👑بيتُكٍ مملكتُك مع أم البنين 👑

#التحديات ✅ هل جربتي في يوم من الأيام تديري تحدي مع صديقاتك او خواتاتك او قريباتك على تعلم مهارة ما ❓ هذا النوع من التحديات يخلق جو جميل ويخليك تتشجعي وتلتزمي أكثر ، تشاركي يوميا انجازك تقدمك، تضحكو على المحاولات الأولى وتدعمو بعضكم البعض حتى تلحقو لهدفكم وبدل ما تكون المهارة مجرد فكرة ثقيلة عليك تتحول إلى عادة يومية ممتعة✅ لكن 🔴 باش تنجحي في هذا الأمر لازم وعي كبير وخطة ⬇️ 📌أول عامل نجاح فيها أنو تتعرفي على المهارة  تحدديها تختاري مهارة واحدة  تدرسوها جيدا كل وحدة تقرى على إيجابياتها سلبياتها ناس جربوها من قبل وغير ذلك  📌ثاني عامل نجاح:  تحدد بوقت مثلا حبيتو مجموعة ماتخلوهاش مفتوحة لالا  قال مثلا مدة شهر نكونو اكتسبناها بإذن الله ونغلقو المجموعة ✅ 📌ثالث عامل نجاح هو ماتكونش مجموعة عجوزتي قالت  وسلافاتي عملو وماتكونش دردشة و فضفضة وخلاص لالا تحددو زمن تدخلو فيه تشاركو نتائجكم وتتغلق قال يوميا نتلاقو كامل بعد المغرب حتى 9 تاع ليل نحطو النتائج وتتغلق إن شاء الله 📌رابع عامل نجاح  هو العدد يكون جد جد جد قليل 5 أقصى شي  لانو راح تكونو مبتدئات وتدربو وحدكم ماكانش معاكم مدرب لي ينظم ويدرب ويقدم الدروس فإذا كثرتو راح تصرى فوضى وحدة تولي تڨصر والأخرى تضارب والأخرى ماتطبقش والأخرى تستهزى وتفشلو 📌خامس عامل نجاح وهو تحددو الهدف قال بعد شهر لازم نكونو كذا كذا كذا 📌سادس عامل نجاح : الكتابة، العلم صيد والكتابة قيد تديري جدول وكل يوم تشطبي وش خدمتي يساعدك هاد الأمر على تتبع النتائج 📌سابع عامل نجاح:   ماتتعلقيش عاطفيا يعني كوني عملية نحي العاطفة دخلتي من أجل اكتساب مهارة في وقت محدد يخلاص الوقت انتهى الموضوع روحي لحياتك وكملي طبقيها وحدك ماتبقايش تبكي على اطلال تلك المجموعة وماتبقايش متعلقة بشخص لازم يحفزك ولا متنوضيش وتحوسي على الناس يحفزوك لالا خلاص درتي الخطوة الأولى شجعوك وحاولو ينوضوك وديماريتي كملي طريقك مانبقاوش شاغلين رواحنا بالناس ومضيعين وقت الناس تاني، عندك هدف تتعلمي وتروحي تطبقي عمرك ماتخلي هدفك متعلق بإنسان لازم يطبعك ولا ماتكمليش خلاص طبع معاك نضتي خلاص، زين ومليح كملي 🌸وفي الأخير ماشي لازم تنجحو كامل كاين تلحق كاين مزال فالنص وكاين هذاك وين تبدأ وكاين ماتنجحش ماتستسلمش تعاود مرة أخرى عادي، لانو الفروقات الفردية تلعب دور، أهم حاجة هي التجربة بحد ذاتها: تعلمتو من بعض ، ضحكتو مع بعض  ودرتو ذكريات جميلة 🌸 ويمكن هذا التحدي يكون بداية لشيء أكبر… يمكن يفتحلكم باب لشغف جديد أو مشروع يجمعكم مع بعض المهم تبداو وماتبقاوش فنفس الحلقة تدورو ✅ أمثلة عن بعض التحديات ⬇️ : 1 تقدرو تديرو تحدي البكور صلاة الفجر الاذكار والورد اليومي ✅ 2طي الملابس بإتقان وغسلها وتخزينها اول بأول ✅ 3 رياضة محددة بمكان ما في الجسم✅ 4 روتين عناية بالنفس اليومي والاسبوعي والشهري ✅ 5 قرائة كتاب ومناقشته وتطبيق قواعده ✅ كانت معكن أم البنين 🌸وبالتوفيق ملكاتي🌹 #بيتُكِ_مملكَتُكِ_مع_أم_البنين التلغرام: https://t.me/Baytouki16 الفايسبوك: https://www.facebook.com/share/1Ub6ii4iUM/

السلام عليكم 🌸 #نصيحة_اليوم 💡 في كل بيت توجد منطقة مكركبة معمرة فوضى ⛔️ نسموها #بالمنطقة_الساخنة مثلا: تقدر تكون طاولة لي يدخل يحط فيها الاوراق لمفاتح صاك المحافظ كلشي👛🕶🌂🧤 دايما مكركبة مخلطة فيها كلش، تقدر تكون سلة فوق طاولة لي يجي يحط فيها الاب يحط مفاتح الطفل يحط فيها ساعة الام تحط فيها شارجور الاخت تحط فيها اكسسواراتها...الخ، هادي هي المنطقة الساخنة نحاولو كل يوم نعطوها من وقتنا فقط خمس دقائق نضبط الكرونو ⏰⏱مدة 5⃣ دقائق وبسرعة نقوم بفرزها كل يوم 🗑 ولحبذا منزيدوش نحطو فيها وقبل مانحطو نفكرو مليح في تعبنا اليومي معها بلي راح نفرزوها ونتعبو ونضيعو خمس دقائق يوميا علاجالها ف↩️ تلقائيا نلقاو نفسنا كل شي نروحو نحطوه في مكانه من الأول إن شاء الله ونطبقو قاعدة #ألمسها_مرة_واحدة ونتهناو من هذه المناطق الساخنة✅ #بيتُكِ_مملكَتُكِ_مع_أم_البنين التلغرام: https://t.me/Baytouki16 الفايسبوك: https://www.facebook.com/share/1Ub6ii4iUM/

📌 راكي حايرة منين تبداي تنظيم بيتك كلش فوضى 📌راكي حابة ديري برامج معينة تحددين بها مهامك وتنظفين بها بيتك 📌راكي حابة تتعلمي مهارات منزلية وتولي تخدمي بذكاء وتحافظي على وقتك وتستغليه فيما ينفع 📌راكي حابة تتعلمي تديري لكل حاجة مكانها 📌راكي حابة قواعد مضبوطة تخرجلك برنامج أكل اسبوعي وقائمة مشتريات شهرية مضبوطة. 🌸كل هذه الأمور في دورة #الملكة_النشيطة لترتيب البيوت، راح تلقاي فهاد الدورة القواعد والأساسيات تاع بيت مرتب ونظيف لي لازم كل امرأة تكون على علم بيهم ✅ تبدا دورتنا  يوم 12 جويلية ان شاء الله، التسجيلات مفتوحة والعدد محدود ✅ 📂📍الوقت والسعر والمحاور والشروط وجميع التفاصيل تواصلن معي في الخاص نرسلهالكم ان شاء الله🌸                      الخاص: @oum_elbanin

#بيتُكِ_مملكَتُكِ_مع_أم_البنين التلغرام: https://t.me/Baytouki16 الفايسبوك: https://www.facebook.com/share/1Ub6ii4iUM/

السلام عليكن ورحمة الله وبركاته ملكات👑 📍كاين نساء كي يشوفو اخت تشري بزاف منظفات يدخلو في حالة حزن 📍كاين نساء كي يشوفو اخت عندها تاويل في دارها يلحقو للإكتئاب عفانا الله 📍كاين نساء يدخلو يشوفو اليوتيوب يخرجو يدعو على ازواجهم ويبكو وفي حالة نفسية كارثية 📍كاين نساء يشوفو اخت عندها مشروعها مباشرة تبدا في المقارنة وتتفكر زوجها لي مخلاهاش وتكرهو 📍كاين نساء يشوفو بيوت اخرى يننننقهرو ويهملو بيوتهم بحجة انو بيتي ضيق ومفيهش تاويل وماشي شباب وناسية انو مسؤوليتها تتحاسب على ضياعه عند الله وكاين وكاين وكاين راح نخاطب هادي الفئة بالضبط ياأختي الطيبة اولا :لازم نرضاو بقضاء الله وقدره كل انسان مدلو راه رزقو لحكمة وكل انسان مارزقوش راه مرزقوش لحكمة قال الله تعالى: (لَا يُسْأَلُ عَمَّا يَفْعَلُ وَهُمْ يُسْأَلُونَ) ممكن نتي إذا رزقك ربي راح تطغاي فمنع عنك الشر مثل ماقال الشيخ العثيمين رحمه الله في معنى كلامه: يوجد من يصلحه الله بالفقر يبتليه فيرجع لربه ويوجد من يصلحه بالغنى يكون منحرفا اثناء فقره فيغنيه يرجع لربه ثانيا: لي رزقها ربي سواء بمال او زوج او بيت جميل او ديكور مميز او اطباق طيبة هذا ظاهرها فقط ماتعرفيش الباطن ممكن هذا عوض عوضهولها الله عز وجل تحرمت من أم أو من أب عوضها بزوج صالح او بيت واسع او مال ممكن هي تاني تتمنى الام لي عندك، تتمنى الاولاد لي عندك تتمنى راحة البال لي عندك ...تتمنى صحتك ...الخ المغزى انو شوفي للنعم لي عندك واحمدي الله عز وجل عليها وماتقارنيش المقارنة شر كبير وماتحسديش ( لاتخلو نفس من حسد الكريم يخفيه واللئيم يبديه) ثالثا حصني نفسك بالاذكار وطمني بالك وقلبك بقراءة وتدبر القرآن وهدئي نفسك بتعلم العقيدة الصحيحة ، وعن سَهْلِ بنِ سَعْدٍ السَّاعديِّ قَالَ: قَالَ رَسُول اللَّه ﷺ: لَوْ كَانَت الدُّنْيَا تَعْدِلُ عِنْدَ اللَّه جَنَاحَ بَعُوضَةٍ مَا سَقَى كَافِرًا مِنْها شَرْبَةَ مَاءٍ رواه الترمذي، وَقالَ: حديثٌ حسنٌ صحيحٌ. الهدف من وجود الإنسان في هذه الحياة هو في قول الله تعالى:{وَمَا خَلَقْتُ الْجِنَّ وَالْإِنْسَ إِلَّا لِيَعْبُدُونِ} ومعنى يعبدون يوحدون اقرئن العقيدة اخواتي لتثبتن عند الابتلاءات لذلك عمرك لاتكرهي بيتك بمجرد ماشفتي بيت اخر جميل ممكن بزاف الهناء لي في بيتك وراحة البال لي في بيتك ماتجيش ربع بيتها الجميل عمرك ماتكرهي زوجك لي مخلاكش تديري مشروعك الخير فيما اختاره الله لحكمة كبيرة ربي خلاه ينطق ب لا عمرك ماتشوفي وحدة عندها منظفات عديدة او ديكور او او او تقارني نفسك بيها لي ماعندكش ممكن راهي تلم فيهم دورو على دورو باش تفيدكم بتجربة لنفترض وحدة دارها شابة و عندها مشروعها وزوجها يحبها ومرفهة وصايبة راحة بالها عندها ڨاع هادو ايييه ومن بعد ⁉️⁉️⁉️ بصحتها و ربي يبارك في رزقها ويرزقنا خير ملي رزقها عادي جدا نرضاو بواش عندنا لأننا مسلمون ومؤمنون بأن الله هو المعطي وهو المانع سبحانه عز وجل قال الله تعالى (وفِي السَّمَاءِ رِزْقُكُمْ وَمَا تُوعَدُونَ، فَوَرَبِّ السَّمَاءِ وَالْأَرْضِ إِنَّهُ لَحَقٌّ مِثْلَ مَا أَنَّكُمْ تَنْطِقُونَ ) وفي الاخير نقولك🖌 🛑 عندك 4 حيوط بسيمان نقيهم بكل حب و ديريلهم ديكور بسيط مريح ويصبحون مملكة و اسعاي للأفضل إذا لقيتي فرصة للتطوير مانبقاوش مربعين يدينا لكن اغتنام الفرص يكون بذكاء وليس بالمقارنة و المشاكل مع أهلنا واحبابنا 🛑عندك قرعة جافال فقط زوجك ميحبش يشري منظفات غير الضروري منها ؟ نقي بالجافال والاومو النقا في الطريقة وليس في كثرة المنظفات 🛑زوجك او والدك رفض انك تدخلي في مشروع من البيت؟ حاولي باللين والود اقناعه إذا ماحبش فمتخربيش دار كامل لأنو مخلاكش دبراسو يتحمل مسؤوليتو ويكون كفء ويشريلك اللازم ويوفرهملك واذا ماوفرلك اللازم ماخلاك تتصرفي هنا الجئي لأهل العلم يشوفو مع حالته 🛑ماتضيعيش وقتك في مشاهدة روتينات فلانة وعلانة في اليوتيوب حاولي تمشي بقاعدة ناخذ ماينفعني ماشي عيب تطلعي على عدة مجالات تثقفي نفسك لكن ادي ماينفعك ماشي تضييع وقت ومقارنات وخلاص طيب غاليتي‼️‼️ 📝وختكم أم البنين ماعندها لا فيلا تطل على البحر ولا الاات كثيرة يخدموها ولاثراء فاحش ^^ هي كذلك تتعب وتعيا وتتكاسل وتدير استراحة مُحارب لكن بفضل الله تنوض وترجع، هي انسانة بسيطة فوق ماتتصورن و عِتادي بسيط جدا لكن راضية بما رزقني الله من نعم و افيد اخواتي مااستطعت و اسعى دايما للأفضل طبعا إذا وجدت الفرصة الصحيحة الشرعية أمامي اغتنمها ✅ وربي يوفقنا ويصلح قلوبنا ويعمرها بخشيته ومحبته وتقواه، وأن يعيذنا وإياكن من شرور أنفسنا وسيئات أعمالنا وأن يعيذنا من مضلات الفتن إنه ولي ذلك والقادر عليه والسلام عليكم #أم_البنين

🌸السلام عليكم🌸 #الطي_الياباني الجزء الأخير 📦🪭 طويتي حوايجك رتبتيهم الان راح تخزني، وين نحط الملابس؟ وين نحط الحقائب ووين ووين ووين ؟ نقولك تخيلي النتيجة النهائية الصورة الأخيرة لي تتمنايها تكون ثم خزني على أساسها ✅ علاش❓لأنو هذا الشي يساعد على التخزبن بطريقة مرتبة ويمد نظرة جمالية أكثر، ليوم قررت نديرو تحدي #ترتيب_الخزانة ونطبقو عليها تمرين التخيل هذا باش تفهموه اكثر إن شاء الله تبعوني وطبقن الخطوات التالية : 📌أول مرحلة لي مقراتش الأجزاء السابقة تقراها باش تفهم 📌ثاني مرحلة هي التخلص من الفوضى بطريقة جد دقيقة كما شرحت سابقا لما تتخلصي فرغي خزانتك وامسحيها مليح بمنظف الخشب ( مثلا امير الشفاف متعدد الأسطح) 📌ثالث مرحلة تشدي ورقة بيضاء ترسمي خزانتك كي تكون فارغة وتتخيليها كصورة اخيرة و تبداي تكتبي على كل رف بواش راح يتعمر مثلا مكان الاحذية وين راح تحطيهم ...الملابس تاع الموسم هذا الملابس تاع الموسم اللي فات ...الملابس المعلقة كيفاش تعلقيهم مرتفعين نحو اليمين...اذا فيها قجور وش تحطي فيهم( راجعي المنشورات السابقة) ...الحقائب وين تحطيهم ...المناشف وين تحطيهم ...الخ 📌 رابع مرحلة حددي طريقة التخزين لي راح تعتامديها اذا راح تخزني كلش عموديا كيما تحب ماري كوندو او تخزني بطريقة الكتاب العادية أفقيا اذا راح تخزني بالطريقة الأفقية العادية فأنصحك بحساب المساحة بالمسطرة باش كلش بجي متساوي ( الصورة كمثال نخليهالكم في التعليقات تقدري تحددي بقلم فوق الرف اذا معندكش الفواصل الشفافة لي في الصورة ) و تخزني ولابأس ان تستعيني ببعض المنظمات عند الضرورة 📌خامس مرحلة واخيرة تعطير الخزانة🌸 لي ترسم وتحب تشاركنا في التعليقات على الفايسبوك برسم خزانتها للاستفادة ⏬ ومع السلاااامة🌸 #بيتُكِ_مملكَتُكِ_مع_أم_البنين التلغرام: https://t.me/Baytouki16 الفايسبوك: https://www.facebook.com/share/1Ub6ii4iUM/

🌸 السلام عليكم 🌸 #الطي_الياباني الجزء الثالث اخترت لكُنّ اليوم نصائحها في توضيب  #حقيبة_السفر ونزيدلها اضافات من عندي تساعدكم إن شاء الله، قبل مانبدا حبيت نعاود نبه :  🔴 ( هادي الكاتبة هي يابانية كتابها صحيح يحث على الترتيب بتفاصيله لكن فيه اعتقادات فاسدة منافية لعقيدتنا كمسلمين مثل الامتنان للاشياء وشكرها والطاقة والملح ومعلاباليش والفرح بالاشياء وتوديعها ومدحها هاد الخرطي كامل ميجوزش وحرام انا رفدتلكم منو الزبدة فقط ووش يساعدنا كجزائريات اما الباقي ضربت بيه عرض الحائط ف اللي حبت تقرا كتاباتها حذاري لازم تكون تعرف تصفي وماشي غير معها اي كتاب اجنبي لازم تصفي منو وتعرفي وش يليق بيك كمسلمة مؤمنة ) 🧳اقراو نصائحها في الصور 🧳 نزيدلكم انا بعض الامور من عندي ⏬: 📌 كاين منظمات الحقائب يتباعو سيري لكبار تحطي فيهم الملابس، كاين كيس خاص بالاحذية، كيس خاص بالماكياج، وكيس خاص بالملابس ذات الحجم الصغير كيس للأوراق واكياس لاغراض اخرى عجبوني بزاف لكن مجربتهمش 📌اما مستحضرات التجميل كاين تاني قارورات خاصة بالسفر تحطي فيها جال دوش شمبوان صابون الوجه زيوتك كريماتك.. الخ 📌خصصي كيس لاهم آلات التجميل لي تديهم... ليسور.. سيشوار 📌ماتنسايش تخصصي علبة صغيرة مربعة الحجم لأهم الأدوية تاع البطن، تاع اولاك، تاع الضرس...تاع الراس المحرار... الخ 📌تخصصين كيس كذلك لملحقات الهاتف شارجور.. كيتمان...الخ 📌اكياس حفاظات الأولاد يدو مكان كبير فأفضل حل انك تحطيلهم حبة زوج معاك فالصاك وكي تلحقي لمكان لي سافرتي ليه وين اقامتك اشريلهم علبة أما انك تسافري بالعلبة كامل لاانصحك 📌الأغراض الخاصة بالنزهة 📌اهم المناشف الضرورية 📌قارورة بخاح فارغة مع منشفة ميكروفيبر متعددة الاسطح(تقدري تحصلي و تسحقي تعقمي فأقل شي تخلطي ماء وجافال وتمسحي) 📌نفضل لفاليزات على لكابات لانهم عمليين مساحتهم مربعة و بالعجلات مريحين 📌الاوراق الضرورية والمال الهاتف في حقيبتك اليدوية👜 🌷من الأفضل الكبار حقيبتهم وحدهم والصغار حقيبتهم وحدهم لانو الصغار يحبو يرفدو العاب، بعض القصص... الخ🌷 وهكذا تكوني كملتي فاليزتك وننصحكم دااااائما بالورقة والقلم اكتبي كلش باش ماتنساي والو ان شاء الله ورحلة ممتعة نتلاقاو في الجزء الرابع والأخير  ان شاء الله🌸 #يُتبع... #بيتُكِ_مملكَتُكِ_مع_أم_البنين التلغرام: https://t.me/Baytouki16 الفايسبوك: https://www.facebook.com/share/1Ub6ii4iUM/

السلام عليكم🌸 الجزء الثاني #عند_العودة_من_البحر بعدما نولو من البحر الحاجة الاولى لي نديروها ومفروغ منها هي ⛱ تشللي وش تقدري قبل ماتطلعي في السيارة 🏖كي تلحقي للدار تلقاي الباسينات لي حطيتيهم قبل ماتخرجي تحطي فيهم وش قلتلكم في الجزء الأول و يجوزو افراد الاسرة مباشرة للدوش و لباقي في الرواق يستناو ، اكبر غلطة تديروها هي انكم تبقاو تدورو فالدار كامل راح تتعمر رمل ابقاو فمكان محدد حتى كلكم تكملو الدوش كي يكملو اكنسي الرمل جيداااا وادخلي للدوش نحي الرمل من الاحذية اولا اغسليهم وحطيه فلباسينة يقطرو ثم الألعاب وحطيه يقطرو واخيرا الملابس والمناشف انا نشللهم تحت الحنفية مليح مليح من الرمل تماما يتنقاو ثم نعصر ونرمي فلماشينة نكون عيانة جدا مانقدر نغسلهم بيدي صراحة 🏖نظفي الدوش جيدا من الرمل وخااااصة المجيرية اذا بقى فبها الرمل تقدر تدير الدود أو تتبوشالك، لذلك حاولي كي تكوني فالبحر انفضي قدر المستطاع الرمل 🏖تكمل الماشينة فوضي المهمة لاحد أفراد الأسرة ينشر القش 🏖روحي للمطبخ اذا قدرتي تغسلي اواني لي ديتيهم معاك اذا مقدرتيش نحيلهم الماكلة جيدا وخليهم يباتو وغد من داك اغسليهم المهم سطح العمل والطاولة تبات نقية ومعقمة والأرض مكنوسة جيدا ( الأرضية على الصباح تنوضي سيقيها جيدا والقش الناشف لي تدخليه من الحبل انفضيه مليح قبل ماتدخليه خاطر الرمل يلصق ولهذا نصحتكم انو ملابس البحر يكونو بلا جيوووب) 🏖واخييييرا النوم وتباتو تحلمو بالموجة ترفد فيكم وبصحتكم التبحيرة 🎉 #بيتُكِ_مملكَتُكِ_مع_أم_البنين التلغرام: https://t.me/Baytouki16 الفايسبوك: https://www.facebook.com/share/1Ub6ii4iUM/