🦋 مٍٰـٰـٰٖـٰزٰاٰجٍٰ 🦋

النقاء والوفاء امتياز داخلي لا يحظى به كل البشر

أول ما تحس أن حد غالي عليك مغلطك وشايف إنك شخص بتسببله ضرر ولو بنسبة ١٪؜ وظن فيك ظن السوء انسحب في هدوء حتي لو ده فيه ضرر لنفسك أو هتخسر كل حاجة بس متقبلش أن حد يشوفك وحش وأنت كل نواياك خير عشان عمره ما نظرته هتتغير ليك وأنت هتيجي علي نفسك عشان تدي مبررات إنك شخص كويس ودي أسوء مرحلة ممكن توصلها إنك تكون عايز تثبت إنك شخص كويس عشان في الاخر هتتفهم انك عايز تعيش دور الضحية وبس

قيمة الإنسان الحقيقية تكمُن في أدبه وأخلاقه في تواضُعه وبساطته في عزة نفسِه وكرامتِه، في نُضج عَقله ورُقي فكرِه، في رحمته وإنسانيته، في طِيب قلبه ولين قَوله، فكُن خَلُوقًا، رحيمًا، كريمًا، مُهذَّبا، هيِّنًا، ليِّنًا، كُن الغائب الحاضر في كُلِّ مكان مررت به اضحك للصَّغير وساعد الكبير، ازرَع بُذور الخير أينما حَللت أُنشر السَّعادة في قُلوب من حولك وكُن سَببًا في جعل شخص آخر يُؤمِن بوجود الخَير في النَّاسِ

سيب الناس على راحتها هتعرف قيمتك من اللي يختار يفضل سيب كل واحد يعيش براحته سيب اللي يسأل عليك يسأل واللي ينشغل عنك ينشغل واللي يفضل في حياتك ينور. واللي مش عايز يمشي برضه كان منوّر متفرضش نفسك على حد خليك ضيف خفيف في حياة اللي حواليك ومتبقاش كتير اللوم والشكوى إدي فرصة لكل واحد يختار المساحة اللي عايز يبقى فيها في حياتك أنا عدى عليّا في حياتي بني آدمين كتير قوي منهم اللي خرج بلا رجعة ومنهم اللي بقينا من بعيد لبعيد بعد ما كنا قريبين جدًا ومنهم اللي علاقتنا بقت عادية من غير أسباب ومنهم اللي السنين قوّت علاقتنا أكتر بس من كل ده طلعت بملحوظة بقيت مؤمن بيها جدًا إوعى تصدّق إن فيه حد مبيتغيّرش كل الناس بتتغيّر إوعى تنسى كده

نصيحة لأي راجل متخليش الست اللي معاك تخاف منك أو من رد فعلك خليك دايمًا أمانها الشخص اللي تقدر تحكي له وهي مطمنة وتزعل قدامه من غير خوف إنه يكسّر خاطرها أكتر لما تتعصب أو صوتها يعلى متتعاملش إنها ضدك أوقات كتير بتكون بس محتاجة حد يسمعها ويفهم وجعها غيرتها مش حرب دي طريقتها تقولك إنها بتحب وبتخاف تخسرك ولما تسألك أو تطمن عليك، متردش بعصبية أو برود رد بطريقة تخلي قلبها يهدى. ولو عيطت… متحاولش تحللها أو تقلل من مشاعرها، خليك حضن يحتوي تعبها وكلام يطمنها الست لما تحب بتظهر مشاعرها بكل الطرق: في الكلام، في الزعل، في الغيرة في الحنية وحتى في صمتها أوقات وطول ما هي بتحاول توصلك اللي جواها، اعرف إنك لسه شخص مهم عندها لكن لما تسكت فجأة ومتبقاش فارقة تحكي أو تعاتب، اعرف إن جزء جواها تعب جدًا فخليها دايمًا حاسة بالأمان معاك… لأن الست لما تبطل كلام بيبقى قلبها بدأ يبعد فعلًا

خليك بسيط علشان اللي حواليك يرتاحوا معاك

التفاؤل مش معناه إن الدنيا وردي معناه إنك شايف إنك تقدر تعدي حتى لو الدنيا سودا

الحياة بتضربك وتقومك فلو وقعت قوم وجرب تاني مفيش حل تاني

بعض الرسائل اللي عمرها ما اتبعتت كانت أصدق من كلام كتير اتقال فعلًا

"الأشياء، والأشخاص، والعلاقات، والأزمنة، والأمكنة التي تستخرج منك أحسن ما فيك، هي وحدها التي تستحق أن تسعى إليها، وتتمسك بها وأن تبذل فيها ولأجلها عمرك. لأننا دائمًا "نلمع بشكل استثنائي حول ما نحب .. وننطفئ حول كل شيء خاطيء". - وسام محمود. #Blue_Sky

"مش واجب إنك تنكسر علشان غيرك يرتاح" كفاية بقى… مش هتفضل طول عمرك بتجبر بخاطر الناس وإنت محدش فيهم بيحاول حتى يطبطب عليك. مش هتفضل حاسس بكل اللي حواليك وإحساسك أنت يتساب لآخر القائمة. مش هتفضل تضحي وتتنازل وتسكت على نفسك وبعدين تكتشف إن ده بقى “واجب” مش اختيار. التسامح مش إنك تمسح وجعك كل مرة علشان نفس الناس تعيد نفس الأذى… بنفس البرود. افهمها بوضوح: اللي ما حسّكش وإنت بتدي… مش هيحسّك وإنت بتنزف. واللي ما قدّركش وإنت واقف… مش هيشوف قيمتك وإنت واقع. أنت مش مجبر تكمل في دور بيكسر فيك ولا مطلوب منك تفضل كويس على حساب نفسك. من النهارده: اللي يوجعك يتقال له واللي يكرر غلطه يتساب واللي ما يعرفش قيمتك… يشوفك من بعيد مش قسوة… دي نجاة. لأن اللي ما بيحافظش عليك ما يستاهلش كل ده منك. وكفاية لحد كده. #قطايف

أصدق تعبير أنا مشيت علشان فهمت مش علشان زعلت واللي بيمشي فاهم مبيرجعش

النفوس القوية لا تعرف اليأس

الحنية عمرها ما كانت ضعف دي قوة كبيرة جدًا لأن الانسان اللطيف رغم كل اللي شافه ، لسه بيعرف يطبطب ويهون ويزرع راحة في قلوب غيره

النَّقَاءُ وَالْوَفَاءُ امْتِيَازٌ دَاخِلِيٌّ لَا يَحْظَى بِهِ كُلُّ البَشَرِ.

اللمة الحلوة بتخلي الوقت يعدي بسرعة

الحياة مبتكشفلناش الناس من فراغ هي بس بتعلمنا منديش أي حد أكبر من حجمه مش كل قريب بيحب، ومش كل صاحب وفي، ومش كل ابتسامة معناها نية صافية لأن في ناس بتعرفك عشان مصلحتها ولو عطاؤك وقف وجودك بالنسبالهم بينتهي علشان كده، متزعلش لما حد يتكشف على حقيقته لأن الحقيقة مهما كانت موجعة أرحم بكتير من وهم كنا مصدقينه

لو تعلمون أننا حين أحببناكم فتحنا لكم أبوابًا لم نفتحها لأحدٍ من قبل وأن أرواحنا كانت تمشي نحوكم مطمئنة، كطفلٍ يظنّ العالم لا يؤذيه لو تعلمون كيف يتحول الخذلان في قلب المُحب إلى صمتٍ طويل، وإلى روحٍ تخاف الاقتراب من الجميع لوقفتم أمام أنفسكم كثيرًا ولأدركتم أن بعض الكسور لا يُصلحها اعتذار، ولا يُعيدها الزمن كما كانت

محدش هيكمل معاك للآخر لو أنت مبتقدروش ومهما كان بيحبك هييجي عليه وقت ويملّ وهيسبيك ويبعد بدون مواجهة هيكون جاب آخره منك ومن طريقتك معاه وحرفياً لا هتعرف ترجع له ولا هو هيديلك فرصة تقرب منه تاني خلاص، البني آدم مننا مهما كان مكتفي ومش عايز حاجة من حد فهو دايمًا محتاج اللي يقدره إلى يعرف قيمته وقيمة اللي بيعملوا عشانه حتى ولو من خلال كلمة حلوة وغير كده محدش مضطر يكمل ولا حد هيكمل مع عايز يحصد حب ودعم من غير ما يزرع اهتمام وتقدير