القناة الرسمية ... د.سمية محمود استشارى الطب النفسي

طول ما انت راكن على حاجة هتفضل خايف تطير ... فكروني احكى لكم حكاية الطائر اللى ما كانش عارف يطير يوم السبت ان شاءالله ❤️

السلام عليكم ورحمة الله وبركاته.. أنا محمد مجدي، الابن الأكبر للفقيد الراحل المهندس مجدي محمود مهدي، ونائب الأمراض المتوطنة والكبد والجهاز الهضمي بمستشفيات جامعة عين شمس، وحاصل على الجزء الأول من الزمالة البريطانية لأمراض الباطنة العامة. بدايةً، طبعًا تعددت الأسباب والموت واحد، ولا نقول إلا ما يُرضي ربنا، كلها أعمار مقدّرة عند الخالق سبحانه وتعالى في كتاب، لكن وجودي هنا النهارده من على اكونت بابا ليه غرض واضح، هو تعريف الناس بالسبب المباشر في وفاته رحمة الله عليه، من أجل إبراء ذمته، وتوضيح الصحيح للناس، وده اللي خلّاني أقدم نفسي فوق وأعرف الناس بشغلي قبل ما أتكلم. زي ما أصدقاء بابا عارفين من خلال منشوراته، فهو كان متبع لما يُسمى بـ"نظام الطيبات"، الفتنة اللي حلّت على مجتمعنا لتُقنع الناس بالسم، حتى أعقل الناس وأعلمهم في مجالاتهم، نظام يتمحور حول طعام وشراب خفيف على الجهاز الهضمي وسهل الهضم، لكن أضراره في الناحية التانية بكافة الأدلة العلمية والعملية تؤدي إلى derangement أو اختلال في وظائف الجسم الداخلية بسبب تحول الأطعمة دي لدهون بالشرايين والأعضاء وسميات تضر كافة الأجهزة تدريجيًا، وفقدان وزن بطريقة غير صحية تمامًا عن طريق خسارة الكتلة العضلية للجسم نتيجة خسارة عناصر غذائية هامة وبروتينات عالية القيمة. أُشهد الله تعالى أني ناقشت بابا حبيبي في الموضوع ده كتير، ورغم ثقته في شخصي وعلمي البسيط دائمًا ودعمه منقطع النظير إلا انه كان مختلف معايا في الموضوع ده تحديدًا، ودار بينا النقاش كتير حتى قبل أيام من وفاته. بابا كان مريض سكر وضغط لمدة ٣٠ سنة، خلالهم كان محافظ جدًا على صحته من كل الجوانب وملتزم بغذائه وعلاجاته، وقبل بداية اتباعه للنظام من حوالي ٣ شهور كانت تحاليه ممتازة لو اتكلمنا على سنه وحالته المرضية، حتى أن نسبة الدهون منخفضة الكثافة أو ما يعرف بالدهون الضارة في الدم "LDL" أحسن من اللي المفروض يكون عليه، وهي الدهون المعروفة بعلاقتها المباشرة بتصلب الشرايين وتكوين الجلطات، حتى وصلنا إلى فخ النظام ووقف العلاج، عشان يحصل اللي حصل ويكون السبب المباشر في وفاة بابا حبيبي هو: "جلطات حادة في الشريان التاجي الأمامي من القلب صاحبها وجود غيبوبة سكرية وحموضة بالدم" وإنا لله وإنا إليه راجعون.. زي ما قلنا تعددت الأسباب وكلها أقدار وأعمار عند الخالق سبحانه وتعالى، لكن بردو اسمها "أسباب"، وأنا وضحت سبب وجودي هنا ايه في بداية الكلام.. رحمة الله تعالى على أحكم الناس، أعدل الناس، أعقل الناس، حبيبي وصديقي وفقيد قلبي بابا المهندس مجدي محمود مهدي، اللي قضى عمره ساعيًا في الخير، حتى لما المناصب كانت بتضغط على شغله ووقته، في ميزان حسناته بإذن الله تعالى، ولا نزكيه على الله.. وفي النهاية، لعنة الله على الشيطان الملعون القاتل ضياء العوضي، اللي قتل ناس كتير حيًا وميتًا، وقتل بابا معاهم، ولو كان بابا بيقولي يا محمد اعتبره له ما له وعليه ما عليه لا يجوز عليه سوى الرحمة، بس أنا مش قادر أدعيله بالرحمة، وأنا خصيمه يوم الدين.. خلّوا بالكم من نفسكم، وحافظوا على صحتكم، واستشيروا أهل العلم الحقيقي اللي ما أكثرهم والله، بس للأسف الترند دايمًا عند المخالفين والأغبياء، وانتشار النوعية دي من السفهاء سهل بسبب ضعف الناس ويأسهم في بعض الأحيان. كله بيبدأ النظام بـ: أنا ارتحت، بقيت كويس، حركتي خفت، قولوني أحسن وكله هينتهي بيه المطاف بعد أيام، شهور، وممكن توصل في بعض الأحيان لسنة ولا اتنين حسب capacity كل جسم، لـ مخاطر عظيمة، ممكن منلحقش نتناقش فيها لأن ضريبتها الحياة

إذا اجتمعت بصيرة العبد على مشاهدة القدر والتوحيد والحكمة والعدل= انسد عنه باب خصومة الخلق، إلا فيما كان حقا لله ورسوله. فالراضي لا يخاصم ولا يعاتب إلا فيما يتعلق بحق الله. وهذه كانت حال رسول الله ﷺ، فإنه لم يكن يخاصم أحدا ولا يعاتبه إلا فيما يتعلق بحق الله، كما أنه كان لا يغضب لنفسه، فإذا انتهكت محارم الله لم يقم لغضبه شيء حتى ينتقم لله. فالمخاصمة لحظ النفس تطفئ نور الرضا، وتذهب بهجته، وتبدل بالمرارة حلاوته، وتكدر صفوه. شيخ الإسلام الإمام ابن قيم الجوزية | مدارج السالكين

لا إله إلا أنت سبحانك إني كنت من الظالمين صلاةَ العصر يا راغبيِ جنان الرحمَن 🤍 🌿 🕊

هل فكرت تبحث لتعرف ما هو مصطلح تعفن الدماغ ؟؟

كثيرا ما افكر لماذا مهم ان تعيش بلا مشروع لماذا تتعب كل هذه المؤسسات فى انشاء الملهيات و جرنا إلى الانغماس فى الغفلة و الملذات و الشهوات و الشبهات كيف يجتهدوا فى تشتيت الجهاز العصبي حتى تتعفن الدماغ فيصبح الإنسان بلا هدف بلا اتجاه بلا هوية و يضيع العمر فى سؤال لا نعرف كيف نجيبه فى موعده و عمرك فيم افنيت؟؟ ثم تأتى الفاتورة التى لا نعرف كيف نحاسب عليها كل نفس بما كسبت رهينة هل فكرت كيف سيفك الرهن لابد من وقفة مع النفس انا لله و انا اليه راجعون إلا أن سلعة الله غالية إلا ان سلعة الله هى الجنة رب انى لما أنزلت إلى من خير فقير س.م.

نبدأ باذن الله فى خلال دقائق

البر لا يبلى، والذنب لا يُنسى، والديان لا يموت، اعمل ما شئت، كما تدين تدان اللي في الصوره ده الدكتور ايمن الالفي... ابن الدكتور هشام الالفي استاذي و دكتوري في قسم عماره في هندسه عين شمس.... نرجع بالزمن حوالي ٤٣ سنه يوم وفاه والدي فجرا و انا عندي امتحان شفوي....سنه تانيه في الكليه و لان والدي كان محجوزا في المستشفي لاكثر من اسبوع و حالته متأخره و الدكاتره مفهمنا الوضع... و اننا في انتظار قضاء الله و لا امل في الخروج من الغيبوبه ... ثم حل قضاء الله حل سريعا ... رحمه بوالدي و رحمه بنا.... لاننا كنا وصلنا الي ماتحت الصفر في المصاريف.... مش هو ده الموضوع... الموضوع انني توجهت للمستشفي فجرا و بدأت في الاجراءات واتصلت علي اهلنا في البلد و توجهت لاصدار تصريح الدفن... ثم اخذت اوراقي ولوحاتي و توجهت الي الكليه.... علشان امتحان الشفوي بتاع اخر العام اللي كان عندي في اليوم ده... و طلبت من كبير العمال الشيمي الله يرحمه ... ان يخبر الدكتور هشام الالفي ان والدي توفي و عاوز اسافر ادفنه و با اطلب اني اكون اول واحد في الامتحان.... لاني لن استطيع انتظار دوري في حرف الميم في نهايه اليوم بعد العصر... و بمجرد دخول العامل... ارسل لي الدكتور هشام بالدخول فورا... و التنبيه علي الشيمي بدخولي انا فقط ...و بعد خروجي مافيش حد يدخل ...لسه الامتحان مش ها يبدء دلوقتي _ اتفضل يابني.... البقاء لله... افتح لوحاتك.... _ لوحاتك كويسه و ممتازه... ايه ده.... و بيحط صباعه علي القطاع المرسوم و عليه البيانات.... وانا طبعا با أجاوب و اقرء الكلام اللي انا كاتبه في لوحتي... _ ممتاز... ممتاز... و ايه ده.... و يشاور بصباعه علي تفصيله تانيه... و انا طبعا با أجاوب و با أقرء الكلام من اللوحه بتاعتي.... (من الاخر امتحان صوري رحمه بيا و رأفه بحالتي النفسيه) _ تمام... تمام... بالتوفيق يا محمد والبقاء لله... اتوكل علي الله علشان تلحق تسافر امتحان لم يستغرق ٣ دقائق ظلت هذه الواقعه محفوره في ذهني وانا احمل الجميل لهذا الرجل و كلما سنحت الفرصه... ارويها.... و ارويها وانا ممتن لهذا الرجل.... طيب و ايه يعني... ماهو ناس كتير في نفس موقفه كانت هاتعمل كده.... يبقي انت لم تتعامل مع اساتذه عين شمس و تعرف ان فيهم دكاتره... لو اتعرض عليهم نفس الموقف كان رفض.... و انه كان فيهم مرضي نفسيين ... بيطلعوا كل عقدهم النفسيه علي الطلاب... معقوله... اه معقوله... و قد حدث بعدها بسنتين في امتحان الشفوي في السنه النهائيه ان الدكتور اعطاني (صفر)... مع اني جاوبت علي كل الاسئله تقريبا (لن اذكر اسم الدكتور) طيب ليه اعطاني صفر... لان زله لساني اثناء الاجابه عرف منها اني با اشتغل اثناء الدراسه... و مع اني شغلي كان في الصيف دوام كامل اما اثناء الدراسه كان بسيط و بقدر المستطاع علشان اقدر اجمع شويه مصاريف نظرا لظروفنا الماديه.... الا انه لم يمهلني اي فرصه للتوضيح... واستشاط غضبا لما فتح دفتر حضور محاضراته واكتشف اني حاضر ٣٠ ٪ فقط و قام بطردي من الامتحان واعطاني صفر.... في الشفوي و لان رحمه ربنا اكبر منه... كنت تقريبا مجاوب في التحريري كويس جدا و تقريبا مقفل الامتحان ....لان طبيعه الماده تلائم المذاكره من الكتاب ... المهم اني لم احتاج لدرجه الشفوي... و نجحت رغم انفه.... طيب ايه دخل صوره الدكتور ايمن الالفي في الموضوع... و هو ابن الدكتور هشام دارت الايام و بعد ٤٣ سنه... وانا عند الميكانيكي في جسر السويس... و قاعد جنبي الدكتور ايمن و انا عمال ابص له... و هو بيقول لي انت بتشبه عليا... قولت له اصل انت شكل واحد عزيز عليا جدا.... و في رقبتي دين له لانه عمل معايا معروف كبير جدا... و حكيت له الحكايه... وانتظر لغايه ما خلصت.... و ابتسم ابتسامه عريضه... و قال لي انا ابنه.... البر لايبلي.... مع الدكتور هشام الالفي والذنب لايُنسي... مع الدكتور التاني المؤذي و الديان لايموت... افعل ما شئت... كما تدين تدان منقول