የክብሩ ነፀብራቅ✨

ዘጸአት 33፡12-19 ላይ የተመሰረተ የሙሴ ደብዳቤ አቤቱ አምላኬ በስሜ ጠርተኸኛል፤ ሞገስም ሰተኸኛል። እንደ ባለእንጀራ ቆጥርሄኝ ሰው ከወዳጁ ጋር የልቡን እንደሚያወራ አንተም የልብህን አወራሄኝ። ነገር ግን በዚህ ሁሉ አልረካሁም ልቤ አልተረጋጋም፤ አልረጋ አለኝ፤ አቤቱ ልቤ ከድምፅህና ከአስፈርው ክንድህ የበለጠ ነገር ይፈልጋል፤ መኖሪያህን መገኘትህን አብርሆትህንና ፊትህን ይፈልጋል። ኃያሉ ክንድህን በግብፅ ላይ እንዴት እንደዘረጋህ አየሁ። የፈርዖንን ትዕቢት እንዴት እንደሰበርከውና ባሕርን ለሕዝብህ እንዴት እንደ ከፈልከው ተመለከትሁ። በቅዱስ ተራራ ላይ ቆሜ በእጅህ የተቀረጸውን ሕግህን ተቀበልሁ። ነገር ግን እነዚህ ሁሉ አንተን ከማወቅና ከመቅረብ ጋር አይነጻጸሩም፤ አንተን እንደ ነጻ አውጪ ብቻ ሳይሆን እንደ ቅርብ ወዳጅ ማወቅን የሚተካ ነገር የለም። ጌታዬ ሆይ...፡ “መልካምነቴን ሁሉ በፊትህ አሳልፋለሁ” አልከኝ። ይህ ምን ማለት እንደሆነ ሙሉ በሙሉ ባይገባኝም፤ ነገር ግን ይህንን አውቃለሁ፤ መልካምነትህ አንተ የምትሰጠኝ ቁስ ሳይሆን አንተው ራስህ ነህ ። መልካምነትህ ባሕሪህ፣ ምሕረትህ፣ ክብርህ፤ ፊትህ፤ አብሮነትህ ነው። ይህን መልካምነትህን ለማየት እፈልጋለሁ፤ ከሩቅ ሳይሆን፤ በምልክትና በድንቅ ሳይሆን፤ ፊት ለፊት ለማየት፤ በእጄ ልዳስሰው እፈልጋለሁ። በህልውናህ ዓለም በአብሮነትህ ደመና ዘላለሜን ልሰወር! ሳልወጣ በዛው ልቀር፤ ልረሳ። አብሮነትህ ከእኛ ጋር ካልሄደ፣ እባክህን ከዚህ አታውጣን። አንተ የለለህበት ጉዞ ከሞት በምን ተለየ ? ከአንተ ከኪዳኑ ባለቤት ውጪ ኪዳን መውረስ ምን ትርጉም አለው? አንተ የለለህበትን ከናዓን ከመውረስ አንተ ባለህበት ምድረ በዳ መሞትን እመርጣለሁ፤ አንተ ባለህበት መሰንበት ይሻለናል፤ አንተ ያለህበት በረሃ ገነት ነው፤ አንተ የለለህበት ገነት ገዳይ በረሃ ነው። አምላኬ ሆይ፡ ክብርህን በታቦቱና በመገናኛው ድንኳን ላይ ብቻ ሳይሆን በውስጤም አኑረው። እርሱም እግሬን የሚመራ ብርሃን፣ ነፍሴን የሚሞላና የምያደምቅ ውበት ይሁን። ትእዛዝህን ብቻ ሳይሆን አንተንም ለማወቅ እሻለሁ፤ ፍርድህን ብቻ ሳይሆን ልብህንም ለመማር ለመረዳትና ለማወቅ እፈልጋለሁ። አቤቱ ጌታዬ እኔ ደካማ፤ ፈሪና አፌ ትብ ነኝ: ነገር ግን አንተ መርጥከኝ፤ ያለህልውናህ መሄድ ለእኔ እንደ ሞት ነው፤ አሁንም አንድ ነገር እለምንሃለሁ፤ ክንድህንና አስፈሪነትህን ብቻ ሳይሆን ቅርበትህም፤ ገናናነትንና አሸናፊነትን ብቻ ሳይሆን አብርሆትህ ይክበበኝ ያጅበኝ። ከንዓንን ሳይሆን አብሮነትህን እንፈልጋለሁ፤ ድልን ሳይሆን ህልውናህን እሻለሁ። አቤቱ ክብርህን አሳየኝ፤ መና አያረካኝም፤ ዕለት ዕለት የማየው ታምራትም ልቤን አይይዝም አያስገርመኝም፣በፈርኦንና በመንግስቱ ካደረከው ተዓምራቶች በላይ ልቤ ክብርህን ይፈልጋል ውስጤ ይጠማሃል፤ ኤርትራን ከከፈልክበት ከአስገራሚ ሃይልህ ይልቅ መንፈሴ አብሮነትህን ይጠማል። በመና ያልረካ፤ በእሳትና በደመና አምድ ያልረካ ጩሄት አለኝ እባክህን ክብርህን አሳየኝ! እባክህን ጌታ ሆይ ክብርህ ውስጥ ሸሽገኝ፡ መዓዛህን አሸክመኝ፡ ህያው በሆነው አብሮነትህ ውስጥ ሰውረኝ፡ ከአብሮነትህ ውጪ አቅም የለኝም፡ እውቀት የለኝም፡ ሃይል የለኝም፡ በኔ በደካማውና በአፈ ትቡ ድካመን ሸፍነህ ሞገስ የሆንክልኝ አንተ ነህ፤ አንተ ከእኔ ጋር ካልሆንክ ባዶነቴ ያሳድደኛል፤ ድካሜ አድኖ ያጠፋኛል፤ አቤቱ ያለአንተ ከዚህ አታውጣን። እኔ ባሪያህ ያንተው ነኝና እጅህን ብቻ ሳይሆን ፊትህንም አሳየኝ፤ ተዓምራትህን ብቻ ሳይሆን አብሮነትህንም አስለምደኝ፤ ህግህን ብቻ ሳይሆን ድምፅህንም አስተምረኝ። አንተ ባልቀደምክበት መንገድ እንዲቷን እርምጃ እንዳልሄድ እንደገና በአብርሆትህ እሰረኝ። የሚወድህ ባሪያህ ሙሴ By:- Abi Kidan Join my channel here 👉 Abi_Kidan_click_here

ዘጸአት 13 ¯¯¯¯¯¯¯¯¯¯ ²¹ በቀንና በሌሊትም ይሄዱ ዘንድ፥ መንገድ ሊያሳያቸው ቀን በደመና ዓምድ፥ ሊያበራላቸውም ሌሊት በእሳት ዓምድ እግዚአብሔር በፊታቸው ሄደ። ²² የደመና ዓምድ በቀን፥ የእሳት ዓምድ በሌሊት ከሕዝቡ ፊት ከቶ ፈቀቅ አላለም።

 ፧፧፧፧፧፧፧፧፡፡፡፡፡፡ ከታየለት ጉዞ መገታት የማይችል ሰው በእግዚአብሔር የሚመራ ሰው ነው! ከዓለም System እና Season ውጪ የሚኖር ሰው በህልውናው የታጀበ ሰው ነው። Nothing Can stop him! እግዚአብሔር ከአንተ ጋር ስሆን ተፈጥሮ ሁሉ ከአንተ ጋር ይሆናል፡ በዚህ ምድር ላይ የሚያስቆምህ ሀይል አይኖርም፡ እግዚአብሔር ከእስራኤል ልጆች ጋር ስሆን ጨለማ፡ብርሃን፡ ነፋስ፡ ደመና፡ ባህር፡ እሳት፡ ህያው ነፍስ ሁሉ ከእነሱ ጋር ሆነ። ብቻ እግዚአብሔር ከእኛ ጋር ይሁን እንጂ ሌላው አያሳስበን! Even ማንም ካንተ ጋር ባይሆንም ተፈጥሮ (Nature) ስለአንተ ከፍታ እግዚአብሔርን ሰምቶ ይታዘዝሃል! ፡፡፡፡፡፧፧፧፧፧፧፧፧፧፧፧፧፧

   አምላክ የሆነ መንፈስ ቅዱስ በውስጣቸው እንድያድር አምላክ የሆነ ወልድ ሰው ሆነ! 🔥

“ፍቅራችሁ ያለ ግብዝነት ይሁን። ክፉውን ነገር ተጸየፉት፤ ከበጎ ነገር ጋር ተባበሩ፤” — ሮሜ 12፥9

“ለሥራ ከመትጋት አትለግሙ፤ በመንፈስ የምትቃጠሉ ሁኑ፤ ለጌታ ተገዙ፤” — ሮሜ 12፥11 Consuming fire in the name of Jesus 🔥!