ملتقى البيولوجيا | Biology Hub
Відкрити в Telegram
🧬 ملتقى البيولوجيا | Biology Hub كل ما يخص علم الأحياء في مكان واحد. Biology • Science • Knowledge
Показати більшеКраїна не вказанаКатегорія не вказана
2 523
Підписники
+1924 години
+507 днів
+5030 днів
Кількість дописів
Триває завантаження даних...
Реакції
Коментарі
Telegram Stars
ТОП дописів по
Триває завантаження даних...
Аналітика дописів
Дописи | Динаміка переглядів | |||||
 سيداتي الكريمات ، سادتي الكرام ...أما بعد ..
وبعيدًا عن المقدمات الطويلة والكلام الرسمي 😌
يسعدني ان اقدم لكم هذا الدليل النظيف و الشامل الذي يجمع مجموعة من أفضل القنوات الطبية على Telegram في مكان واحد، بش نسهلو عليكم انكم توصلو إلى الدروس، المراجع، الملخصات والمحتوى الطبي المفيد. 📚
🩺 مجلد الاطباء | Telegram Medical Directory
🎓 موجّه للطلبة وكل المهتمين بالمجال الطبي
كل وش تحتاج تلقاه هنا :
https://t.me/addlist/DZeLtSpQ2qZhMzY0 | 261 | 2 | 4 | 9 | Увійдіть, щоб переглянути аналітику | |
السلام عليكم عائلة ملتقى البيولوجيا عساكم بخير 💞
🌿 إضافة جديدة في قروب الـ Specialties 🤍
بإذن الله، راح نضيف خانة خاصة بالقنوات الدينية داخل قروب الـ Specialties، باش تكون مساحة تجمع القنوات النافعة والمحتوى الديني الهادف.
📌اذا عندك قناة دينية
ابعثلي رابطها في الخاص
@iyyyyyyoouy
ونضيفها للخانة بإذن الله باش نوفر مساحة للتعريف بها ونساهموا مع بعض في نشر الخير. 🤍
🌷نسأل الله أن يجعلها صدقة جارية وأجرًا لنا ولكل من ساهم فيها أو نشر خيرًا من خلالها وأن ينفع بها كل من يصل إليه هذا المحتوى. 🤲🏻
ملتقى البيولوجيا | Biology Hub 🧬 | 266 | 0 | 3 | 7 | Увійдіть, щоб переглянути аналітику | |
عودة موفقة لطلبة أكتوبر يجمعنا 🌝🤍
يجمعنا على خير إن شاء الله، وكشما خصكم ولا تبعو معانا في القروب تاع Specialties 📚🧬
رانا كل مرة نحطو محتوى جديد، واليوم أنهينا اللمحة التعريفية نتع Les modules لتخصص Genetics 🧬
🌷ابقاو ديما على اطللع ورانا نحاولو. نجيبولكم معلومات باذن الله ومزال الخير باذن الله من دروس وملخصاات وقنوات وطرق دراسة وغيره | 319 | 0 | 0 | 13 | Увійдіть, щоб переглянути аналітику | |
 صورة توضيحية على هذه الشهادة من جامعة عبد الحميد بن باديس مستغانم | 430 | 3 | 1 | 11 | Увійдіть, щоб переглянути аналітику | |
السلام عليكم عائلة ملتقى البيولوجيا عساكم بخير يارب 🌷
اليوم جيناكم بحلقة جدبدة بعنوان :
🌟 شهادة الطالب «خمس نجوم» ⭐⭐⭐⭐⭐
| واش هي؟ وكيفاش تقدروا تتحصلوا عليها؟
🌷طلبة ملتقى البيولوجيا 🧬، اليوم جيناكم بمعلومة مهمة بزاف، خاصة للطلبة اللي حابين يستغلوا سنوات الجامعة باش يبنوا مسار أكاديمي ومهني قوي، وما يكتفوش غير بالمعدل. 🎓
كاينة شهادة اسمها «طالب خمس نجوم»، وهي مبادرة تثمّن الطالب في عدة جوانب، ماشي الدراسة فقط.
🔹 النجمة الأولى ⭐ | الأداء الأكاديمي 📚
هذي مرتبطة بالتفوق الدراسي، ويُشترط حسب الإعلان أن يكون الطالب ضمن 10% الأوائل في دفعته.
يعني إذا كنتوا من الأوائل، حافظوا على شهادة الترتيب لأنها الوثيقة اللي تثبت هذا الإنجاز. 🏆
واللي عي الدرجة يمدوهالكم مع شهادة ليسانس بحيث 10%.
هوما الدرجة A وماشي شرط تكون ماجور فقط لازم تكلاسي مع الاوائل
باه نقربلكم الفكرة مثلا برومو فيها 200 طالب راح يهزو 20 منهم هوما نسبة 10 % ويمدولهم نجمة هذي
🔹 النجمة الثانية ⭐ | التقرب من المؤسسة 🧪
تقدروا تحصلوا عليها من خلال أنشطة تطبيقية مرتبطة بالمؤسسات، مثل:
🧪 التربصات Stages
🏢 زيارة مؤسسة أو جامعة أخرى
🔬 إنجاز حالات عملية بالمؤسسات
وبالنسبة لطلبة البيولوجيا، الـ Stage والزيارات العلمية يقدرو يكونوا مهمين جدًا في هذا الجانب.
والأهم تكون عندك شهادة تثبت النشاط ومؤشر/مختومة من الجهة المعنية.
🔹 النجمة الثالثة ⭐ | تطوير المهارات 💻
هنا يدخل كل ما يساعدكم على تطوير مهاراتكم، مثل:
🇬🇧 دورات اللغات الأجنبية
💻 الإعلام الآلي
📊 الإدارة والتسيير
🏃♂️ النشاطات الرياضية
🎭 النشاطات الثقافية
🎤 الندوات والملتقيات وغيرها...
مثلاً، إذا شاركتوا في دورة لغة مكثفة في مركز اللغات تاع الجامعة
والا نادي تابع لكليتكم او كلية اخرى عادي ولا حتى نشاط منظم من المنظمة الطلابية واللي راح نحكيلكم عليهم بالتفصيل في حلقات قادمة من سلسلة الجانب الاكاديمي
وتتحصلتوا على شهادة، احتفظوا بها. 📜
🔹 النجمة الرابعة ⭐ | التكوين عن بعد والحركية 🎓
من بين الأمثلة:
💻 التكوينات عن بعد
🌐 برامج التكوين الإلكترونية
✈️ برامج التبادل والحركية مثل Erasmus
🏫 التنقل إلى جامعة أو مؤسسة أخرى من أجل التكوين
يعني ماشي بالضرورة لازم تديروا Erasmus؛ كاين أشكال أخرى من التكوين والحركية حسب ما توفره جامعتكم.
🔹 النجمة الخامسة ⭐ | العمل التطوعي والمشاركة الاجتماعية 🤝🌱
وهنا يدخل الجانب التطوعي والمشاركة في الأعمال ذات الطابع الخيري والاجتماعي، مثل:
🌱 حملات التشجير
🩸 حملات التبرع بالدم
🤝 الأعمال الخيرية والتضامنية
🏥 بعض النشاطات التطوعية
🎓 المشاركة في بعض الأنشطة والحياة الجامعية
مثلاً شاركتوا في حملة تشجير وتحصلتوا على شهادة مشاركة؟ 🌱📜
احتفظوا بها، ما تضيعوهاش!
⚠️ ملاحظة مهمة:
شهادة «طالب خمس نجوم» لازم خمس نجوم صينو ميمدوخالكش كون تخصك نجمة واحدة وايضا هذه الشهادة ما تعنيش بالضرورة وجود نقاط إضافية ثابتة في كل مسابقات التوظيف أو المسابقات الجامعية؛ الاستفادة منها تختلف حسب شروط وقوانين كل مسابقة أو مؤسسة.
🍀 نصيحة لطلبة البيولوجيا:
من الآن، ديروا ملف خاص بمساركم الجامعي واحتفظوا بكل الشهادات اللي تتحصلوا عليها:
📚 شهادات الترتيب
🧪 شهادات الـStages
🌍 شهادات اللغات
💻 شهادات التكوينات
🎓 شهادات التكوين عن بعد
🤝 شهادات العمل التطوعي
🎤 شهادات المشاركة في الملتقيات والأنشطة
لأن كل تجربة وشهادة تقدر تزيد قيمة لمساركم الجامعي والمهني. 🧬 | 348 | 8 | 108 | 9 | Увійдіть, щоб переглянути аналітику | |
قولولي واش من لغة لقيتو رواحكم راح يقريوكم بيها فجامعتكم | 360 | 0 | 74 | 4 | Увійдіть, щоб переглянути аналітику | |
🧬 الإنجليزية والفرنسية في مسار البيولوجيا…
في الفترة الأخيرة، لاحظنا بلي كاين اختلاف كبير بين الجامعات في طريقة تطبيق الانتقال للدراسة باللغة الإنجليزية في تخصصات علوم الطبيعة والحياة.
🔹 بالنسبة لطلبة L1 وL2 في العديد من الجامعات، الدراسة اصبحت بالإنجليزية رسميا ، وهذا الأمر راهو واضح بالنسبة للدفعات الجديدة.
🚨لكن الإشكال يبان أكثر عند طلبة L3
كاين جامعات وين الـModules تقريبًا راهُم بالانجليزيةوكون انهم قراو بروميار ودوزيام بالانجليزية ، وكاين جامعات أخرى مازال الـModules فيها بالفرنسية وقليل اللي ولاو بالانجليزية وهذا ماشكل صدمة لطلبة L3⚠️ .
وهنا يطرح السؤال:
هل هذا الأمر يخص جامعات معيّنة فقط، ولا راهو موجود في جامعات أخرى كذلك؟
والسبب اللي يُطرح في بعض الجامعات هو أن الـsupports والـdiapos كانت أصلًا بالفرنسية، ومع كون دفعات الإنجليزية لعام 2024 هي الدفعات الأولى في هذا الانتقال، فإن تحويل كل المحتوى للإنجليزية يحتاج إعادة اعداد المحتوى من جديد، وهذا ما قد يستغرق وقتًا.
كما أن بعض الأساتذة يواصلون تقديم الـModule بالفرنسية كونهم يدرسون بها منذ سنوات في حين يتم اعتماد صيغة أكثر مرونة في بعض الجوانب، مثل أن يكون الـcontrôle بالإنجليزية والفرنسية ولك حق الاختيار وبالنسبة للـexposés / présentations PowerPoint يُترك للطلبة اختيار اللغة ايضا كونهم درسو اعوامهم السابقة بالانجليزية لكن يبقى الشرح والـsupports بالفرنسية
ويبقى السؤال هل هذا الوضع موجود فقط في جامعات معيينة؟
وهل حنقدرو نتاقلمو كوننا قرينا انجليزية فلبروميار والدوزيام 🥲؟ | 364 | 0 | 3 | 7 | Увійдіть, щоб переглянути аналітику | |
هَذا هو يَوْمُ الجُمُعَةِ، يَوْمٌ قَدْ بَارَكَ اللَّهُ فِيهِ
وَكَمَا قِيلَ:
"إِنَّ الصَّلَاةَ عَلَى رَسُولِ اللَّهِ ﷺ هِيَ نُورُ الْقُلُوبِ"
يُوم الجمُعة💗🍃
•تذكّر ~ الصَلاه على الرسُولﷺ .
•تذكّر ~ قِراءة سُورة الكهَف .
•تذكّر ~ توجَد ساعٌه اسِتجابه .
•تذكّر ~الدُعاء للأموَات .
من سنن يوم الجمعة🫀
°الغسل
°الطيب
°السواك
°لبس الجميل
°قراءة سورة الكهف
°التبكير لصلاة الجمعة
°الإكثار من الدعاء والصلاة على النبي ﷺ
﴿وَذَكِّرْ فَإِنَّ الذِّكْرَىٰ تَنفَعُ الْمُؤْمِنِينَ﴾
سورة الذاريات -الآية 55-. | 362 | 0 | 0 | 11 | Увійдіть, щоб переглянути аналітику | |
🍃الصلاة خيرٌ من النوم 🍃
صلاة الفجر:
هي أقلُّ الصلوات المفروضة في عدد ركعاتها، لكنها من أعظمها أجرًا❤️🩹
فهي تأتي في الوقت الذي يكون فيه النوم ألذَّ ما يكون، وهنا يظهر صدق العبد مع ربِّه، ويظهر توفيق الله لمن أقبل إليه💗
فاللهم اجعلنا من أهل الفجر، وارزقنا لذة القيام بين يديك، وثبِّتنا على طاعتك. 🤲🏻🍃 | 364 | 0 | 0 | 8 | Увійдіть, щоб переглянути аналітику | |
البروميار درتو قروب برومو تلغرام وعينتو الديليڨي نتعكم ولا مازال ؟ | 404 | 1 | 47 | 0 | Увійдіть, щоб переглянути аналітику | |
 هاهو التطبيق كاين فتلفونات كامل متيليشارجي 🌝 | 410 | 0 | 0 | 8 | Увійдіть, щоб переглянути аналітику | |
السلام عليكم عائلة ملتقى البيولوجيا عساكم بخير يارب 🌷
🧬 تنبيه مهم حول الحصص عن بُعد | Google Meet
🍀بالنسبة للأساتذة اللي تكون حصصهم عن بُعد عبر Google Meet، حبيت نوضحلكم بعض النقاط المهمة باش تضمنوا حضوركم وما تفوتكمش الحصة 👇🏻
💻 كيفاش تكون الحصة؟
الأستاذ تاع الـCours يبعث رابط Google Meet للـDélégué، ومن بعد يتم إرساله للطلبة في قروب التلغرام باش يدخلوا للغرفة في الوقت المحدد.
⏱️ مدة الحصة:
الحصة عن بُعد تكون عادية 1h30، كيف كيف كيما الـCours الحضوري.
⚠️ مهم جدًا:
الدخول في الوقت!
حاولوا تدخلوا قبل بداية الحصة أو في وقتها، وما تتأخروش بزاف ❗
لأن الأستاذ ممكن يغلق غرفة الـGoogle Meet بعد بداية الحصة، وبالتالي ماشي كل مرة يقدر يوقف الشرح ويحبس الحصة باش يقبل الطلبة اللي تأخروا.
يعني إذا تأخرتوا، ممكن تلقاو الغرفة مغلقة وما تقدرواش تدخلوا للحصة. 🚫
📧 بالنسبة للإيميل الجامعي:
إذا الأستاذ طلب منكم استعمال الإيميل الجامعي هنا تطلبو من جامعتكم تكرييلكم ايمايل وكي تمدلكم مودباس هي ونتوما تبدلوه استعملوا الإيميل اللي تمدهولكم جامعتكم، واللي يكون تابع للجامعة مثل:
...@univ-...
❌ ماشي @gmail.com
ويُفضّل يكون الإيميل الجامعي باسمكم ولقبكم، باش الأستاذ يقدر يتعرف عليكم ويسجل الحضور بسهولة
.
👤 أما إذا دخلتوا بإيميلكم العادي:
ماشي مشكل إذا الأستاذ يسمح بذلك، لكن في هذه الحالة، إذا طلب تسجيل الحضور، اكتبوا اسمكم ولقبكم في الـChat تاع Google Meet باش الأستاذ يعرف شكون دخل ويسجل حضوركم.
🎓 وبالنسبة للـContrôle:
طريقة إجراء الـContrôle تختلف من جامعة لأخرى؛ كاين جامعات يديروه حضوري، وكاين اللي يكون عن بُعد، لذلك اتبعوا دائمًا تعليمات الأستاذ والجامعة تاعكم.
#سلسلة_الجانب_الاكاديمي | 486 | 2 | 0 | 4 | Увійдіть, щоб переглянути аналітику | |
 حالتي بعدما قريت ليكور كامل والحضور اجباري بيسك تروازيام نقراو فليصال ماشي لومفي🥲💔
+مدولنا كامل Les exposés و Les devoirs +بدلولنا L’emploi du temps ودارولنا زوج تيدي على الخمسة 😭🙂
شكون نفس الحالة 😔🙂نهونو على بعض شوي | 551 | 0 | 44 | 20 | Увійдіть, щоб переглянути аналітику | |
شكرا لكل من عايدني thanks a lot you really all of you made my day 😭♥🤍 | 589 | 0 | 16 | 12 | Увійдіть, щоб переглянути аналітику | |
 +1صور توضيحية لكلا التحديثين
#سلسلة_الجانب_الاكاديمي | 633 | 6 | 13 | 10 | Увійдіть, щоб переглянути аналітику | |
السلام عليكم عائلة ملتقى البيولوجيا عساكم بخير 🌷
ملقيتش وقت باش ننشرلكم فالنهار نكون نقرى للخمسة وكي نروح نكون تعبانة مي متخافوش مننساكمش باذن الله ننشرلكم حتى عالفجر 😂💞
🍀في حلقة اليوم حبيت نهدرلكم على :
🔐🧬 تحديثات مهمة في PROGRES | لازم تعرفوها
كاين زوج تغييرات مهمين في طريقة حماية حساباتكم في PROGRES وحبينا نشرحولكم كيفاش تستعملوهم 👇🏻
🔒 أولًا | قفل تطبيق PROGRES
مع التحديثات الجديدة أصبح بإمكان التطبيق طلب البصمة عند فتحه على الهاتف
وهذا يزيد يحمي معلوماتك داخل التطبيق خاصة إذا كان هاتفك يستعمله أكثر من شخص
يعني حتى لو كان التطبيق مفتوح على الهاتف أو شخص قدر يدخل لهاتفك ما يقدرش يفتح PROGRES بدون التحقق بالبصمة 🔐📱
---
🛡️ ثانيًا | المصادقة الثنائية 2FA
هذه أهم نقطة 👇🏻
المصادقة الثنائية أو Two-Factor Authentication هي طبقة أمان إضافية لحسابك
يعني ما يبقاش الدخول يعتمد فقط على اسم المستخدم + كلمة المرور وإنما بعد إدخالهم يطلب منك أيضًا رمز تحقق مؤقت يتم توليده من تطبيق Authenticator
وقد تم تفعيل هذه الخاصية ضمن إجراءات تعزيز حماية حسابات PROGRES والحد من مخاطر الدخول غير المصرح به للحسابات 📱🔐
وهذا مهم خصوصًا لأي شخص يخاف على حسابه إذا كان شخص آخر يعرف اسم المستخدم أو كلمة المرور تاعو
---
📱 كيفاش نفعّلو المصادقة الثنائية؟
أول حاجة حمّل تطبيق Microsoft Authenticator 👇🏻
لتحميله (اضغط هنا )
بعد ما تحمّلوه 👇🏻
1️⃣ ادخل لحسابك في PROGRES
2️⃣ روح إلى خانة حسابي / Mon compte
3️⃣ تلقى خيار المصادقة الثنائية / Authentification double
4️⃣ فعّلها
PROGRES راح يعطيك صفحة فيها QR Code وتحتو رابط مرتبط بهذا الكود
📌 هنا مهم: انسخ الرابط الموجود تحت الـQR Code
---
🔐 نروحو الآن لتطبيق Authenticator
5️⃣ افتح التطبيق واضغط على +
6️⃣ بما أن PROGRES عطاك QR Code تقدر تستعمل المسح مباشرة
وإذا حبيت تدخل المعلومات يدويًا 👇🏻
اختار Enter a code manually / إدخال الرمز يدويًا
راح يسقسيك:
نوع الحساب؟
راح تلقى خيارات مثل:
▫️ حساب عمل أو مؤسسة
▫️ حساب آخر مثل Google وFacebook وغيرها
➡️ اختار حساب آخر / Other account
بعدها راح يطلب منك:
اسم الحساب
تقدر تسميه مثلًا: PROGRES
الرمز السري / Secret key
هنا تحط المفتاح الذي توفره PROGRES حسب طريقة الإعداد الظاهرة عندك
⚠️ ما تدخلش رمز من عندك وما تستعملش كلمة المرور تاع PROGRES في خانة Secret key.
بعد الإضافة راح يظهرلك رمز مؤقت داخل Authenticator ويتبدل تلقائيًا كل فترة ⏱️
---
✅ 7️⃣ انسخ الرمز الظاهر في Authenticator
8️⃣ ارجع لـ PROGRES وحط الرمز في خانات المصادقة الثنائية
ثم اضغط على Valider la clé d’authentification double
إذا تمت العملية بنجاح راح تتأكد بلي المصادقة الثنائية تفعّلت ✅
وإذا ظهرلك أن الرمز خاطئ جرّب الرمز الجديد اللي يظهر في Authenticator لأن الأكواد المؤقتة تتغير باستمرار.
---
🔐 ومن بعد واش يصرى؟
كي تخرج من حساب PROGRES وتعاود تدخل:
👤 اسم المستخدم
🔑 كلمة المرور
➕ رمز المصادقة الثنائية
يعني الرمز ما تحفظوش وما يبقاش نفسه ❌
كل مرة تحتاجو تفتح تطبيق Authenticator وتدخل للحساب اللي سميتو PROGRES وتنسخ الرمز الجديد وتحطو في PROGRES 📱✅
وهكذا حتى لو شخص عرف اسم المستخدم وكلمة المرور تاعك تبقى عندك طبقة حماية إضافية تمنع الدخول للحساب بدون رمز المصادقة.
🛡️ نصيحتنا:
فعّلوا المصادقة الثنائية وحافظوا على معلومات حساباتكم وما تشاركوش كلمات السر أو رموز المصادقة مع أي شخص.
ملاحظة :
مقدرتش نصور كلش كما علابالكم كلا التطبيقين يمنعو لقطة الشاشة في اغلب الخانات
🧬 ملتقى البيولوجيا | Biology Hub
#سلسلة_الجانب_الاكاديمي | 545 | 4 | 2 | 5 | Увійдіть, щоб переглянути аналітику |
