آزربایجان شعر و ادبیاتی
آزربایجان شعر و ادبیاتی 📎
БільшеКраїна не вказанаМова не вказанаКатегорія не вказана
1 240
Підписники
Немає даних24 години
Немає даних7 днів
-1730 днів
- Підписники
- Перегляди допису
- ER - коефіцієнт залучення
Триває завантаження даних...
Приріст підписників
Триває завантаження даних...
سلام و سایقی لار بوتون حورمتلی یولبیرلریمیز:
حضرت امام حسین علیه السلام و محرم آیین بوتون یولبیرلره تسلیت دیه رک خیدمتینیزه یئتیریریک آزربایجان آخاقی(کانال) شعر و ادبیات ساحه سینده چالیشی سون ائوینه يئتیشدی بو کی بیزینن یولبیرایدینیز بیزیم اوچون شرف ایدی اولا کی هر چاغ یاشامینیزدا باشینیز وطن دورومو کیمی اوجا اولسون.
یاشاسین هر بیر کولتور سئوَن دوست
یاشاسین آزربایجان❤️
قاچیرام چرخ فلک دن قاچیرام
قورولان گیزلی کَلَک دن قاچیرام
ییخیلیب دورماغی اؤیره ندی دیزیم
چوروین چاتلی دیره کدن قاچیرام
باشیما چالدیلار هی دوزلویومو
دوزلوک آدلی ده یه نک دن قاچیرام
سوسوزام زیغلی سودان چیمچشیرم
پیشمه میش ساخسی سه نک دن قاچیرام
یورولوب سوسلو سؤزه دویغولاریم
یئنه سؤزلرده بزه کدن قاچیرام
دوز چؤرک بلله سی مینت قوخویور
اووروجام هرنه یئمک دن قاچیرام
گول سووارماقدا منی ساشدی آری
ایندی باغلاردا پتک دن قاچیرام
توراتانلاردولاشیر یاس گولونه
مئشه لرده گوبلک دن قاچیرام
گوبوت ایپ دوشدو دویون ایتدی اوجو
تخته بند اوسته ایپک دن قاچیرام .
لادن اسکندانی
@Turkculture
زامان، قاندال ووروب دویغولاریما،
باهاری بد گلمیش ایللر کیمییم.
دلی کولکلرین هوجوم چکدییی،
های-هارای قوپاران سئللر کیمییم.
غم-کدر تاریدی کؤنول چالدیغی،
سطیرلر اوستونده فیکره دالدیغی.
غریب دورنالارین قاناد چالدیغی،
لئیلیسیز، مجنونسوز چؤللر کیمییم.
دیکیلیب گؤزومه نئچه باخیشلار،
قوپان فیرتینالار، یاغان یاغیشلار،
مندن اینجیمهسین دوستلار، تانیشلار
بارماغی کسیلمیش اللر کیمییم.
«آلقایید» حئیراندی چرخی گردیشه،
بیلینمز بو حیات کدردی، نشه؟
گاه مزار اوستونه، گاه دا گؤروشه،
دریلیب تؤکولن گوللر کیمییم.
#آلقایید_خلیلاوو
@Turkculture
اولدو سونبوللر خجیل، زولف پریشانین گؤروب
قونچالار قان اولدولار، لعل درافشانین گؤروب
یوسیفه زیندان تمنا اولدو مئهریندن سنین
عالم ذراتدا چاه زنخدانین گؤروب
باغبان هر گونده بیر سروین قوپاردیر باغدان
تا کیم ای روح و روان، سرو خورامانین گؤروب
گویلار تک اشک گؤنلوم اولور هریان روان
الده چؤگان، عرصه ده رخش اوزره جؤلانین گؤروب
قوی اؤلوم، آخیر نفسدیر، گلمه نعشیم اوسته تا
قئیرلر مرگ ائتمه سین خواهیش بو احسانین گؤروب
زخمینه مرحم تصور ائتدی تیر روستمی
اشکبوس ای قاشی یای، سینه مده پئیکانین گؤروب
قونچا تک یوز پیرهن چاک ائتدی ای گول رشکدن
سید خونین جیگر چاک گریبانین گؤروب
سید عظیم #شیروانی
@Turkculture
❤🔥 1
ایچیمده باغیریر سسیزلیکلریم،
اورهییم آستاجا گؤزومدن سوزور.
اوخشایا-اوخشایا یاناقلاریمی،
اومودلار، لئشینی اوزومه دوزور.
گئییرم اَینیمه یالنیزلیغیمی،
دونلری بئینیمه سیخیب گئدیرم.
ایچیمه گؤمدویوم دیلکلر سوچون،
طالعین بوینونا یخیب گئدیرم.
بولودلار یولوما جانین چیلهییر،
بلکه ده باشیما غریبلیک یاغیر.
«بلکه»لر بئینیمده تپینیب دورور،
بلکه ده تانریدیر، گؤزلرین ساغیر.
بارماغیملا ماشا اؤپوشمهمیشدن،
دوغولدو حسرتلی شعریم قان آدلی.
سونسوزلوق یولجوسو اولدوم؛ حئیفف کی
اؤزوم آیاق یالین، دویغوم قانادلی.
#فرزین_نقییان
@Turkculture
بیز دمیر یولونون ایکی یانلاری،
نه قدر گئدسک ده بیرلشنمهریک.
بیز ایکی بدنین آیری جانلاری،
بیرلشیب بیرینده یئرلشنمهریک.
نه بیرجوت قیچیق کی اوست-اوسته دوشک،
نه یاخین أللریک قیفیللاناق بیز.
دوداق دا دئییلیک چارپیب اؤپوشک،
دونیایا گلمیشیک باخیب یاناق بیز.
بیز ایکی اوموزوق بیر قورولوشدا،
سن ساغا باخیرسان، منسه سولدایام.
بیز ایکی قولاغیق بیر دلی باشدا،
سن سوکوت ملهیی، من دولو هایام.
بیز گونش له آیین اینسان اوزلری،
اوزاقدان اوزاغا سالاملاشاریق.
بیز گؤزل بیر اوزون ایکی گؤزلری،
قوشولا بیلمهدن بلکه یاشاریق.
نه یازیق، اؤزگهنین پایلاریییق بیز،
بیز بیزی نه بؤلوب نه یئیه بیللیک.
من سنین یازیندا یوخام، سن منیم.
یازیلمیش طالعه نه دئیه بیللیک.
@Turkculture
«ایپ تلسیر»
من اولدوزو آی قوجاغیندا بوغولاندا گورمیشم
گونشین هؤروکلریندن آخان قان ایلا
جهنم بوجاغیندا سؤنمیشم
قارانلیق هورور
ایچریمده کی دمیر یاس دوتوب
شهرین پاس دوتموش
خیاوانلاریندا چورور
زامان آخیر
ساناقلار داریخیر
باشيمدا سانجی
جیسمیم ده طوغیان
فیکریم ده اینتحار
ايچریمده عیصیان
بوغازیمدا ایپ
نفسیمده توفان
و سن گئديشمه بير دوراقسان!
کؤرپه تانریم یوبانارکن
گؤزلرينده قهوه ايچیر
ایچه ریم ایچه ریمی بیچیر
منی منه وئر
منده منی تالاما
ساچلاریوین گئجه سينده اولدوز تک آخیرام
ایلغئملارا منی جالاما
گؤنلوم ياغيش ايستَیير
سن و من
يووووووخ
بوش وئر گئتسين
آزادليق زينجيرده
ایپ تَلَسیر
امابوغازیم داریخاجاق سنسیز...
د.ا
@Turkculture
سن
درین کدرلرین قادینی سان
حوزونلو شئعرلرین
جان یاخان سؤزلرین
گؤزلرین له یاس توتماق اولار
ساچلارین لا سونسوزا قدر قارا گئیمک،
اللرین له، زهیر قمیزین باشا چکمک اولار
سن
منیم تاریخیمین قادینی سان
آجی بیر تاریخین
قارا بیر تاریخین...
#محمود_درویش
@Turkculture
Оберіть інший тариф
На вашому тарифі доступна аналітика тільки для 5 каналів. Щоб отримати більше — оберіть інший тариф.