د ريهام أحمد| رفقة آمنة

عن محتوى الورشة للى محضرش

الموعد اليوم في الثامنة بتوقيت القاهرة رابط اللقاء: https://meet.google.com/exn-mifv-arw

“أنا عارفة المفروض أعمل إيه… بس مش بعمله” لو الجملة دي شبهك، فالموضوع مش كسل زي ما بتقولي لنفسك التسويف أحيانًا بيكون: هروب من إحساس تقيل ضغط زيادة عن القدرة أو خوف من الغلط حتى لو مش واضح في الورشة دي هنتكلم عن: - ليه بنسوّف فعلًا (مش التفسيرات السطحية) - إزاي الضغط والقلق بيخلوا البداية صعبة - ليه بنستنى “المود المناسب” ومبيجيش - طرق بسيطة تساعدك تبدأي حتى لو مش جاهزة - إزاي تخرجي من دايرة: تأجيل → ضغط → ذنب الورشة مناسبة لو: - بتأجلي حاجات مهمة بشكل متكرر - بتحسي إن عندك طاقة بس مش عارفة تبدئي - بتجلدي نفسك بعد كل مرة تأجيل - عندك أهداف… بس التنفيذ واقف الهدف مش إنك تضغطي على نفسك أكتر لكن إنك تفهمي اللي بيحصل… وتتحركي خطوة خطوة 📍 أونلاين الموعد الاربع القادم الساعة ٨ ونص مساءا --- ورشة "نحو فهم عميق للتسويف" مع د. ريهام أحمد Wednesday, May 6 • 8:30 – 10:30 PM Google Meet joining info Video call link: https://meet.google.com/exn-mifv-arw لينك جروب الواتس https://chat.whatsapp.com/ErOII9irrdv1bTbqDeg0so?mode=gi_t مش محتاجة تبقي مثالية علشان تبدأي محتاجة تبدأي بس ❤️❤️

سلسلة أخطاء التفكير (1) التفكير الأبيض والأسود في لحظات معينة… العقل بيقفل على فكرة واحدة قاسية جدًا: “أنا فشلت” “أنا مش شاطرة” “خلاص كله باظ” مش بنفكر فيها بنصدقها فورًا — اللي لاحظته إن ده مش مجرد “تفكير غلط” ده جزء جوا الشخص… مش مستحمل الإحساس اللي في النص الإحساس اللي فيه: أنا حاولت… بس مش كاملة أنا كويسة في حتة… ومقصّرة في حتة المنطقة دي بتستفز حاجة أعمق: خوف قديم إن قيمتي مرتبطة إني أكون “مظبوطة كلها” — فالجزء ده بيعمل حاجة حادة: يا يرفع السقف جدًا (لازم أبقى perfect) يا يوقعه خالص (أنا فاشلة) مفيش مساحة تعيشي فيها كإنسانة عادية — خليني أربطها بمثال بسيط: في الانتخابات اللي بيكسب… مش اللي أخد كل الأصوات لكن اللي جمع “أغلب” الأصوات مفيش مرشح بيكسب 100% ومع ذلك بيكسب — نفس الفكرة في حياتنا إنتي مش محتاجة تبقي perfect في كل أدوارك عشان تبقي “ناجحة” كفاية إنك: ماشية بشكل كويس في أغلبهم وبالتوازي — تخيلي أدوارك زي أتوبيس وكل دور ليه سواق مرة الشغل هو اللي سايق مرة الأمومة مرة صحتك مرة علاقتك بنفسك المشكلة مش إن دور يسوق المشكلة إن دور واحد يفضل سايق طول الوقت… لحد ما ينهكك ساعتها… ممكن تقولي له: “اركن شوية… وخلي غيرك يسوق” — بس خليني أرجع للنقطة الأصعب: ليه عقلنا بيرفض ده؟ لأن في جزء جواك مقتنع إن: لو سبتّي مساحة “عدم كمال” ممكن تفلتي أو تقلّي أو تتكسري — جربي التمرين ده بصدق: لما ييجي الحكم: “أنا فشلت” اكتبيه زي ما هو وبعدين اكتبي: “في جزء جوايا بيقول كده” اسألي الجزء ده: إنت شايف إني خسرت “كل الأصوات”؟ ولا في حاجات اتحسبتلي فعلًا؟ (هنا بقى بيبدأ يهدى شوية) بصّي على حياتك كأنها انتخابات: أنا واخدة كام “صوت” دلوقتي؟ حتى لو مش كاملة: اشتغلتي رغم التعب حاولتي في علاقتك اهتميتي بحاجة صغيرة في نفسك دي “أصوات” مش صفر — السؤال الأهم: إيه الدور اللي سايق بزيادة ومرهقني؟ وإيه الدور التاني اللي ممكن ياخد مكانه شوية؟ اعملي تبديل بسيط… مش انقلاب — خطوة صغيرة جدًا: مش عايزين نكسب كل الأصوات عايزين نزود صوت واحد بس — الحقيقة المؤلمة شوية: إنتي مش بتتعبي عشان قصّرتي إنتي بتتعبي عشان في جزء جواك حاسبك بنظام “يا كل حاجة يا ولا حاجة” — بس الحياة مش كده ولا الشغل ولا العلاقات كلهم شغالين بنظام: “أغلب الوقت كويس… يكفي” — التفكير الأبيض والأسود بيقولك: يا تبقي كاملة… يا تبقي ولا حاجة بس الواقع بيقول: اللي بيكمل… هو اللي بيكسب

في الأيام اللي بنسمع فيها أخبار صادمة… ممكن نحس إن في حاجة اتقلبت جوانا توتر، خوف، لخبطة… أو حتى ثقل مش مفهوم وده طبيعي لأن جهازنا العصبي بيتعامل مع الحدث كأنه “إنذار خطر” في الحالة دي تفكيرنا بيضيق ومشاعرنا بتعلى وأحيانًا بنحس إن مفيش مخرج علشان كده قبل ما نحاول نحل كل حاجة محتاجين نهدّي جسمنا الأول 📌 الصورة دي فيها طرق بسيطة تساعدك ترجّعي إحساس الأمان لجسمك زي: - تبدأي يومك بهدوء بدل الزحمة والموبايل - تاخدي لحظات راحة حقيقية خلال اليوم - تعملي تمارين بسيطة تربطك بالواقع - تجهزي لنفسك روتين يهدّي جسمك قبل النوم الحاجات دي مش رفاهية دي خطوات أساسية علشان جهازك العصبي يهدى وساعتها بس تقدري تفكري بشكل أوضح ولو حاسة إن اللي جواكي تقيل أو أفكارك بقت مخيفة متحمليش ده لوحدك كلمي حد تثقي فيه أو متخصص يقدر يساعدك تعدّي المرحلة دي بأمان ولو إنتِ أو حد تعرفيه بيمر بأفكار مؤذية أو صعبة في دعم متاح تواصلي معاه: 📞 16328 الخط الساخن للأمانة العامة للصحة النفسية دعم مجاني وسري على مدار 24 ساعة 🤍 في دعم 🤍 وفي طرق تخلّي الإحساس ده يخف خطوة خطوة Dr Riham Ahmad

ما تخافينه… هو احتياج غير مُلبّى أحيانًا الخوف اللي جواكِ مش عيب فيكِ ولا ضعف… هو رسالة. 📌 لو بتخافي من: الهجر الرفض الفشل التغيير الوحدة حكم الآخرين 💡 فغالبًا احتياجك الحقيقي هو: الاتصال الحب النجاح الاستقرار الرفقة القبول ⚠️ لكن لما الاحتياج ده ما يتلبيش، ممكن يظهر في شكل: تعلق مرضي إرضاء الآخرين على حساب نفسك تجنب تجربة أي حاجة جديدة إحساس إنك واقفة مكانك الاستمرار في علاقات مش مُشبِعة التأثر الزائد بآراء الناس 🌱 الحل الصحي: تعلّمي تهدي نفسك وتنظمي مشاعرك ابني علاقات فيها توازن، مش اعتماد كامل اسمعي لنفسك وحددي هويتك الحقيقية قسّمي أهدافك لخطوات صغيرة استمتعي بوقتك مع نفسك اتحرري من ضغط آراء الآخرين ✨ الخوف مش عدوك… هو مؤشر بيقولك: "في حاجة جواك محتاجة تتشاف وتتهتم بيها" — Dr Riham Ahmad

--- مشكلتك مش فيك… دي طريقة جهازك العصبي بيتعلم بيها لو حاسة إنك: بتتوتر بسرعة بتبالغي في رد الفعل أو بتتعبي من غير سبب واضح فالموضوع مش ضعف… الموضوع إن جهازك العصبي اتبرمج يفضل في وضع “الخطر”. كأن عندك إنذار بيتشغل قبل ما في خطر أصلاً والحل مش إنك “تبطليه”… الحل إنك تعلمي جسمك يعني إيه أمان من تاني --- عادة واحدة بس هتبدأي بيها (مش 9) اختاري واحدة من دول حسب مشكلتك: --- لو دماغك مش بيهدى ودايمًا مستعجلة جربي: الإبطاء المتعمد بدل ما تسرعي: كلي أبطأ امشي أبطأ خدي 3 أنفاس قبل أي رد إنتي كده بترجعي نفسك للحظة الحالية بدل الجري ورا القلق 😍😍 --- لو بتفصلي عن نفسك ومش فاهمة إنتي حاسة بإيه جربي: Check-in بسيط مع نفسك اسألي نفسك 3 مرات في اليوم: أنا حاسة بإيه؟ فين التوتر في جسمي؟ من غير ما تغيري حاجة… بس لاحظي ...... احنا مش بنحارب الشعور… بنفهمه🤗🤗 --- لو بتتهزي جدًا مع أي موقف (Triggers) جربي: خطة طوارئ مسبقة اعملي قائمة قبل ما يحصل الموقف: أغسل وشي بمياه ساقعة أكتب اللي حاسة بيه أكلم حد آمن انت هنا بتتصرفي بوعي مش برد فعل تلقائي 🤩🤩🤩 --- لو عندك قلق قبل النوم أو هروب بالموبايل جربي: إغلاق اليوم بشكل واعي قبل النوم: اكتبي 3 حاجات كويسة حصلت أو اعملي استرخاء عضلي بسيط هنا جسمك بيتعلم إن في نهاية آمنة لليوم 👌👌👌 --- المهم بقى (وده الفرق الحقيقي) متعمليش كل ده مرة واحدة اختاري: عادة واحدة بس واستمرّي عليها أسبوعين لو عملتي كده جهازك العصبي هيبدأ يصدق إنك آمنة… مش بس يسمع كلام نظري --- لو هديكي رأيي كطبيبة لنفسك قبل أي حد أكتر عادة هتفرق مع معظم الناس: > الإبطاء + ملاحظة الجسد دول أساس أي شغل بعد كده ومن غيرهم، كل التكنيكات بتبقى سطحية #from_anxiety_to_safty ---

إزاي علاقتك بجسمك بتأثر عليك؟ خلينا نبص عليها بصدق: 😞 علاقة سلبية (كره الجسم) نقد مستمر لنفسك إحساس دائم بعدم الرضا تجنب المرايا أو الصور أكل مضطرب أو جلد ذات 😐 علاقة محايدة بتشوفي جسمك زي ما هو… بدون حكم بتتعاملِي معاه كوسيلة تعيشِي بيها، مش مجرد شكل فيه مساحة هدوء بدل الصراع 😊 علاقة إيجابية (حب الجسم) تقدير وامتنان اهتمام ورعاية قبول الاختلافات مش لازم توصلي لحب كامل فورًا أحيانًا الحياد هو خطوة شجاعة جدًا --- تمرين: “تقييم بدون جلد ذات” اعملي جدول 3 أعمدة: مواقف بانتقد فيها جسمي مواقف بتعامل معاه بحياد مواقف بقدّره فيها وبعد ما تكمّلي… اسألي نفسك: مين اللي لاحظ كل ده؟ وجاوبّي: 👉 “في جزء جوايا بيلاحظ كل الحالات دي” --- الهدف من التمرين: تكتشفي إن الصورة مش سودا بالكامل تشوفي المساحات المحايدة والإيجابية اللي غالبًا بنتجاهلها تبدأي تفصلي بين “أفكارك عن جسمك” و”أنتِ كشخص” وده أول طريق التغيير الحقيقي #from_body_shaming_to_gratitude #Dr_Riham_Ahmad

:رابط اللقاء Sunday, Mar 1 • 9:00 – 11:00 PM Google Meet joining info Video call link: https://meet.google.com/aor-fpoy-otz

موعدنا اليوم ❤️❤️

:رابط اللقاء Sunday, Mar 1 • 9:00 – 11:00 PM Google Meet joining info Video call link: https://meet.google.com/aor-fpoy-otz

لينك اللقاء Sunday, Mar 1 • 9:00 – 11:00 PM Google Meet joining info Video call link: https://meet.google.com/aor-fpoy-otz

ورشة الأكل الواعي: كفاية صراع مع الأكل لو بتبدئي يومك ناوية تلتزمي… وبالليل تلاقي نفسك قدام التلاجة بتحاولي تهدي إحساس مش واضحة معالمه لو جربتي دايت كتير… وكل مرة ترجعي لنقطة الصفر لو بينك وبين الأكل علاقة فيها ذنب، جلد ذات، ووعود بتتكسر الورشة دي معمولة ليكي. في الورشة هنتكلم عن: • ليه الحرمان بيودينا للنهم • إزاي نفرّق بين الجوع الحقيقي والجوع العاطفي • ليه مفيش أكل “شرير” أو “ممنوع” • إزاي نتعامل مع التوتر والمشاعر من غير ما نهرب للأكل • أول خطوة عملية لبناء علاقة متوازنة مع جسمك دي مش ورشة دايت ودي مش محاضرة تنظير دي بداية فهم حقيقي لجسمك… وطريقة عملية تقدري تطبقيها من نفس اليوم. مناسبة ليكي لو: بتدخلي في دايرة حرمان ونهم عندك إحساس دائم بالذنب بعد الأكل مش عارفة تسمعي إشارات جسمك تعبتي من الصراع الداخلي حوالين الأكل المدة: ساعتين أونلاين الورشة مجانية وفيها جزء عملي تطبيقي أثناء اللقاء عدد الأماكن محدود علاقتك بالأكل ممكن تتغير… بس مش بالقسوة على نفسك. تابعنا على: https://t.me/dr_riham_ahmad https://chat.whatsapp.com/ErOII9irrdv1bTbqDeg0so?mode=wwt https://www.facebook.com/share/18Vyq5LFBY/

https://www.facebook.com/share/18LuDFeABg/ ورشة الاسبوع الجاى يوم الاحد باذن الله الساعة ٩ مساءا ومش شرط حد عنده مشكلة مع الاكل اوعدكم باذن الله هتتبسطوا جهزوا نفسكم وورقة وقلم واحلى شيكولاتة بتخبوها❤️❤️❤️

ورشة الاسبوع القادم يوم الاحد باذن الله .. مجانية