالیب یئنه غضب‌له داها زاده‌گانلیق گلمیر خوشونا ایسته‌ییر پادیشاهلیق وئره‌سن اونا بالیق جاواب وئردی؛ بوراخ کدری قارین پادیشاه اولار، قوجا دٶن گئری قاییدیب گلنده نه گٶردو قوجا بیر قشنگ سارای وار، بزک‌لری، اوجا اوتورموش آروادی تخت اۆزه‌رینده بویالار، اعیان‌لار دورور امرینده هامی باش اندیریر، خیدمت ائله‌ییر

بالیقچی‌ایله قیزیل بالیغین ناغیلی(1833) یازار: الیکساندر پوشکین چئویرن: میرمهدی سیدزاده کئچمیش زامانلاردا بیر قوجا واریمیش قوجا قاریسی‌لا بیرگه یاشارمیش گنیش گٶی دنیزین ساحیل‌لرینده کٶهنه داخماسیندا، اوچوق ائوینده حسرت قالمیشدیلار اونلار خوش گونه قوجانین قاری‌سی جهره اییریر بالیغا گئدرمیش اٶزو هر سحر بیر گون قوجا یئنه سویا تور آتدی لاکین بالیق دئییل، او لیل چیخارتدی تورو دنیز اوتو چکیب چیخارتدی او، اۆچونجو دفه تورو چکرکن تورونا بیر بالیق دۆشدو دنیزدن آدی بالیق دئییل، قیزیل بالیقدی ائله کی، دنیزدن ساحیله چیخدی اینسان تک دانیشدی، دیل آچدی بیردن دئدی: گل آییرما منی دنیزدن قوجا، بوراخ سویا، رحم ائیله منه کٶنلون نه ایسته‌سه، وئره‌رم سنه ساری یارپاق کیمی رنگی سارالدی قوجانین جانینی بیر قورخو آلدی بالیق اوولامیشدی او اوتوز اۆچ ایل هله گورمه‌میشدی بالیق آچسین دیل اودور کی، بالیغین سوزونه باخدی یاخشی‌لیق ائیله‌ییب سویا بوراخدی دئدی؛ "گرک دئییل منه حاق، بالیق بوراخیرام سنی گئت، اۆز درینده او گٶم-گٶی سولارین جوشقون یئرینده" قاری‌نین یانینا قاییتدی قوجا " بیر مٶعجوز گٶرموشم ،دئدی، اولدوقجا قریبه بیر مٶعجوز ، بو گون تور آتدیم دنیزدن بیر قیزیل بالیق چیخارتدیم بالیق اینسان کیمی دیل آچدی بیردن دئدی؛ بوراخ سویا ، رحم ائیله منه کٶنلون نه ایسته‌سه، وئره‌رم سنه قورخدوم، حاق آلمادیم سٶزونه باخدیم یاخشی‌لیق ائیله‌ییب سویا بوراخدیم سٶیدو، دونقولداندی سٶیلندی قاری: "بالیقدان بیر تکنه آلایدین باری" گٶرمورسن تکنه‌میز سینیقدیر، آخماق! سارساقدان باش وئرر بئله ایش آنجاق قوجا تئز دنیزه یوللاندی بیر باش گٶردو دالغالانیر سویاواش- یاواش

عزراییل‌ین قوناق گلمه‌سی شیفاهی خالق ادبیاتی بیر کیشی واریمیش، بو کیشی عٶمرونده چوره‌گی تک یئمه‌میشدی، همئشه یولدان کئچن بیر آدام گوتوروب گلرمیش ائوه، بیرلیکده چٶرک یئیرمیشلر. بیر گون ها باخیر، بیر غریب آدام گورمور کی گتیرسین ائوده چورک یئسینلر. او یان بو یان باخیر کی گورور بیر آدام یول‌دان گئدیر. یاخینلاشیب سوروشور کی؛ آ قارداش، سن کیمسن، نه‌چی‌سن؟ گئدک منله چورک یئیک. یولچو دئییر: من آللاهام. کیشی دئییر کی : - یوخ بیزیمکی توتمادی، آللاهینان دوست/کۆره اولا بیلمم. چونکی ایکی اۆزلوسن، بیرینی دٶولتلی ائلیرسن، بیرینی کاسیب. آیری- سئچکینلیک قویورسان. بو سٶزلر آللاهین خوشونا گلیر، گئدیب عزراییلا دئییر کی: گئت اونلا چورک یئه. عزراییل گلیر کیشی‌نین یانینا. کیشی بوندان دا کیملیینی سوروشور. ائشیدنده کی عزراییلدی، دئییر کی : هه سنله چورک ده یئیرم، کوره ده اولارام، اوندان اٶترو کی، سن آیری-سئچکیلیک قویمورسان، هامی‌نین جانینی آلیرسان. عزراییل‌لا کیشی کۆره اولورلار، چورک کسیرلر، ایل‌لر کئچیر، گون اولور کی؛ کیشی‌نین واختی تامام اولور، عزراییل گلیر بونون جانینی آلماغا، کیشی دئییر کی؛ سنی آند وئریرم یئدیییمیز دۆز- چوره‌گه. جانیمی آلما. عزراییل چیخیب گئدیر. بیر مدت‌دن سونرا گئنه گلیر. دئییر کی: کۆره، یات یئره جانینی آلیم، کلمه-یی شهادتینی دئه. کیشی شهادتینین یاریسینی دئییر، یاریسینی دا ساخلاییر کی یۆز ایل‌دن سونرا دئسین. عزراییل چیخیب گئدیر اوشاق دونونا دۆشور، دورور کیشی‌نین یولو اۆستونده. کیشی گلنده باشلاییر آغلاماغا. کیشی گلیر بوندان سوروشور کی ؛ آ بالا، نییه آغلاییرسان؟ اوشاق دئییر کی؛ منه دئییرلر کلمه-یی شهادتینی دئه، من ده باشارمیرام. کیشی شهادتینی آخیراجاق دئییر، ایسته‌ییر کی اوشاغا دا اٶیرتسین، اوشاق تئز چونوب اولور عزراییل. دئییر کی؛ کۆره! یات جانینی آلیم، کیشی گورور کی، باشقا چاره‌سی یوخدور. یاتیر یئره، عزراییل دا جانینی آلیر. داشلے بولاق @dashlibulaq

#ماللا_نصرالدین 🔹یا ائششک اٶلر، یا خان بیر گون خانا بیر ائششک باغیشلاییرلار، خان ماللا نصرالدینی یانینا چاغیریب دئییر: - ماللا، بو ائششه‌یی من نئیله‌ییم؟ یوخسوللاشمیش ماللا خانین بو سوالیندان بیر ایشیق یولو حیس ائدیب تئز جاواب وئریر: - خان ساغ اولسون، بو ائششک چوح عاغیللی حئیوانا اوخشاییر،اگر اونو منه وئرسه‌نیز، من اونا دانیشماق اٶیره‌ده‌رم. ماللانین سوزوندن خوشو گلن خان دئییر: - یاخشی، وئره‌رم، شرطینی دئه گوروم. - شرطی بیر آز آغیردیر، بو ایش چوخ زحمتلی‌دیر، گرک منه بئش ایل مهلت وئره‌سن و مین قیزیل دا پول. خان ماللانین شرطی ایله راضی لاشیر، ماللا دا پولو آلیب، ائششگین نوختاسیندان یاپیشیب، ائوه ساری یوللانیر، ماللانین آروادی بونو گوروب سوروشور: آی ماللا، بو ندیر، خئیر اولا؟ - هئچ سسینی چیخارتما آرواد، بو پوللاری خرجله، گرک باشیمیزا نه گلیر، دئییب احولاتی آروادینا دانیشیر. - آی ماللا، یقین سنین باشینا هاوا گلیب، ائششک ده دانیشارمی؟ - البته ائششک دانیشماز. -بس ایندی کی دانیشماز، نییه بو ایشی بوینونا آلیردین؟ - نئجه یانی نییه؟ ظارافات دئییل، گور نه قدر پول آلمیشام. - یاخشی، بس بئش ایلدن سونرا، وعده تامام اولاندا، خانا نه جاواب وئره‌جکسن؟ ماللا بیر آز فیکیرلشیب دئییر: - هئچ فیکر ائله‌مه آرواد! بو پوللاری گوتور بول-بول خرجله، واخت باشا گلنه قدر یا ائششک اٶلر یا دا خان. داشلے بولاق @dashlibulaq