Anadili

کؤلگه‌م‌له اوز به اوزم نه‌دن؟ بیلمیرم! آخی من اوز چئویرمه‌میشم گونشه! اسماعیل پیل پایه @SheirOcagi @Axaaq

اثر کی قالدی جاهاندا او اؤلمه‌مک کیمی‌دیر! نهایت، واختسیز حیاتینی دییشن گنج شاعیریمیزین "دیشلریم تلگراف وورور" شعیر توپلوسو ایشیق اوزو گؤردو. شاعیر:اسماعیل پیل‌پایه تایپ و رئداکت:علی چاغلا چاپ نوبتی:بیرینجی تیراژ:۱۰۰۰ جیلد جیلد طراحلیغی:آتابای تیکان‌تپه‌لی حاضیرلایان:محمد پاشاپور ناشر:آیدین ساو تبریز چاپ و صحافی:چاپ شهر پارس‌آباد(حسن‌خانی) قیمت: ۱۰۰٫۰۰۰ تومان (ساتیش مرکزلری تئزلیکجه پایلاشیلاجاق) شعر اوجاغی و آنا دیلی آخاقی بو گؤزل اولایی ادبیاتیمیزا تبریک دئییرلر. @SheirOcagi @Axaaq

بیلَن، گوجلودور. پارساباد @SheirOcagi @Axaaq

بیلَن، گوجلودور. پارساباد @SheirOcagi @Axaaq

بعضاً یئری سهو دوشور قارغا ایله ساری بولبولون گوله نغمه اوخویور چیچک عطری بیلمه‌ین کیمینسه اوره‌یینده قالیر اؤولاد هوسی هردن آنا اولور اؤولاد قدری بیلمه‌ین چوخ واخت قلبی بوش کسین جیب دولو پولو اولور غئیرت ناموس صاحیبی احتیاج قولو اولور اؤزو اوچون چالیشانلار چاتیر منصبه‌، آدا ائل اوچون آغلایانلار کور قالیر بو دونیادا بخته‌ور یاشاییرلار، عارسیز آداملار درد ده آزار بئزار دا یاخشی‌لاردان یاپیشیر بیرله‌شه بیلمه‌ییرلر بو دونیادا یاخشی‌لار پیس‌لر هاردا اولسا بیر بیریندن تاپیشیر قرینه‌لر اؤته‌جک فصیل‌لر دییشه‌جک هر شئی سولوب گئده‌جک بو دونیا سولمویاجاق اینسان عؤمور سورسه یاشاسا دا لاپ مین ایل آنجاق سوال وئره‌جک جاوابی اولمویاجاق بیز گئده‌ری بیر قوناق دونیا یولا سالاندی اینانما بو دونیایا نه دئییرسن یالاندی سؤز:بابا وزیر اوغلو سس:پونهان ایسماعیللی @Axaaq

‍ متابولیزم ایدی نه ایدی بیلمه‌دیم ایچیمده فیرتینا قوپاردی آنجاق جینسیمین بیرینجی کؤته‌یین یئدیم شیرین گونلریمی آپاردی آنجاق ائله تئز گلدی کی آغزیمدا قالدی اون اوچ یاشلیغیمین اویونجاق دادی ارکک آرخاداشلار غریبه اولدو هله‌ده بیلمیرم بو نه قایدادی آیدا بیر گله‌نه من نئجه ساتیم بابامین گونده‌لیک دیزلرین آخی هایاندا اوتوروم هایاندا یاتیم دیلیمده دولاشمیر سؤزلرین چوخو داریخان آنلاریم یئریکله‌یه‌جک آبی‌مین سیم سیجاق قوینونا جانیم گؤره‌سن اونادا آنام دئیه‌جک؟! گؤره‌سن اونودا غریبه سانیم؟! طبیعت گؤر نئجه درده سالیب کی نه تهر یازیرام شعریم اوتانیر قلمیمدن گوجو ائله آلیب کی شریعت اودوندا منلیییم یانیر گوناهکار گوناهین گیزله‌دن کیمی اؤزومو صاندیغا قویورام هر آی اوتانجی گؤزومدن اوخویور هامی گؤره‌سن نئچه قیز واردی منه تای؟! کئلاسمان ائدیرم قادینلیغیمی دئییرم بو هانسی بؤلومدور گؤرن؟ ملکلر قوتلایان یئنی دوغومو من نیه سانیرام اؤلومدور گؤرن؟ بیر داها اوتوز گون یاخینلاشیرام آنامین سیزلایان گلینلییینه خانلیغین داغلارین بیر بیر آشیرام قان دولور شعریمین باغرینا یئنه یئنه حیس ائدیرم باشقا بیر منم یئنه گول‌لر بیتیر یاناقلاریمدان بابام گلسه دئیین یاتیبدیر"صنم" آناما دئییرم یئنه عاریمدان... رقیه هاشم زاده-خان صنم (۸ خرداد روز جهانی بهداشت قاعدگی) @Axaaq

بیلَن، گوجلودور. پارساباد @SheirOcagi @Axaaq

بیلیرم گئدنلرله اؤلونمه‌ییر آما قالانلارلادا یاشانماییر... 🍃حیاتین بیر گونو کئچدی قالان بیر گوندن گؤز اولون🍃 رعنا زارع @Axaaq

بیلیرم گئدنلرله اؤلونمه‌ییر آما قالانلارلادا یاشانماییر... 🍃حیاتین بیر گونو کئچدی قالان بیر گوندن گؤز اولون🍃 رعنا زارع @Axaaq

اليمی آتديم گونشی دَرم خيالين كيمی يانديردی منی! پروين قاسمی کوجنق @Axaaq