عيني انا بعينها

عطني جديد شعورك أنا دايماً عندي جديد ‏ترى الملل يجرح تفاصيل الحياة الفانيه ‏إلى متى وانا اتصدد كبر و ابادر قصيد ؟ ‏واشتاق بالساعه وبالدقيقه وبالثانيه ‏طحت بخطا مرّه وتبت وتوبتي توبة بليد ‏في شرعه يجوز الخطا مرّه ومرّه ثانيه

بين أيه وبين لا الله لنا  ‏حرت مابين التناقض والوضوح  ‏ٰ ‏خايف اتعود على قربك وانا ‏كل ماقربت من حاجه تروح .

النفس طابت والحياة اجبرتني ‏اساير ايامي على قدر الامكان ‏الوقت قاسي و الظروف أتعبتني ‏والحظ مايل عن مساره ولا زان ‏حتى الليالي من هناها نستني ‏ماكن لي قلب اللافراح شفقان ‏زادت غرابيل الزمان وعصبتني ‏ماصدها موقف ولا حاجة انسان .

ماجيتك ألعب بالمشاعر وأخليك ‏وماجيتك لأجل أستغفلك وأستغلك ‏گيف أنشغل عنك؟ وأنا منشغل فيك ‏ليت الشعور ؛ اللي بقلبي وصلك ‏تغريني أشيائك ، وأتوه بمعانيك ‏وأقرا تفاصيلك وبعضك وكلك ‏طموحي : أستحوذ على كل مافيك ‏أنا معاگ أشعر بـ "حب التملك

ياكثرهم وقت الرخا والسواليف ‏ويا قلهم وقت الأمور العظيمه ..

يالله توسّع خاطري دامني حي ‏وتجعل هناي وراحتي في صلاتي ‏يارب مابي خاطري يكسره شي ‏ابيك تسعد ما بقى من حياتي ..

لا ترّفع بي .. انا دايم رفيع ‏دوّر اللي في مقامك وارفعه ..

بـ اختصار انا اختصرت المسافه وانصرفت ‏تاركٍ لـ رضاك .. عرض البلاد وطولها ‏بكره أو بعده تعرف اني اطيب من عرفت ‏عاد ذاك الوقت ؟ مالك لسان تقولها ..

لي رفيقاً يشبه إسعاف الطواري ‏مايجيني غير لاجتني مصيبه ‏فالمواقف لازهمته « أنتحاري » ‏وفالرخاء مامر في يوماً صحيبه ..

النفس عودها على العز تعتاد ‏وارفع مواطنها عن الذل والهون ..

قول : للمقفي محلل ومسموح ،، ‏حتى لو انه بـ بالنهايه ،، خذلنا ،، ‏من عادت الدنيا ابتسامات وجروح ‏حنا ،، نعرف اطباعها ،، ما جهلنا ،، ‏اللي بيتركنا على الدرب ،، ويروح ‏لا يبتسم في ،، وجهنا ،، لا وصلنا ..

لو مجالسنا مراكيها قليله ‏والله ان صدورنا تاسع قبايل ..

فزتوا علينا بالردى يالرديين ‏ولا عاد دون حلوقنا الا يدينا ‏لكن فالاخلاق والطيب والدين ‏ان كان فيكم خير فوزوا علينا ..

واللي على أصغر عيوبي ما تحمّلني ‏يا مرحبا بالـظروف اللي تقـفّي به ..

لا تاخذك كثر الحسايف على شي ‏الرزق بيد الله مثل منت شايف ‏دامك بخير وتشرب وتاكل وحي ‏مافيه شيٍ يستحق الحسايف ..

لا تاخذك كثر الحسايف على شي ‏الرزق بيد الله مثل منت شايف ‏دامك بخير وتشرب وتاكل وحي ‏مافيه شيٍ يستحق الحسايف ..

ياناس ياللي نومكم فالمخابي ‏ماحدٍ يسلفني من النوم غطه ‏النوم فازوا به كبار العلابي ‏كنهم يعبونه من اقرب محطه ..

اللي يحبّك يصمل بكل الأحوال ‏ماهو على أدنى ذنب يعلن رحيله ..

لا تبالغ بالمحبه وتصدمك الظروف ‏ولا تعمق بالمشاعر وخلك واقعي ..

لابأس ياراسٍ ملته التفاكير ‏وعاف المنام وعاف لين الوسادة ‏لابد من عقب المصاعب تياسير ‏والآدمي يصبر وصبره عبادة ‏نتعب ونقطع بالركادة مشاوير ‏وسعي الطفاقه غير سعي الركادة ‏ظروفنا صعبة وتبغى مناعير ‏معها على سود الليالي جلادة ‏بكره يبين الصبح ويغرد الطير ‏وامشي مع العالم واوزع سعادة .