dil ocağı

#özgə_sözcüklərə_qarşılıq #internet 🔹 kökən: ingilizcə. international network 🔹 türkcə qarşılığı: #gənəl ağ 🔹 anlam: bilgisayar ağlarının (kompüter şəbəkələrinin) birbirinə bağlanması sonucu ortaya çıxan  hərhankı bir sınırlaması dahası (və) yönəticisi olmayan uluslararası (beynəlmiləli, beynəlxalq) bilgi ilətişim ağı (şəbəkəsi). 🔹 qaynaq: türk dil kurumu (tdk) @dilocaqi

ilk görünümdə birbirinə bənzər iki atalar sözü; 📜 su ilə od arasında qalmaq. 📜 iki od arasında qalmaq. * açıqlama: hər ikisi də iki nəsnənin arasında seçim yapmada çözümsüz (çarasız) qalma durumuna görə işlənən atalar sözlərindəndir. birincisində iki anlam vardır: 🔹 od yandırar, su boğar; oda sarı dönsən yanacaqsın, suya girsən boğulacaqsın. 🔹 od yandırar, su söndürər; "itilədim mi yumşadım mı", "savaşdırım mı, barışdırım mı" arasında qalmaq. ikinci atalar sözündə isə yalnız bir anlam vardır; hankı yana dönsən, yanacaqsın, yıxılacaqsın, acılıqla qarşılanacaqsın. deməli, anlamları ayrıqlıdır (fərqlidir): su, odu söndürər. "su ilə od arasında qalmaq" sözündə, quşqu (şək) vardır, sevgi vardır. hankı yana dönsən, orada sevgi görəcəksin, obür yandan isə acılıq. bir örnək: ana ilə arvat arasında qalıb gəlin-qayınana dartışmalarında seçim yapmalısın. nə isə hər hankısına yaxınlaşsan, sevgi ilə qarşılanacaqsın. ancaq "iki od arasında qalmaq" sözündə, iki kəsicinin, iki yandırıcının, iki yıxıcının arasında qalmaq vardır. hankı yana dönsən, elə o yöndən də yanacaqsın. deməli nə olursa, sevgi, yumşaqlıq görməyəcəksin. örnək: iki acımasız düşmənin arasında qalmaq. hər hankısına hən desən, elə kəndisi səni vuracaqdır. ✍️ yaşar elçixan @dilocaqi

#qısa_söz çürümüş qaranlığın yumşaq qoluna arxa durmaq, qaranlığın acısını alma istənci (irâdəsi) ilə olsa da, qaranlığa yeni soluq (nəfəs) verib onu canlandırmağa sonuclanar (nəticələnər). #قؽسا_سؤز چۆروموش قارانلیغین یۇمشاق قـوْلونا آرخا دۇرماق، قارانلیغین آجیسینی آلما ایستَنجی (ایراده‌سی) ایله اوْلسا دا، قارانلیغا یئنی سـوْلوق (نفَس) وئریب اوْنو جانلاندیرماغا سـوْنوجلانار (نتیجه‌له‌نَر). @dilocaqi

#türkcə_deyimlər 📜 iki od arasında qalmaq. *anlam: iki çətin durumun arasında seçim yapma zorunda qalmaq. hər hankısı seçilirsə, itki (zərər, toxunca) gətirəcəkdir. @dilocaqi 📌@turuz 📌@Az_edebiyyat 📌@turkce_ilgi1 📌@ucan39 📌@MaAzturk 📌@Erdemaz 📌@dilimdir 📌@tarixbil 📌@Bizimbijar 📌@ana_dilim_az 📌@a_z_soz 📌@TURK_LN 📌@DilSavasi 📌@SancaqDergisi 📌@TurkMillatlari1 📌@Ttariximiz 📌:sozluk.gov.tr 📌:turuz.com 📌 adasozluk.com

#اؤزگور_باخیش یۆز ایل بۇندان اؤنجه سـوْی‌قؽرؽم آردیندان مهاباد آدلاندیریلمیش سـوْیوق‌بۇلاق، کندینده (شهرینده) دوْغولموش، آتاسی قصرشیرین دوْغوملوسو، آناسی ایسه اۇرمو بؤلگه‌سی دوْغوملو کۆرد بـوْی‌لاریندان اوْلان پزشکیان، تۆرک‌لرین ایچینه گیره‌رک چـوْخ بؤیوک یالان‌لا کندیسینی تۆرک کؤکَنلی تانیتدیریب یالین (ساده) دۆشونجه‌لی تۆرک‌لری آلداتماقلا تۆرکون گؤزو اوْلان تبریزدن بئش دؤنه دالبادال اۇلوس ساوۇنمانی (میللت وکیلی) سئچیلیبدیر! بۇ آدام، دؤنه‌لرجه آذربایجان یۇردونون باتی بؤلگه‌لرینده‌کی کندلریندن بیرنئچه‌سینی کۆرد دیلی‌یله کۆردوستان آدلاندیریب. هابئله قاچاقچی کۆردلری دۆشونوب اوْنلارین قایغیسینی چکمک‌ده، چـوْخدان کۆردلَشمیش سینانداش (سنندج) اۇلوس ساوۇنمان‌لارینی دا اؤتوب کئچیبدیر. ایندی ایسه یئنه ده کسین وۇرقو (قطعی تأکید) ایله کندیسینی بیر تۆرک اوْلاراق هابئله ایران‌داکی فارس اوْلمایان باشقا اۇلوس‌لارین ساوۇنجوسو (مدافعی) گیبی گؤستریب جۇمهور باشقانلیغی آدایی اوْلوبدور. آنجاق بۇ آدامین کندیسی ائله‌جه ده اوْنو سئچیم‌لره بیراخان‌لار،  نه‌یین پئشینده اوْلدوق‌لارینی یاخشی بیلیرلر، یانلیش آنلایان‌لار یالنیزجا تۆرک تـوْپلومونو بۇ آداما آرخا دۇرماغا چاغیران‌لاردیر. ✍️ یاشار ائلچی‌خان @dilocaqi

#قیسا_سؤز سؤیوت شاخلاشدیقجا، أسنَکلیگین ألدن وئریب تئز سینار. ائله‌جه ده، چایدانین دا بیر سؽنؽری (حدّی) واردیر قایناتماغا؛ چـوْخ قایناتسان سۇیو قۇرویاجاقدیر، آز قایناتسان ایسه دۇرولمایاجاقدیر. دئمه‌لی، ایتی‌لَشدیگینده کندینی ده کسه‌جَگی‌نین اوْلاسیلیغینی (احتمالینی) اۇنوتمامالی‌سین. چۆنکو ایتی بالتا ترس دؤنَرسه، کسه‌جَگی‌نین کؤکونو دگیل،  بالتاجی‌نین کؤکسونو یاراجاقدیر. آنجاق، سئچیم سنیندیر؛ سـوْلوق‌لارین (نفَس‌لرین) اؤزگورلوگونه یـوْل وئرمه‌سن، بـوْغولاجاقسین بـوْغونتولارین بیرلَشمه‌سینده. اوْندا قۇردوق‌لارین کلَک‌لر (قالاق‌لار)، اؤز باشینا آشاجاقدیر، تۆم وارینی باساجاقدیر. یئنه ده بیر دۆشونسه‌نه! قارانلیق‌لار، دان سؤکوله‌نه‌دک‌دیر. ایشیغی جایدیرماغا چالیشسان بیله، گؤزلری دانماق، بئیین‌لری ساپدیرماق، آیاق‌لاری ایسه دایاندیرماق اوْلماز. آردینجا یـوْ‌ل‌لار آچیلاجاقدیر سنسیزلیگین ایزینده ... ✍️ یاشار ائلچی‌خان @dilocaqi

#اؤزگور_باخیش بیر آتالار سؤزوموز واردیر، دئییر: «ائوده‌کی سال‌-چیخ، چارشی‌یا اۇیمادی. (ائوده‌کی حساب-کیتاب، بازارا گئتدیکده دۆز گلمه‌دی؛ پارا/پۇل آز گلدی، اوْنا گؤره ایستَندیگی نسنه‌لر آلینامادی.) نئچه گۆن اؤنجه، ایران‌داکی جۇمهور باشقانلیغی سئچیم‌لرینه گؤره من بیر-ایکی آچیقلاما یازیب اوْرادا پزشکیانین سئچیله‌جَگینی اؤن‌گؤرموشدوم. ائله ایندی ده منیم باخیشیما گؤره أگه‌منلیگین (حاکمیّتین) ایستَگی، اۆلکه‌ده تـوْپلومون کندی ألی ایله بیر تۆر یۇمشاق یؤنَتکی یۆروتمکدیر. چۆنکو ایندیکی دۇروم‌دا یؤنَتیمین (حکومتین) گـوْبود قاناتی (ساغ جیناحی) ایش اۆستونده قالسا، تـوْپلومون أگه‌منلیک‌دن اۇزاقلاشماسی گئده‌رَک داها دا آرتاجاقدیر. بۇ آرا (فاصله) یارانما، کئچَن گۆنون سئچیم‌لرینده آچیق-آیدین گؤز اؤنونه گلدی؛ ساغ قاناتین اوْی یۆزده‌سی (رأی درصدی) کئچن دؤنه جۇمهور باشقانلیغی سئچیم‌لرینه گؤره یاخلاشیق  یۆزده قؽرخ  یئندی (۲۲ میلیون‌دان ۱۳ میلیونا یئندی). آنجاق بۇ آرادا منیم اؤن‌گؤرومون (پیشبینی‌مین) یانلیش چیخماسی‌نین ندَنی، تـوْپلومون دارقین (ناراضی) کسیمی‌نین بؤیوک اوْران‌دا (نیسبت‌ده) سئچیم‌لردن اۇزاق دۇرماسییدی. (من بؤیله اوْلاجاغینی گؤزه آلمامیشدیم). نه ایسه سئچیم‌لرین ایکینجی آشاماسیندا (مرحله‌سینده) دۇروم دگیشمه‌ییب یئنه‌ده بئله اوْلورسا، جلیلی سئچیم‌لری قازانیب گله‌جک جۇمهور باشقان اوْلاجاقدیر. آرتیرمالی‌ییم، منیم ایچین سئچیم‌لرین کیم قازاناجاغی‌نین هئچ اؤنَمی یـوْخودر ، دوْلایی‌سییلا هئچ اۇموروم‌دا دگیل. چۆنکو بۇ آلان‌دا (صحنه‌ده، ساحه‌ده) سؤمورگه‌چی‌لیگین (استعمارلیغین) ایکی قاناتی‌نین (بیر یاندان یۇمشاق قانات، اوْبور یاندان ایسه آشیری/افراطی قانات) یاریشماسی اوْرتادادیر. بۇنا گؤره، آذربایجانیمیز ایچین اوْنلارین بیر بیری ایله هئچ آیریغی (فرقی) یـوْخدور. سـوْنوج‌دا دئمه‌لی‌یَم، اؤن‌گؤرو یا دا بیر ایش یاپما قـوْنوسوندا بیر باشقا آتالار سؤزوموز ده واردیر: «یۆز اؤلچ، بیر بیچ.» بۇ آتالار سؤزو، منیم اؤن‌گؤرومون یانلیش چیخماسینا بیر اؤیوت اوْلاراق، یۆز دۆشونوب، بیر داشینماغی من داهاسی (وَ) منیم گیبی‌لرینه وۇرقولاییر. ✍️ یاشار ائلچی‌خان ۱۴۰۳/۰۴/۰۹ @dilocaqi

#içanlamlı_söz 📜 öküz altında buzav aramaq, adamı arpa əkənəğinə aparıb çıxarar! * anlam: kökündən olasılığı eləcə də olanağı olamayan işə girişib sonuc gözləmək, adamı yollarda azdırıb istənilməyən ərəğə çatdırar. *bənzər atalar sözü: 📜 eşşəğin arxasınca gedən, arpa əkənəğindən baş alar. 📝 açıqlayıcı sözlükçə: 🔸 əkənək: tarla (məzrəə), əkərə (zəmi). 🔸 olasılıq: ehtimal. 🔸 olanaq: imkan. 🔸 girişmək: iqdam etmək, bir işdən yapışmaq. 🔸 sonuc: nəticə. 🔸 ərək: gerçəkləştirmək için tasarlanan (düşünülmüş) dahası (və) ərişmək (ulaşmaq, varmaq, çatmaq, yetişmək) istənilən nəsnə (şey), amac (hədəf). @dilocaqi 📌@turuz 📌@Az_edebiyyat 📌@turkce_ilgi1 📌@ucan39 📌@MaAzturk 📌@Erdemaz 📌@dilimdir 📌@tarixbil 📌@Bizimbijar 📌@ana_dilim_az 📌@a_z_soz 📌@TURK_LN 📌@DilSavasi 📌@SancaqDergisi 📌@TurkMillatlari1 📌@Ttariximiz 📌:sozluk.gov.tr 📌:turuz.com 📌 adasozluk.com

#içanlamlı_söz 📜 tülkünün quyruğu arxasınca gedər. * anlam: aldatıcı birisinin yançısı, onun peşində gedib yalanlarının izini silər. @dilocaqi 📌@turuz 📌@Az_edebiyyat 📌@turkce_ilgi1 📌@ucan39 📌@MaAzturk 📌@Erdemaz 📌@dilimdir 📌@tarixbil 📌@Bizimbijar 📌@ana_dilim_az 📌@a_z_soz 📌@TURK_LN 📌@DilSavasi 📌@SancaqDergisi 📌@TurkMillatlari1 📌@Ttariximiz 📌:sozluk.gov.tr 📌:turuz.com 📌 adasozluk.com

کریم اسماعیل‌زاده، یالنیزجا بیر ألی‌یالین (ساده، ألی‌بـوْش، غیر مسلّح) یۇردسئوَردیر، کیمسه‌یه ده بارماغی‌نین اۇجویلا دا تـوْخونماییب. آنجاق باخین گؤرون فاشیست اؤزگه‌لرین قۇللوغوندا اوْلان ساتقین‌لار بۇ آدامین باشینا نه اوْیون گتیریبلر! دوْغرودان بیزیم تـوْپلوموموز نه‌یین پئشینده‌دیر!؟ درد وئرَن‌دن تـوْخداق دیلَنمک، بیزه یاراشیر می!؟ @dilocaqi