Lyrics.

وبتسأليني مُت ليه كنت بجري عايز اوصل وإنت كنت بلاد بعيدة أيوة كنت بلاد بعيدة أنا كنت سامعك وإنت قولتي كفر في بداية القَصيدة إنت ليه مقتولة مني

وحدي بمشي في كل سكة والسكك ما بقتش سالكة جوة منها الظلمة حالكة رافضة، مش قابلة بوصولي وحدي ببكي، ببكي جدًا بحكي ليّ، وبأن وأما بسمع نفسي، وافهم الوجع بصعب عليّ وحدي ماشي، بقول كلامي، وابتسم، وأسمع أغاني وحدي بتحدى زماني، وحدي شلت المسؤولية وحدي من غير حد أحسن وحدي، وضع بجد أسلم مش بحب في حد وأندم إنه باعني وهد فيّ وحدي خايف، وحدي عارف إن أنا هافضل بطولي وحدي خايف، وحدي عارف هو ده الدور البطولي

متشكر جداً، جداً على وقتك ثاني يا دكتور "العفو يا سيدي اتفضل" واديتني روشتتي ثاني مشطوب منها اربع تسطر ''مش حاسس إنك أحسن من آخر مرة تجي لي'' مش حاسس أصلا حاجة علي إيدك يعني أديلي ساعتين عمال أتكلم ومش فاكر نص كلامنا السبت الجاي معادنا لأ ده إنت الحد نسيت خذ بالك بقى من نفسك وفيه دوا حنكرره ثاني أنا أصلا حبقى كويس ومافيش حاجة مضايقاني واخذت الباب في إيديّ وما صدّقت إني مشيت كان فاضل لسة سيجارة في العلبة لقيتها معايا بس استخسرت أشربها، قبل أما أوصل للبيت

وفي الختام بنسيب مكان، ونروح مكان بنسيب سنين وذكريات تقدر تقول كان فيها روحنا فاكر أما رحنا أبعد أماكن أنا لسه فاكر ولسه عندي كثير كلام وفي الختام ماعرفش الدنيا ساكتة ليه زي أما تدخل فيلم سيما وتخرج تلاقي الدنيا ليل رغم الزحام، الصمت تام وأنا لسه سارح في النهاية ولسه عندي مية سؤال معرفش ليه لما بنام

لازم أشوفك وكفاية كلام بس أنا خايف الحقيقة تقتل الخيال ماليش أوي في الناس واخذ موقف من الإنسان فاكرة لما سألتيني على ذوقي في الأفلام كان نفسي أكون باتمان بس طلعت جوكر أصل أنا في دور البطولة فاشل جدا مديوكر وساعات بقف قصاد المراية واتخيل إنك جنبي بترقصي معايا ما تيجي نعيش في عالم مش حقيقي إنت وأنا والخيال إمسكي في إيدي صدقي فيّ وغمضي عينيكي إحنا هنا مالناش مكان

في الأيام الصعبة وأنا شحط بفتكر الأيام الصعبة وأنا عيل وبقول عديتهم وإنت قليل مش هتعديهم دي الوقت ولو الأيام غير الأيام والدنيا غير الدنيا إنت كمان دي الوقت زمانك واحد ثاني أو واحد ثالث، أنا بكبر والعالم بيقول لي أكبر، وأنا ساكت بيقول لي كل ده عادي وإن أنا بكبر في معادي

ونسينا ولا اتنسينا ولا بقينا نشبه سنين سنين قسيت علينا ونسينا ولا اتنسينا فاكرة زمان؟ فاكرة المكان؟ الليل يطول نقول كمان فاكرة الشوارع القديمة؟ أسامينا كانت ع الحيطان