نـــوَادر

البر دجته والبحر رحت يمّه ادرج سبب حظٍ على الله مساعيه يوم ان ولد اللاش رزقه على امه رزقي على اللي ميّت القشع يحييه

لشاعرها : بندر بن سرور - رحمه الله -

يا غـاية الملهوف وين المراسيل ؟

مع هجعة الممسين ما ليلي بليل هاضت بي جروحٍ قديم أثرها بعض الطواري تشغل الفكر بالحيل وتملى عواصف جوف صدري هِجرها مغير اهوجس وارهي من الفناجيل في ليلةٍ تضوي دروبي قمــرها بندر الرُوقي .

أحبك من هنا حتى طلوع الفجر حد النور صحيح إنك قدر محتوم بس أجمل مقاديري

لشاعرها : مساعد الرشيدي

ٱه يا قلبي ياللـي دايـمٍ في ذهـول والله انـه ثقيـلٍ ليـن جوه الثقال يـا قطـاة العبيّـه يـا هيام الذلول يـا عيون النداوي يا رقبـة الغـزال نور وجهك على من شاف منك القبول نور صبـحٍ تبسّـم فـي رهاد الجبـال

لعنبوها حاجة ترخصك وأنت محسوب في عيون القوم ويطيح قدرك عندها كبها لو هي ثمينة و عرضها الهبوب و انسها لا رحم ابوها على ابو جدها عبدالله بن شايق - رحمه الله -

إن زانت النفس نص الزاد يشبعنا وأنتم من الشك حتى الضحك يوجعكم ناصر بن منقرة .

الحقيقه غدت مثل الخيال .

استغفرالله

وش الفايدة ياعين، حكم القدر غصاب حياة ابن ادم هكذا شمس وظلالي خلاص انتهاء مافات وامر الله الغلاب وكلاً معرض للضماء واشهب اللالي لابن شايق - رحمه الله -

بغيب فتره وارجع : نـــوَادر @Q111_V @sii_r9 اشتراك ثابت

"عسى البلا من شركة الإتصالات "

فيك النوادر من قصيد الجزاله يامصور الابداع في قفر الأبيات شهور مابادرتني في رساله !! عسى البلا من شركة الإتصالات

أول بيتين قالها الشاعر عبدالله بن عون: « جعل مزنٍ حادرٍ توضي بروقه ينتثر سيله على ديرة خوالي تل قلبي تل طيرٍ من سبوقه طلّعه هزاع في دعب الشمالي » قالها وعمره حول 10 سنين، ثم منعه أخوه من قول غيرها.

يلوموني في حزنها وجرحي عـميق وأنا اللي شلتها بيدي ، والدمع حاير وجاري راحت "أسرة" وضاق بـعيوني كل هـذا المـضيق يالله عساها شفـيعة ، وعساها بجـنات البواري

يقول في احد قصائده :

عاش الشاعر القحطاني حامد بن سمحه تجربة مريرة إثر وفاة ابنته الطفلة "أسرة" في حادث دهس أليم أمام عينيه ؛ عبّر عن فاجعته من خلال أبيات ألقاها في مناسبات ولقاءات مختلفة، ردّاً على من عذلوه أو عاتبوه على شدة حزنه وطول بكائه عليها .

ألا يا الله طلبتك طلبة اللي ما عبد الأصنام ولا يرضى بغير الشرع تحريمه وتحليله ولا يرفع يديه إلا لعرشك والعباد نيام ولا صلى لغيرك لا مضى الثلثين من ليله شهادة لا إله إلا أنت تشهد له على الإسلام ولا يخفاك تسبيحه وتكبيره وتهليله يارب العالمين وعندك أرزاق العباد أقسام يا منجي نوح مخزي من غزا مكة على فيله يا حي ما يموت ودائم ما غيرك أحد دام يا محصي ما مضى من جيل واللي عاد من جيله خلقت الكون كله بأكمله في ستة الأيام يا ذخر العاجز المحتاج لا قلت محاصيله ألا سبحان من بأمره ونوره تنجلي الاظلام هدى رسله بقرآنه وتوراته وإنجيله رؤف راحم يرحم قوي قادر علام عليم عالم بالغيب يعلم سر تأويله يقدر ما يشأ يفعل مراده يرزق الأيتام يصرفنا معه بالأمر تأجيله وتعجيله هدانا واهتدينا ما قطعنا الوصل والأرحام نؤدي واجب المصحف وتجويده وترتيله له الأسماء الحسنى ذو الجلال اسمه وذو الإكرام أنا وحدة ولا شريك له عبده وأصلي له وسع كرسيه أرضه والسموات السبع ما نام رقيب فوق خلقه يرحم المؤمن وياويله خلق من طينة الماء والثرى جلد ولحم وعظام ومن فضله علينا محكم كتابه وتنزيله لو إني ما رجيته رب من صلى الصلاة وصام خرجت من النطاق وقلت يا دنيا من أنتي له يا ربي رحمتك لا جا الحساب وصرت الأقلام وفي دنياي تكفيني ثقيل الهم وتشيله تشيله ما قدير إلا أنت فرجها على المنضام أنا مخلوق يا خالق تزيح الهم وتزيله ألا يا الله تقوّم حظي اللي عاجز ما قام على من بشتكي غيرك ومن بشرح ظروفي له دعيتك يا مجيب ويا قريب تخف الآلام تفرجها على اللي زادت الدنيا غرابيله أبي من نارك النجوى وأسالك جنة الأنعام بيدك النار والجنة ومن عاداك يا ويله يا ويله من عقابك غره الشيطان بالأوهام نسى يوم الحساب وطفف الميزان والكيله تمادى في خطاه وعاش في دنياه بالإجرام يا ويله من عذاب القبر لا ضاقت مداخيله

القصيدة الرائعة التي جادت بها قريحته الشعرية بالدعاء والاستغفار والتوبة.. ويناجي فيها الخالق عزوجل فقد احتوت على الابتهال والالتجاء إلى الله سبحانه وتعالى :

‏ياهلا وميّة هلا .. يا رّحب وميّة رّحب ‏الرّحب تنقل رّحـب ، والهلا تنقل هلا ‏ لين تاصل غاية مُناك يا أغلى من نحب ‏