𝑻𝒉𝒆 𝑹𝒂𝒏𝒅𝒐𝒎 𝑺𝒊𝒅𝒆🩶

انا حنيتي دايمًا غلباني ، مش بتخليني اخد موقف ولا ازعل من حد وبتصالح ببصه كمان مش كلمه ولا افضل فاكره لحد حاجه او حتي اتغير معاه لأسباب ما ، اول ما بشوف الشخص إللي كان بيني وبينه تاتش تلقائي بضحك وبتكلم ولسه لحد دلوقتي مقابلتش حد حنين عليا وعلي اخطائي نفس حنيتي ، علشان كدا اغلب التعامل بيني وبين إللي حواليا صعب .

مؤخرًا بقيت مقتنع إن مش لازم أكسب أي نقاش… خصوصًا لو هييجي على حساب راحتي. مش كل جدال يستاهل إني أدخل فيه، ومش لازم أرد على حد مصر إنه صح. بالعكس، بقيت أختار راحة بالي وهدوئي قبل أي حاجة. بقيت أتعامل ببساطة: "تمام، عندك حق… براحتك، الي انت شايفه، انت صح." مش ضعف ولا تقليل مني، بالعكس… ده نُضج. إنك تعرف إمتى تسكت، وإمتى تعدّي، وإمتى تختار نفسك بدل ما تثبت لحد حاجة مش مستعد يسمع أصلاً. اكتشفت إن تقليل دايرة العلاقات، وتقليل الكلام، بيدي راحة كبيرة جدًا. مش معنى كده إنك بقيت أقل… لا، ده معناه إنك فهمت الدنيا أكتر، وبقيت أهدى وأنضج. إحنا مش في سباق نكسب بعض في النقاشات… إحنا في رحلة نحافظ فيها على نفسنا.

كبر دماغك… واشتري راحتك 🤍

أنا بكبر بطريقة مُخيفه جدًا، بقلل عدد صُحابي بواجه حُزني بكُل هدوء، بتجاهل ولا كأني شايف حاجة، بتماسك على قد ما أقدر، بشوف كُل حاجة حواليّا بوضوح وبفضل ساكت، بطلت أنبهر بأي شخص أو اهتمام أو أي كلام حلو، ومبقتش مُنتظر أي حاجة من حد

- أتمنى ربنا يمنحني حكمة تخليني مديش وقت ومشاعر لحاجة مش هتكمل معايا ، وأبقى واعية لكل الإشارات ومتغافلش عن وضوحها لمجرد إني م عايزاها تمشي .

إكتشفت إنه مينفعش تلوم حد إنه مش حاسس بيك أو موقفش جنبك في مواقف معينه ومينفعش تطلب من حد يحبك أو يتقبل عيوبك، في حاجات مينفعش تتطلب حتي لوالشخص ده بالنسبالك حاجه كبيرة وإن دايما في حاجات متروكه للشخص نفسه لازم تيجي منه من غير ما تطلبها..