Ashes to crown

#မြန်မာပြည်ရှိတစ်ခုတည်းသောတရားဝင် #ArsenalFanClub ဖြစ်သည့် Arsenal Myanmar Supporters Club (AMSC) မှ စီစဉ်သော 2025/26 Premier League ရာသီ နောက်ဆုံးပွဲစဉ်ဖြစ်သည့် ⚽⚽Crystal Palace vs Arsenal⚽⚽ EPL Match 38 9:30pm ပွဲကို အာဆင်နယ်ဖန်များ စုပေါင်းပြီး Watch Party အဖြစ် ကြည့်ရှုသွားမည်ဖြစ်ပါသည်။ ================================== ( #ဘောလုံးပွဲကိုSportVibesအပြည့်နဲ့မှကြည့်ရှုခံစားချင်ပါတယ် #ပွဲပြီးရင်လည်းမပြန်ချင်သေးဘူးအားလုံးနဲ့အတူပျော်ပျော်ပါးပါးအောင်ပွဲခံပြီးကခုန်ဦးမယ်ဆိုတဲ့သူတွေရယ် အတွက်ကို အကောင်းဆုံးရွေးချယ်စီစဥ်ပေးထားတဲ့ #MarzEntertainment ================================== 📅 24-05-2026 (တနင်္ဂနွေ) ⏰ 7:00 PM – 12:00 AM 📍 Marz Bar & Entertainment (Inya Lake Hotel ဝင်း) ☎ 09445000580 / 095001573 / 09420064281 🎉အာဆင်နယ်ဖန်အားလုံး -AMSC Members မဟုတ်သူများပါ အားလုံးလာရောက်ကြည့်ရှုနိုင်ပါသည် 🚫 ဝင်ကြေးမရှိ (လွတ်လပ်စွာ ပါဝင်နိုင်ပါသည်) 📩 AMSC Page သို့ Name ဖြင့် Message ပို့၍ Register လုပ်နိုင်ပြီး Free Ticket (Lucky Draw Code ပါ) ထုတ်ပေးမည်ဖြစ်ပါသည် MarZ Entertainment ဘက်မှ ဈေးနှုန်းသက်သာသော ဘီယာဈေးနှုန်းနှင့် အစားအသောက် Special Set များ စီစဉ်ပေးထားပါတယ်။ 🎉 Pre-Event Programs 🎤 Pre-Watch Talk Session များ (အနုပညာရှင်များ & ဝါရင့်အားကစားတင်ဆက်သူများ) 🎁 AMSC, Arsenal Fans များသာမက Chivas ကပါ ပါဝင်ကူညီသည့် Lucky Draw & Giveaway 🏆 ပွဲမစမီ EPL Trophy နှင့် အမှတ်တရ ဓာတ်ပုံရိုက်ကူးနိုင်မည့် အစီအစဉ် 🎉 ပွဲအပြီး မပြန်ချင်သေးသည့် ဖန်များအတွက် DJ Dance Time (1 Hour) 🚖 ပွဲအပြီး အပြန်အခက်အခဲမရှိစေရန် Kilo Taxi နှင့်အနီးစပ်ဆုံးနေရာများသို့ ပို့ဆောင်ပေးရေးအစီအစဉ်များ 🏨 နယ်ဝေးလာသူများအတွက် MarZ နှင့်အနီးဆုံး ဟိုတယ်များမှာ အထူးဈေးတစ်ခုနဲ့ အစီအစဉ်လည်း ရှိပါသည်။ 📌 အစီအစဉ်အချိန် ▶️ 8:00 PM တိတိတွင် စတင်မည်ဖြစ်ပါသည် ⚠️ မှတ်ချက် 7:00 PM – 8:30 PM အတွင်းသာ Lucky Draw / Giveaway အတွက် Registration လက်ခံမည် 8:30 PM နောက်ပိုင်း ရောက်ရှိသူများ ပါဝင်ခွင့်မရနိုင်ပါ။ #SportsVibes ရဲ့ အရသာကို အပြည့်အဝခံစားလိုသူများနှင့် ပွဲအပြီး Arsenal အသင်းချန်ပီယံဖြစ်ပါက ပရီးမီးယားလိဂ် ဆုဖလားနှင့် အောင်ပွဲခံအစီအစဉ်လည်း ပါဝင်မည်ဖြစ်တာကြောင့် Arsenal Fan မည်သူမဆို အတူတကွလာရောက်အားပေးရန် ဖိတ်ခေါ်အပ်ပါသည်။ #ArsenalFanများအတွက်အမှတ်တရနှင့်ပျော်ရွှင်စရာ အခိုက်အတန့်များကိုအပြည့်အဝခံစားနိုင်ရန်ကြိုးစားစီစဉ်ထားပါတယ်။ ✈ နယ်ဝေးမှလာရောက်မည့် အာဆင်နယ်ဖန်များ ရန်ကုန်မြို့တွင်းမှလည်း အိမ်မပြန်ဘဲ ညအိပ်ချင်သည့် အာဖန်များအတွက်လည်း အင်းလျား ဟိုတယ်နှင့်ချိတ်ဆက်ပေးထားပါသည်။ 🎙🎙🎙 Watch Party အတွက် Tickets ထုပ်ယူရမည့်ကိစ္စများ ဟိုတယ်ကိစ္စများ LuckDraw ကိစ္စများ Special set menu ကိစ္စများနှင့် KiloTaxi Ferry ကိစ္စများကို အသေးစိတ် ပို့စ်တစ်ခုထပ်တင်ပေးပါမည်။ #ArsenalMyanmarSupporterClub #ArsenalFanWatchParty (Myanmar)

🔴🗣️ LEGEND's TALK : အာဆင်နယ်အသင်းဟာ လာမဲ့ တနင်္လာနေ့မှာ ဘန်လေအသင်းကို (၃) ဂိုးပြတ်၊ (၄) ဂိုးပြတ် အနိုင်ကစားသွားလိမ့်မယ်လို့ ဂန္ထဝင်ကစားသမားကြီး ပေါလ် မာဆင်က သုံးသပ်လိုက်ပါတယ်။ ဒီရာသီရဲ့ အိမ်ကွင်းနောက်ဆုံးပွဲ ဖြစ်သလို ချန်ပီယံဆုအတွက် အရေးပါတဲ့ ပွဲတပွဲ ဖြစ်တာကြောင့် အားလုံးကတော့ ဂန်းနားတို့ကို ပြတ်သားတဲ့ ရလဒ်တခု ရယူပြနိုင်ဖို့ မျှော်လင့်ထားကြတာပါ။ မာဆင်ကတော့ အာဆင်နယ်အသင်းအနေနဲ့ ဦးဆောင်ဂိုးကို စောစောစီးစီး ရယူနိုင်ပြီး ဒုတိယဂိုးကိုလည်း ထပ်သွင်းနိုင်ခဲ့ပြီဆိုရင် အားလုံး ပျော်ကြရလိမ့်မယ်လို့ ယုံကြည်နေတာ ဖြစ်ပါတယ်။ " ကျွန်တော်ကတော့ ဒီပွဲက (၃) ဂိုးပြတ်၊ (၄) ဂိုးပြတ်လောက်အထိ သွားနိုင်တယ်လို့ ထင်ပါတယ်။ " " ဒါပေမဲ့ အာဆင်နယ်အနေနဲ့ ဦးဆောင်ဂိုး ရအပြီး ဒုတိယဂိုး ထပ်မသွင်းနိုင်မချင်း ဘန်လေကို ချေပဂိုး ပြန်ပေးရနိုင်တဲ့ စိုးရိမ်စိတ်မျိုးတော့ ရှိနေပါတယ်။ " " ဒါကြောင့် ဒုတိယဂိုးကို သူတို့ မြန်မြန်ဆန်ဆန် ရှာဖွေနိုင်ဖို့ လိုအပ်ပါတယ်။ ပွဲကို စောစောစီးစီး ဖြတ်ထားနိုင်ဖို့ လိုအပ်ပါတယ်။ " ဆိုပြီး မာဆင်က ပြောပါတယ်။ - KP Ref : Metro Photo : X

ဒါကြောင့်လည်း သတင်းထောက်တွေက အင်္ဂါနေ့မှာ ဘာတွေအစီအစဉ်ရှိမလဲလို့ မေးခွန်းထုတ်ခဲ့ရာမှာ " ကျွန်တော်တို့အနေနဲ့ ဘန်လေကို အနိုင်ယူဖို့ပဲ ပိုပြီးတော့ ဆန္ဒရှိပါတယ်။ " လို့သာ နည်းပြ အာတေတာက အဖြေပေးခဲ့ပါတယ်။ ဒါပေမဲ့လည်း ခပ်ညံ့ညံ့ သတင်းထောက်တွေက ဒီမေးခွန်းပဲ ထပ်မေးတဲ့အချိန်မှာတော့ နည်းပြ အာတေတာက " ကျွန်တော် ထပ်ပြောပါမယ်။ ဒီလိုအရာတွေကို ကျွန်တော်တို့ ခေါင်းထဲကို မထည့်ပါဘူး။ ဘန်လေပွဲကိုပဲ အာရုံစိုက်ထားပါတယ်။ ဒါကသာ ကျွန်တော်တို့ ထိန်းချုပ်နိုင်တဲ့အရာ ဖြစ်ပါတယ်။ " ဆိုပြီးတော့ ပြတ်ပြတ်သားသား ပြောသွားပါတယ်။ - KP Ref : Standard Sport Photo : X

🔴🗣️ MANAGER's TALK : နည်းပြ မီခေးလ် အာတေတာက အာဆင်နယ်တသင်းလုံးဟာ ကိုယ်ထိန်းချုပ်ထားနိုင်တဲ့ အရာတွေကိုသာ အာရုံစိုက်ထားပြီး အခြားဘယ်အရာကိုမှ ခေါင်းထဲ ထည့်မထားကြောင်း ဆိုလိုက်ပါတယ်။ ပရီးမီးယားလိဂ်ရာသီကုန်ဆုံးဖို့ (၂) ပွဲသာ လိုတော့တဲ့အချိန်မှာ ဂန်းနားတို့ဟာ ဒုတိယနေရာက မန်စီးတီးအသင်းကို ရမှတ် (၂) မှတ် ဖြတ်ပြီး ဦးဆောင်ထားနိုင်ပါတယ်။ ပွဲစဉ် (၃၇) မှာတော့ အာဆင်နယ်က ဘန်လေအသင်းနဲ့ တနင်္လာနေ့မှာ ကစားရမှာဖြစ်ပြီး မန်စီးတီးအသင်းကတော့ ဘုန်းမောက်ကို အဝေးကွင်းမှာ သွားရောက်ရင်ဆိုင်ရမှာ ဖြစ်ပါတယ်။ တကယ်လို့သာ အာဆင်နယ်က ဘန်လေကို အနိုင်ရခဲ့ပြီး မန်စီးတီးက ဘုန်းမောက်ကို သရေ (သို့မဟုတ်) ရှုံးခဲ့မယ်ဆိုရင်တော့ အာဆင်နယ်ဟာ ပွဲစဉ် (၃၇) မှာပဲ ချန်ပီယံ ဖြစ်သွားမှာပါ။

🔴 TEAM NEWS : အာဆင်နယ်အသင်းဟာ အမ်းမရိတ်ကွင်းကို တိုးချဲ့ဖို့ စတင်လုပ်ဆောင်နေပြီဖြစ်ပြီး ပြင်ဆင်မှုတွေ လုပ်နေချိန်အတွင်း ကွင်းပြောင်းကစားမဲ့ ရေတိုအစီအစဉ်တွေ အပါအဝင် ရွေးချယ်စရာ နည်းလမ်းမျိုးစုံကို စဉ်းစားနေပါတယ်။ အမ်းမရိတ်ဟာ အခုချိန်အထိ ပရီးမီးယားလိဂ်ရဲ့ ကွင်းသစ်တွေထဲက တကွင်းလို့ ဆိုနိုင်သေးပေမဲ့လည်း အာဆင်နယ်အသင်း ပြောင်းရွှေ့ခဲ့တာ နှစ်ပေါင်း (၂၀) ရှိနေပြီ ဖြစ်ပါတယ်။ မြောက်လန်ဒန်မှာရှိတဲ့ ဒီကွင်းဟာ ပရိသတ် (၆) သောင်း ဝင်‌ဆံ့ပေမဲ့လည်း အသင်းပိုင်ရှင် ခရွန်ကီမိသားစုကတော့ ကွင်းတွင်းပရိသတ် အရေအတွက်ကို ဒီထက်မက မြှင့်တင်ချင်နေတာပါ။ အဲဒီအတွက် ကွင်းကို ဘယ်လိုတိုးချဲ့သွားမလဲ ဆိုတာနဲ့ပတ်သက်လို့ နည်းလမ်းပေါင်းစုံကို စဉ်းစားနေတာ ဖြစ်ပါတယ်။ အဆိုပါနည်းလမ်းပေါင်းစုံထဲမှာ အထူးတန်းပွဲကြည့်စင်တွေကို အနည်းငယ် အဆင့်မြှင့်တင်တာကစလို့ အခြားနေရာတွေကို အကြီးစား ပြင်ဆင်မှုတွေ လုပ်နေစဉ်အတွင်း ယာယီကွင်းတကွင်းကို ရွှေ့ပြောင်းကစားတာတွေပါ ပါဝင်တယ်လို့ သိရပါတယ်။

🔴🗣️ CAPTAIN's TALK : အသင်းခေါင်းဆောင် မာတင် အိုဒီဂါ့ဒ်က အခုချိန်မှာ သူ့ရဲ့ ဒူးဟာ အပြည့်အဝ ပြန်လည်ကောင်းမွန်နေပြီဖြစ်ပြီး ဘာဝေဒနာမှ မခံစားရတော့ဘူးလို့ ဖွင့်ဟလာခဲ့ပါတယ်။ ဒီနှစ်ရာသီမှာ ဒူးဒဏ်ရာနဲ့ ရုန်းကန်ခဲ့ရတဲ့ နော်ဝေသားဟာ ဝက်စ်ဟမ်းနဲ့ပွဲမှာ ဒုတိယပိုင်းမှာမှ ဝင်ကစားပေးနိုင်ခဲ့ပေမဲ့ အသင်းအတွက် တလုံးတည်းသော အနိုင်ဂိုးကို ဖန်တီးပေးနိုင်ခဲ့ပါတယ်။ အိုဒီဂါ့ဒ်ဟာ အဆိုပါပွဲမှာ ကစားချိန် တိုတောင်းခဲ့ပေမဲ့ အရင်လို ခြေစွမ်းခြေစမျိုး ပြန်လည်ပြသနိုင်ခဲ့တာပါ။ ဒါဟာ ဒဏ်ရာအရှင်းပျောက်သွားတာကြောင့် ဖြစ်နိုင်ပါတယ်။ " ဝက်စ်ဟမ်းနဲ့ပွဲမှာ ကျွန်တော် ကစားတာ အရမ်းကောင်းခဲ့တယ်လို့ ထင်ပါတယ်။ " " ဒီနှစ်ရာသီကတော့ ကျွန်တော့်အတွက် ခက်ခဲတဲ့ ရာသီတခု ဖြစ်ခဲ့ပါတယ်။ အချိန်တော်တော်များများကို ဒူးဒဏ်ရာနဲ့ ရုန်းကန်ခဲ့ရဝာာ ဖြစ်ပါတယ်။ " " ဒါပေမဲ့ ကျွန်တော်က အသင်းနဲ့ အနီးကပ်နေရင်း တိုက်ပွဲဝင်ခဲ့သလို ကစားခွင့်ရချိန်တိုင်းမှာလည်း ပြင်းပြင်းထန်ထန် ကြိုးစားခဲ့ပါတယ်။ " " အခုတော့ ကျွန်တော် အရင်ကထက် ပိုကောင်းလာပြီလို့လည်း ခံစားရပါတယ်။ " လို့ အိုဒီဂါ့ဒ်က ပြောသွားပါတယ်။ - KP Ref : Viaplay Photo : X

🔴 TRANSFER NEWS : အာဆင်နယ်အသင်းဟာ အသက် (၃၂) နှစ်ထဲကို ဝင်လာတဲ့ ထရောဆာဒ်ကို လာမဲ့နွေအပြောင်းအရွှေ့မှာ ရောင်းချသွားဖို့ လမ်းဖွင့်ထားတယ်လို့ သိရပါတယ်။ နောက်ထပ် ထိပ်တန်းကစားသမားသစ်တွေ ခေါ်ယူနိုင်ဖို့အတွက် အသက်ရလာတဲ့ ကစားသမားတွေကို ရောင်းချသွားဖို့ စီစဉ်လာခဲ့တာ ဖြစ်ပါတယ်။ လတ်တလောမှာတော့ ဘယ်ဂျီယံသားကို စီးရီးအေကလပ် နာပိုလီအပါဝင် ဥရောပ ကလပ်အသင်း တော်တော်များများက စိတ်ဝင်စားနေပါတယ်။ အသင်းဘက်က ထရောဆာဒ်ကို ရောင်းသာရောင်းချင်နေပေမဲ့ အစားထိုးဖို့ ခက်ခဲနိုင်တာကိုလည်း လက်ခံထားပါတယ်။ ထရောဆာဒ်ကို ရောင်းရင် ပေါင်သန်း (၂၀) အောက်သာ ရဖို့ သေချာနေတာပါ။ ဒါပေမဲ့ ဈေးကွက်ထဲမှာ ထရောဆာဒ်လို အရည်အသွေးမျိုးနဲ့ ပိုမိုငယ်ရွယ်တဲ့ ကစားသမားကို ရှာမယ်ဆိုရင်တော့ အာဆင်နယ်အသင်းအတွက် ငွေကြေးအမြောက်အများ အသုံးပြုမှသာ ရနိုင်မှာ ဖြစ်ပါတယ်။ - KP Ref : Daily Mail Photo : X

" ဟုတ်ပါတယ်။ လာမဲ့ရက်သတ္တပတ်တွေ အရမ်း အရေးကြီးပါတယ်။ ဒီအချိန်မှာ 'တကယ်လို့' တွေ များနေပေမဲ့ အဲဒီ 'တကယ်လို့' တွေက ဘောလုံးမှာ အလုပ်မလုပ်ပါဘူး။ ကိုယ်တိုင် လက်တွေ့လုပ်ပြနိုင်မှပဲ ဆုလာဘ်တွေရမှာ ဖြစ်ပါတယ်။ " " ဒီနေ့မှာ ကျွန်တော်တို့ လုပ်စရာတွေ ရှိနေသေးတယ်ဆိုရင် ရအောင် လုပ်ရမှာပါပဲ။ ဒါကပဲ အဖြေ ဖြစ်ပါတယ်။ " " ဒါကပဲ အရေးကြီးဆုံးအချက် ဖြစ်ပါတယ်။ ဆိုတော့ ကျွန်တော်တို့ ဒီတပတ်မှာလည်း လုပ်စရာရှိတာတွေ လုပ်ရမှာပါပဲ။ " " ဒီအခိုက်အတန့်တွေကို အကောင်းဆုံး ခံစားချက်၊ အကောင်းဆုံး ကြံ့ခိုင်မှု၊ အကောင်းဆုံး စိတ်ဓာတ်တွေနဲ့ ဖြတ်သန်းရမှာ ဖြစ်ပါတယ်။ တနင်္ဂနွေနေ့တိုက်ပွဲအတွက် ကျွန်တော်တို့ အသင့်ဖြစ်နေဖို့ လိုအပ်ပါတယ်။ " ဆိုပြီး နည်းပြ အာတေတာက ပြောသွားပါတယ်။ - KP Ref : Arsenal Photo : X

🔴🗣️ MANAGER's TALK : ဒီတပတ်အပါအဝင် လာမဲ့ ရက်သတ္တပတ်တွေဟာ သူ့အတွက် နည်းပြဘဝတလျှောက် အကြီးမားဆုံး အခိုက်အတန့်တွေ ဖြစ်လာလိမ့်မယ်လို့ နည်းပြ အာတေတာက ဆိုလိုက်ပါတယ်။ ဂန်းနားတို့ဟာ (၂၀၂၅/၂၆) ရာသီ ပိတ်သိမ်းဖို့ နီးကပ်လာချိန်မှာ ပရီးမီးယားလိဂ် ချန်ပီယံဆုနဲ့ နီးကပ်လာသလို ချန်ပီယံလိဂ်ဗိုလ်လုပွဲကိုလည်း တက်လှမ်းထားပါတယ်။ သုံးပတ်တာကာလထဲမှာ အခမ်းနားဆုံး ဆုဖလားနှစ်လုံးအတွက် တိုက်ပွဲဝင်ရမှာ ဖြစ်တာကြောင့် နည်းပြ အာတေတာက အကောင်းဆုံး ခံစားချက်၊ အကောင်းဆုံး စိတ်ဓာတ်၊ အကောင်းဆုံး ကြံ့ခိုင်မှုတွေနဲ့ ဒီရာသီအဆုံးသတ်ကို ဖြတ်သန်းသွားမယ်လို့ ပရိသတ်ကို ကတိပေးခဲ့တာပါ။

Happy birthday to Sylvain Wiltord 🎉❤️ ဒီနေ့ဟာ ဝီလ်တော့ဒ်ကြီးရဲ့ အသက် (၅၂) နှစ်ပြည့် မွေးနေ့ပဲ ဖြစ်ပါတယ်။

🔴🗣️ PUNDIT's TALK : လီဗာပူးလ်နဲ့ စပါးတိုက်စစ်မှူးဟောင်း ပီတာ ခရောက်ခ်ျက အာဆင်နယ်အသင်းအနေနဲ့ လက်ကျန်ပွဲစဉ် (၃) ပွဲမှာ အမှတ်လျော့ဖို့ လမ်းမမြင်မိဘူးလို့ သုံးသပ်လိုက်ပါတယ်။ ဂန်းနားတွေအနေနဲ့ ဒီညမှာသာ ဝက်စ်ဟမ်းအသင်းကို အနိုင်ကစားနိုင်ခဲ့ရင် ပရီးမီးယားလိဂ် ချန်ပီယံဆုပွဲက သည်တင်ပဲ ပြီးဆုံးသွားလိမ့်မယ်လို့လည်း ဆိုပါတယ်။ ခရောက်ခ်ျက " ကျွန်တော်လည်း အာဆင်နယ်သာ ဝက်စ်ဟမ်းကို နိုင်ခဲ့ရင် အရာအားလုံးပြီးဆုံးသွားမယ်လို့ ယုံကြည်ပါတယ်။ " " မန်စီးတီးကလည်း သူတို့လုပ်နိုင်သမျှ လုပ်ခဲ့တာပါပဲ။ ဒါပေမဲ့ အဲဗာတန်ပွဲရလဒ်က ပေးဆပ်မှု ကြီးမားခဲ့ပါတယ်။ " " လက်ကျန်ပွဲမှာ အာဆင်နယ် အမှတ်လျော့ဖို့ လမ်းမမြင်မိပါဘူး။ သူတို့က ဝက်စ်ဟမ်းကို နိုင်ပါလိမ့်မယ်။ ဘန်လေကိုလည်း နိုင်ပါလိမ့်မယ်။ " " ပဲလေ့စ်ဆိုရင် ယူရိုပါ ကွန်းဖရန့်လိဂ် ဗိုလ်လုပွဲကိုပဲ အာရုံရောက်နေမှာပါ။ အာဆင်နယ်ရဲ့ဖလားပါပဲ။ " လို့ ပြောသွားပါတယ်။ - KP Ref : TNT Sports Photo : X

🔴🗣️ FORMER GUNNER's TALK! " ကျွန်တော့်အတွက်တော့ မီခေးလ်က အရမ်းထူးခြားတဲ့ပုဂ္ဂိုလ် ဖြစ်ပါတယ်။ သူမပါဘဲနဲ့ ဒီနေ့ ကျွန်တော် ဖြစ်မလာနိုင်သလို ကျွန်‌တော့်အနေနဲ့ အခုလို အဆင့်အတန်းမျိုးမှာလည်း ရှိမနေနိုင်ပါဘူး။ " " မီခေးလ်ကြောင့်သာ ကျွန်တော့်အနေနဲ့ ဘောလုံးကို မတူခြားနားတဲ့ နည်းလမ်းတွေနဲ့ ချဉ်းကပ်တတ်အောင် သင်ယူခဲ့ရတာ ဖြစ်ပါတယ်။ " " ကစားသမားတဦး ကွင်းထဲမဝင်ခင်မှာ သူ့ရဲ့ ပြင်ဆင်ပေးမှုတွေက အရမ်းကောင်းပါတယ်။ ကွင်းထဲမှာ မျက်လုံးမှိတ်ထားရင်တောင်မှ ပြိုင်ဘက်က ဘယ်နေရာမှာ ရှိနေမလဲ ... အသင်းဖော်တွေက ဘယ်နေရာမှာလဲဆိုတာ သိနိုင်ပါတယ်။ " " ကျွန်တော်ကတော့ ဒီနှစ် ပရီးမီးယားလိဂ် ချန်ပီယံဆုအတွက် အာဆင်နယ်ကိုပဲ အားပေးသွားမှာ ဖြစ်ပါတယ်။ ဒီနှစ်တရာသီလုံး ကြိုးစားခဲ့ကြတဲ့ ကစားသမားတွေနဲ့ နည်းပြအဖွဲ့အတွက် ကျွန်တော် အားပေးနေတာပါ။ " " ကျွန်တော်တို့အားလုံး ပွင့်ပွင့်လင်းလင်းပဲ ပြောလို့ရပါတယ်။ အာဆင်နယ်ဟာ ချန်ပီယံဆုနဲ့ ထိုက်တန်ပါတယ်။ " - ဂရာနစ် ချာကာ Ref : Football London EG