کەناڵی مامۆستا علی خان

مالیکی کوڕی سولەیمان ده‌ڵێت: «ئیبراهیمی کوڕی تەهمان مووچە و شایستەیەکی دارایی شاهانە و زۆری لە بەیتولماڵ (خەزێنەی دەوڵەت)ه‌وه‌ بۆ دەبڕدرا، لە هەموو کاتێکدا وەریدەگرت و بە سخاوەت و بەخشندەییەوە بەسەر خەڵکیدا دەیبەخشییەوە. ده‌ڵێت: ڕۆژێک لە ڕۆژان لە ئەنجومەنی خەلیفەدا، پرسیارێک لە ئیبراهیم کرا، ئەویش وەڵامدا وتی: «نازانم». ئامادبووان پێیان وت: تۆ مانگانە ئه‌و هه‌مووه‌ پارە زۆره‌ وەردەگریت، کەچی وەڵامی یەک پرسیاریش نازانیت؟! ئیبراهیم وتی: من تەنها لەسەر ئەو شتانە مووچه‌ وەردەگرم کە دەیانزانم و لێیان شارەزام، جا ئەگەر لەسەر ئەو شتانەی نایانزانم پارەم وەرگرتبایە، ئەوا بە خودا هەموو خه‌زێنه‌ی ده‌وڵه‌ت به‌شی منی نه‌ده‌كرد، ئەو شتانەی کە نایانزانم هەرگیز تەواو نابن، (چونکە زانینی مرۆڤ سنووردارە و نەزانینی بێسنوورە). خەلیفە زۆر سەرسام بوو بەم وەڵامە دانسقەیەی و فەرمانی دا خەڵاتێکی گەورە و شاهانەی پێ بدرێت و مووچە مانگانەکەشی بۆ زیاد بکرێت». بڕوانه‌: «تاريخ بغداد» (7/ 20) ت بشار، و«منتهى رغبات السامعين في عوالي أحاديث التابعين» (ص42)، و«الأذكياء» (ص 131)، و«المنتظم في تاريخ الملوك والأمم» (8/ 265).…