جــرعــة طــب

متخليش الوقت اللي تبدأ تتعلم فيه يكون على حساب حياة مريض اتعلم واقرأ واجتهد واسأل دلوقتي لأن الغلطة في الطب مش عبارة عن درجة تنقصها ، لأ دي حياة هتفضل في رقبتك ليوم الدين وَقِفُوهُمْ ۖ إِنَّهُم مَّسْئُولُونَ وَمَنْ أَحْيَاهَا فَكَأَنَّمَا أَحْيَا النَّاسَ جَمِيعًا

بِمُناسبة الإمتحانات عايزة أقول حاجة ليكم وليا قبلكم بمناسبة الامتحانات أما بنخرج من اللجنة ونكتشف سؤال عندنا غلط بنفضل نقول "ياريتني كنت غيرتها" و"ليه معملتهاش كده" ونفضل متضايقين بعدها شوية بس تفكيري اتغير بعد ما قرأت المقولة دي لسيدنا عبد الله بن مسعود رضي الله عنه: "لأن أعض علي جمرة حتى تبرد أحب إليَّ من أن أقول لشيء قضاه الله: ليته لم يكن". مكتوب درجتك من قبل ما تتولد، ومكتوب تقديرك، ورزقك، والإجابة اللي هتغيرها من الصح للغلط ومن الغلط للصح، وكل حاجة حرفيًا. فبلاش جلد ذات طول ما أنت سعيت لآخر لحظة وخدت بالأسباب، وبلاش تعكنن على نفسك، ومتقولش "ياريتني". اطمئن كله مُقدّر، وكله خير. -هاجر احمد 💗

فيه تخصص بيطفى الست وفيه تخصص بيحرقها ... مفيش ست بتنور فى الطب

الجمال و التضحية ف صورة💗

عزيزي الطبيب ابن الحلال ارجع بيتك ذاكر تاني.. لما تسمع معلومة جديدة او تتصدم بحاجة شفتها في مريض مكنتش تعرفها ارجع ذاكر تاني وزود معلوماتك وافهم ان العلم دا بحر أمواجه عالية قوي ولا يمكن تلمها في كتاب واحد. اوعى تفتكر الطب دا مذاكرة بس كمان ، دا ممارسة وخبرة وأخطاء وتعلم من الأخطاء مش الهجص بتاع البودكاستس والتحلية والتجميل والترويق والطبخ في المطابخ والكلام الفارغ اللي متصدر عالسوشيال. متقولش أنا ذاكرت خلاص وزهقت خلاص لان الطب بحر لازم تعوم فيه كل يوم وتوصل مش تغرق. سيبك كمان مرة من كل ال shows اللي بتشوفها في كل حتة وسيبك كمان من الهلّيبة اللي مش دكاترة وبيعرفوا يضحكوا عالناس وياخدوا فلوسهم من غير فايدة. ربنا مش هيسألك عنهم لكن هيسألك عنك انت وبس. ــ د. حازم عبد التواب