ရွှေပြည်သစ်

တောတွင်းလက်နက်ကိုင်အဖွဲ့များအမြန်ဆုံးချုပ်ငြိမ်းလိုလျှင် ပဲခူးရိုးမထဲက ဗကပပြိုကွဲခြင်း ၁၉၄၈ ခုနှစ် မတ်လ ၂၈ ရက်နေ့မှာ ဗကပတွေ တောခိုပြီး အစိုးရကိုပုန်ကန်ခဲ့ကြတယ်။ မြန်မာနိုင်ငံမှာ အကြီးဆုံးလက်နက်ကိုင် အင်အားစုကြီးဖြစ်ခဲ့တယ်။ အစိုးရက လက်ဝဲညီညွှတ်ရေးမူတွေ၊ ငြိမ်းချမ်းရေးဖိတ်ခေါ်ဆွေးမှုတွေ အကြိမ်ကြိမ်လုပ်ဆောင်ခဲ့ပေမယ့် ဗကပခေါင်းဆောင်တွေကတော့ သဘောမတူခေါင်းမာနေခဲ့ကြသည်။ ဒါ့ကြောင့် ပဲခူးရိုးမထဲက ဗကပတွေကို တပ်မတော်က ဖိအားပေးတိုက်ပွဲတွေ ဆက်တိုက်လုပ်ခဲ့သလို ဖြတ်လေးဖြတ်နဲ့ ပိတ်စို့တဲ့အတွက် ပဲခူးရိုးမတောတွင်းက ဗကပတွေ အစာရေစာဆေးဝါး ပြတ်လတ်ငတ်မွတ်လာတယ်။ ထိခိုက်သေဆုံးမှုတွေလည်း များလာတယ်။ နောက်ဆုံးတော့ ဗကပ ခေါင်းဆောင် သခင်သန်းထွန်းကို ၁၉၆၈ ခုနှစ်၊ စက်တင်ဘာလ ၂၄ ရက်နေ့ အိမ်သာတက်နေတုန်းမှာ သူရဲ့ အကူ ရဲဘော်မြကြီးက ရိုင်ဖယ်သေနတ်နဲ့ အနီးကပ် ပစ်ခတ်လုပ်ကြံခဲ့လို့သာ ပဲခူးရိုးမက ဗကပတွေ ပြိုကွဲသွားခဲ့တာဖြစ်ပါတယ်။ နိုင်ငံတော်ကြီးကို တကယ်ငြိမ်းချမ်းစေချင်လို့ အစိုးရက ငြိမ်းချမ်းရေးဖိတ်ခေါ်နေတာကို လက်မခံဘဲ ခေါင်းမာနေတဲ့ ခေါင်းဆောင်လုပ်နေသူတွေကို ဘာလုပ်သင့်တယ်ဆိုတာ လက်အောက်ရဲဘော်တွေစဉ်းစားရမယ့်အချိန်ဖြစ်နေပါပြီ။

အကြမ်းဖက် CRPH၊ NUG အဖွဲ့များအတွက် ငွေကြေးကောက်ခံပေးနေသည့် People's Revolution Supply Family – PRF Website သို့ ငွေကြေးထောက်ပံ့ပေးပို့သူများအား ဖမ်းဆီးရမိ

နိုင်ငံတော်သမ္မတ ဦးမင်းအောင်လှိုင် ပညာရေးဝန်ကြီးဌာန လှိုင်တက္ကသိုလ်နယ်မြေ ကြည့်ရှုစစ်ဆေး၊ ထူးချွန်ကျောင်းသားများ မွေးထုတ်ရေးနှင့် တက္ကသိုလ်များ အဆင့်အတန်းမြင့်မားရေး လမ်းညွှန် ရန်ကုန်၊ စက်တင်ဘာ ၂၇ နိုင်ငံတော်သမ္မတ ဦးမင်းအောင်လှိုင်သည် စက်တင်ဘာ ၂၇ ရက်တွင် ပညာရေးဝန်ကြီးဌာန လှိုင်တက္ကသိုလ်နယ်မြေသို့ သွားရောက်ကြည့်ရှုစစ်ဆေးခဲ့ပြီး နိုင်ငံတော်အတွက် လိုအပ်သည့် အရည်အသွေးမြင့် လူ့စွမ်းအားအရင်းအမြစ်များ မွေးထုတ်ပေးနိုင်ရေး၊ ထူးချွန်ကျောင်းသားများကို စနစ်တကျ ရွေးချယ်လေ့ကျင့်ပျိုးထောင်ရေး၊ တက္ကသိုလ်များ၏ အဆင့်အတန်းနှင့် ဥပဓိရုပ် ကောင်းမွန်ရေးတို့ကို လမ်းညွှန်မှာကြားခဲ့ပါသည်။ ကြည့်ရှုစစ်ဆေးစဉ် အဆင့်မြင့်ပညာဦးစီးဌာနမှ တာဝန်ရှိသူများက လှိုင်တက္ကသိုလ်နယ်မြေရှိ တက္ကသိုလ်များ၏ လက်ရှိအခြေအနေ၊ ကျောင်းသားများ ပညာသင်ကြားနေမှု၊ အခြေခံအဆောက်အအုံနှင့် ဖွံ့ဖြိုးတိုးတက်ရေးဆိုင်ရာ အစီအစဉ်များကို Presentation ဖြင့် ရှင်းလင်းတင်ပြခဲ့ကြပါသည်။ နိုင်ငံတော်သမ္မတက အဓိကထားပြောကြားခဲ့သည့် အချက်များမှာ — • ထူးချွန်ပြီး အရည်အချင်းပြည့်မီသည့် ကျောင်းသားများ မွေးထုတ်နိုင်ရေး အလေးထားစိစစ်ဆောင်ရွက်ရန်။ • ထူးချွန်ကျောင်းသားများကို နိုင်ငံတော်အတွက် လိုအပ်သည့် Human Resources (HR) များအဖြစ် စနစ်တကျ လေ့ကျင့်မွေးထုတ်ပြီး နိုင်ငံ့ဝန်ထမ်းအဖြစ် တာဝန်ထမ်းဆောင်နိုင်ရေး အာမခံချက်ရှိသည့် စနစ်တစ်ရပ် ဖော်ဆောင်ရန်။ • ထူးချွန်ထက်မြက်သည့် ကျောင်းသားများ၏ အရည်အသွေးကို ပိုမိုမြှင့်တင်ပေးနိုင်သည့် ပညာရေးပတ်ဝန်းကျင်နှင့် သင်ကြားရေးစနစ်များ ဖော်ဆောင်ရန်။ • ရန်ကုန်စီးပွားရေးတက္ကသိုလ်၊ ရန်ကုန်တက္ကသိုလ်နှင့် ရန်ကုန်ပညာရေးတက္ကသိုလ်တို့၏ ဖွဲ့စည်းပုံနှင့် Campus များကို လိုအပ်ချက်နှင့် လက်တွေ့အခြေအနေအပေါ်မူတည်၍ ပေါင်းစည်းခြင်း၊ သီးခြားခွဲထုတ်ခြင်းတို့ကို စနစ်တကျ လေ့လာသုံးသပ်ဆောင်ရွက်ရန်။ • ရန်ကုန်ပညာရေးတက္ကသိုလ်ရှိ (၆)ထပ်ဆောင် တည်ဆောက်ရေးလုပ်ငန်းများ အမြန်ဆုံးပြီးစီးရေး စနစ်တကျ ကြီးကြပ်ဆောင်ရွက်ရန် နှင့်Foundation ခိုင်မာမှု၊ အဆောက်အအုံဆိုင်ရာ ဘေးကင်းလုံခြုံမှုတို့ကို စစ်ဆေးရန်။ • တက္ကသိုလ်များ အဆင့်အတန်းမီရေး၊ ပညာရေးပတ်ဝန်းကျင်ကောင်းမွန်ရေးနှင့် Campus များ၏ ဥပဓိရုပ်ကောင်းမွန်ရေး ဆောင်ရွက်ရန်တို့ ဖြစ်ပါသည်။

နိုင်ငံတော်သမ္မတ ဦးမင်းအောင်လှိုင် ဆေးတက္ကသိုလ်(၁)ရှိ Multi-Purpose Assembly Hall တည်ဆောက်ရေးလုပ်ငန်း ကြည့်ရှုစစ်ဆေး ရန်ကုန်၊ စက်တင်ဘာ ၂၇ နိုင်ငံတော်သမ္မတ ဦးမင်းအောင်လှိုင်သည် ယနေ့ စက်တင်ဘာ ၂၇ ရက်တွင် ရန်ကုန်မြို့ရှိ ဆေးတက္ကသိုလ်(၁) ဝန်းအတွင်း တည်ဆောက်လျက်ရှိသည့် လိပ်ခုံးပုံ Multi-Purpose Assembly Hall အဆောက်အအုံ တည်ဆောက်ရေးလုပ်ငန်းကို သွားရောက်ကြည့်ရှုစစ်ဆေးခဲ့ပါသည်။ ကြည့်ရှုစစ်ဆေးစဉ် တာဝန်ရှိသူများက Assembly Hall တည်ဆောက်ရေးလုပ်ငန်း ဆောင်ရွက်နေမှု၊ အဆောက်အအုံ၏ မူလဗိသုကာပုံစံနှင့် သွင်ပြင်လက္ခဏာများကို ထိန်းသိမ်းထားရှိမည့် အခြေအနေ၊ ခေတ်မီစနစ်များ ထည့်သွင်းတည်ဆောက်မည့် အစီအစဉ်နှင့် လုပ်ငန်းပြီးစီးရေး ဆောင်ရွက်နေမှုတို့ကို ရှင်းလင်းတင်ပြခဲ့ကြပါသည်။ နိုင်ငံတော်သမ္မတက ယခင်လိပ်ခုံးခန်းမ နေရာတွင် မူလပုံစံမပျက်စေဘဲ ခေတ်မီဆန်းသစ်သည့် အသွင်အပြင်ရှိစေရေး စနစ်တကျ တည်ဆောက်ရန်နှင့် အခမ်းအနားများ၊ စုဝေးပွဲများ ကျင်းပရာတွင် အသံပိုင်းဆိုင်ရာ အရည်အသွေးကောင်းမွန်စေရန် Soundproof စနစ် ထည့်သွင်းဆောင်ရွက်ရန် လမ်းညွှန်မှာကြားခဲ့ပါသည်။ အဆိုပါ Multi-Purpose Assembly Hall တည်ဆောက်ရေးလုပ်ငန်းကို ၂၀၂၆ ခုနှစ် ဇွန်လတွင် စတင်ဆောင်ရွက်ခဲ့ခြင်းဖြစ်ပြီး ၂၀၂၇ ခုနှစ် ဇန်နဝါရီလတွင် အပြီးသတ်နိုင်ရန် လျာထားဆောင်ရွက်လျက်ရှိပါသည်။

နိုင်ငံတော်သမ္မတ ဦးမင်းအောင်လှိုင် ဒဂုံတက္ကသိုလ်သို့ သွားရောက်ကြည့်ရှုစစ်ဆေး၊ တက္ကသိုလ် အင်္ဂါရပ်နှင့်အညီ အခြေခံအဆောက်အအုံများ အဆင့်မြှင့်တင်ရေး လမ်းညွှန်မှာကြား ရန်ကုန်၊ စက်တင်ဘာ ၂၇ နိုင်ငံတော်သမ္မတ ဦးမင်းအောင်လှိုင်သည် ယနေ့ စက်တင်ဘာ ၂၇ ရက်တွင် ဒဂုံတက္ကသိုလ်သို့ သွားရောက်ကြည့်ရှုစစ်ဆေးခဲ့ပြီး တက္ကသိုလ်၏ ရေရှည်ဖွံ့ဖြိုးတိုးတက်ရေး တက္ကသိုလ် အင်္ဂါရပ် နှင့်အညီ အခြေခံအဆောက်အအုံများ ပြုပြင်အဆင့်မြှင့်တင်ရေး၊ ကျောင်းသား၊ ကျောင်းသူများ၏ သွားလာနေထိုင်ရေးနှင့် ကျန်းမာရေးစောင့်ရှောက်မှု ပိုမိုကောင်းမွန်စေရေးတို့အတွက် လိုအပ်သည်များ လမ်းညွှန်မှာကြားခဲ့ပါသည်။ နိုင်ငံတော်သမ္မတသည် ဒဂုံတက္ကသိုလ်ဘူတာနှင့် ကျောင်းသား၊ ကျောင်းသူများ၏ သွားလာမှုအခြေအနေများကို ကြည့်ရှုစစ်ဆေးခဲ့ပြီး ဒဂုံတက္ကသိုလ် YBS ဂိတ်ကို ဘူတာနှင့် တက္ကသိုလ်သို့ ဝင်ရောက်သည့်လမ်း၏ ဘေးဘက်တွင် စနစ်တကျထားရှိနိုင်ရေးနှင့် ယာဉ်ရပ်နားဝင်း တည်ဆောက်ရန် လျာထားသည့်နေရာတို့ကို ကြည့်ရှုခဲ့စစ်ဆေးခဲ့ပါသည်။ ထို့ပြင် တက္ကသိုလ်အတွင်း ယာဉ်ရပ်နားစနစ်ကို စနစ်တကျဖြစ်စေရေး၊ ယာဉ်ဝင်ထွက်သွားလာမှု အဆင်ပြေချောမွေ့စေရေးနှင့် ကျောင်းသား၊ ကျောင်းသူများအတွက် ကျောင်းဘတ်စ်ကားများ ပြေးဆွဲပေးနေမှုအခြေအနေနှင့် လိုအပ်ချက်များကို စိစစ်၍ လိုအပ်သလို ဖြည့်ဆည်းဆောင်ရွက်ရန် မှာကြားခဲ့ပါသည်။ တက္ကသိုလ်ဝင်းအတွင်း ရေမြောင်းများ ရေစီးရေလာကောင်းမွန်စေရေးနှင့် မိုးရာသီတွင် ရေဝပ်ရေလျှံမှုများ မဖြစ်ပေါ်စေရေး စနစ်တကျ ဆောင်ရွက်ရန် လမ်းညွှန်မှာကြားခဲ့ပါသည်။ ဒဂုံတက္ကသိုလ် ပါမောက္ခချုပ်က တက္ကသိုလ်၏ လက်ရှိအခြေအနေ၊ ပညာရေးဆိုင်ရာနှင့် အခြေခံအဆောက်အအုံဆိုင်ရာ လိုအပ်ချက်များ၊ အနာဂတ်ဖွံ့ဖြိုးတိုးတက်ရေးအတွက် ရေးဆွဲထားသည့် စီမဲကိန်းများနှင့်ပတ်သက်၍ ရှင်းလင်းတင်ပြခဲ့ပါသည်။ ထို့နောက် နိုင်ငံတော်သမ္မတက ဒဂုံတက္ကသိုလ် အားကစားကွင်းနှင့် ပွဲကြည့်စင်တို့ကို သတ်မှတ်ထားသည့် စံချိန်စံညွှန်းများနှင့် ကိုက်ညီစေရေး ပြုပြင်အဆင့်မြှင့်တင်ဆောင်ရွက်ရန်နှင့် တက္ကသိုလ်၏ အနာဂတ်ဖွံ့ဖြိုးတိုးတက်ရေးလုပ်ငန်းများကို တက္ကသိုလ် အင်္ဂါရပ်နှင့်အညီ စနစ်တကျ အကောင်အထည်ဖော်ဆောင်ရွက်သွားရန် နိုင်ငံတော်သမ္မတက လမ်းညွှန်မှာကြားခဲ့ပါသည်။

ဒီနေရာမှာ နိုင်ငံတော်က စီမံကိန်းဖြင့် ဆောင်လုပ်တဲ့ အဆောင်အအုံတွေ၊ လမ်းတံတားတွေဟာ ကန့်တရုတ်ယူပြီး ဆောက်လုပ်ရတာဖြစ်လို့ တည်ဆောက်တဲ့ ကုမ္ပဏီက ကိစ္စအဝဝကို တာဝန်ယူပေးရတဲ့ သဘောရှိတယ်။ တည်ဆောက်ပြီးနောက် အာမခံပေးတဲ့ နှစ်အတွင်း သဘာဝဘေးမှအပ တစ်စုံတစ်ရာ ပျက်စီးခဲ့ရင် လျော်ကြေး (ကုန်ကျစရိတ်ရဲ့ နှစ်စဉ်ဖြစ်စေ၊ စာချုပ်သတ်မှတ်ချက်အရဖြစ်စေ) ပေးရတဲ့ ဥပဒေရှိတယ်။ ဆိုတော့ မြန်မာနိုင်ငံမှာရော ထိုဥပဒေမရှိလို့လား ဒါမှမဟုတ် ဥပဒေအထက်မှာ သူတို့က ရှိနေတာလား? 🤔 ဘာကြောင့်လဲဆိုတော့ ကန့်တရုတ်ယူပြီး ဆောက်လုပ်တဲ့ အဆောက်အဦး၊ လမ်းတံတားတွေဆိုတာ ပြီးစီးကောင်း သက်ဆိုင်ရာကို အပ်ပြီးဆိုရင် သက်ဆိုင်ရာဘက်က ကြံခိုင်ရေးကို စစ်ဆေးပေးရတာရှိတယ်။ စစ်ဆေးစဉ်မှာ တစ်စုံတစ်ရာ မှားယွင်းနေတာ၊ အဆောက်အဦးကို သတ်မှတ်ချက်အတိုင်း မဆောက်ထားတာ တွေ့ရှိရရင် လျော်ကြေးအပြင် အဆောက်အဦးကို အသစ်ကစပြီး ပြန်တည်ဆောက်ပေးရတဲ့ သဘောရှိတယ်။ ဒါပေမယ့် မြန်မာနိုင်ငံမှာ အဲ့လိုအရေးယူတာတွေကို သိပ်တွေ့ရလေ့မရှိတာကို တွေ့ရတယ်။ ဘာကြောင့်လဲ? 🏗 ထိုသို့ယိုယွင်းချက်တွေကို ပုဂ္ဂလလိက အဆောက်အအုံတွေမှာ တွေ့ရနည်းသော်လည်း အစိုးရပိုင် အဆောက်အအုံတွေမှာ တွေ့ရများတယ်။ ဥပမာအားဖြင့် အစိုးရပိုင် အိမ်ရာတွေမှာဆိုရင် အသစ်ဖြစ်စေ၊ အဟောင်းဖြစ်စေ၊ ယိုယွင်းမှုတွေရှိနေတာကို အဆောက်အဦးတိုင်းလိုလိုမှာ တွေ့ရတယ်။ ဒီနေရာမှာ ၂၀၂၆ မန္တလေး ငလျင်ကြီးတွင်း ပျက်စီးခဲ့တဲ့၊ နေထိုင်သူများစွာ အသက်ဆုံးရှုံးခဲ့ရတဲ့ Sky Villa condo က ကြီးမားတဲ့သဏ္ဌာန် ယူစရာဖြစ်ပါတယ်။ 🏢 ဘာကြောင့်လဲ? ဘယ်သူက တာဝန်ယူမှာလဲ? တာဝန်ယူမှု၊ တာဝန်ခံမှုဆိုတာ ဘာလဲ? ⚖️

တာဝန်ယူမှု၊ တာဝန်ခံမှုဆိုတာ ဘာလဲ? 🤔 လက်ရှိမြန်မာနိုင်ငံမှာ ဖြစ်နေတဲ့ ပြဿနာက လာဘ်ပေးလာဘ်ယူမှုတွေကို မထိန်းချုပ်နိုင်သေးတာကို တွေ့ရတယ်။ ဒါကြောင့် အစိုးရရုံးတွေကို ပြည်သူတွေက အယုံအကြည်မရှိတာကို အမြဲ တွေ့နေ၊ မြင်နေ၊ ကြားနေရပါတယ်။ 🚫 အစိုးရဝန်ထမ်းတွေရဲ့ လဘ်စားမှုတွေကြောင့် နိုင်ငံတော်က ဖော်ဆောင်နေတဲ့ စီမံကိန်းတွေဟာလည်း ဟစ်ဟာမှုတွေ၊ ယိုယွင်းမှုတွေနဲ့ သတ်မှတ်ချက်အတိုင်း လုပ်ဆောင်ထားခြင်း မရှိတာတွေကို တွေ့ရတယ်။ 📉 နိုင်ငံတော်က တည်ဆောက်တဲ့ စီမံကိန်းတွေအတွက် ပုဂ္ဂလိက ကုမ္ပဏီတွေကိုသော်လည်း၊ အစိုးရ ကိုယ်တိုင်သော်လည်းကောင်း တည်ဆောက်နေတာဖြစ်ပါတယ်။ သို့သော်လည်း ဆောက်လုပ်ပြီး မကြာခင်မှာ အဆောင်အအုံတွေ ပျက်စီးယိုယွင်းမှုတွေ ရှိခဲ့တာကြောင့် အိမ်ရာများတွင် နေထိုင်သူများနှင့် လမ်းအသုံးပြုသူ ပြည်သူတွေအတွက် အခက်အခဲများစွာ ကြုံနေကြရတယ်။ 🏗 ဝန်ထမ်းတွေဆိုရင် နည်းပါးသောလစာနှင့် ကုန်ဈေးနှုန်းကြီးမြင့်မှုကို ကျားကန်တောင့်ခံနေရသည့်အပြင် အဆိုပါအခက်အခဲတွေကလည်း ကုန်ကျစရိတ်ကို ထိခိုက်စေတာကို တွေ့ပါတယ်။ 💸

ဒေါ်စုကြည်နဲ့ပတ်သက်ပြီးမေးမြန်းချက်အပေါ် သမ္မတကြီးရဲ့ ပြောကြားချက်….. “သူ့အပေါ်မှာအများကြီးမူတည်သွားပါလိမ့်မယ်တဲ့” စကားလုံးက အကြီးကြီးနော် သေးသေးလေးမထင်နဲ့ အန္တရာယ်များတဲ့ အသုံးအနှုန်းပဲ