👑بيتُكٍ مملكتُك مع أم البنين 👑

السلام عليكم ملكات 👑 صفايات الحوض هايلين ديروهم في حوض المطبخ 💯 في الدوش💯 روعة اي شي يصفوه وميخلوهش يهبط ننصحكم بيهم كاين اينوكس راني بيهم روعة وكاين بلاستيك هايلين فقط لازم الاعتناء باش ميتوسخوش وكاين سيليكون السيليكون ماعجبونيش ولا انا معرفتش نديرهم مفهمتش المهم رميتهم وخلاص المهم كل ليلة كي تكملو روتينكن الليلي اغسلوهم مليح وعقموهم وخلوهم ينشفو وركبوهم هكذا يوميا، باش تحافظو على نظافتهم👍💯✅ ملاحظة⛔️ كاينين بالاحجام حسب حوضكم #بيتُكِ_مملكَتُكِ_مع_أم_البنين التلغرام: https://t.me/Baytouki16 الفايسبوك: https://www.facebook.com/share/1Ub6ii4iUM/

#بيتُكِ_مملكَتُكِ_مع_أم_البنين التلغرام: https://t.me/Baytouki16 الفايسبوك: https://www.facebook.com/share/1Ub6ii4iUM/ الخاص : @oum_elbanin

السلام عليكم 🌸 #تجربتي_مع... جال جافال رغوي من ماركة bref راااائع ✅ ماعندي مانقول فيه اللهم بارك الحمامات يخرجهم بيوضا بيوووضا يششششعلو وسيقت بيه الارضية ينقي روعة وريحتو ماشي قاسحة تاع نقا تهبل عندي ملاحظة وحدة فقط القارورة ليست عملية لازم تفرغي بالبوشون باش ماتبذروش ماعدا هذا هاااايل اللهم بارك 👍👍✅✅ #بيتُكِ_مملكَتُكِ_مع_أم_البنين التلغرام: https://t.me/Baytouki16 الفايسبوك: https://www.facebook.com/share/1Ub6ii4iUM/ #أم_البنين

#كوني_ملكة_واعية✅ قرعة خل مالت في الثلاجة و ساحت هاديك دقيقة تتمسح تمسحي بمنشفة وتوقفيها علاش تخليها حتى تلصق ويصعب عليك تنظيفها وتاخذ من وقتك وجهدك❓ 4 تريكوات وزوج سراول و 2 سرابت نشفو علاش ماطويتيهمش حتى ولالك جبل و دارلك ضغط نفسي وولادك كرفصوهولك و راجلك انتقدك وخذيتي ساعة في الطي ❓ بقعة في قشك 5 دقائق ونتي نضتي حكيتيها علاش حتى خليتيها ووليتي تحوسي فالصفحات على اقوى الخلطات ❓ تغديتو وساح لفتات علاش مكنستيش مور الفطور في 5 دقائق حتى داولك في رجليهم لفتات للفراش ووليتي تعاني من الحشرات ووليتي تسيقي فكامل الدنيا وتغيري فلفراش ❓ ماهي إلا لحظااات تفورصي فيها روحك وتخدمي هاداك الشغل في دقائق وتربحي راحتك النفسية والجسدية خيرمن تأجليه وتسوفي و يتراكم وتولي في جهد وعمل مضااااعف وحتى نفسيا دايما يبقى فراسك ومقلقة ومضغوطة بيه، راه يستناك العمل يستناك ماكانش لي يديرو في مكانك لذلك فكري مليح مع نفسك وكوني واعية انو تخدميه في 5 دقائق افضل بكثير من أنك تخدميه في ساعة وبجهد مضاعف ✅ إذن ❓: نعاودو نشف القش اطويه وخبيه ^^ فتات الخبز اكنسيه ^^ تابي معوج سڨميه ^^ طاشا تريكو نوضي حكيه^^ ولي تحاول تقنع روحها وتقولك نلم ونوض للماعن على ضربة...نلم ونخلي لقش على ضربة...نخلي تسياق دار بلويكاند على ضربة هنا نقولك عمرو لاكان التأجيل مليح في اي مجال وعمرها ماكانت التراكمات مليحة في اي مجال ✅ تسڨميها هاداك نهار تنقيها هاداك النهار تخرجي بظهر يوجع شعر طالع مهام اخرى مهمة ضاعت في بيتك و كون غير تبقى تجوز يومين تلقايها رجعت وتلقاي روحك تعيطي وتلومي لانك تعبتي وخسروها فرفقا بنفسك🌹 أسأل الله أن يرزقني وإياكن الصحة والعافية 🌸 #بيتُكِ_مملكَتُكِ_مع_أم_البنين التلغرام: https://t.me/Baytouki16 الفايسبوك: https://www.facebook.com/share/1Ub6ii4iUM/

فضل الصلاة على النبي  ﷺ ليلة ويوم الجمعة قَال الشَّيخ ابنُ عُثَيمِين -رَحمَه اللّٰه- : « مِن حَقِّ النَّبي -صَلّىٰ اللّٰه عَليهِ وسَلَّم- أن تُكثِر مِن الصَّلاة والسَّلام عَليه، وهُو ليسَ بِحَاجة إلىٰ صَلاتِك وسَلامِك، لكنَّك أنتَ بِحاجَة إلىٰ أجرِ هَذه الصَّلاة والسَّلام؛ لأنَّك إذَا صَليتَ علىٰ الرَّسُول -صَلىٰ اللّٰه عَليه وسلَّم- مَرة وَاحِدة صَلىٰ اللّٰه عَليك بِها عَشرًا ». [شَرحُ رِيَاض الصَّالِحين (٥/ ١٧٥)] ═════ 🍃🌸🍃 ═════

السلام عليكم 🌸 #تجربتي_مع... جال نظيف من ماركة aigle النسر صورته تدل على انه قاااسح ^^ كي رفدتو بانلي كيما النظاف خوفني شوية لكن قلت نجربو معليش،  بصح لقيتو هاااايل 🎉 ريحتو خفييييفة ونظيفة جدا ريحة النقا 🚿 ، وجاي جال خفيف رغوي ، قارورته عملية نحب القارورات لي يفرغو بشوية فقط نقدرو نتحكمو فيهم 🧴 هايل عجبني فيه 1 لتر نظف بيه المرحاض أعزكن الله بشكل يومي ينقيه مليح 🚽 وسيقت بيه يدير رغيوة🧼 لكن ميخليش الأرضيات مضببة لالا ينقيها مليح عجبني ✅ سعره:210دج وحدوعشرينالف #بيتُكِ_مملكَتُكِ_مع_أم_البنين التلغرام: https://t.me/Baytouki16 الفايسبوك: https://www.facebook.com/share/1Ub6ii4iUM/ #أم_البنين

#تجوبتي_مع... هادي لاڨام évasion من ماركة l'orage وحدة تنسيك في وحدة جربت الزرقاء والوردي والخضراء قمة الله يبارك🔵🟢🌸 يادرا البقية ونتوما وش جربتو❓ #بيتُكِ_مملكَتُكِ_مع_أم_البنين التلغرام: https://t.me/Baytouki16 الفايسبوك: https://www.facebook.com/share/1Ub6ii4iUM/ #أم_البنين