دونها في كشكولك ✍️📚

أساتذة كتير بتسألني عن طباعة الملفات. طبعًا ينفع، بل بالعكس أنا أنصح بالطباعة، لأن ده هيكون أفضل بكتير في التعلم والمراجعة. خصوصًا إن عامل اختبارات في قسم ورشة المحامي المبتدئ، فتقدر تحلها بنفسك، وتدوّن ملاحظاتك، ويكون عندك مرجع أساسي ترجع له بعد كده. وكمان من خلال بحثك الشخصي تقدر تضيف معلومات وإضافات من عندك، وده هيخلي الملفات أكثر قيمة بالنسبة لك. أما بالنسبة لإرسال ملفات الحقيبة، فده غير مسموح، لأن الملفات الموجودة في الحقيبة خاصة بالمشتركين فقط، ومينفعش حد يرسلها لغيره. ودي أمانة بين إيديك، وهتُسأل عنها أمام الله، فأتمنى من الجميع يحافظ عليها. أما الملفات الموجودة على الجروب أو القناة، فبالعكس، ابعتوها لبعض وانشروها بين أصحابكم، لأن ده كان هدفي الأول والأساسي، وهو نشر العلم والعمل. والحمد لله، ملفات القناة بقت منتشرة في جروبات الطلبة والمحامين، وده شيء بيفرح القلب بجد. الحمد لله على هذه النعمة، وأسأل الله أن يجعلها صدقة جارية خالصة لوجهه الكريم🌹

عاوز أدردش مع حضراتكم شوية، وبالأخص الطلبة. دلوقتي معظم الطلبة بقالهم حوالي 3 أسابيع أو شهر في الإجازة. عاوزك تمسك ورقة وقلم، وتقعد مع نفسك خمس دقائق، وتسأل نفسك: أنا اتعلمت إيه من أول الإجازة لحد النهارده؟ عملت إيه يخليك مميز أو على الأقل يخليك ماشي في طريق التميز؟ بص على الورقة... لو لقيت إنك حتى مش قادر تكتب معلومتين جديد كل يوم خلال الفترة اللي فاتت، يبقى لازم تراجع نفسك. عاوز أقولك إن الإجازة مش معناها راحة وبس، بالعكس. الإجازة فيها تعب أكتر من أيام الدراسة، وهقولك ليه. في الدراسة أنت مقيد بمحاضرات معينة، وكل المطلوب منك تذاكر محاضرة بمحاضرة علشان الامتحان. لكن في الإجازة أنت حر، ومش مقيد بحاجة. يعني تقدر تتعلم معلومة واتنين وثلاثة، وتعمل أكتر من حاجة في اليوم، وهدفك مش النجاح في امتحان... هدفك إنك تبقى أحسن من امبارح. تعالوا نتخيل مع بعض طالب خلص امتحاناته، ارتاح يومين، وبعدها قرر ينزل يتدرب في مكتب محاماة. سأل ودور لحد ما لقى مكان يتدرب فيه، ونزل يوم ورا يوم، وأسبوع ورا أسبوع. بعد فترة قعد مع نفسه وسأل: أنا استفدت إيه؟ لقى إنه عرف المحكمة فين، والنيابة فين، والدور الفلاني فين، وبقى ينزل المحضرين ويخلص شوية إجراءات. طيب كويس... إيه تاني؟ يكتشف إن ده كل اللي اتعلمه، لأنه كل يوم بيعمل نفس اللي عمله امبارح. هنا لازم تقف وقفة مع نفسك، لأن في ناس كتير وقعت في الحفرة دي. في ناس بتقعد سنة واتنين وثلاثة في التدريب، وكل اللي اتعلمته إنها تسلم أوراق وتستلم أوراق. عمره ما فكر يصيغ صحيفة دعوى، أو يكتب مذكرة دفاع، أو حتى يفهم الدعوى اللي بيشتغل عليها. كل اللي بيعمله إنه ينقل بيانات في صيغة جاهزة وخلاص. هنا لازم تقول: لا... أنا مش عاوز أبقى الشخص ده. لازم تتعلم من تجارب غيرك، ولازم تركز على مهارات المحامي الأساسية، زي فن الكتابة، وفن الصياغة، وفن الترافع، وكمان مهارة البحث. لأن هييجي يوم بعد التخرج، وهيجيلك موكل يسألك في مسألة قانونية، وساعتها لازم تعرف تبحث، وتوصل للمعلومة، وتكتب استشارة قانونية صحيحة مبنية على بحث حقيقي. طيب أتعلم ده إزاي؟ أول حاجة تتعلم كيف تتعلم. يعني تعرف إزاي تكتسب أكبر قدر من المعلومات في أقل وقت. فيه واحد ممكن يقضي خمس سنين في التدريب، وحصيلته قليلة جدًا، وفيه واحد تاني خلال سنة واحدة يتعلم أضعافه، لأنه عرف يتعلم بالطريقة الصح. مش عاوز أطول على حضراتكم، لكن كل فترة هنتكلم مع بعض في موضوع مختلف. وآخر حاجة أحب أقولها... لو حاسبت نفسك النهارده ولقيت إنك لسه ما اتعلمتش حاجة، حتى لو مش نازل تدريب، افتح أي ملف من الملفات المجانية الموجودة هنا على التليجرام، أو لو مشترك في الحقيبة اقرأ كل يوم ملف واحد فقط. بعد شهر واحد هتتفاجئ بكم المعلومات اللي عندك. ولو بحثت بنفسك في كل موضوع، وكتبت اللي وصلت له في كشكولك، هتكون كمان بنيت مهارة البحث، وهيبقى عندك مرجع ترجع له بعد سنين. في النهاية... تعلم بذكاء، وخليك مميز. واسأل نفسك كل يوم قبل ما تنام: أنا اتعلمت إيه النهارده؟ لو لقيت إنك اتعلمت حاجة جديدة، فأنت ماشي في الطريق الصحيح. أما لو لقيت إن يومك راح في أشياء ملهاش قيمة، تحت أي مسمى، يبقى لازم تغير وجهتك قبل ما يضيع منك الوقت. وبس كده... طولت على حضراتكم. بالتوفيق لحضراتكم جميعًا. 🌹

والحمد لله تم الانتهاء من فرز أسماء الفائزين باشتراك مجاني من حقيبة دونها في كشكولك. كان من المفترض أختار 15، لكن بسبب كثرة التعليقات تم اختيار 23 مشترك. ودي حاجة بسيطة جدًا لحضراتكم، وشكرًا جدًا على دعمكم المستمر. وإن شاء الله توصل حقيبة دونها في كشكولك لـ1000 مشترك في أقرب فرصة 🌹

من عدة ساعات وأنا بفرز الأسماء وبختار الفائزين باشتراك مجاني من الحقيبة. كان من المفترض أختار 15 زي ما أعلنت، لكن قررت أختار 20 بدل 15، لأن التعليقات عدت ألف تعليق. ولو عليا كنت هختار أكتر من كده بكتير، ولكن إن شاء الله تتعوض مرة تانية. النهاردة تم اختيار 12، وبكره هختار باقي العشرين إن شاء الله🌹 بالتوفيق لحضراتكم جميعًا، وشكرًا جدًا على دعمكم الكبير🌹

بمناسبة وصول حقيبة دونها في كشكولك لـ 600 مشترك، حبيت أهدي حضراتكم 15 اشتراك مجاني من حقيبة دونها في كشكولك. هختار الـ 15 فائز بشكل عشوائي من الكومنتات على المنشور ده: https://www.facebook.com/share/p/1DC5EQhY7M/ بالتوفيق لحضراتكم جميعًا 🌹

شكرًا جدًا لحضراتكم جميعًا🌹 بفضل الله ثم دعم حضراتكم، وقبل آخر ساعة من انتهاء العرض السادس، وصلت حقيبة دونها في كشكولك إلى 600 مشترك. الحمد لله على هذه النعمة، وأسأل الله أن يجعلها سبب في نفع كل طالب وخريج ومحامٍ. وانتظروا غدًا إن شاء الله، تقديرًا لدعم حضراتكم وثقتكم، هيكون في هدية بسيطة هيتم الإعلان عنها. بالتوفيق لحضراتكم جميعًا 🌹

الحمد لله حمدًا كثيرًا مباركًا فيه. بعد 6 عروض من حقيبة دونها في كشكولك، كان في أساتذة كتير كل ما يعرفوا حجم المحتوى والمجهود المبذول وسعر الاشتراك يقولولي إزاي كل المجهود ده بالسعر ده. والحقيقة إن هدفي من أول يوم، وعلى مدار الشهرين ونص اللي فاتوا، مكانش إني أوصل لأكبر ربح، قد ما كان هدفي إن أي طالب، وأي خريج، يقدر يشترك ويستفيد، من غير ما تكون التكلفة سبب يمنعه من التعلم. والحمد لله، بفضل الله ثم بدعم حضراتكم، وصلت حقيبة دونها في كشكولك لأكتر من 550 مشترك. ودي بالنسبة ليا نعمة كبيرة، لأن الرقم ده معناه إن في أكثر من 550 شخص دلوقتي بيتعلم وبيستفيد من أقسام الحقيبة، سواء ورشة المحامي المبتدئ للصياغة العملية، أو سلسلة المحامي المبتدئ، أو ملفات الشرح القانونية، أو قسم صيغ الدعاوى Word. أسأل الله أن يجعل كل حرف فيها نافعًا، وأن يكتب أجر كل من تعلم منها أو انتفع بها. والنهارده هو آخر يوم في آخر عرض من حقيبة دونها في كشكولك، فلو حضرتك كنت تواصلت معايا قبل كده وقولتلي هشترك في العرض، تقدر تتواصل قبل انتهاء العرض. https://dub.sh/donha-law وشكرًا جدًا لحضراتكم جميعًا على ثقتكم ودعمكم المستمر 🌹

بعد النجاح الكبير اللي حققه القسم الأول ورشة المحامي المبتدئ للصياغة العملية، بقدم لحضراتكم النهارده فهرس القسم الثاني من حقيبة دونها في كشكولك بعنوان: سلسلة المحامي المبتدئ القسم ده بيبدأ معاك من الأساسيات اللي هتقابلك أول يوم تدريب، زي الشغل الإداري داخل المكتب، وتقسيمات المحاكم والنيابات، وكتابة الشكاوى والتظلمات، وبعدها ينتقل معاك تدريجيًا لشرح أهم الأعمال اللي بيقوم بيها المحامي بشكل عملي، زي كتابة صحف الدعاوى، ومذكرات الدفاع، وإجراءات إعلام الوراثة، وصحة التوقيع، وإعادة الإعلان، وتجديد الدعوى من الشطب، وأهم دعاوى الأسرة والإيجارات، بالإضافة إلى شرح أساسيات العقوبات الجنائية. وبفضل الله، كان من أكثر الأقسام اللي الأساتذة اشتركوا في الحقيبة بسببه. ولو حابب تعرف تفاصيل حقيبة دونها في كشكولك بجميع أقسامها، تقدر من خلال الرابط: https://dub.sh/donha-law أو تتواصل على واتساب: 01030063299 وإن شاء الله هيتم إرسال مجموعة من الملفات المجانية لحضرتك حتى لو مش هتشترك. وحاليًا، تم مد العرض حتى نهاية الأسبوع إن شاء الله، زي ما قولت لحضراتكم قبل كده. بالتوفيق لحضراتكم جميعًا 🌹

بعد ما نزلنا أول تطبيق عملي في سلسلة ورشة المحامي المبتدئ للصياغة العملية، واللي شرحنا فيه كيفية كتابة دعوى صحة التوقيع، النهارده بقدم لحضراتكم التطبيق العملي الثاني على السلسلة. 📌 دعوى فرز وتجنيب في الملف ده هنطبق عمليًا كل اللي اتعلمناه في أجزاء السلسلة السابقة، وهتشوف إزاي تبدأ من قراءة الواقعة، وتستخرج أطراف الدعوى، وتحدد الوقائع المهمة، وتوصل للسند القانوني المناسب، وبعدها تكتب صحيفة دعوى فرز وتجنيب كاملة خطوة بخطوة، مع توضيح طريقة التفكير اللي المحامي بيستخدمها أثناء إعداد الصحيفة. وكمان بعد ما تخلص الملف، هتلاقي اختبار إلكتروني على الموقع، هتطبق فيه بنفسك على واقعة جديدة، وبعدها تراجع الحل وتقارن بينه وبين إجابتك. رابط الاختبار: https://www.donha-law.com/2026/07/10-2.html وده مجرد التطبيق العملي الثاني، ولسه باقي مجموعة كبيرة من التطبيقات العملية على أشهر الدعاوى اللي هتقابلك أثناء التدريب. ولو حابب تحمل جميع ملفات الشرح والتطبيقات العملية، بالإضافة إلى صيغ الدعاوى بصيغة Word، تقدر تعرف تفاصيل حقيبة دونها في كشكولك من خلال الرابط: https://dub.sh/donha-law أو تتواصل عبر واتساب: 01030063299 بالتوفيق لحضراتكم جميعًا 🌹

بعد ما نشرت صور الملفات المطبوعة من حقيبة دونها في كشكولك، واللي عدد من الأساتذة بعتوهالي وهم بيذاكروا منها، وصلتني رسائل كتير من طلبة، وخريجين، ومحامين بيسألوا عن محتوى الحقيبة. وده فرحني جدًا، لأنه أكدلي إن في ناس كتير عندها رغبة حقيقية تتعلم، وكل اللي محتاجاه هو بداية صحيحة. علشان كده، حبيت أشارك مع حضراتكم فهرس القسم الأول: "ورشة المحامي المبتدئ للصياغة العملية". القسم ده استغرق أكتر من 43 ساعة إعداد، وشرح، ومراجعة، علشان يعلمك عمليًا كتابة صحيفة الدعوى، من خلال أمثلة، وتطبيقات، واختبارات إلكترونية بعد كل جزء. وده مجرد قسم واحد من أقسام حقيبة دونها في كشكولك. وبسبب الإقبال الكبير، وبعد انتهاء العرض السادس، قررنا مد العرض لنهاية الأسبوع. ولو حابب تعرف تفاصيل الحقيبة، تقدر تتواصل واتساب على الرقم 01030063299، أو من خلال الرابط: https://dub.sh/donha-law وهيتبعت لحضرتك تفاصيل الاشتراك كاملة، ومعاها مجموعة من الملفات المجانية هدية تقدر تطلع عليها وتستفيد منها. بالتوفيق لحضراتكم جميعًا 🌹