ابيات

معك ادوّر ما يجرّ السوالف والقصيد ومع جميع الناس حتى الكلام يغثني

معك اغتنيت من الهوى والحب يا مال الغناه وحببتني فـ أيامي اللي ما هقيت أحبّها انت الحياة اللي عطت للناس معنى للحياه و أنت النعيم اللي عليه الناس تشكر ربّها

مع العزله اللي تكتم الصدر والانفاس ‏ولا الجمعه اللي لامزاجي ولا شفّي ‏انا العاقل اللي كل ماضايقوه الناس ‏يوقّف دقيقة صمت ويْصد و يقَفّي

بعض الكلام اللي ماتحسب له حساب ‏في قـلب غيـرك ما يمُـر بـ سهـوله ‏خلك مع العـالم تعامـلك من بـاب ‏اللي ما تـرضى تسمـعه لا تقـوله

طيبين وعايشين الحياه بكل سرور ‏ونبتسم دام الضماير سترها ربنا ‏لو عرفنا وش تخبيّ مغاليق الصدور ‏ما ضحكنا عند ناسٍ ماهيب تحبنا

ياقلبي العمر مرّه والليالي تدور ماعزّك اللي تحبه ليه تشتاق له

مافيني إلا الخير أضحك وأسولف ومن خاب ظني فيه سديت بابه

حتى لو اني غبت برضيك مادام ‏قلبي يصون العهد بينك وبيني ‏وان شفتني جيـتك بعد غيبة أيام ‏سلامتـك ماعندي الا حنيني

لابغيت آصد وانسى الامنيات المستحيله ‏تعترض قدام عيني ذكرياتك والموده ‏ياعذابي كان مالي في ظروف الوقت حيله ‏وانت شيءٍ لا تهيالي ولا لي منك صده

تعاتبنا بقسوه لين شفتك للغياب ارتحت ‏ذبل فيك الغلا واللي بقى ماعاد يلزمني ‏تساميت وخذتني عزتي عن كل شي ورحت ‏وانا في كل خطوه كنت منتظرك تكلمني

تدرين انا توّي من اوصافك ‏عرفت معنى ضامر السرجوف ‏حتى رهيف القلب لا شافك ‏يقول لـ اللي جنبه انت تشوف

لو يقطعون الشك بـ سيوف اليقين انت الصحيح وباقي العالم غلط

منت الذي لآغبت عادي غيابه                    في غيبتك كل المخاليق غيّاب

لا والله ماعودت نفسي على التهميّش ‏ولا خاطري سامح ولا كنت متغاضـي ‏انا ابيك تدري يوم اطوّف جروحك ليش ‏علشاني احبك ولا انا ماني براضي

ضيقة الليله تعانقها معالق روحي ‏ما نفع كثرة تعزّازي ولا تطنيشي ‏والحزن والضيق كله واجحدان جروحي ‏بيّنتها قولتي لـ الناس ما قومي شي

اجتمعنا يوم كان المواصل فرض عين ‏وابتعدنا يوم كلٍ على الثاني وكن ‏ما جنا العاشق من اثمار غصن العاشقين ‏كون دمعٍ ما يوقف وحزنٍ ما يكن 

يا زيف الأحلام والواقع  محطة قطار ‏وأنا هنا  الواقف اللي  ما معي تذكره ‏محتاج من  وقتي اللي  فات رد أعتبار ‏مثل ما يحتاج قلب المؤمن التذكره

من دروس الزمن عندي علوم وعلامه ‏كني الشاطر اللي جالسٍ بـ اخر الصّف ‏دايماً مبتسم واللي ورا الابتسامه ‏دمعةٍ ما تشاف وضيقةٍ ما توصّف

طالت المده على اللي عذابه الانتظار ‏كل مايبني الهقاوي تطيح حصونها ‏يجعل الضايق صدوده عن الناس اعتذار ‏يعتزل عن مجتمعها وشوف عيونها

حلفت ما اسولف ولا اجيب طاريك ‏لكن عيوني للأسف سولفت بك ‏الشوق يفضح خص لا قيل وش فيك ‏كم دمعهٍ يوم انشدوني سرت بك