♡رشة سكر💗🎀
Відкрити в Telegram
هنا مكان صغير نرمي فيه شوية كلام حلو ضحكة هنا ✨ خاطرة هناك 🦋 ومود على الماشي ☁️💗 أهلًا بيكم في عالمي الصغير 🍬🦋 @Sokar126bot
Показати більшеКраїна не вказанаКатегорія не вказана
330
Підписники
Немає даних24 години
+537 днів
+11430 днів
Архів дописів
331
-
أجمل حاجة ممكن تعملها لنفسك
إنك متجريش ورا حد اختار يمشي
سيبه يمشي واللي عايزك هيعرف
يوصل لك💙🦋.
-
331
-
أجمل حاجة ممكن تعملها لنفسك
إنك متجريش ورا حد اختار يمشي
سيبه يمشي واللي عايزك هيعرف
يوصل لك💙🦋.
-
331
ازيكم يا شباب
انا قررت هكمل تنزيل على واتس عملت قناه علي واتس نوروها فضلأ
https://whatsapp.com/channel/0029VbDXmskBFLgayj28rV0c
331
قصة قصيرة: مكنش يومي «في أحد العمارات كانت ريم نازله من شقتها وهي ماسكه كيس زباله ولسه هتدخل الاسانسير سمعت صوت حد بيجري على السلم» ريم باستغراب: هو في إيه مين اللي بيجري كده «فجأه شاب طلع من على السلم وهو بيجري وفتح باب الاسانسير بسرعه ودخل قبل ما الباب يقفل» الشاب وهو بياخد نفسه: اقفلي اقفلي بسرعه قبل ما يشوفوني ريم بفزع: يشوفوك مين يا حبيبي الشاب: بعدين هقولك بس اقفلي الباب ريم وهي بتبصله من فوق لتحت: انت شكلك مش مطمن خالص الشاب: يا آنسه والله انا بني ادم محترم ريم بسخريه: آه ما انا شايفه الاحترام بيجري وراك على السلم اهو الشاب: اسمعيني بس انا طالع الدور السادس ريم برفع حاجب: وانا كمان الدور السادس الشاب: اهو الحمد لله وصلنا لاتفاق ريم: بس انت مين بردك الشاب: انا كريم صاحب محمود ريم باستغراب: محمود مين لو مأخذه كريم: محمود صاحب الشقه ٦٠٢ ريم: نعم الشقه دي شقتي انا يا استاذ كريم بصدمه: ايه ريم: ايوه دي شقتي انا كريم وهو بيبص حواليه: طب ثانيه واحده هو انا دخلت الاسانسير الغلط ولا ايه ريم: لا يا شيخ هو الاسانسير بقى بيغير ادوار لوحده اليومين دول كريم: طب استني استني انا كنت جاي ادي محمود حاجه ريم: ومحمود فين كريم: المفروض في الشقه ريم: المفروض دي عند مكوجي كريم: ايوه يعني اعمل ايه دلوقتي ريم: تعمل ايه انت رايح عند صحبك وانت مش عارف شقتك فين كريم: اصل محمود هو قالي رقمها ده ريم بسخريه: طب ما ترن عليه ليكون نسي كريم: نسي ايه ريم: نسي يدك رقم الشقه الصح كريم: طب انا دلوقتي مش معايا رصيد اعمل ايه دلوقتي ريم: سهله تنزل معايا تحت وننادي البواب وهو يتصرف معاك كريم برعب: لا لا بواب ايه ده هيبهدلني ده عارفني ريم: اهو انت كده بدأت تخوفني اكتر كريم: طب خلاص انا هقولك الحقيقه ريم: ياريت كريم: بصي انا كنت جاي آخد فلوس من محمود ريم: افندم كريم: اصدي يعني هو اللي عليه فلوس ليا انا فهمتي ايه ريم: يا نهار ابيض وانت داخل تاخد فلوس من واحد مش عارف موجود ولا لأ كريم: ما انا كنت هخبط ريم: وبعد ما تخبط كريم: هستنى ريم: وبعد ما تستنى كريم: همشي ريم: طب ما تعمل كده من الاول بدل الفيلم الهندي اللي عملته ده كريم بغباء: تصدقي عندك حق والله «الاسانسير وصل للدور الارضي والباب فتح» ريم : يلا انجر قدامي كريم: حاضر بس من غير زق الله دي مش معمله دي ريم: لا هي دي معملتنا واتفضل استنى عند البواب لحد ما سي محمود بتاعك ده يشرف كريم: حاضر ريم: ايوه كده خليك مأدب سلام يا خويا (وترحل) كريم: ايه ده يا ربي هو انا عملت ايه عشان يحصل معايا كل ده ريم: عشان فقري (وصوت ضحكتها على) ودي كانت حكاية النهارده وأشوفكم في حكاية جديدة 💗🦋 ومتنسوش صلاة على النبي ﴿ إِنَّ اللَّهَ وَمَلَائِكَتَهُ يُصَلُّونَ عَلَى النَّبِيِّ ۚ يَا أَيُّهَا الَّذِينَ آمَنُوا صَلُّوا عَلَيْهِ وَسَلِّمُوا تَسْلِيمًا ﴾
331
سالي: بتضحكي ما عندك حق ما انت خربتي بيتي
منى بغباء: هو انت كنت بنيتي بيت عشان يتخرب
سالى بحده: منى اخرسي
احمد بضحك: استني بس هي ايه الحكايه
منار: ولا حاجه بس شافتني مع وائل وفهمت الموضوع غلط
سالي: غلط ايه بس دا انا شايفاه بعيني ماسك إيدك وبيضحلك
منار بضحك: طب اهدي بس كده يا بنتي وانا هفهمك كل حاجه انا منار بنت خالة وائل وكنت مسافره بره مصر بقالى سنتين ولسه راجعه من يومين و وائل كان مستنيني في المطار وخدني روحنا الكافيه لحد ما احمد يجيب الشنط
سالي بصدمه: بنت خالته طب وهو كان ماسك إيدك ليه
منار: عشان كنت بحكيله إني تعبانه من السفر وهو كان بيهزر معايا عادي
منى: اتفضلي يا ختي عشان اقولك اسألي قبل ما تحكمي بس اقول ايه بنأدمه براس حمار
سالي: يعني ده جوزك
احمد بضحك: اي والله جوزها نوركي البطاقه عشان تصدقي ولا اجيب قسيمت جواز اضمن
سالي: احيه دا انا رميت الدبله في وش واد وفرجت عليه ناس
منى بسخريه: وأهو طلع مظلوم وانت اللي عاملالي فيها المحقق كونان
سالي: دا انا لازم اروح اعتذر له
منى: اخيراً ربنا هداكي ونطقتي كلمه عدله روحي يلا مستنيه ايه
*في مساء*
«كان وائل قاعد مع اصحابه وفجأه الجرسون يدخل شايل صينيه عليها ورد و ورقه صغيره»
وائل باستغراب: ايه ده انا مطلبتش حاجه
الجرسون: دي حاجه خاصه يا فندم
وائل: خاصه من مين
(الجرسون يحط الصينيه قدامه ويمشي...وائل يفتح الورقه مكتوب فيها "انا بجد اكبر حماره سامحني يا ميزو" وائل يضحك وهو بيقرأ الورقه وفجأه سالي تظهر قدامه)
سالي: وائل
وائل: سالي
سالي وهي تقترب منه: انا اسفه بجد يا وائل انا كان لازم اسمعك الاول قبل ما اخد اي قرار
وائل: وايه الغير رأيك بقا
سالي بتوتر: اصل انا قبلت منار وجوزها وهي عرفتني أنها بنت خالتك
وائل: يعني عرفتي طب وانا مطلوب مني اعمل ايه دلوقتي
سالي: تسامحني
وائل: بسهوله كده دا انت بهدلتيني قدام الناس ورميتي الدبله في وشي
سالي: عارفه وانا آسفه بس والله الغيره هي الخلتني مش شايفة قدامي يلا بقا صاف يلبن متخليش قلبك اسود كده وسامح سولي حبيبتك
وائل: خلاص سامحتك بس علله تتقرر تاني
سالي: والله اخر مره يعني كده خلاص احنا رجعنا
وائل بحب: هو احنا عمرنا بعدنا عشان نرجع
سالي بحب: بحبك يا ميزو
وائل: وانا بحبك يا سولي بس انت بجد مجنونه
سالي: ما انت بتحب جناني ولا ايه
وائل: للأسف عندك حق
(سالي تضحك وترفع إيديها)
سالي: طب ايه مش هتلبسني دبلتي ولا يكونش رمتها
وائل: هو انا اقدر "ويخرج الدبله من جيبه ويلبسهالها"
وبكده الدبله رجعت لصاحبتها
سالي: وانا كمان رجعت لصاحبها
وائل: ودي اهم حاجه
سالي: بحبك يا وائل
وائل: وانا بحبك يا قلب وائل
بكده سوء تفاهم بسيط...
ممكن يقلب قصة حب كاملة❤😂
وبكده يكون خلص الاسكريبت بتاعنا واشوفكم في اسكريبت جديد وحكاية جديدة💗🦋
متنسوش تفاعل بقا يا صحابي عشان تشجعوني
331
اسكريبت: فهماني غلط «كانت سالي ماشيه وهي شايله اكياس في إيديها فجأه عينها لمحت وائل قاعد مع واحده وماسك إديها وبيضحك من قلبه سالي عيونها تتوسع من صدمه و الاكياس تقع من إيديها» سالي: يا نهر اسود عليك يا وائل بتخوني لأ وكمان بتضحكلها الضحكه اللي بتسحرني بيها ماشي طب وربي ما انا معديهالك النهارده «سالي تدخل الكافيه بسرعه وعصبيه وتتجه ناحية تربيزة وائل ومنار(البنت)» وائل بابتسامة: سالي حبيبتي ايه الصدفه الحلوه دي سالي بغضب: حبيبتك حبك برص يا بعيد مين السنيوره دي يا استاذ ها انا مش مصدقه بتخوني يا وائل لأ وفي كافيه المفضل ليا كمان طب روحوا حتى كافيه معرفهوش منار باستغراب: ايه ده هو في ايه سالي بحده: انت تسكتي خالص مسمعش حسك يا خطافة الرجاله انت وائل: سالي حبيبتي اهدي انت فاهمه غلط والله دي سالي: فاهمه غلط ما هو لازم تقول كده ما هو الغلط انا شايفاه قدامي اهو وائل: طب اسمعيني الاول سالي: هشش مش عايزه اسمع حاجه ودبلتك اهي ابقا لبسها لسنيوره (و تخلع سالي الدبله وتحطها قدام وائل على التربيزه وترحل) وائل: سالي استني (سالي بتجري بسرعه وهي بتعيط و وائل فاضل واقف مصدوم ومنار بتبصله وهي مش فاهمه حاجه) منار: هي تقريبا كده شكلها فهمتنا غلط وائل: هي مش شكلها هي فهمتنا غلط فعلاً *عند سالى في شقه منى صحبتها* سالي ببكاء: شوفتي يا منى الخاين كان ماسك إيدها ازاي وبيضكحلها دي كان ناقص تأكلها في بقها حيوان منى: طب استهدي بالله كده مش يمكن البنت تكون قريبته وانت فهمتيه غلط سالي: قريبته مين دي البنت شعرها اصفر وعينهيا خضرا و وائل عيلته كلها شبه بوجي وطمطم فتكون قريبته منين منى: طب هو وائل مقالش مين دي ولا حاول يشرحلك سالي: يشرح ايه دي الضحكه كانت من الودن للودن وكمان انا هستناه لأ رميتله الدبله ومشيت عشان يعرف إني غاليه وإني مش سهله منى بصدمه: يا مفتريه رمتي الدبله سالي: آه هو انا كمان هستنا لم يجي يقولي كل شئ قسمه ونصيب لأ دي عند امه منى: طب بطلي عياط بقا عشان بتقلبي حمدي المرغلي لم بتعيطي سالي: هو ده وقت هزار يا منى يعني شيفاني منهاره قدامك وانت تقوليلي بتقلبي حمدي المرغلي يا شيخه حسب الله منى: طب خلاص انت مصدقتي طب بقولك ما تيجي نعمل خطه سالي: خطه خطه ايه منى: نراقبه ونشوف لو نزل معاها تاني سبيني بقا وانا هتصرف سالي بسخريه: هتعملي ايه هتعضيه منى بغضب: ليه ياختي شيفاني كلب سالى: لأ قرده منى: طب تصدقي إني غلطانه قومي يا بت غوري منها من غير مطرود سالى: خلاص انا بهزر انت قفشتي ولا ايه قولي يا اذكى اخواتك ايه هي الخطه منى: هقولك احنا نجيب مية نار وندلقها عليهم ايه رأيك سالي: منى ارجوكي متكلميش تاني منى: الحق عليا إن بسعدك سالي: تسعدي مين الله يخربيتك دا انت كده هتودينا حبل مشنقه عدل *بعد يومين* «كانت سالي ومنى بيمشوا في المول وفجأه سالي تقف مكانها وتمسك منى من دراعها» سالي: منى بصي هناك البت الكانت قاعده مع وائل هناك اهي منى: فين "منى تبص ناحية منار وتلاقيها واقفه مع راجل وسيم" منى: اوبا دي البت بطل بجد والله حقه يخونك دي البت قمر سالى بحده: انت بتقولي ايه يا حيوانه انت منى برعب: بقول مين حيوان الواقف معاها ده سالي: نعم كمان بتخون وائل دي شكلها طلعت سوابق بق طب وربي ما انا عتقاها خرابة البيوت دي منى: يا سالي استني نفهم الاول الله يخربيتك سالي: مفيش فهم انا رايحلها (سالي تروح ناحية منار) سالي: اهلا يا فنانه يالي في رايح وجاي مع واحد دا معداش غير يومين بس و ولفتي على راجل تاني انت ايه يا شيخه معندكيش دم احمد برفع حاجب: افندم انتي مين وازاي بتكلمي مراتي كده سالي بصدمه: مراتك احمد: آه مراتي فيها حاجه سالي: يا نهر مش فايت دي طلعت مستغفلاك يا استاذ دي كانت من يومين قاعده مع خطيبي في كافيه وما شاء الله ضحكتم رنت مصر بحلها منار بضحك: هههههه يخربيت عقلك انت بقا خطيبة وائل
331
مش كل اللي بنفهمه بيكون صح...
ومش كل اللي بنحسه بنعرف نقوله♥✨
اسكريبت: فهماني غلط
بقلمي: منة الله مجدي
331
قصة قصيرة بعنوان: كبسه في البلكونه«ندى كانت واقفة في بلكونه وماسكه مج نسكافيه وبتبص على الشارع وهي سرحانه...فجأه سمعت صوت حركة غريبه تحت البلكونه وصوت شخص بيقول» الشخص: يا ميار افتحي الشباك بسرعه قبل ما حد يشوفني الله يخربيتك (ندى اتخضت بصت لتحت لقيت واحد مغطي وشه بيحاول يتسلق المواسير عشان يطلع البلكونه...ندى بسرعه مسكت المقشه اللي جنب البلكونه ونزلت ضرب على الشخص) ندى: انت مين يا حرامي يا حيوان انت انزل بدل ما كسر إيد المقشه دي فوق دماغك وألم عليك الشارع كله "الشخص اتخض وكان هيقع بس ربنا سطرها " الشخص برعب : حرامي ايه بس يا متخلفه انت وكمان انت مين وفين ميار ندى بصتله بذهول: ميار مين يا روح امك الشقه دي شقتي انا وحازم انت مين ولابس زي الحراميه كده ليه الشخص وهو يظهر وجه: انا حازم اصدي انا طارق صاحب حازم هي شقه دي شقه ميار ندى بتبصله بقرف: طارق مين وناس نايمين وكمان الشقه اللي جنبنا هي اللي شقه ميار انت جيت البلكونه الغلط يا خويا طارق: طب وحياة اهلك يا شيخه مدي ايدك طلعيني قبل ما الظابط اللي في اول الشارع يجي ويفكرني حرامي بجد ندى بضحك: تصدق صعبت عليا حاضر حات ايدك بس لو حازم صحي وشافك هنا هيعمل منك كفته (وتطلعه) طارق وهو يتنفس براحه ويجلس على كرسي: تشكري والله مش عارف اقولك ايه ندى: اي خدمه يا سيدي وحظك إن حازم نايم زي القتيل جوه اصل ولو عرف انك كنت طالع البلكونه بالطريقه دي عشان تصالح ميار كان هيخلي يومك أزرق طارق: والله العظيم انا كان نيتي شريفه دا انا كنت طالع ارمي ورده في بلكونتها بس عشان زعلانه مني دور والباقي على الشجره اللي حجبت الرؤيه دي ندى: يعني انت عامل حوار ده كله عشان ورده بلاستيك امال لو جايب ورد حقيقي كنت عملت ايه هتجيب فرقة حصبله طارق: اعمل ايه بقا اللقيته قدامي ندى: ماشي يا سيدي بس المره جايه بلاش شغل حراميه ده عشان بقى موضه قديمه فاحسلك روح باب من بابه بدل ما المره جايه تقع في بلكونه المعلم ظلته ودا لو قفشك تبقي تتشاهد على روحك طارق برعب: لا وعلى ايه توبه غلطه ومش هتتكر تاني انا اعمل زي ما بتقولي اكرملي ندى: شاطر ويلا غور بقى انت حبيت القاعده هنا ولا ايه ولا عايز اصحيلك حازم طارق: لأ حازم ايه انا ماشي سلام ودي كانت حكاية النهارده واشوفكم في حكاية جديدة💗🦋.
331
مراد: انا ومريم محبناش بعض الحب اللي انت مفكراه الحب اللي كان بينا ممكن تقولي صداقه حب اخوي انما مكنش حب انا ومريم اصلاً كنا مغصوبين على الجوازه دي حتى أنس اهلنا غصبونا عشان كانوا عايزين حفيد
وفي يوم ولادته ماتت وانا ربيت أنس وحاولت اعوضه عن فقدان مامته وكنت واعد نفسي إني هعيش باقي حياتي عشانه هو بس
فرح: لكن ايه
مراد: لكن بعد ما شوفتك اول مره في المقابله حركتي حاجات جوايا مكنتش اعرف انها موجوده اول مره احس الشعور ده وحسيته معاكي انت وكنت فرحان لما شوفت اهتمامك وخوفك على أنس فقررت إني اخد الخطوه دي واتقدملك فها يا فرح موافقه وانا اوعدك إني هشيلك في عنيا ومش هخليكي تحزني في يوم من الايام
فرح: انت بجد صدمتني يا مراد بس انا
مراد بخوف من رفضها: انت ايه
فرح بابتسامة: انا موافقه يا مراد علشان انا كمان بحبك يا مراد بحبك اوي
مراد بفرحه: بجد يا فرح طب حلو اوي خديلي معاد بقى من الست الوالده عشان اجي اطلب إيدك
فرح: عيني بس كده اعتبره حصل يا كبير
مراد بضحك: كبير طب قومي يا فرح قومي كملي شغلك الله يهديكي
فرح بغمزه: انت تأمر يا قمر(بعدها خرجت)
مراد بضحك: مجنونة بس بعشقها
"وبكده خلص الاسكريبت بتاعنا واشوفكم في اسكريبت جديد وحكاية جديدة💗🦋"
متنسوش تفاعل يا صحابي
331
فرح: يعني هو مكنش يقصد يوقع كوباية القهوة عليكي وكمان اعتذرلك عايزه ايه تاني
سهيلة: انت اصلاً مالك وبتدخلي في اللي مالكيش فيه ليه و ازاي اصلاً تكلميني بالطريقه دي انت نسيتي نفسك ولا إيه ده انا ممكن اطردك دلوقتي
فرح بتحدي: لا والنبي خوفت كده طب انا عايزه اشوف هتطرديني ازاي
*قطعهم صوت حاد*
مراد: هو ايه اللي بيحصل هنا
*أنس ببكاء جرى على مراد*
أنس: بابا
مراد بخضه: أنس حبيبي ايه اللي حصل بتعيط ليه حد زعلك
سهيلة بخوف: مستر مراد هو ده ابن حضرتك
مراد: ايوه ابني ايه اللي حصل وايه اللي خلاه يعيط بالشكل ده
فرح: انا هقولك يا مراد بيه (وهي بتشاور على سهيلة) استاذة سهيلة ابن حضرتك وقع عليها كوباية القهوة بالغلط وهو اعتذر لها قامت هي زعقت في وشه وكانت هتضربه بس انا وقفتها
مراد بحده: الكلام ده صح يا سهيلة
سهيلة بتوتر وتأتأة: يا مستر مراد هو بس
مراد بغضب: انا دلوقتي سألت سؤال الكلام اللي قالته فرح ده صح
سهيلة بخوف: حصل يا مراد بيه
مراد بنبرة مرعبه: حظك انك بنت لولا كده لكنت عرفت اتصرف معاكي يا سليم خد الزباله دي وارميها بره وحطها في القايمه السوده ومحدش يوظفها نهائي سامع
سليم: سامع يا مراد بيه خدوها ارموها بره (للحراس)
سهيلة: مراد بيه ارجوك سامحني يا مراد بيه
مراد: شكرًا يا فرح على اللي عملتيه
فرح بابتسامة: انا معملتش حاجه يا مراد بيه وكمان أنا وأنس بقينا صحاب مش كده يا أنس
أنس: ايوه
*فرح مسحت على شعره ومسحت دموعه وقالت*
فرح: عشان احنا بقينا صحاب مش عايزاك تعيط تاني انت عارف إن الأبطال ما بيعيطوش وأنس بطل صح
أنس: ايوه انا بطل
فرح: يعني مش هنعيط تاني
*أنس هز رأسه*
فرح: وعشان كده إيه رأيك في الهديه دي
أنس بفرحة: شوكولاته
*بص لـ باباه ياخد إذنه ومراد هز رأسه بالموافقه*
مراد: شكرًا يا فرح
فرح: طب اروح انا اكمل شغلي بقى عن اذنك يا مراد بيه سلام يا أنس
أنس: سلام
*وهو بيشاور لها*
*مراد في نفسه وهو بيبص لفرح*
مراد في نفسه: كل مره بتوقعيني في حبك اكتر من الأول
(مراد خد وعد على نفسه إنه هيعترف بحبه ليها في اقرب وقت بعد ما شاف اهتمامها بأنس)
*كانت فرح سرحانه لحد ما قاطعتها رنا*
رنا: الجميل سرحان في إيه
فرح بخضه: انت متخلفه يا بنتي وقعتي قلبي
رنا: يا ستي متشكرين مش هتقولي بقى كنتِ سرحانه في ايه
فرح بتوتر: انا هسرح في ايه يعني
رنا بنص عين: أهي عليا بردك هيكون في مين مثلًا اكيد في حبيب القلب
فرح بتوتر: اصدك مين يا بت
رنا: هو فيه غيره اللي واكل عقلك مراد
فرح بتوتر: لا ده انت اكيد اتجننتي رسمي
رنا: يعني انت عايزة تفهميني إنك مبتحبهوش
فرح: أحبه ازاي وكمان اكيد هو بيحب مراته عشان كده متجوزش لحد حالًا
رنا: بيحب مين يا عنيا اقطع دراعي اذا مكنش بيحبك انت لأ وكمان بيموت فيكي
فرح: وانت عرفتي منين يا ناصحه
رنا: ما هو البعيده عمياء انت مش بتشوفي نظراته ليكي عاملة ازاي نظراته كلها عشق
فرح برفع حاجب: وانت مركزن معاه ليه بقى إن شاء الله
رنا بضحك: انت بتغيري ولا ايه يا جميل
فرح: انا واغير ليه ويلا كملي شغلك وقفلي على السيره دي
رنا: ماشي بس عايزه اقولك حاجه مراد شكله بيحب بجد يا فرح وانا عارفه انك كمان بتحبيه فمضيعيش الفرصه من إيدك تمام يلا اسيبك انا
"بعدها راحت رنا لمكتبها وفرح عماله تفكر في كلامها"
*بعد أسبوع*
جميلة السكرتيره: انسه فرح مستر مراد عايزك
فرح باستغراب: متعرفيش عايزني في إيه
جميلة: لأ للأسف
فرح: تمام يا جميلة روحي انت وانا جايه أهو
*راحت فرح المكتب وخبطت على الباب*
مراد: اتفضلي يا فرح
*فرح بتحاول تهدي نبضات قلبها*
فرح في نفسها: اهدى بقا الله يخربيتك
(خدت نفس طويل وبعدين دخلت)
فرح: حضرتك طلبتني يا مراد بيه
مراد: اه اتفضلي اقعدي الأول وبلاش مراد بيه دي خليها مراد بس
فرح: مينفعش طبعًا انت مديري
مراد: وانا علشان مديرك بقولك قوليلي مراد بس من غير بيه دي وكمان يمكن اكون اكتر من مدير
فرح: افندم مش فاهمه
*مراد قام وقعد على الكرسي اللي قصادها*
مراد: بصي يا فرح من غير لف ولا دوران من الآخر أنا بحبك وعايزك تكوني مراتي ها ايه رأيك
فرح بصدمه: استنى بس كده انا شكلي سمعت غلط عيد كده تاني كنت بتقول إيه
مراد: لا يا فرح انت مسمعتيش غلط انا فعلًا بحبك وعايز اكمل باقي حياتي معاكي
فرح: طب ومراتك
مراد باستغراب: مراتي مرات مين
فرح: مراتك ام أنس
مراد: مريم ايه دخل مريم في حوارنا دلوقتي
فرح: انت مش بتحبها
مراد بتنهيدة: مقدرش اقولك اني محبتهاش بس
فرح: بس ايه
