Bac with Fidaa

من هذا الأسبوع راح يكون عندنا تحدي أسبوعي خاص بـ Bac with Fidaa 👀🫰🏻 والتحدي راح يكون مبني على واش نخدمو في القناة أصلا، يعني ما راح نزيدلكم برنامج آخر ولا مهام جديدة فوق واش راكم تديرو، بالعكس راح نستغلو محتوى القناة باش كل وحدة تحاول تنحي حاجة كبيرة من طريقها خلال هاد الأسبوع. مثلا تحدي الأسبوع الأول من أكتوبر: 📚 لي مازال ما كملتش المكتسبات → هذا الأسبوع تحاول تكمل أكبر قدر ممكن منها 📖 ولي راهي مكملة المكتسبات → تتحدى روحها في فهم دروس الوحدة الأولى من مادة أساسية ومهم بزاف 👈🏻 التحدي هذا مهوش ضغط، وماشي معناها إذا ما كملتيش التحدي راحت عليك ولا فشلتي، الفكرة أصلا أنك تتحداي روحك وتحاولي قدر المستطاع، والمهم تخرجي من هاد الأسبوع وانتي نحيتي جزء كبير من الطريق 🥹🫰🏻 والتحدي راه للجميع 💗 والمتابعة راح تكون هنا في القناة، يعني راح نعاونكم ونذكركم ونشارك معاكم التقدم خلال الأسبوع، وكل وحدة تقدر تطبق التحدي على الحاجة لي راهي ناقصة عندها. وكل مرة تنحي جزء كبير من الحاجة لي راكي حابة تكمليها، دخلي لتعليقات هذا المنشور برك وقولي واش درتي اليوم 👀 مثلا: مكتسبات الفيزياء ✅ ولا: قريت اليوم درس الاشتقاقية وكملت منو 30% 🤓 المهم كل مرة نشوفو تقدم حقيقي خلال الأسبوع، مهما كانت الحاجة لي راكي تتحداي فيها. وبالنسبة للي حابة تشارك في التحدي، لازم تكتب في تعليقات هذا المنشور: أشارك — نوع التحدي — الهدف مثلا: أشارك — مكتسبات — نكمل مكتسبات الفيزياء ولا: أشارك — دروس — نفهم دروس الوحدة الأولى في الرياضيات

بنات قبل ما نبدأو أي حاجة جديدة حابة نقولكم حاجة 🤏🏻 لازم أول حاجة كل وحدة تعتمد على روحها، يعني ما تستناوش ديما مني باش نعطيكم تحدي ولا نقولكم واش تديرو باش تقراو، لازم انتي وحدك تكوني عارفة واش لازم عليك تديري وتخدمي عليه، ومن بعد نزيدو حاجات جماعية وتحديات باش نزيدو الحماس ونعاونو بعضانا 🥹🤍

🚨 10 | كيفاش نوفق بين المواد الأساسية والثانوية؟

الحل اللي حبيتكم تجربوه هو :

🚨 09 | نبدأ بقوة… وبعد أيام نحبس 😭

🚨 08 | نكتب ملخصات… وننسى نقرا 😭