بـلـوچـی لـبـزانـک

“زگریں زھیر" لھڑیں دل ءِ زگریں زھیر بیٹ ءُ لد ءِ منجیں کھیر تو چہ جھان دیما تر ئے انجیر ءِ پُل ترنج ءِ بر ئے وھدے تئی یاتاں کپاں چو آھنیں تَلک ءَ سْرپاں واتر کن ءُ کُل ءَ بیا ھنچو کہ کیت سارتیں سباہ شپ اِنسریت ءُ روچ بیت دردیں دل ءِ گم موچ بیت گنج ءُ مراد ماہ چاردھی سیر وابی ءُ وش آگھی تو مئے دلانی بانُک ئے من للہ آں تو گرانک ئے مارا چیا پژنیگ کُتگ زردوں چیا تُنیک کُتگ اَیکیم نہ بیت بیا بَزّگ اِنت واھگ گش ئے نوک سبزگ اِنت 📒 جالبار -تاک 51 🖊 گلام ھسین شوھاز @balochilabzank

" مساپری " تیاب ءِ لمب ءَ دو کشک کش ایں تو نوکیں اکسے بہ رند گوں ریک ءَ من کْوھنیں دستانگے نبیس آں گوں زرد ءِ چَولاں تو گوات ءِ کولاں ماں چادر ءَ بند ترانگانی من شپچراگاں گوں ھمسپر باں گوں درد ءُ دوراں ھمیش انت چار روچ ءِ عیش ءُ لذت ھمے منی تئی بھار ءُ چلگ ھمے مئے دوزہ، ھمے بھشت انت ھمے دو روچ ءِ مساپری انت ھمے منی ءُ تئی زندگی انت #مبارک_کازی #مبارک_قاضی @balochilabzank

مبارکیں کازی ءِ جتائیں کارست بلوچی لبزانک ءِ گوستانک بہ بیت یا کہ بلوچ ءِ گھگیری ءِ ، ایشانی پولگ ءَ پد سدانی کساس ءَ نامی ئیں سر دست کپ ایت کہ وتی اھد ءَ ءُ چہ آھاں بازینے داں کرناں پہ شرپ یات کنگ بیتگ ءُ بیگ ءَ اَنت. گوستانکی پولکار باندات ءَ کہ بلوچ ءِ گوستانک ءَ پول اَنت تہ آھاں بگندے بازیں درورے دست بہ کپ ایت کہ بلوچی لبزانک ءِ تہ ءَ یا کہ بلوچ ءِ گھگیری ءَ مزنیں نام اش پہ وت در آرتگ ءُ بلوچ چاگرد ءَ آھاں شرپ داتگ بلے پہ آھاں مبارکیں کازی ءِ وڑیں سرے ءِ درگیجگ کہ آئی ءِ کِرد پہ بلوچ ءِ گھگیری ءُ آئی ءِ ساچشت پہ بلوچی لبزانک ءَ یک وڑ ءَ بے درور بہ بنت، مشکل بیت. باندات ءَ مبارکیں کازی بلوچ گوستانک ءَ پمیشکا چہ دگراں جتائیں دروشمے ءَ چارگ بیت کہ مبارک وتی اھد ءِ تہ ءَ سیاسی ورکرے، پہ وتی زمین ءَ بندیگے، پہ زمین ندر بیتگیں سپاھیگے ءِ پتے، لبزانک ءِ مستریں ناماں یکے ءُ داں بیست ءُ یکمی کرن ءَ اولی بلوچ لچہ کار اِنت کہ وتی زند ءَ اینچو شرپ بکشگ بیتگ. مبارکیں کازی ءَ گوں وتی رجینتگیں گالاں وت ءَ بلوچ ءِ ھمک گدان ءَ سر کتگ ءُ آئی ءِ ساچشت داں چنت ءَ بلوچ چاگرد ءَ وت ءَ جاگہ دات کن اَنت اے گپ ءَ باندات گیشین ایت بلے اے گپ گیش اتگ کہ مروچی ءُ بلوچ ءِ باندات ءِ گوستانک ءَ مبارکیں کازی ءِ کارست چہ کُلّاں جتا اِنت ءُ اے ھبر کازی ءَ وت ھم مار اِتگ پمیشکا گوش ایت کہ: چوشیں کازی یے کہ مبارک انت پدءَ مشکل انت کہ ودی بہ بیت #نمیرانیں_مبارک_کازی

مبارک کازی ءِ نام ءَ گال ءُ دستونکانی اھدے بیت پدی پہ گدارے بیت چو کازی ءَ ودی راج ءِ گویاکیں زبانے بے توار آ کہ ترمپ ئِے گونڈلیں گورت اَنت دردی شائر ءُ شیدا یے بیاراں چہ کجا؟ سال ءُ ماہ پُشتیگ بنت، کرن ءُ سدی ٹیٹل ءُ سروان ئِے ساڑات اَنت مدام ھکل ئِے زِبر اَت پہ ھون واریں لدی زید ءُ زِرگور پہ گَلے نازینت اِت اَنت سیرکگیں گیابان ءُ ھار ملیں ندی مادنے رَست ئِے پہ ڈیھ ءِ پُسگاں ریٹوئیں ھوناں گوں تچک ءُ گنبدی پہ وتن مولانگیں کازی نہ منت گال ئِے مان اَنت داں ابد پہ سرپدی ایسُپ انیس 16 ستمبر2023 #مبارک_کازی #نمیران

مساپر راه ءَ نہ زانت درد چہ رنگیں مساپرے هر منزل اِنت روان وتی کشک ءِ پولگ ءَ اِے زمانگ کجا رس ایت من جیڑگ آں باز نہ ارسے نہ ترونگلے دیگر کجام رولہہ ءِ دنزاں کِمار کنت پاداں شمشتگ اَنت وتی بزبانی ئیں سواس لِڈ ءِ رمگ مروچاں چو سُہر ءَ نہاد بیت اِے لئیب باتن ءِ جگر ءَ آسیاب کنت زرد ءَ کباب کنت وهد ءَ شمُشت اَهد ءِ کدیمیں مساپرے گمنامیں شائرے دیگر مدام گوں راهگوزی مرگاں سوال کنت کازی کجا شُتگ من چی گُش آں بُگش 🏴🏴🏴🏴 16sept2023 #مبارک_کازی

ملکموت ءَ چہ کازی تو چینچو تچ ئے کیت یک روچے کور ءِ چگل پہ ترا 🏴🏴🏴🏴🏴 16sept2023 #مبارک_کازی

#منظور_بسمل @balochilabzank

گْوات ءِ همراه باں چو تئی بیکانی مانشانتگیں وشبواں گوں بزیں جمبراں دیم پہ کوهاں رواں مُهکمیں سنگراں تنکیں ژیمب ءُ گراں برزیں سر ٹُل ءُ شتکیں ڈلانی سرا شنگ باں هرگْور ءَ چو وتی مکهیں گلزمین ءِ شهیدانی هون ءِ وڑ ءَ گیر کاراں مزن زهرگیں اکبر ءَ کُل هما کہ وتن مات ءِ راه ءَ شُت انت سنگ ءُ ڈوکاں من چُکان ءُ داراں دل ءَ چو کہ شوهاز ءِ پربستگیں لچهاں من مبات آں منی مهرمیں همبلو چینچو جلدی شُت ئے مرگ بَرهَکّ بلے زندگی چوں کن ئے اِے سپر ایوک ءَ بُرگی اِنت من ءَ مبارک کازی #izmsaach 19 @balochilabzank