Не попадись на ботовода! Telemetrio знаходить і позначає такі канали мітками 👉 Хочеш бачити мітку, оформляй підписку

FDRE Ministry of Justice

Відкрити в Telegram

Країна не вказанаКатегорія не вказана

999

Підписники

+324 години

+147 днів

+1430 днів

907

Перегляди допису

~ 28724 години

~ 1 88548 годин

90.97%

Коефіцієнт залучення

~ 3

Дописів на день

Ads index

Завантажуємо дані

Схожі канали

Немає даних

Виникли проблеми? Будь ласка, оновіть сторінку або зверніться до нашого support-менеджера.

Хмара тегів

Немає даних

Виникли проблеми? Будь ласка, оновіть сторінку або зверніться до нашого support-менеджера.

Вхідні та вихідні згадування

---

Залучення підписників

листопад '26лист '26

листопад '26

+966

в 4 каналах

жовтень '260

в 6 каналах

Get PRO

вересень '260

в 1 каналах

Get PRO

серпень '26

+35

в 2 каналах

Дата	Залучення підписників	Згадування	Канали
13 листопада	+2
12 листопада	+3
11 листопада	+5
10 листопада	+3
09 листопада	+2
08 листопада	+2
07 листопада	+1

Дописи каналу

የታራሚዎች የሰብዓዊ መብት ጥበቃ ላይ ያተኮረ አዉደ ጥናት እየተካሄደ ይገኛል *************** የኢ.ፌ.ዲ.ሪ ፍትሕ ሚኒስቴር፣ የሰብዓዊ መብቶች ዳይሬክቶሬት፣ የታራሚዎችን አያያዝ፣ መብቶች ጥበቃ እና የጋራ የሥራ አቅጣጫ ዕቅድ ማዘጋጀትን አስመልክቶ አውደ ጥናት በማካሄድ ላይ ይገኛል። በመድረኩ ላይ ከፌዴራልና ከክልል ተቋማት እንዲሁም ከባለድርሻ አካላት የተውጣጡ ተሳታፊዎች በመገኘት ባለፉት ዓመታት ከማረምያ ቤቶች ክትትል የተገኙ ግኝቶችን፣ ዓለም አቀፍና አገር አቀፍ የታራሚዎች የሰብዓዊ መብት ማዕቀፎችን እንዲሁም የተሻሉ ተሞክሮዎችን በመገምገም ላይ ናቸው። በተጨማሪም የታራሚዎችን የሰብዓዊ መብቶች እና አጠባበቅ ይበልጥ ለማሻሻል የሚያስችሉ የጋራ የዕቅድ ማዕቀፎችን በቡድን በመወያየት እና የጋራ ግቦችን በመንደፍ ላይ ይገኛሉ። ይህ አውደ ጥናት የፍትሕ ሥርዓቱን እና የታራሚዎችን መብቶች ጥበቃ ለማጠናከር ትልቅ እመርታ የሚፈጥርም ነው።

2	+9 በኢ.ፌ.ዲሪ ፍትሕ ሚኒስቴር የንቃተ ሕግ እና ሥልጠና ዳይሬክቶሬት የተዘጋጀ የአዲስ አበባ ፖሊስ መርማሪ ፖሊሶች የሚሳተፉበት፤ ትኩረቱን በወንጀል ምርመራ አመራር፣ የማስረጃ አሰባሰብ እና አቀራረብ ላይ ያደረገ ከአዲሱ የወንጀል ሕግሥነ-ሥርዓት እና የማስረጃ ሕግ አዋጅ ጋር ተያያዥነት ያለው ሥልጠና በመሰጠት ላይ ነው። የወንጀል ሕግ ሥነ-ሥርዓትና የማስረጃ ሕግ ዘመናዊ በሆነ መንገድ ማስረጃን ለማሰባሰብ የሚረዳና የሥራ ጥራትን ከፍ ማድረግ የሚያስችል በመሆኑ በተለያዩ ምክንያቶች ፍርድ ቤት ሳይቀርቡ የሚቆዩ ዜጎችን ጉዳይ፣ በፍርድ ቤት ዋስትና ከተሰጠ በኋላ ባለጉዳዮች የማይለቀቁበት ሁኔታ እና ሌሎች ሲያጋጥሙ የነበሩ ክፍተቶችና የሚፈጠሩበት ዋና ምክንያት ዘመናዊ በሆነ መንገድ ማስረጃን ማሰባሰብ ባለመቻል እንዲሁም በቅንጀት ባለመስራት በሚፈጠር የማስረጃ ጥራት ማነስ መሆኑ በጥናት በመለየቱ፣ ሥልጠናው እነዚህን ችግሮች በመፍታት ከማስረጃ አሰባሰብ ጋር የነበሩ ክፍተቶችን በማስተካከል ረገድ ለመርማሪዎች ከፍተኛ አቅም የሚፈጠር እና ከዚህ ቀደም ይታዩ የነበሩ ክፍተቶችን ለማስተካከል የሚረዳ ተቀራራቢና ወጥ የሆነ የአሰራር ሥርዓትን ለማኖር የሚያስችል መሆኑ ተመላክቷል፡፡ ፍትሕ ሚኒስቴር ከፌዴራል፣ ከአዲስ አበባ እና ከድሬዳዋ የፖሊስ ተቋማት ጋር በትብብር ለመሥራት ያደረገው ስምምነት ዓላማ፤ ፍትሕ የሁሉንም ባለድርሻ አካላት ተሳትፎ የሚፈልግ በመሆኑ ተቋሙ በተሰጠው የአቅም ግንባታ ሥልጠናዎችን የመስጠት ኃላፊነት መሰረት በሥራው ላይ ክፍተቶች እንዳይፈጠሩ በየጊዜው የባለድርሻ አካላትን አቅም በማጎልበት ለሕብረተሰቡ የተቀላጠፈና ውጤታማ ፍትሕ ለመስጠት የሚያከናውናቸውን ተግባራት አጠናክሮ የሚቀጥል መሆኑ ተጠቅሷል፡፡	347
3	የኤሌክትሮኒክስ ፊርማ (Electronic signature) በኢትዮጵያ ሕግ *********** በአሁኑ ወቅት ፈጣን የኢንፎርሜሽን እና ኮሙኒኬሽን ቴክኖሎጂ ዕድገት በሁሉም የግንኙነት ዘርፎች ውስጥ እየጨመረ በመምጣቱ አገልግሎቶችና የንግድ ግብይቶች በዲጂታል የግብይት መረብ ሥርዓት ማዕቀፍ ውስጥ እየተከናወኑ ይገኛሉ፡፡ በዚህ ሂደት ውስጥም የተሳታፊዎችን ማንነት እና የመልዕክቶችን ትክክለኛነት በማረጋገጥ መተማመን ለመፍጠር የሚያስችል ሁኔታ እንዲኖር ይጠበቃል፡፡ ይህን ለማድረግ ከሚያስችሉ ሁኔታዎች መካከል ፊርማ አንዱ ሲሆን ፊርማውም ከቴክኖሎጂው ጋር የሚጣጣም እንዲሆን የሚጠበቅ በመሆኑ የኤሌክትሮኒክ ፊርማ በአዋጅ ቁጥር 1072/2010 እና በማሻሻያው አዋጅ ቁጥር 1358/2017 ሕጋዊ እውቅና እንዲያገኝ ሆኗል፡፡ በዚህ ጽሑፍም አዋጁን መሠረት በማድረግ የኤሌክትሮኒክ ፊርማን ምንነትና ተያያዥ ጉዳዮች በአጭሩ እንዳስሳለን፡፡	5 452
4	Немає тексту...	584
5	ጨቅላ ሕፃንን የመግደል ወንጀል (Infanticide) በሕይወት የመኖር መብት ሌሎች መብቶች ሁሉ የሚመሠረቱበት መሠረታዊ መብት ነው። የኢ.ፌ.ዲ.ሪ ሕገ መንግሥት አንቀጽ 15 ማንኛውም ሰው በሕይወት የመኖር መብት እንዳለው ይደነግጋል። ይህ መብት በሁለንተናዊ የሰብዓዊ መብቶች መግለጫ አንቀጽ 3 እንዲሁም በዓለም ዓቀፉ የፖለቲካና የሲቪል መብቶች ቃልኪዳን አንቀጽ 6 ጥበቃ የተደረገለት ነው፡፡ በተመሳሳይ የሕገ መንግሥቱ አንቀጽ 36 ሕፃናት በሕይወት የመኖር፣ ጥበቃና እንክብካቤ የማግኘት መብት እንዳላቸው ያረጋግጣል። በተጨማሪም በዓለም ዓቀፍ እና አህጉራዊ የሰብዓዊ መብቶች ስምምነቶች የሕፃናት በሕይወት የመኖር መብት በጠንካራ ሁኔታ የተጠበቀ ነው። የተባበሩት መንግሥታት የሕፃናት መብቶች ስምምነት አንቀጽ 6 ሕፃናት በሕይወት የመኖር ተፈጥሯዊ መብት እንዳላቸው ይደነግጋሉ። የአፍሪካ የሕፃናት መብትና ደኅንነት ቻርተርም በአንቀጽ 5 ተመሳሳይ መብት ያረጋግጣል። ኢትዮጵያም እነዚህን ስምምነቶች ያፀደቀች በመሆኑ በሕገ መንግሥቱ አንቀጽ 9(4) መሠረት የአገሪቱ ሕግ አካል ናቸው።	1 358
6	Немає тексту...	567
7	+1 ስለ ፍትሕ ሚኒስቴር ዋና ዋና ተቋማዊ አምዶች እና ዓላማዎች ምን ያህል ያውቃሉ? የኢ.ፌ.ዲ.ሪ ፍትሕ ሚኒስቴር በአገራችን የሕግ የበላይነትን ለማረጋገጥ እና የዜጎችን ሰብዓዊ መብት ለማስከበር በቁርጠኝነት እንደሚሰራ ይታወቃል፡፡ ሚኒስቴር መሥሪያ ቤቱ የተጣለበትን ታላቅ ኃላፊነት በብቃት ለመወጣት በሚከተሉት 5 ዋና ዋና ተቋማዊ አምዶች (Institutional Pillars) ላይ ትኩረት አድርጎ እየተንቀሳቀሰ ይገኛል፡፡ ዋና ዋና ተቋማዊ አምዶች (Institutional Pillars) ፡፡ 1. የተሻሻለ የፍትሕ አገልግሎት 2. የተጠናከረ የሕግ የበላይነት 3. የተሻሻለ ማረም እና ማነጽ 4. ያደገ ተቋማዊ አቅም 5. የተጠናከረ ትብብር እና ቅንጅት እነዚህ ተቋማዊ አምዶች የተገነቡትም የሚከተሉትን ዋና ዋና ዓላማዎቻችንን ከግብ ለማድረስ ነው፡፡ ዋና ዋና ዓላማዎቻችን፡- Ø ሕገ መንግስቱን እና ሕገ መንግስታዊ ሥርዓቱን ማክበርና ማስከበር፤ Ø የሕግ የበላይነትን ማረጋገጥ፤ Ø የወንጀል ሕግን ማስከበር፤ Ø የፌዴራል መንግስቱን እና የሕዝብን የፍትሐ ብሔር ጥቅም ማስከበር፡፡ 💬 ከእነዚህ 5 አምዶች ውስጥ በቅድሚያ እንዲብራራላችሁ የሚፈልጉት የትኛውን ነው? አስተያየትዎን ያጋሩን!	710
8	የሥራ ምስጢርን መግለጽ ወንጀል መሆኑን ያውቃሉ? የሥራ ምስጢር ምንድን ነው? በኢትዮጵያ ሕግ መሠረት አንድ ሠራተኛ ወይም በሙያው ምክንያት ምስጢራዊ መረጃ የደረሰው ሰው የሥራ ምስጢርን ያለፈቃድ ለሌላ ወገን መግለጽ ወይም ለግል ጥቅም ማዋል ምን ዓይነት የሕግ ተጠያቂነት ያስከትላል? የሥራ ምስጢርን ከመገለጥ ለመጠበቅና የተቋማትን እምነት ለማስጠበቅስ ምን መደረግ አለበት? ፍትሕ ሚኒስቴር ከፋና ሬዲዮ ጋር በመተባበር በሚያቀርበው «የንቃተ ሕግ» ፕሮግራም፣ የሥራ ምስጢርን የመግለጽ ወንጀልን፣ የሚያስከትለውን የሕግ ተጠያቂነትና ተያያዥ የሕግ ጉዳዮችን የሚያብራራ ዝግጅት ቀርቧል። ተከታዩን ሊንክ በመጫን ሙሉ ቪዲዮውን ይመልከቱ፦ https://www.youtube.com/watch?v=jPFToIT886c	708
9	አስታራቂ ሽማግሌዎች ላይ የሚፈጸም የሙስና ወንጀል ምንነትን ያውቃሉ? ***** አስታራቂ ሽማግሌዎች ማን ናቸው? በኢትዮጵያ ሕግ መሠረት አስታራቂ ሽማግሌዎች በእርቅ ሂደት የተሰጣቸውን ኃላፊነት አላግባብ በመጠቀም የማይገባ ጥቅም መጠየቅ፣ መቀበል ወይም ለአንድ ወገን ወግኖ መሥራት ምን ዓይነት የሕግ ተጠያቂነት ያስከትላል? የእርቅ ሂደቱ ፍትሐዊነት እንዲጠበቅና የማኅበረሰቡ እምነት እንዳይሸረሸርስ ምን መደረግ አለበት? ፍትሕ ሚኒስቴር ከፋና ሬዲዮ ጋር በመተባበር በሚያቀርበው «የንቃተ ሕግ» ፕሮግራም፣ አስታራቂ ሽማግሌዎች ጋር በተያያዘ የሚፈጸም የሙስና ወንጀልንና ተያያዥ የሕግ ጉዳዮችን የሚያብራራ ዝግጅት ቀርቧል። ተከታዩን ሊንክ በመጫን ሙሉ ቪዲዮውን ይመልከቱ፦ https://www.youtube.com/watch?v=luOS4rPwLAc	821
10	የፍትሕ ሥርዓታችን የወደፊት አቅጣጫ፡ ራዕይና ተልዕኮ? የኢ.ፌ.ዲ.ሪ ፍትሕ ሚኒስቴር አገራዊ ተቋማዊ ለውጦችን በማድረግ የፍትሕ አገልግሎቱን ዘመናዊ፣ ተደራሽ እና ተዓማኒ ለማድረግ አዲስ የ5 ዓመት ስትራቴጂካዊ ዕቅድ (2018-2022 ዓ.ም) ዘርግቶ በመንቀሳቀስ ላይ ይገኛል! ይህንን አገራዊ ራዕይ ዳር ለማድረስ እና የተቋማችንን የቀጣይ ዓመታት መሪ አቅጣጫ ለመወሰን የተቀረጹት ራዕይና ተልዕኮ የሚከተሉትን ይመስላሉ፦ 👁️ ራዕያችን (Vision): የሕግ የበላይነትና ሰብዓዊ ክብርን መሠረት ያደረገ ማኅበረሰብ ተኮር፣ ተደራሽና ተዓማኒ የፍትሕ ሥርዓት መገንባት፡፡ 🎯 ተልዕኮአችን (Mission): ሕጎች እንዲተገበሩና ጥራት ያላቸው ሕጎች እንዲወጡ በማድረግ፤ አካታች፣ ውጤታማና ቀልጣፋ የወንጀል፣ የፍትሐብሔርና የአስተዳደር ፍትሕ ሥርዓት በመገንባት፤ የመንግሥትና የሕዝብን ጥቅም ማስጠበቅ፡፡ 💬 የፍትሕ ሥርዓታችንን ለማጠናከር እና "ለፍትሕ አዲስ መሠረት"ለመጣ (የተገልጋዮችን የላቀ እርካታ ለማረጋገጥ) የሚደረጉ ተቋማዊ ለውጦችን አብረውን ይከታተሉ! #የኢፌዴሪፍትሕሚኒስቴር #የሕግየበላይነት #ፍትሕ #ተቋማዊሪፎርም #ኢትዮጵያ	848
11	ለአካለመጠን ያልደረሰ ልጅ ሞግዚትነት እና አሳዳሪነት የሰዎች ዕድሜ፣ የጤና እና የሕግ ኃላፊነት ሁኔታ መብትና ግዴታቸውን ለማከናወን እንዲሁም ሕጋዊ ግንኙነቶችን ለመፈፀም ከግምት ውስጥ የሚገቡ ጉዳዮች ናቸው። ዕድሜን ብንመለከት በሕግ የተቀመጠውን የዕድሜ ገደብ የማያሟላ ሰው ሕጋዊ ግንኙነቶችን በራሱ መፈፀም እንደማይችል ከተለያዩ የሕግ ድንጋጌዎች መገንዘብ ይቻላል፡፡ ለአካለ መጠን ያልደረሰ ወይም በተለምዶ ለአቅመ አዳም ወይም ለአቅመ ሄዋን ያልደረሰ ሰው በዕድሜ ገደብ ምክንያት ሕጋዊ ግንኙነቶችን በራሱ መፈፀም የማይችል በመሆኑ በሞግዚት እና አሳዳሪ የሚተዳደርበት አግባብ በተሻሻለው የፌደራል የቤተሰብ ሕግ ተደንግጓል፡፡ ይህ ጽሑፉ አካለ መጠን ያላደረሰ ሰውን ምንነት፣ ሞግዚት እና አሳዳሪ ስለሚሾምበት ሁኔታ፣ የአሳዳሪ እና ሞግዚት ሥልጣን እና ኃላፊነት፣ አካለመጠን ያልደረሰ ልጅ ችሎታ ማጣት ስለሚቀርበት ሁኔታ ወይም ከሞግዚት አስተዳደር ነፃ የሚወጣትን ሁኔታ በአጭሩ ይዳስሳል፡፡	1 280
12	+9 የፍትሕ ሚኒስቴር እና የሲቪል ማህበረሰብ ድርጅቶች የሽግግር ፍትሕ የጋራ ፎረም ተካሄደ *** ውጤታማ የሽግግር ፍትሕ ፖሊሲ ትግበራን ለማረጋገጥ የህብረተሰቡን ተሳትፎ ማጠናከር፣ ግንዛቤ ማስጨበጥ፣ ሂደቱን መከታተል እና አስፈላጊውን ቴክኒካዊ ድጋፍ ማድረግ የሚያስችል የፍትሕ ሚኒስቴር እና የሲቪል ማህበረሰብ ድርጅቶች የጋራ ፎረም ምስረታ ተካሄደ። በምክክር መድረኩ ከ80 በላይ የሚሆኑ ከመላው ሃገሪቱ የተወጣጡ የሲቪል ማህበረሰብ ድርጅቶች ተወካዮች እና ባለድርሻ አካላት ተሳታፊ ሆነዋል። መንግሥት አካታች አሠራርን ለመዘርጋት፣ ሕግና ፍትሕን ለማጽናት እንዲሁም ሰብዓዊ መብቶችን ለማስከበር አስፈላጊ የሕግና የተቋማት ማሻሻያዎችን ሲያከናውን መቆየቱ ተመላክቷል። ለትግበራውም በአምስት መርሆች ላይ የተመሠረተ ፖሊሲ ተዘጋጅቶ የቅድመ ዝግጅት ሥራዎች እየተከናወኑ ይገኛሉ። በዚህም የማህበረሰቡን በተለይም የሴቶችን፣ የተጋላጭ ማህበረሰብ ክፍሎችን እና የተጎጂዎችን አካታች ተሳትፎ በማረጋገጥ ረገድ የሲቪል ማህበረሰቡ ከፍተኛ ሚና እንዳለው ተገልጿል። የሲቪል ማህበረሰብ ድርጅቶች ተወካዮች በበኩላቸው፤ እውነትን በመመርመር ተጠያቂነትን ማረጋገጥ፣ ይቅርታ ማድረግ እና ተጎጂዎችን መካስ ለአገራዊ እርቅ ወሳኝ መሆኑን ጠቁመው፣ በሂደቱ የሚጠበቅባቸውን ኃላፊነት ለመወጣት ዝግጁነታቸውን ገልጸዋል። በመጨረሻም፣ ፎረሙን የሚያስተባብሩ እና መርሃ-ግብሩን በበላይነት የሚመሩ 7 አባላት ያሉት የሲቪል ማህበረሰብ ድርጅቶች አስተባባሪ ኮሚቴ በመመሰረት የምሥረታ መድረኩ ተጠናቋል።	1 159
13	ያለዕድሜ ጋብቻ የሚያስከትለውን የወንጀል ተጠያቂነት ያውቃሉ? ** ያለዕድሜ ጋብቻ ምንድን ነው? በኢትዮጵያ ሕግ መሠረት ያለዕድሜ ጋብቻን መፈጸም ወይም ለመፈጸሙ ድጋፍ ማድረግ ምን ዓይነት የሕግ ተጠያቂነት ያስከትላል? የሕፃናትን መብት ለመጠበቅና ከያለዕድሜ ጋብቻ ጋር ተያይዘው ከሚመጡ ጉዳቶች ለመከላከልስ ምን መደረግ አለበት? ፍትሕ ሚኒስቴር ከፋና ሬዲዮ ጋር በመተባበር በሚያቀርበው ««የንቃተ ሕግ» ፕሮግራም ይከታተሉ።» ፕሮግራም፣ ያለዕድሜ ጋብቻ የሚያስከትለውን የወንጀል ተጠያቂነትና ተያያዥ የሕግ ጉዳዮችን የሚያብራራ ዝግጅት ቀርቧል። ተከታዩን ሊንክ በመጫን ሙሉ ቪዲዮውን ይመልከቱ፦ https://www.youtube.com/watch?v=Be--ynzSJo0	5 450
14	+9 የኢ.ፌ.ዲ.ሪ ፍትሕ ሚኒስቴር በለሚ ኩራና በቂርቆስ ቅርንጫፍ ጽሕፈት ቤቶቹ በካይዘን አተገባበር ዙሪያ ያካበተውን ተሞክሮ ለፌደራል ከፍተኛ ፍርድ ቤት ዋና መሥሪያ ቤትና ምድብ ጽሕፈት ቤቶች አመራሮችና ሠራተኞች አጋርቷል። ** የልምድ ልውውጡ ዋና ዓላማ በካይዘን ትግበራ ረገድ የተገኙ ተሞክሮዎችን ማጋራት፣ ውጤታማ አሠራሮችን መለየትና በፍርድ ቤቱ የሥራ ሂደቶች ውስጥ ሊተገበሩ የሚችሉ መልካም ተሞክሮዎችን ማስፋፋት ነው። ካይዘንን በተግባር ማዋል የሥራ ሂደቶችን ለማቀላጠፍ፣ የጊዜና የሀብት ብክነትን ለመቀነስ፣ የተገልጋዮችን አላስፈላጊ ውዝግብና ምልልስ ለማስወገድ፣ የሥራ ቦታና የሰነድ አደረጃጀትን ለማሻሻል እንዲሁም የአገልግሎት ጥራትንና ቅልጥፍናን ለማሳደግ ወሳኝ ሚና እንዳለው ተገልጿል። የፌደራል ከፍተኛ ፍርድ ቤት ተሳታፊዎችም በፍትሕ ሚኒስቴር የለሚ ኩራና የቂርቆስ ቅርንጫፍ ጽሕፈት ቤቶች የካይዘን አምስቱን መርሆዎች ማለትም ማጣራት፣ ማደራጀት፣ ማጽዳት፣ ማደላደልና ማላመድ፣ በመተግበር የተፈጠሩ ምቹ የሥራ አካባቢዎችንና የተሻሻሉ የሰነድ አደረጃጀቶችን በአካል ተመልክተዋል። የልምድ ልውውጡ ተሳታፊዎች የቀሰሙትን መልካም ተሞክሮ ወደየምድብ ጽሕፈት ቤቶቻቸው በማስፋፋት በሥራ ሂደቶቻቸው ላይ ለውጥ ለማምጣትና ለተገልጋዩ ሕብረተሰብ ፈጣን፣ ቀልጣፋና ጥራት ያለው የፍትሕ አገልግሎት ለመስጠት ቁርጠኛ መሆናቸውን አረጋግጠዋል። በአጠቃላይ፣ የልምድ ልውውጡ ተቋማት እርስ በርስ በመማማር፣ ውጤታማ አሠራሮችን በማስፋፋትና ቀጣይነት ያለው የሥራ ሂደት ማሻሻያ በማድረግ የተቋማዊ አፈጻጸምን ለማሳደግ የሚያግዝ መሆኑ ተመላክቷል። ይህም የፍትሕ ተቋማት የአገልግሎት አሰጣጥን በማሻሻል የሕዝብን እርካታና እምነት ለማጠናከር አስተዋጽኦ ያደርጋል።	720
15	የሽግግር ፍትሕ የጋራ መድረክ አካል ለመሆን ለተመዘገቡ የሲቪል ማህበረሰብ ድርጅቶች የተላለፈ ጥሪ	636
16	የኢትዮጵያ የመጀመሪያው የፍርድ (ፍትሕ) ሚኒስትር ማን እንደነበሩ ያውቃሉ? ️ በ1900 ዓ.ም በዳግማዊ አፄ ምኒልክ ዘመን በተዘረጋው ዘመናዊ ሚኒስቴራት መዋቅር፣ የመጀመሪያው የፍርድ ሚኒስትር ሆነው የተሾሙት ክቡር አፈንጉስ ነሲቡ መስቀሉ ነበሩ። በእነዚህ ረጅም ዓመታት ውስጥ ተቋሙ የኢትዮጵያን የፍትሕ ሥርዓት በማበልጸግ ረገድ ከፍተኛ አስተዋጽኦ ባበረከቱ በርካታ መሪዎች ሲመራ ቆይቷል። ተቋሙን በቅደም ተከተል የመሩት የፍትሕ ሚኒስትሮች ዝርዝር እነሆ። 💡 የሐሳብ ማዕድ፦ ከዚህ ረጅም ታሪካዊ ዝርዝር ውስጥ ስለ ተቋሙ ቀደምት አሰራሮች ወይም ስለየትኛው መሪ የበለጠ ማወቅ ይፈልጋሉ?	592
17	+9 ለኢ.ፌ.ዲ.ሪ መከላከያ ሚኒስቴር ለወታደራዊ ፍትሕ ዋና መምሪያ የሕግ ባለሙያዎች በፍትሐብሔር ጉዳዮች በክስ አመሰራረትና ክርክር ክህሎት፣ ማስረጃ አቀራረብ እንዲሁም የአስተዳደር ውሎች” ላይ ያተኮረ ሥልጠና መስጠት ተጀመር ******* በኢ.ፌ.ዲ.ሪ ፍትሕ ሚኒስቴር የንቃተ ሕግና ሥልጠና ዳይሬክቶሬት አዘጋጅነት፣ ለመከላከያ ሚኒስቴር ለወታደራዊ ፍትሕ ዋና መምሪያ የሕግ ባለሙያዎች “በፍትሐብሔር ጉዳዮች፣ በክስ አመሰራረትና ክርክር ክህሎት፣ ማስረጃ አቀራረብ እንዲሁም የአስተዳደር ውሎች” ክህሎት ላይ ያተኮረ ለሦሰት ቀናት የሚቆይ የግንዛቤ ማስጨበጫ እና የአቅም ግንባታ ሥልጠና እየተሰጠ ይገኛል፡፡ የሥልጠናው ዋና አላማ የሕግ በላሙያዎች በክስ አመስራረትና በክርክር ክህሎት ላይ ያላቸውን ዕውቀትና ተግባራዊ ክህሎት ማሳደግ፣ የክስና የመልስ አቤቱታ አቀራረብን፣ የምስክር አቀራረብና ምርመራን፣ የሕግ ባለሙያዎችን ሙያዊ ሥነ-ምግባር፣ የይግባኝ አቀራረብንና የፍርድ አፈጻጸም ሥርዓትን በተመለከተ እንዲሁም የአስተዳደር ውሎች የሕዝብና መንግስትን ጥቅም ባስጠበቀ መልኩ ለመምራት እንዲቻል ያላቸውን ግንዛቤ ማጠናከር መሆኑን ተመላክቷል፡፡ ለወደፊቱም መሰል የግንዛቤ ማስጨበጫና የአቅም ግንባታ ሥልጠናዎች ተጠናክረው እንደሚቀጥሉ ተመላክቷል፡፡ የፍትሕ ሚኒስቴርን የማህበራዊ ሚዲያ ትስስር ገፆችን እና ድረ-ገፅን ይቀላቀሉ Website https://www.justice.gov.et Facebook https://web.facebook.com/MOJEthiopia/ (x) Twitter https://x.com/MOJEthiopia YouTube channel https://youtube.com/@fdreministryofjustice...3701... Telegram https://t.me/FDREMinistryofJustice0	610
18	የአመንዝራነት ወንጀል በኢ.ፌ.ዲ.ሪ የወንጀል ሕግ ቤተሰብ የአገር መሠረት ሲሆን በዋናነት የሚመሠረተውም በጋብቻ ነው። ጋብቻ በሁለት ሰዎች መካከል የሚፈጠር የግል እና የቤተሰብ ግንኙነት ብቻ ሳይሆን በሕግ የተደነገገ መብትና ግዴታንም ጭምር የሚፈጥር ተቋም ነው። ከዘህ አንፃር በዋናነት የሚጠቀሰው ለትዳር ጓደኛ ታማኝ የመሆን ግዴታ ሲሆን፣ የጋብቻ ታማኝነትን የሚጎዱ ድርጊቶችን ሕጉ እንደ ወንጀል ይመለከታል። በዚህ መነሻነትም በኢ.ፌ.ዲ.ሪ የወንጀል ሕግ አንቀጽ 652 አመንዝራነት በወንጀል የሚያስጠይቅ እንደሆነ ደንግጓል። ይህ ጽሑፍም የዚህን ወንጀል ምንነትና ተጠያቂነት በአጭሩ ይዳስሳል።	5 426
19	+1 የጽሑፍ ጥሪ ማስታወቂያ ከ«ሕጋዊነት» የሕግ መጽሔት 📚⚖️ ********* ለሕግ ባለሙያዎች፣ ዐቃቤያነ ሕግ፣ ዳኞች፣ ተመራማሪዎችና የሕግ መምህራን በሙሉ! የፍትሕ ሚኒስቴር «ሕጋዊነት» የሕግ መጽሔት አዲስ ዕትምን ለማዘጋጀት ከሕግ ተመራማሪዎችና ባለሙያዎች የሚላኩ ጥናትና ምርምር ተኮር ጽሑፎችን በደስታ ለመቀበል ተዘጋጅቷል! ✍️ 📌 የመጽሔቱ ትኩረት የሚያደርግባቸው ዋና ዋና አገራዊ የሕግ ጉዳዮች፦ አዲሱ የወንጀል ሕግ ሥነ-ሥርዓትና የማስረጃ ሕግ የንብረት ማስመለስ ሕጎች፣ ማዕቀፎችና አተገባበራቸው ሕገ-ወጥ የሰዎች ዝውውርና ሰዎችን በሕገ-ወጥ መንገድ ድንበር የማሻገር ወንጀል ሕጎች ጠቅላላ የወንጀል ሕግ፣ የፍትሕ ሥርዓት ማሻሻያ እና የሽግግር ፍትሕ 💡 ተመራማሪዎች ከላይ ከተጠቀሱት ዋና ዋና የሕግ ዘርፎች ሥር የሚካተቱ ማንኛቸውንም ሕጋዊ፣ ተግባራዊ፣ አሠራራዊ ወይም ፖሊሲያዊ ርዕሰ ጉዳዮች ዳስሰው መጻፍ ይችላሉ። 📅 የማስታወቂያው የጊዜ ገደብ፦ ጥሪው የወጣበት ቀን፦ ጥቅምት 10 ቀን 2019 ዓ.ም. (October 20, 2026) የመጨረሻ ቀን፦ ታኅሣሥ 10 ቀን 2019 ዓ.ም. (December 20, 2026) 🔍 ለተጨማሪ ዝርዝር መረጃዎች ከታች የተያያዙትን ምስሎች ይመልከቱ። የፖሊሲ ጥናት ዳይሬክቶሬት	530
20	የውጭ ሀገር ሥራ ስምሪትን በተመለከተ ምን ማወቅ ይገባል? የውጭ ሀገር ሥራ ስምሪት እንዴት ይፈጸማል? ለሥራ ወደ ውጭ ሀገር ሲሄዱ ሊከተሏቸው የሚገቡ ሕጋዊ ሥነ-ሥርዓቶች፣ የሠራተኞች መብቶችና ግዴታዎች፣ እንዲሁም ከሕገወጥ የሥራ ስምሪትና ከማታለያ ድርጊቶች ራስን መጠበቅ የሚቻልባቸው መንገዶች ምንድን ናቸው? ፍትሕ ሚኒስቴር ከኢትዮጵያ ሬዲዮ ጋር በመተባበር በሚያቀርበው «የሕግ ነገር» ፕሮግራም፣ በውጭ ሀገር ሥራ ስምሪት ዙሪያ ጠቃሚ የሕግ ማብራሪያ ቀርቧል። ተከታዩን ሊንክ በመጫን ሙሉ ቪዲዮውን ይመልከቱ፦ https://www.youtube.com/watch?v=h0sRKBhmFqM	504

Переглянути всі дописи