👑بيتُكٍ مملكتُك مع أم البنين 👑

السلام عليكم 🌸 هاد الأكياس يغلفو بيهم الصحون وفيهم لاستيك فليكوتي 👍 الكيس  هذا فيه بزااااااااف يدير خمسة وعشرينالف تغلفي وترمي، بديل الغلاف الشفاف ، وتقدري اذا غطيتي حاجة نقية تعاودي تغسليه وينشف وتغطي بيه أخرى حتى يتقطع عادي جدا ، هايلين عجبوني عمليين ✅ #بيتُكِ_مملكَتُكِ_مع_أم_البنين التلغرام: https://t.me/Baytouki16 الفايسبوك: https://www.facebook.com/share/1Ub6ii4iUM/

السلام عليكم🌸 عساكن بخير ملكات❓ راح ندير تحدي تنظيف مجاني على صفحتي في الفايسبوك ان شاء الله لي تحب تبدا معناهذا الرابط ⏬   https://www.facebook.com/share/1Ub6ii4iUM/ وبالمناسبة #دورة_الملكة_النشيطة راح تبدا الدفعة 17 يوم 09 اوت ان شاء الله، اغتنمن الفرصة لتنظيم بيتك قبل الدخول المدرسي ان شاء الله 🌸 لي تحب تشوف تفاصيل الدورة تدخل هنا ⏬ ​📩 المقاعد محدودة🌸 تفاصيل دورة الملكة النشيطة تلقاوها على هذا الرابط ⬇️ https://t.me/Baytouki16/426 أما بالنسبة لتفاصيل التسجيل تواصلن معي على الخاص @oum_elbanin

السلام عليكم☕️ مساء الأنوار 🌸 🔴من طرائف التسجيل في دورة الملكة النشيطة  ^^ 🔴 شهر كامل و ام البنين تنشر انو دورة الملكة النشيطة التسجيلات مفتوحة فيها ✅ وتنتهي بإنتهاء المقاعد وتبدأ في تاريخ كذا وتخلاص كذا وشروطها فالخاص كذا وكذا... لكن قبل ماتبدا الدورة بيوم واحد ليلتها يطيحو الرسائل كي شتا 💦🚿ياأم البنين والله ماشفت الإعلان فضلا غدوا صباح نروح لابوسط ياأم البنين راني فلابوسط اصبري عليا ( هادي على 3 تاع عشية مسكينة^^ ) ياأم البنين من فضلك لازم ندخل لانو عندي ظرف شهور الجاية منقدرش ياأم البنين دوك دوك نبعتلك من فضلك نبعت؟؟( هادي على 11تاع ليل) ( كاين لي تدي الحساب متهدرش معاك شهر تفاشيك من بعد تبعت ديك ليلة وتقولي تفضلي الوصل  كي شغل تحطني زعما في الأمر الواقع ^^ ) مالا راني اعيد واكرر ياناس ياملكات يانشييطات يافحلات🎉 الدورة راح تبدأ يوم 09 اوت إن شاء الله 🌹 المقاعد محدودة وكي يخلاصو مستحيل نزيد نشد مانقدرش نخدم فضغط ماتحرجونيش في آخر ليلة فضلا عزيزات ✅ والحاضر يعلم الغائب 📞🛎 باينين كنتو فقرايتكم تخلو الليلة الأخيرة وتحفظو ^^ ⏳🔨 ساعة وساعة 🌹 تفاصيل دورة الملكة النشيطة تلقاوها على هذا الرابط ⬇️ https://t.me/Baytouki16/426 أما بالنسبة لتفاصيل التسجيل تواصلن معي على الخاص @oum_elbanin

🌸السلام عليكم 🌸عساكن بخير حال 🌹 نظرية باريتو 80%=20% شكون هو باريتو❓ كيفاش مبدأ باريتو هذا❓ كيفاش نطبقو هاد المبدأ على تنظيم بيتنا ❓ 📌باريتو اقتصادي ايطالي في سنوات مضت لاحظ انو 80 بالمئة من ثروة ايطاليا كانت مملوكة ل 20بالمئة من السكان هنا ضربتلو في راسو يعني انو 80% من النتائج تجي من 20% من الجهود يعني نركزو على اصغر و اهم المهام التي تحقق أعظم النتائج بدلا من تضييع الوقت على أعمال كثيرة تتتعبي وتجري من ومن ومايبان والو واحيانا غير ضرورية اصلا وبداو الناس يطبقوها في عدة مجالات مثلا : -زعما في العمل : تعسي العمال لي شاطرين لي 20 بالمئة يقدرو يحققو نجاحات كبيرة لشركتك مثلا و تحاولي تهتمي بيهم تحفزيهم وتطوريهم أكثر طبعا بلا ماننساو الآخرين بدلا تبقاي تجري عليهم كامل -في حل المشكلات: بدلا من التفكير بكلش حتى تخرجي على الموضوع ركزي على اهم النقاط 20 بلمية لي سببتلك اغلب المشاكل واعملي على حلها اولا ثم البقية -حتى في الميزانية تقدر 20بلمئة من التهور والشراء العشوائي تخسرلك 80 بلمية من الشهرية كامل، جربي اضبطي 20 بلمية هاديك إن شاء الله باش تكون نتائج أفضل إن شاء الله كيفاش تطبقيها ❓ اولا اعتمدي الكتابة لازم الكتابة( اكتبي وين جات ماديريش سبة بدفتر جديد) ثم حددي المهام لي فيومك كامل واكتبيها (تنظيف، طبخ، عمل، دراسة، رعاية الأطفال...) وخرجي منما أهم 20% من هذه الأعمال التي تُعطي أفضل نتائج👍 مثال: الطبخ الصحي، متابعة دروس الأطفال، إتمام الروتين الصباحي على أكمل وجه...هادي 20بلمية تركزي جهدك ووقتك على هذه المهام المهمة أولًا ثم الباقي لي هو مثلا ڨصرة...خرجة..ترقيع ملابس...فرز ايليمو... ونتي طبعا ادرى بنفسك وشنو هي الأعمال المهمة جدا في يومك. وبالتالي متبقايش تدوري فالفارغ وحتى وتعبتي الصح كامل تكوني خدمتيه 🌹 🔴وماشي لازم تكون هاد النسب المضبوطة ماهيش علوم دقيقة تقدر تكون 90% و 10% مثلا،الضابط هو انو تركزي على جزء صغير من الأسباب تخدمي عليه وهاد الخدمة بإذن الله تؤدي إلى جزء اكبر من النتائج الجيدة ✅ 📌كيفاش تنطبق هذه القاعدة على البيت❓ هنا نخليكم نتوما فالتعليقات لي تمدو الأمثلة هيا ملكات👑 📍ملاحظة ⬇️ هذه نظرية من نظريات إدارة الوقت لي تقدر تكون سبب أنها تنقص عليك بزاف جهد وتربحي وقت بإذن الله لكن ماشي تعتامدي عليها مئة بالمئة في التنظيم ، انا هذه النظرية تبانلي انها تساعد اكثر لي ماعندهمش برنامج معين تساعدهم شوية على الانجاز خيرمن ماينجزو والو ، لانو التنظيم لازملو خطة وبرامج تمشي عليهم ومهارات تطبقيهم ،وبالتوفييييق ✅ 🌹 #بيتُكِ_مملكَتُكِ_مع_أم_البنين التلغرام: https://t.me/Baytouki16 الفايسبوك: https://www.facebook.com/share/1Ub6ii4iUM/

🌸دورة الملكة النشيطة لتنظيم البيوت الدفعة 17 تبدأ يوم 09 اوت ان شاء الله التسجيلات مفتوحة والأماكن محدودة 🌸

🛎🛎🛎إعلاااان 🎊 الملكة النشيطة في دفعتها 17 اللهم بارك 🎊 هل تشعرين أحياناً أن الفوضى تضغطك و تسرق هدوءك؟ هل تشعرين أن كثرة المسؤوليات تجعلك تركضين طوال اليوم دون إحساس بالإنجاز؟ هل تشعرين ان منزلك يحتاج فقط إلى لمسات تنظيم ذكية ليصبح أكثر راحة وجمالاً؟ كم من برنامح يصعب عليك تطبيقه؟ لكن قد يكون الحل أمامنا لكن تصعب رؤيته . وقد يكون الخطأ منا لكن لم ننتبه له. وقد تكون عاداتنا اليومية سببا في إحداث الفوضى دون أن نشعر. وربما قد تكون هناك أسباب أخرى، خفية أو ظاهرة، لكن صعب علينا علاجها والقضاء عليها. 🌷 بكل حب عدت إليكن مجددا بدورة الملكة النشيطة لتنظيم البيوت بمحتوى عملي يساعدك على تحويل منزلك إلى مساحة مريحة ومنظمة تبعث على الراحة والهدوء بإذن الله. حان الوقت أن تتعلمي خطوات عملية وبسيطة لتنظيم منزلك بطريقة مستدامة، توفر عليكِ الوقت والجهد، وتمنحك شعورًا بالراحة والسعادة. 💡 هذه الدورة تساعدك على صناعة بيئة تمنحكِ راحة نفسية 💐 يُسعدني أن أرافقكِ في هذه الرحلة نحو منزل أكثر تنظيماً، وحياة أكثر راحة وعطاءً. ​📩 المقاعد محدودة، للاستفسار عن تفاصيل الدورة وحجز مقعدكِ الملكي 👑 تواصلي معنا عبر الخاص ⏬ @oum_elbanin #شهادات_المتدربات_في_الدفعات_السابقة_اطلعي_عليها ⏬⏬⏬ https://t.me/Baytouki16/61?single

السلام عليكم🌹 🔴كيفاش ندير تنظيف لغسالة الملابس تاعي ووعلاش راهي تطلقلي ريحة مزعجة❓❓ تنظيف الغسالة هو روتين ضروري للحفاظ عليها وعلى كفاءتها. 📌اول شي تديري منتج خاص بتنظيف الغسالات،وتشغيلها في برنامج الغسيل الذاتي ( nettoyage de la cuve او nettoyage tambour 📌الخطوة الثانية كي تكمل غسلتها تنحي لابريز وتبداي تنقي في ملحقاتها درج السائل تنحيه تغسليه تنحي الفلتر تنظفيه جيدا عادة يجي اسفل الغسالة او في وسط الحوض تنقي تحت الجوان جيدا وتستعملي فهادو منشفة ميكروفيبر مع فرشاة اسنان مخصصة للتنظيف وتستعملي منتج متعدد اسطح بعدها تنظفي الهيكل الخارجي جيدا بمنشفة ومنظف اختاري متعدد اسطح يكون يمسح المادة لي مصنوعة منها غسالتك وخلاص مثلا eya clean🌹 ❓ كم مرة يجب تنظيفها؟ شهريًا لازم تنقيها وإذا بعد كل هاد الخطوات وبقات ريحة كريهة هنا تكون حاجة او اوساخ حاصلين لداخل وتعفنو لازم تتفتح وهذا دور الخدام المختص في هاد الأمور✔️ 🔴نصائح ⬇️ 📌ماتنسايش بعد كل غسلة تخلي بابها مفتوح 📌بعد ماتغسلي الملابس في نفس الدقيقة لي تحبس تنحي ملابسك تنشريهم، ماتتعطليش عليهم لانو كي تخليهم بزاف لداخل بعد الغسيل كي يتنشرو وينشفو يديرو ريحة كريهة 📌ماتحليش الباب ولابريز راكبة وتدخلي يدك حذاري خط/ر كهرباء 📌بين كل غسلة وغسلة خليها على الأقل ترتاح 20 دقيقة حتى لنصف ساعة 📌 📌ماتعمريهاش بالقش وتبقاي تعبزي بيدك وتعمريها بلقش تخسريلها الموتور تاعها و ماتخليش القش يدور الاز وبالتالي يخرج القش ماشي نقي 📌باش تنقيلك القش جيدا كي يلحق للنصف ولا فوق نصف شوية حبسي ماتعمريهاش للفوق بالقش ودخليه ناشف ماشي مشمخ وماتحاوليش تقلصي الحجم تاعو ارمي فيه اللباس بحجمه الطبيعي كي يكون ناشف 📌ماتكثري ماتقللي المنظف اتبعي توجيهات قارورة سائل الملابس لي يكون عندك يكتبولك لادوز مور القارورة وماتديريش فبالك اذا زودتي السائل راح يتنقاو مليح لالا بل راح يصرا ترسبات وتعفنات داخل الغسالة فقط 📌ماتستعمليش منظفات أخرى لي ماتكونش مناسبة للغسالة ❌ وبالمناسبة سيدو الوردي مزيل البقع مكتوب فيه عادي يستعمل داخل الغسالات✅ 📌الغسالة الأوتوماتيكية عندها سائل خاص بها و والغسالة النصف أوتوماتيكية عندها بودرة خاصة بيها او سائل خاص بها ماتخلطوش الأمور وهاد شي كامل راح تلقاوه في علب او قارورات المنظفات لي تشروهم لازم نقراو اي منتج نشروه مليح 📌لي عندهم الكالكاغ فالماء يركبو فيلتر ( سقسو البلومبي يشرحلكم هاد النقطة )👍 #بيتُكِ_مملكَتُكِ_مع_أم_البنين التلغرام: https://t.me/Baytouki16 الفايسبوك: https://www.facebook.com/share/1Ub6ii4iUM/