منوعات ومهاجل الحجريه

#صباحيات === صباح من تقوم اسحاري تُبدئ الثور والحماري بكر البويرق سار علىً عُده الابتال واحداده قانا داري من إللي بسق الساري واحداده قانا دار ي ان طبعك الهودار صباح الخير وااا جمالي وااااجمال من كام توكاااري جوب لي جوب وقالي من خمسه واربع بواال صباحه عليبه خالي بٌعاره حامض كباري لاترعوا به ورعياني لاترعوا بمرعى الضان محلى النوم والنوم حال النوم حسيك الاعيان ======

هذه القصيده بلهجة اصحاب تعز بعنوان (الحب في زمن الفقر) قالت اني معك خليك معي قله اسمعي مشتكش انا تتجعجعي خايف لأ هلك ترجعي تشكي الضنا وحال العنا وانك تعذبت معي هيا افهميها واهجعي قالت مله حبك سكن في داخلي قد له زمن عايش بروحي والبدن عايش معي في أضلعي قله اسمعي حبي عفن كله شجن وانا فقير.ما فيش معي قيمة كفن ما اشتيك انا تتولعي .هيا افهميها واهجعي قالت حياتي من غيرك ملل قله مله هذا الخلل وعين الزلل وانتي سكنتي بالفلل تتزيني باغلى الحلي وتلبسي احلى الحلل أما أنا جيبي عطل لا تحسبي اني بطل مشتيك انا تتوجعي هيا افهميها واهجعي قالت بعادك لي تعب قله انا بيتي خشب وسقفه قصب وفرش بيتي من حصير والا حطب خايف عليك تتوجعي وانتي جميله تلمعي هيا افهميها واهجعي قالت معاك نفسي اعيش حتى في عريش افطر حلص وارقد على تمره وجهيش قله اسمعي مشتيك انا تتجعجعي هيا افهميها واهجعي ايش بايفيد الحب بس شاقي الى وقت الغلس مشقايتي قيمة بلس ما تكفي حتى المولعي هيا افهميها واهجعي بيني وبينك مثلما مابين ارضي والسما أوهام تكبر كلما كنتي معي هيا اهربي لك واهجعي ما فيش تكافئ بيننا شوفي انتي فين وفين أنا الحب ما هووش لنا لازم لحسك تجمعي هيا افهميها واهجعي خلي المحبه اللي مضت قصه جميله وانقضت كانت معك كانت معي هيا افهميها واخلعي

منوعات ومهاجل الحجريه: منوعات ومهاجل الحجريه: 🏮⚱قناة منوعات و مهاجل الحجرية⚱🏮 @fekree_mhagel 🍁انذار🍁 قولوا لمحمبوبي فيسع يروّح وعاد بستاني طري مدودح اشتي اغتنم عمري وعادني شاب واحزب وامشط صفتي واسرّح مو اعمل بعمري واني حول صالب من غير بتول شنبت شويك شبرصح كانت سمارة بيننا ويسلح قطع جواز بغربته مفرّح شندي بياس ومدري مو شصلّح ثلاث سنين والرابعة مروح وهو هناك وسط الرياض موسح واني هنا سجادتي منوّح من الدموع ووجنتي مجرح عقلي تعب قاني قريب شقرّح شعمل لقبل العيد وشتصله والله العظيم لاخبره واقله ما نيش اني خدامة عند اهله اعجن لهم واخبز لهم والوح بالبالطو وزنتي المبلّح والله لابهذلبه ملي واشرشح اما يكن مثل الرجال يروح ولا لبيت اهلي فيسع يسرح خالد سلام المقرمي 22اغسطس 2017م ،،،،،، ،،،،،، -------------------------------------------------- للدخول للقناة عبر الرابط التالي https://telegram.me/fekree_mhagel أو الضغط على شعار القناة ↘️ ثم اضغط اشتراك --------------------------------------------------

مهاجل جديده للاخ فكري القدسي

مقطع صوتي من Younos Ali

مقطع صوتي من Younos Ali