She'r sehri
Ўзбек шеъриятининг кечаси ва бугуни бир ерда - ушбу каналда!
Більше1 289
Підписники
-324 години
-27 днів
-730 днів
- Підписники
- Перегляди допису
- ER - коефіцієнт залучення
Триває завантаження даних...
Приріст підписників
Триває завантаження даних...
Repost from ЖАДИД медиа | расмий
Фото недоступнеДивитись в Telegram
🟥🟥🟥🟩🟩🟩
⚡️“Жадид“ газетаси ҳафталик «Ютуқли мутолаа» танловини эълон қилади.
Танловда газетанинг янги сонини тўлиқ мутолаа қилган барча ёшдаги газетхонлар иштирок этишлари мумкин.📣Иштирок этишни истаганлар телеграм орқали @Jadidmedia_testbot манзилида рўйхатдан ўтиши керак бўлади. Газетанинг янги сони мақолаларидан тузилган 10 та тест саволи ҳафтанинг ҳар жума куни соат 21:00 да ботга жойланади. 10 дақиқа давомида энг кўп ва энг тез жавоб берган 4 нафар иштирокчи ғолиб деб топилади. Шунингдек, 3 нафар «Энг кўп реферал эгаси» (махсус постни улашган иштирокчи) ҳам тақдирланади. 🏆Танлов ғолиблари қуйидагича мукофотланади: · 1-ўрин: 300 000 (уч юз минг) сўм; · 2-ўрин: 200 000 (икки юз минг) сўм; · 3-ўрин (2 нафар): 100 000 (бир юз минг) сўмдан. 🔴Уч нафар «Энг кўп реферал эгаси» 100 000 (юз минг) сўмдан рағбатлантирилади. 💵 Ғолибларга пул мукофоти ҳафтанинг ҳар шанба куни тўлаб борилади. ⚠️ Эслатма! 2024 йил 28 июнь кунги танлов синов тариқасида ўтказилади. Кейинги ҳафтадан бошлаб ғолиблар Низом асосида рағбатлантириб борилади. ➡️@Jadidmedia_rasmiy⬅️
👍 3
САРОЙ
Қўриқласа арзир бу жойни итлар,
Итдан-да жонсарак соқчилар керак.
Мудом анқиб турар ғалати ҳидлар,
Сал узоқ қарашга дов бермас юрак.
Ҳаттоки қарға ҳам қурмайди ватан,
Уни обод этар турфа солиқлар.
Фаришта қочгандай наҳс босган ердан,
Яқин йўламайди мўмин, солиҳлар.
Пора олиб келса — кирар тўра ҳам,
Юқтириб чиқар сўнг бундаги кирдан.
Гар фуқаро кирса, қайтари мубҳам,
Чиқса, жазо олиб чиқар бу ердан.
Сепилар адоват, кин уруғлари,
Хиёнат урчийди бу ерда фақат.
Кўз бўяб кун кўрар эл улуғлари,
Ҳаромнинг устида турар салтанат.
Юпун халқ жимгина яшайди, ҳайҳот,
Ёки ич-этини, ё бир-бирин ер.
Асл душманидан кутар-да нажот,
Ўзи киролмаган жойни қутлуғ дер.
© Аъзам Ўктам
❤🔥 1👍 1🔥 1
Boʻlganim shu...
Meni yaxshi koʻrganlar koʻp, toʻgʻri, biroq,
Jini suymay yurganlar ham undan koʻproq.
Demak, yomon odamman deb kuyunmay ham,
Juda yaxshi odamman deb suyunmay ham.
Taroziga qoʻyilganda faqat amal,
Yaxshiligim ogʻir kelsa boʻldi sal-pal...
Agar erta tushmaganda boshga kallik,
Daʼvo qilsam boʻlar edi mukammallik...
Hay, mayli-da, yaxshimanmi yo yomonman,
Men ham sizdek Haq yaratgan bir insonman.
Abadiylik tilamayman bu fanodan,
Xafamasman hakim Luqmon yo Sinodan.
Tushgach umr kitobimga soʻnggi nuqta,
Hammangizni tark etaman xuddi yoʻqday...
Ha, shunaqa,
Mendan sira hadik olmang...
Gap – shu.
Boring,
Endi siz ham,
Yoʻldan qolmang!
© Bahodir Iso
@sherSehri
❤🔥 5👍 3❤ 1🔥 1
***
Abduvali, ruhimni yarmi
Tur oʻrningdan
Urgut togʻlarini qoʻporib turgil
Guldirab kelgil
Hayqirib kelgil
Uvvos tortib kel
Doʻsting ishq janggohida bir oʻzi qoldi,
Qoʻlida qilichi yarmisi singan.
Yolgʻon-u xiyonat lashkari lak-lak,
Doʻstingda mador yoʻq, koʻzlari tingan.
Turibman boʻlinib ming bir boʻlakka,
Ovozim yoʻqolgan, soyam yoʻqolgan.
Faqat yuragimni sugʻurib oʻzim
Bosh uzra koʻtardim, qoʻllarim tolgan.
Sen bilan, muhabbat kelsaydi, devdik,
Kishan-u zanjirin solsaydi, devdik,
Makka-yu Madina eltsaydi, devdik,
Qonimiz yoʻl uzra toʻksaydi, devdik.
Mana bu Makka, mana Madina,
Karvonim diloʻgʻri agʻyor qurshagan.
Yetib bormasligim aniq endi, doʻst,
Endi tushlarimga olov toʻshalgan...
Abduvali, ruhimning yarmi
Tur oʻrningdan
Madadga kelgil
Hasratga kelgil
Yigʻlashga kelgil...
© Aziz Said
@sherSehri
👎 3👍 2❤🔥 1
***
Men – yarmi fors
yarmi – turkiyman…
Boʻlgani shu. Boshqasin bilmam…
Xoja Hofiz gʻazali bilan
tili chiqqan bitta shoirman.
Mening yirtiq yaqolarimni
gʻazal bilan tikkan azizlar.
Allaladi bobolarimni
Hirot, Sheroz, Balx-u, Tabrizlar…
Garchi maʼyus bu Musalloda
peshonamning izlari yoʻqdir,
lekin buzrukvor Buxoroda
Musalloning shaʼni ulugʻdir.
Naqshbandning chorigʻi bilan
kezdim Tabriz koʻchalarini
Avliyolar qoʻpdilar birdan
boshda tutib qubbalarini…
Farishtalar uchardi yengil
nurga chulgʻab goʻyo bagʻringni.
Avliyolar dedilar: “Bergil,
ey musofir, choriqlaringni…”
Oʻyladim Shayx rozidir balki
boqdim Jayxun uzra shafaqqa…
“Oling, Shams Tabriziy haqqi
choriq emas jonim sadaqa...”
© Asqar Mahkam
@sherSehri
👍 2❤🔥 1
Pahlavon Mahmud
Sening hasratlaring uzun,
Sheʼrlaring qisqa.
Ne-ne gado koʻrding,
ne sulton koʻrding.
Nuh ming yil yashadi –
Koʻrdi bir toʻfon.
Sen
Nuh boʻlmasang ham,
ming toʻfon koʻrding.
Birovdan taxt qoldi,
Birovdan – daraxt.
Sendan meros qolmish baytlar –
tugʻyoning.
...Gar koʻylak tiksalar armonlaringdan,
Egni but boʻlardi yupun dunyoning.
© Sirojiddin Sayyid
@sherSehri
👍 10❤ 1
Bir shoir haqida qoʻshiq
Bir shoir yashaydi Toshkent shahrida,
Doimo oʻzining ustidan kulib.
Bir shoir yashaydi Toshkent shahrida,
Har kun ming tugʻilib, har kun ming oʻlib.
Bir shoir yashaydi Toshkent shahrida,
Katta, chiroyli va yorugʻ xonasi.
Bir shoir yashaydi Toshkent shahrida,
Chakki tomar uyda yashar onasi.
Bir shoir yashaydi Toshkent shahrida,
Tushlarida kezib qishloq, voha, qir.
Bir shoir yashaydi Toshkent shahrida,
Onasi, qishlogʻi sevgilisi – sheʼr.
© Chori Avaz
@sherSehri
🔥 5👍 1
***
Mashinaning orqa oʻrindigʻida,
Betartib xonaday xayolim uyqash.
Oynaga qadalgan koʻzim yigʻida –
Yurakni oʻrtaydi allaqanday rashk.
Xudoga boryapman oʻzimni ortib,
Buncha ham goʻzalsan, yam-yashil chiroq!
Mening diqqatimni oʻziga tortib –
Haydovchi koʻzgudan tashlaydi nigoh.
O, shu payt...
Kimlardir kuldi – kinoya!
Qaradim...
Yoʻllarni supurar farrosh.
Qizil chiroqlarga qilmas rioya –
Mening koʻzlarimdan oqayotgan yosh.
© Xosiyat Rustamova
@sherSehri
❤ 4👍 1
Dashtda
Bu yerdan oh urib oʻtgan Goʻroʻgʻli,
Bu yerdan ot surib oʻtgandir Namoz.
Bu yerga qismatning uchta zoʻr oʻgʻli
Piyoz ekyapmiz,
piyoz.
“Qargʻish tekkan yer bu!” degan Xudoyor,
Faqat Oy tunlari chodirni tikkan.
Faqat biz – uch ogʻa-ini har bahor
Piyoz ekkanimiz
ekkan.
Tirikchilik.
Oʻzingizga maʼlum bu yogʻi.
Rizqi roʻz degani –
titilgan toʻrva.
Doʻkonda falon pul paxta yogʻi...
Piyoz boʻlsa,
qozonda shoʻrva.
Bu yerni suv oʻgay singil sanaydi,
Shabada yurmaydi –
tiladi tikan.
Men akamga,
bolam qoʻlga qaraydi...
Piyoz ekkanimiz
ekkan.
Bu yerdan ot surib oʻtmaydi Namoz...
© Iqbol Mirzo
@sherSehri
🔥 2👍 1
***
Kimlar dedi: shoir u,
Yuragi yoʻq, dardi yoʻq.
Koʻngli kir-u, tuflisining
Zarra dogʻi, gardi yoʻq.
Kimlar esa Mashrabdayin,
Hallojdayin osishar.
Keyin yana daho degan
Tamgʻani ham bosishar.
Kimlar uchun nodonman-u,
Nodonligim bilmayman.
Kimlar uchun endi men
Sira odam boʻlmayman.
Kimsalarga qadrdonman,
Kimsalarga yetti yot.
Chap kelganda arzondirman,
Oʻng kelganda ulugʻ zot.
Yana kimlar yaxshi deydi,
Yana kimlar gunohkor.
Odamlarning naqshi deydi,
Faqat bitta aybi bor.
Aybim koʻp-u, nima qilay,
Dorlarida oʻlmasam.
Koshki edi bu zamonda,
Kimligimni bilmasam.
Haq yoʻlida rozi boʻlib,
Barchasiga koʻnaman.
Koʻcha-koʻyda tuflimga ham,
Chang yuqtirib yuraman.
Yalang oyoq yuray desam,
Yoʻllarimda tosh, tikan.
Bu dunyoda nodon boʻlib,
Yashamoqlik baxt ekan.
© Lochinbek Hasanov
@sherSehri
👍 4
Оберіть інший тариф
На вашому тарифі доступна аналітика тільки для 5 каналів. Щоб отримати більше — оберіть інший тариф.