Bac with Fidaa

الحمد لله تم إنهاء الجلسة الاولى لهذا اليوم

لي راكم في البث ياك راكم تقراو ؟🤓🌼

بنات لي ما فهموش البث الصامت 😭🤍 البث الصامت يعني نفتحلكم بث صوتي في القناة، بصح ما نهدرش فيه وما كاش صوت ولا شرح 😂 الفكرة غير باش يكون كيما قاعة قراية جماعية: تدخلوا، تحطوا التليفون، وكل وحدة تقرا خدمتها في هدوء 🤓📚 يعني إذا راكي تقراي بعد الليلي، تدخلي للبث وتخلي البث خدام معاك، وتحسي بلي راكي تقراي مع الجماعة وماشي وحدك 🥹🤍 واللي طلعت التطبيق تستعملو مع البث، واللي مازال ما انضمتش تنضم باش نقدروا نبدأو التحديات والمتابعة مع بعض 🌸

بناتتت 🤍 بالنسبة للتوقيت اللي بعثتلكم، حبيت نوضحلكم حاجة صغيرة برك 👀 التوقيت هذا تاع القناة، يعني باش يكون عندكم مرجع وتعرفو كل حاجة وقتاش تقريبًا راح تلقاوها في القناة. مثلاً تحتاجي مصطلحات English وFrançais؟ تعرفي بلي تلقايهم في فترة اللغات 🌙 حابة تشوفي جرعة خفيفة تاع تاريخ ولا جغرافيا ولا شريعة ولا فلسفة؟ تعرفي وقتاش تقلبي تلقايها 🍽️ وهكذا مع باقي المحتوى. ماشي شرط نهائيًا تحفظي الصباح على خاطر حنا حاطين مواد الحفظ في الصباح 😭🤏 ولا تقراي المواد العلمية في المساء، ولا المصطلحات لازم تحفظيهم في نفس الوقت اللي نبعثوهم فيه. حنا غير ننظمو وقت النشر باش القناة تكون مرتبة وأنتم تعرفو وين ووقتاش تلقاو كل حاجة، أما وقت الاستفادة منها راجع ليك. تقدري تجمعي كل المحتوى وتقرايه في الليل، ولا ترجعي للمنشورات في الويكاند، ولا تمشي معانا وقت بوقت... كل وحدة وطريقتها 🤍 المهم: المعلومات تلقاوها كاملة في القناة، والتوقيت غير باش يسهل عليكم تلقاوها وتعرفو واش راح يهبطلكم. وبهذا نكونو بدينا رسميًااا 😭🤓🤍

خلاص اتضحت ؟ 👀