الجَلا

تعبت من ممشى على غير مشهاي وتعبت من صبر على غير غايه طاحت عزومي لين قلت نواياي وابعدت من مبداي صوب النهايه ماغير اهوجس واضرب الراي بالراي واثر المغربل ما يخلصه رايه الوقت ذا هو هو بطبعه وانا اياي انا صدوق وذا الزمان الدعايه يالله ان تعاونني على كبر بلواي ويالله ان تقديني طريق الهدايه اشكي من الماضي وخوفي من الجاي ولي في ملمات الليالي درايه لو كنت اعرف دواي ماخفت من داي اخير من طب الطبيب الوقايه سبحان من يعرف مقاسيم دنياي في صفحة ما تنعرض للقرايه – بن فطيس

صبحكم الله على ما تتمنون

سرا الليل وش غير الحماسة وابو تمّام نديم الورق والحبر والقهوة السادة بصدري كلام وفي خيالي وصل واوهام لو اخير منهن دمعةٍ فوق سجادة أنا اكثر بشر تغريه الاحلام ، والاحلام يموت الفتى من دونها ما ادرك مراده يـ الايام .. وش باقي تخبين يـ الايام ؟ عسى باقيٍ من ديرة الوصل نشادة – بندر الدويش

« دامني في ذراك أعيش عيشه كريمه ‏ الكرم والرجوله عادةٍ للسنافي ‏ماخذه من طبُوعك قو باس وعزيمه ‏ والهدوء والرَّزانه والثقل والتكافي ‏خلنا نقلب الأمثال لو هي حكيمة ‏ودي أوضِّح الصوره ببعض القوافي ‏خلف كل الرِّجال نشوف مرأة عظيمه ‏بس أنا أحس بالعظَمه لأنك خلافي »

« يا وجودي كل ما الشمس مالت للغروب واتقت واعطاني الليل وجهه ونحره وجد من ضاقت بعينه وسيعات الدروب عقب ما جلي من دياره وطال سفره من فراق اللي فراقه من كبار الخطوب غادي في الحلق عبره ، وفالكبد سعره اتظاهر بالسلامه وبالصدر الرحوب وانا ما بيني وبين الجنون الا شعره ودي اسلى منه واتوب كان اني بتوب يا اللّٰه اطلبك العفو والرضا والمغفره الكروب اشكال وانواع ، واشد الكروب غاليّ تعطيه وجهك ويعطيك ظهره » – بخيت البريدي

سمها ذكرى مزوح اللي تسمي ‏انت ابو خضر الطعون وسمها

أشوفك وَطَن وتشوفني رِحلة استجمام واشوفك عمر وسـنيـن ما هي بمنعادة

مغتني من خير ربي ، قبل خيري ‏ومكرمٍ نفسي و لو ما أتبع هواها ‏ومارجيت الحاجة اللي عند غيري ‏عندي أشياء مات غيري ما لقاها

طنب بالصياح حتى لو عندك عرب

أنا مابي أعيش العمر كله في رجى قد صار بلاش من العتب خله بصدري قبل تفطن له مداين صبري أنهدت وسيلك جارف مدرار هدم كل شي بنيناه ونخيلك ما بقى ظله أبد! ما أرجي أعذارك، إذا أنت أكبر من الأعذار عذرتك لين سبعين العذر عجزوا عن الصمله أخذ سيف الكلام اللي ليا منه يجي.. بتار أنا صمتي هو سلاحي وسيفك لو تبي؟ سله وإذا "كان العشم أكبر"؟ أكيد إن الجروح كبار تبي تدخل حنايا الصدر وكل عرق تبي فله ولا أحتاج تطبيبك .. يبي يجبرني الجبار إلين أوقف على قلبي وأقند للحشا دله دخيل الشعر، والتنهيد، وأنفاس الحنين الحار زفرته ليـن أحرق لي ربيع العمر ذا كــله أمانه أذكر ان مروا عليك من البشر خطار؟ ولمحت اللي يشابهني طلبتك قفي وخله

لَولا الهَوى لَم ترُقّ دمعًا على طَلَلِ

خبروه اني على وصله حييت

«الجَـلا» انكشاف المعنى بعد احتجاب، ووضوح الأمر بلا حيرة؛ فالكَلِم سِلم، والقول فصل لا اشتباهَ فيه ولا التواء

«يا صاحبي شوفتك عقب التشافيق تـحيي ضميرٍ دنا منه اليباسي من لامني جعل تفجاه التفافيق والكل منهـم ، محقق ومتواسي بقصيرات العدن روس الصناديق عكف الأصابع رهيفات الكراسي» — سعد بن جدلان طيب الله ثراه

«توّنا يا ظبية البان لا تستعجلين ‏اتركينا نسهر الليل هذا لـ النهار ‏كلها ساعة أو أكثر شوي بـ ساعتين ‏الأكيد أن قلعة الطين ، تاليها دمار ‏لا مواساتي غنيمة و لا عذرك سمين ‏الغنيمة بسمة الوقت يوم الوقت دار ‏عادني تارك همومي على رفّ الحنين ‏كان مريتي عليها عمارٍ في عمار ‏إقربي منّي و هاتي مْن سنينك سنين ‏عقب بدّلتي عن ديار مربانا ديار ‏كنت ضايع بين شك المفارق و اليقين ‏أرتجي من طارف الناس لو كلمة ، مجار ‏و أتوجّع كل ما مرّ دربي … عابرين ‏أنتظر و لا لعب فيّ غير الإنتظار»

إلى ان يصل المرء، مرحلة تتساوى فيها الأمور فيتنازل، ويترك، يتغاضى، وتطيب النفس من استنزاف الفرص والمحاولة، — تطيب النفس كليًا يقول سعد بن علوش عن هالمرحلة : «أنا لا منها تساوت في عيوني الأمور ما عاد تفرق معي، غدت سوى كلها واللي علي ما تمر؟ أسمح لها بالمرور لو إني أفطن لها، ما كأني أفطن لها »

«جالس معكم مهوجس وسجيت وسريت رحـت كــلي ، مابقى الا عيوني وجسـدي ضـاربن لي وادي لا ضربته .. ما صـحيت ليـن يندهلي بسـاط الجليـس الاحـمدي» — ضيدان بن قضعان

قل لي هلا.. وأقول صبحك بالخير وقل مرحبا وأقول يا روح روحي