🍀ئاسۆی ژیانی ساحێب🍀

ڕۆژێک ڕێگام کەوتە نەخۆشخانەیەکی دەروونی بۆ سەردانیکردنی یەکێک لە هاوڕێکانم، لەکاتی چاوەڕوانی بۆ بینینی, پزیشکێکی دەروونی هاتە لام دیاربوو لە کاتی پشوی خۆی بوو، کەمێک دەمەتەقێمان کرد، دوای سڵاو و کەمێک قسەکردن و خۆناساندنمان، پێیم گوت: بەڕێز دکتۆر پرسیارێک، ئێوە چۆن ئەزانن کە کەسێک پێویستی بە مانەوەیە لە نەخۆشخانە یان نا؟ دکتۆر خەندەیەکی کرد و وڵامی دامەوە: ئێمە نەخۆش ئەخەینە حەمامێک و بانیۆیەک پڕەکەین لە ئاو، وە دواتر، کەوچکێکی چا و پەرداخێک و تەشتێکی ئەخەینە بەردەم، پێی ئەڵێین ئاو لەم بانیۆیە بەتاڵکەوە. منیش بە لە خۆڕازیبوونەوە گوتم: ئەها یانی ئەوەی کە پێویستی بە مانەوە نییە سەتڵەکە هەڵەگرێ چونکە گەورەتر و ئاسانترە، گوتی: نەخێر بەڕێز بۆ ئەوەی بزانین ئاساییە پێویستە کونی بانیۆکە بکاتەوە. ئێستا تۆ ئەتەوێ تەختەکەت لەلای پەنجەرەبێت؟ لەو ساتەدا نەمتوانی وڵامی بدەمەوە کارمەندی نەخۆشخانە بانگی کردم کە بڕۆمە سەردانییەکە، بەڵام زۆر خەمناک بووم و ڕێگاکەم گۆڕی بەرەو ماڵەوە لە ڕێگا هەر بیرم لەو وتوێژە ئەکردەوە دواتر تێگەییشتم کە: -ڕێگای چارەسەرکردنی مەسائیلەکان، هەمیشە لەو هەڵبژاردن و پێشنیارانە نییە کە هەیە. -لەکاتی بڕیاردان نابێت هیچکات هەدەفی سەرەکیمان لە بیر بچێت، چونکە هەدەفی سەرەکی کردنەوەی کونی بانیۆکە بوو نەک سەتڵ کە پێشنیار کرابوو منیش هەڵم بژارد. -ڕێگای چارەسەرکردنی مەسائیلەکان هەمیشە لەبەر دەمماندا نییە و نایبینین، بۆیە عقڵ هەزاران ڕێگای تیایە، بەڵام بەداخەوە ئێمە هێندەی گڵۆپێکیش بەکاری ناهێنی بۆ ڕوناکی ڕێگامان، هەر بەدوای ئاگرداین کە دەست ناکەوێت. -هەندێککات پێویستە بە هەست و ژیر بین، چونکە ئەو داوای نەکردبوو بە سەتڵ و کەوچک و پەرداخەکە ئاوەکە بەتاڵ بکەمەوە، تەنیا داوای کردبوو بەتاڵیکەمەوە. @asoyzhyanisaheb

✨|زاخاوی مێشک|✨ ئەگەرچی شەو درەنگە ساقی بۆم تێکە کەمێکی تر کەوا ئەمشەو سەری هەڵدا لە ناخمدا خەمێکی تر لە بادە ئەم ژەمە تێر کە منی تینووی جگەر سووتاو بە چی دیارە کە دەیبینم شەوێکیتر ژەمێکی تر؟ ئەوەندە دەردە دار و بێ پەرەستارم کە پێم وایە لە سەرکێکی تەمەن، هەڵناکرێ تازە شەمێکی تر گەلێکم ڕۆژگاری تاڵ و شیرین رابورد،ئاخۆ مەرگ مەودا دەدا دیسان ببینم سەردەمێکی تر هەتـــا چارشێو بە سەر تۆوە دەبینم نازەنینی کـورد بە سەر بیلبیلەکەی چاوی مندا دەکشێ تەمێکی تر بە تۆ چارەی چۆن دەکرێ دەروونێ پڕ لە ناسۆرم خەساری بۆ دەکەی دوکتۆری زانا، مەرهەمێکی تر؟ بــەهار و گوڵ ، کچ و مانگە شەو و شێعری تەڕ و بادە لەوەی زیاتر جەنابی شێخ گەرەکتە عالەمێکی تر؟ ✍: مامۆستا هێمن 🎙: مامۆستا حەمە جەزا @asoyzhyanisaheb

كه‌و، ژرێژ، ماكه‌و،خاسه‌كه‌و،مێڕۆژ،كه‌وباڕ،باڕه‌كه‌و،تۆڕ هێمای به‌ندن و كوێستان وشاخی نیشتمان. پاراساتن وپارێزگاریان ئه‌رك و ئه‌خلاق و سه‌روه‌رییه‌. كوشتن وڕاو و له‌ قه‌فه‌س تووندكرنیان. ژینگه‌ كوشتن وسه‌رچاوه‌ لێخنكردن و نامرڤایه‌تییه‌ به‌رانبه‌ر به‌ بوونه‌كانمان. هێما جوانه‌كانی سروشت بۆ چێژی تاكه‌كه‌سی نه‌ڕووخێنن. 🍀📚

✍️موحه‌مه‌د ئه‌مین حسه‌ینی(فەرەج پوور) ناسراو به‌ "كوێخا" ڕۆژنامه‌فرۆشی شاری سه‌قز به‌ نوێنه‌رایه‌تی ئاغای كیانی. ✍️عابید حسه‌ینی به‌شی٤ 🔸خێراخێرا خۆیان کوتایه‌ نێو مزگه‌وت له‌ که‌وشکه‌نه‌که‌دا پێڵاوه‌کانی باوکیان به‌د‌ی نکرد. پڕکێشی نێو مزگه‌وتیان نه‌کرد. به‌ په‌له‌ هه‌ڵخووشاو به‌ ده‌م ڕه‌ت بردنه‌وه‌ و لاتراسکه‌ به‌تاو و هه‌نێسکه‌کوتێ و چڵمه‌ چڵم چوونه‌وه‌ ماڵه‌وه‌. به‌ ده‌نگی به‌رز و پڕ له‌ پرسیار هاواریان کرد. "دایکه‌ دایکه‌. باوکمان له‌ هیچ کوێیه‌ک نییه. "ئه‌یه‌ڕۆ ئه‌ی له‌ کوێیه؟ سه‌یره‌ ئه‌و کابرایه‌ بۆ کوێ چووه‌!؟" ڕابێ خوتووره‌ی پرسیار مێشکی داگرت غایه‌ڵه‌ و خڵێڵه‌ داڵغه‌یان ده‌هات. منداڵ مرۆکانه تووه‌ گوڵبه‌ڕۆژه‌ و له‌ ده‌وری کزه‌ و سۆڵه‌ی لامپاکه‌ ده‌میان ژه‌نده‌ خوارده‌مه‌نی. له‌ پڕ ڕابێ بێ ئۆقره‌ له‌ به‌ر ده‌رکه‌ له‌ باڵای مزگه‌وته‌که‌ی ڕوانی. دوومناره‌ به‌ر‌زه‌که‌ تارمایی ڕه‌شیان ده‌نواند بۆ تیشکی چراکانی نێو ده‌لاقه‌ی کۆڵان. کۆڵان ته‌نگه‌به‌ر و تاریک و نووته‌ک و ته‌نیا ترووسکایی ده‌لاقه‌کان چاویان له‌ تاریکی کووجی داده‌گرت. به‌ توند کردنه‌وه‌ی له‌چکه‌که‌ی له‌ سه‌ری و لۆیه‌کی کراسه‌که‌ی له‌ پشتێنه‌که‌ی ئاڵانده‌وه‌. ده‌سته‌وسان و ده‌س له‌سه‌ر ده‌س و دیان له‌ سه‌ر لێو حه‌په‌ساو گه‌ڕایه‌وه‌. بیری ئاڵۆز و پاڵۆز و ناخۆش و یه‌کباو غارغارێنیان ده‌کرد. به‌ کاوه‌خۆ نگا سمێنه‌ره‌که‌ی بڕییه‌ شه‌وژه‌نی درگاکه‌ و به‌ خێرایی هه‌ڵیپێکا و توندی کرد و له‌ پشت درگا ده‌س له‌ سه‌ر ده‌س‌ مێشک ئاڵۆز و بێ ئه‌نوا، پووک و پووش هه‌ڵوێستا. 📚دوانه‌ی سووره‌وان سه‌رتاشیاوی چاوسه‌رمه‌گه‌زی زیته‌ڵه‌برقه‌ بۆ کوێ ده‌رپه‌ڕیتی خێرا. موچی ده‌ستم له‌ نێو ‌له‌پی ده‌ستی جه‌ڕه‌بابه‌ درابوو، سه‌رده‌س کراسه‌ ڕه‌ق هه‌ڵگه‌ڕاوه‌که‌م هێنده بڵقه‌سوو ببوو، له‌ ژێر ده‌ستی چڕکه‌ و جیڕه‌یه‌کی لێوه‌هات، چاوم چووه نێو هه‌نیه‌ی پان و ڕیشی تۆپ و سمێڵی کورتی مامه عه‌وڵای باخه‌وان گوتی:" هه‌ڵێره‌وه‌ سه‌ر کانی ده‌س به‌ئاوه‌کان، زووبه‌ سوورایی کۆمت ده‌ربخه، تۆ قورحان خوێنی جوان بیشۆره‌، ئه‌وه‌ چه‌په‌ڵه‌شۆری پێده‌ڵێن. هه‌ر له‌ وشه‌ی سوورایی تێگه‌یشتم نه‌مزانی کۆم چییه؟ له‌ حه‌یوه‌ت مامه‌ عه‌وڵا چوومه‌وه، ‌به‌ ئحمێک خۆم کرده‌وه‌ چاوه‌ ئاوده‌سێکی دیکه‌دا و بڕێ شڵپه‌ شڵپم کرد، له‌ خۆوه‌ بێ چرکه‌ خۆم مڵاس دابوو و له‌ پیسایی نێو ئاوده‌سه‌که‌م ده‌ڕوانی له‌ پڕ ئحمێکی دیکه‌ خۆی کرده‌ نێو ئاوده‌سه‌که‌دا‌ و گوتی:" ئه‌وه‌ بۆ گورپت کردووه‌ بێده‌ره‌وه‌ کردمه‌خۆمدا. "به‌ قنیچکه‌وه‌ ده‌رپه‌ڕیم له‌ داڵانه‌که‌وه‌ خۆم گه‌یانده‌ به‌رحه‌وز. قرچه‌ خۆرێک بوو نه ‌سریوه‌یه‌ک نه‌جریوه‌یه‌ک. خۆم کێشایه‌ سێبه‌ری به‌رهه‌یوانی در‌گای حه‌وزه‌که‌ و ملێکم وه‌رچه‌رخاند بۆ کووچه‌ی مزگه‌وت. ساتێک بۆ مامه‌ عه‌وڵا چاوم گێڕا. نه‌بوو چوومه‌ نێو حه‌وزه‌ تاریکه‌که‌وه‌ تازه‌ به‌رچاوم ڕوون ببووه‌وه‌، ده‌ستم دا له‌ کۆڵه‌که‌که‌ و دانه‌وامه‌وه‌، حه‌وز پڕ بوو له‌ ده‌به‌ دۆ له‌ سه‌ر لێواره ‌سمیته‌که‌ی حه‌وزه‌که‌ هه‌ڵترووشکام.له‌ پڕ مامه‌ عه‌وڵام دی دیانه‌ عه‌مه‌ڵیه‌کانی له‌ ژێر لچه ‌سووره‌که‌ی ده‌رهاورد‌ و به‌ به‌ری ده‌ستی له‌ ئاو حه‌وزه‌که‌ی هه‌ڵگرت و نایه‌وه‌‌ سه‌ر لێواره‌ سمیته‌که‌. به‌ ده‌نگی به‌رز " ده‌ی ڕۆله‌ ده‌سنوێژه‌که‌ت هه‌ڵبگره"‌، چاوم زیته‌وه‌ کرد و ڕوانیمه‌ ڕوونی ئاوه‌ جوانه‌که‌ی حه‌وزه‌که‌ که‌ به‌ هۆی ده‌س تێوه‌ردانی مامه‌ عه‌وڵاوه‌ که‌لاوی ده‌کرد و نه‌رم و ڕوون ده‌ڕژایه‌ نێو ‌ چاڵجۆگه‌ی به‌رده‌مم که‌ له‌ هه‌ر چوار نکاڵی حه‌وزه‌که‌ درووستیان کردبوو بۆ ئه‌وه‌ی چڵک و چه‌په‌ڵی نه‌که‌و‌ێته‌‌ ناو حه‌وزه‌که‌‌وه. ده‌سنوێژی مامه‌ عه‌وڵا سه‌رنجی ڕاکێشام، هه‌ردوو ده‌ستی پڕده‌کرد له‌ ئاو تا بناگوێی و سه‌ری سپی و تاسی ده‌خووساند. ده‌ستی له‌ کون گوێچکه‌ی توند ده‌کرد و لووتی به‌ ئیشتیای دڵ ده‌گووشا، ئاوی ده‌مولووتی نه‌ده‌کرده‌ نێو حه‌وزه‌که‌ و هه‌ر له‌ جۆگچکه‌ی ده‌کرد. له‌ پڕ "ڕۆڵه‌، منداڵه‌کان و بڕێک له‌ گه‌وره‌کان ڕعایه‌ت ناکه‌ن. ئه‌و‌ نێعمه‌ته‌ جوانه‌ پیس ده‌که‌ن. نابێ یه‌که‌م جار پای ئاره‌قاوی و تۆزاوی بخه‌یته‌ ناو حه‌وزه‌که‌وه‌. ناوێت کاتێ ده‌موچاوت ده‌شۆریی، ئاوی ده‌مو لووتت‌ هه‌ڵلووشیته‌ نێو ده‌مت و دیسان تفی بکه‌یته‌وه‌، من بیرم چوو به‌ لای سه‌ری په‌ڵه‌په‌ڵه‌ی ڕه‌ش و بۆری سه‌ری سپی مامه‌ عه‌وڵا که‌ قه‌ت وام نه‌دیبوو، له‌ پڕ دیم تۆزه‌ ده‌‌سره‌که‌ی به‌سته‌وه‌ به‌سه‌ریه‌وه‌ و به‌ دوو گرێی چکۆله‌ له‌ به‌ر سه‌ریدا تووند به‌ستی. به‌ په‌له‌پڕووزێ ئاوم کرد به‌ سه‌روچاومدا. بڕێک هاتم وه‌ک مامه‌ عه‌وڵا بکه‌م، گشت گیان خۆم خووساند و که‌وشه‌ قیره ‌که‌لاجزه‌کانم هه‌ڵکێشا و به‌ر له‌ مامه‌ عه‌وڵا به‌ نێو ورده‌ سێبه‌ری دیواره‌ به‌رده‌کاندا له‌ کووچه‌ ته‌نگه‌که‌ی مزگه‌وتدا خۆم کێشا بۆ مزگه‌وت.

🔸ئارچێباڵد ڕووزوێڵت له‌ گه‌رده‌نه‌ی مه‌حموواوایی سه‌ر ڕێگه‌ی سه‌قز -سنه‌ شاهیدی ڕاگه‌یاندنی كۆماری كوردستان. ✍️خوێندنه‌وه‌ و وه‌رگێڕان: عابید حسه‌ینی. 🔸The various tribesmen opposing the Iranian army and attempting to advance north from Saqqiz dwindled until only the Barzanis were left about twelve hundred men loyal to Mulla Mustafa. After a number of battles, the inspector general of the Iranian army. General Ali Razmara, signed a cease-fire agreement with the Kurdish forces on May3, according to which the front was established around the little town of Bokan, north of Saqqiz on the road to Mahabad. 🔹به‌ره‌به‌ره‌ ئه‌و خێڵانه‌ی وا دژبه‌ری سپای ئێران بوون و ده‌یان هه‌ویست له‌ لای سه‌قزه‌وه‌ به‌ره‌و باكوور پێشڕه‌وی بكه‌ن، ته‌كینه‌وه‌ و له‌ كۆتاییدا هه‌ر دووسه‌د پیاوی بارزانی سه‌ر به‌ مه‌لا موسته‌فا مانه‌وه‌. دوای چه‌ند كه‌ڕه‌ت شه‌ڕ و پێكدادان سه‌رۆكی پشكێنه‌ری گشتی سوپای ئێران عه‌لی ڕه‌زمارا له‌ ڕێكه‌وتی سێی گوڵان ڕێكه‌وتننامه‌یه‌كی ئاگربه‌ستی له‌گه‌ڵ هێزه‌ كوردیه‌كان واژۆ كرد.به‌ پێی ڕێكه‌وتننامه‌كه شارۆچكه‌ی بۆكان وه‌ك هێڵوێستی شه‌ڕ له‌ سه‌ر ڕێی سه‌قز مهاباد دیاری كرا. ‌ While this agreement was never officially ratified by Qazi Mohammad's government, the evacuation of Iran by the Soviets on May10 undoubtedly influenced the Kurds not to pursue an aggressive policy. The line established by the truce was tacitly accepted from then on by both sides. 🔸به‌ڵام ده‌وڵه‌تی قازی موحه‌ممه‌د به‌هیچ كولۆنجێك به‌ شێوه‌ی فورمی دیانی به‌ ڕێكه‌وتننامه‌كه‌دا نه‌نا. كاتێ له‌شكری ڕووس له‌ ده‌ی مانگی گوڵان له‌ ئێران چوونه‌ده‌ره‌وه‌. كورده‌كانیش بڕێك دامركانه‌وه‌ و هێڵوێسته‌ دامه‌زراوه‌كه‌ بێ خووته‌ و بۆڵه‌ له‌ لایه‌ن هه‌ر دوو لاوه‌ ڕچاو كرا. The way was now open for me to make my long-planned visit to Saqqiz. On July 12, I set out by jeep From Kermanshah, through wheat and tobacco fields. When I reached the Mahmudabad Pass, we were in military territory and an Iranian army colonel joined us. He pointed out the watch towers on the peaks surrounding the pass, and to the hills beyond held by the rebel tribes who had attacked the pass twice during the past month. Moving on to Saqqiz, we met Major General Fazlullah Homayuni, transferred there about a month previously from Khuzistan, where he had distinguished himself by his ruthless suppression of the Arab tribes there Turuf, whose sheikh I had met in the marshes. 🔸هه‌ر به‌م هۆوه‌ ڕێگه‌ی سه‌ردانه‌كه‌ی منیش بۆ سه‌قز خۆش بوو كه‌ له‌ مێژه‌ خۆم بۆ دانابوو. له‌ دوانزه‌ی مانگی پووشپه‌ڕدا به‌ جیب له‌ كرماشانه‌وه‌ به‌ ناو كێڵگه‌ی گه‌نم و تووتندا ڕێكه‌وتم. كاتێ گه‌یشتمه‌ مله‌ی مه‌حموواوه و گه‌یشتمه‌ ناوچه‌ی سه‌ربازی، سه‌رهه‌نگێكی سوپای ئێران كه‌وته‌ ته‌كمان. زۆر شوێنی چاودێری و نگابانی سه‌ر لووتكه‌كانی نزیك و دووری گه‌رده‌نه‌كه‌ پێ نیشان دام كه‌ له‌ وێوه‌ هێزی خێڵه‌كان له‌ ماوه‌ی دوو مانگی ڕابۆردوودا دووجار هێرشیان كردوووه‌ته‌ سه‌ر مله‌ی مه‌حموواوا. له‌ كاتی تێپه‌ڕبوون بۆ سه‌قز سه‌ركرده‌ "فه‌زڵوڵڵا هومایونی" كه‌ مانگێك له‌وه‌ به‌ر له‌ خووزستانه‌وه‌ ناردبوویان،چاومان به‌یه‌ك كه‌وت.ئه‌م سه‌ركرده‌ به‌ هۆی سه‌ركوت كردنی بێ به‌زییانه‌ی هۆزی عه‌ره‌به‌كانه‌وه‌ به‌ تایبه‌ت هۆزی تورۆف كه‌ من له‌ نزیك تاڵاوه‌كانی ئه‌وه‌ی چاوم به‌ شێخه‌كه‌یان كه‌وتبوو، خۆی پیشاندابوو.‌ ‌ 📚https://t.me/asoyzhyanisaheb

من له ژیانمدا ڕۆژی ڕەش و تاڵم زۆر دیون. بەڵام ڕۆژی ڕەشتر و تاڵترم لەو ڕۆژه نەدیوه که چوومه مەدرەسه. مامۆستاکەم که خۆی کورد بوو و دواییش تێگەیشتم فارسی باش نازانێ، به فارسی تێی ڕاخوڕیم و هیچی تێنەگەیشتم. هاودەرسەکانم که هەموویان له من باوخۆشتر بوون، پێم پێکەنین. زۆر به خۆمدا شکامەوه. ماوەیەک به شەو لەبن لێفەدا له ترسی مەدرەسه دەگریام و به قرخەمەرەسی دەچوومەوه. منداڵ هەموو گاڵتەیان پێ دەکردم و پێیان دەگوتم "کرمانج". (له مەهاباد به خەڵکی لادێ دەڵێن کرمانج و به وشەیەکی سووکی دەزانن). دوایی بۆیان گێڕامەوه که دەیانگوت به فارسی جنێومان پێ داوی و حاڵی نەبوویی. "بەشێک له ژیاننامەی دەستنووسی مامۆستا هێمن" قرخەمەرەسی: ڕاکێشانی یەکێک بەزۆر و لە دوو نەچوونی. ✔️ هەنبانه‌بۆرینە: قرخەمەرەسێ: نوعی بازی که‌ در آن خود را به‌ زمین می چسبانند که‌ کسی نتواند بلند کند. 📚https://t.me/asoyzhyanisaheb

باوکم لە شار گەڕایەوە، دیاریێکی هێنایەوە، چاو و دڵم پێی گەشایەوە. لەگەڵ خوێندنەوەی یەکەم دێڕی بۆنی خۆشی بەرامەی ئەوین، وەک شەرابێکی خەست گرتمی و بەرەو لای خۆی بردمی! مامۆستا لەتیفی خۆشەویست و بەهەست، کاتێ پێنووس دەگرێتە دەست، بۆ هۆنینەوەی هەڵبەست یان نووسین پەخشان، کەسی شان نادا لە شان، بە وشەی جوان و ڕەنگاڵەی تێنووس دەکا زێڕەوشان. بە بۆنی خۆشی بەرامەی ئەوین ئێستاش سەرمەستم، هێنایە خرۆش زەریایی هەستم. سپاس بۆ ئەو کاک بەختیـارە نازدارە، کە بزواندنی ئەم هەستیارە و بووە هۆی خولقاندنی ئەم شاکارە. بۆ جوانیی لە یەک دەکاڵێنەوە هەروەک ئەستێرە دەگەشێنەوە دڵ و ڕۆح و هەست دەبووژێننەوە ئەتاننێمە بان دیـە و گلێنەوە😍❤️ ئەسعەدقانعی‌چۆمەڵوو( #لانەواز) 📚

📚ئێوارە بارانێکی کۆڵکەزێڕینە 📚

📚مەقام زەردی خەزانە ڤیۆڵۆن، مامۆستا: جەلیل کەریمیان. 📚