Atlas Students

وهران تقارع وتيارت تحرقت وكملت

مبغوش قع يأفيشولنا مالغري راني نوعا ما فاقدة امل #Cĥai_Maa

علابلي تبان منطقية وبديهية بصح مغاديش تقتنعو حتى تجو فيها اولا ميدسين صح نقرو فجامعة سما عدنا ديك تع ترعد وخطرات يتعاودو كوسيام ويكون عندك زهر وتبلع نورمال ووو بصح نجو للصح كاين معلومات لي تقراهم بالمعنى الحرفي هوما لاباز متنجمش تفوتهم متلن نتوما تع بروميار كاين فيزيو وايستو واومبريو واناتو نوعا ما هادو لازم تقراهم وتفهمهم لانو مبعد غادي تبني عليهم أمراض وتولي تفهم بيهم حالات مرضية وقع شوف تنجم تسكيبي بيوستات ولا شيمي بصح دو قطعا سما دروك مدام ملحقش اكزاما حاول تقراهم ملحقتش باه تروكوشيهم بصح معليش تكون على الاقل فاهم تن تع دوزيام على قد ماراهي تبان ساهلة وبسيطة مي وحد تفاصيل غادي تستحقهم طبعا مشي كلش

كي تولي تمشي بعقلية le cour=le patient تماك تلتزم

ولا ميدسين مشي غي حفيظة ديرو في بالكم مليحة مهم حاولت نبسطلكم بزاف بش تفهمو ماكس سما قرو ومتتقلش على حاجة نت خيرتها وادا مشي نتا لي خيرتها #عش_الواقع عندك قدرة تبدله 🤝🏻 تفضل معندكش عفس على قلبك وكمل مشي بقوسطوك #nasihat_tbiba #Cĥai_Maa

غادي نمدلكم نصيحة نتوم تع بروميار #Cĥai_Maa

مشي تكملي كلش دروك ومش لازم تاجلي للعطلة يعني قري نتي قرايتك متراكميش كوش لولة ملازمش تطولي فيها لانو كون تديري فيها سمانة كي تولي تقري دك لكور غدوة منداك تلقي روحك نسيتيه سما اول مرة تعرفي على كور عناوين كبار فهمي هكا وصي ومبعد. لي كوسيام حليهم *باينة غادي تجيبيهم خطأ* غي بش تعرفي شاتركزي فلكور. ومتكتبيش les notes توعهم من اول مرة حتى تروكوشي وتحلي للمرة زاوجة بدي تكتبي #Cĥai_Maa

بعتلي رابط بريفي 👇 #Cĥai_Maa

قصدك مراجعة تالية ولا كيش؟ #Cĥai_Maa

رانا قع هكا هدي ميدسين فدزاير #Cĥai_Maa

الحمد الله #Cĥai_Maa

https://ngl.link/chai.maa عبرو حكو فرغو قلوبكم 😔😔

الحرية ✨🩷

والأهم دعولنا نخرجوا بكامل قوانا العقلية #blue_berry

ادعولنا نخدموا اليوم 😔😭 #che_rry

اااا خوتي كي ندير معاه😤🦦🤧 #Cĥai_Maa

🦦🦦🦦🦦 هيا ليكيب #Cĥai_Maa

ضوك نرسلكم هنا نصائح اللي كانوا عندنا في البرومو

نصائح ذهبية باش تقرا وتنجح بلا ما تنطحن:

1. ماتقارنش روحك بغيرك: كل واحد وظروفو، قارن روحك بروحك – بين البارح واليوم. الميدسين ماشي سباق، راهي رحلة. 2. قرا شوي بشوي، بصح كل يوم: ساعتين في النهار خير من جمعة كاملة قراية فجأة. 3. ما تكثرش مصادر: خليك مع كور البروف، إذا ما فهمتش رجع ليوتيوب أو صحابك، بصح متخلطهاش على روحك. 4. فهم قبل ما تحفظ: الحفظ بلا فهم راهو كي الما على الرمل. افهم الكور، لخصو، حل كوسيام، وكي تلقى معلومة جديدة زيدها بالأحمر في الملخص. 5. متخليش الحفظ لليلة رعد: الحفظ لازم يكون متفرق، مش دفعة وحدة. ليلة الامتحان للراجع برك، ماشي للبداية. 6. الرقاد = تركيز: تنعس بكري وتفيق بكري، دماغك يخدم خير. بلا رقاد، راهي بلا تركيز. 7. صحة قلبك ونيتك: لي يمد ويفيد، دايم يدي خير من لي يخبش. اعطي وتعاون، والله ما يضيعكش. 8. ما تحاولش تبلع غير في 3 موديلات: قرا شوية من كلش، راهي مفاجآت في الqcm 9. متخليش توقعاتك تطير: خلي رجليك في الأرض، توقع أقل وادعي للأكثر، باش ما تتحطمش. 10. خدمة الكوسيام تفرق: كل ما تحل كوسيام، كل ما تزيد تفهم وتثبت المعلومات. 11. ماشي كل قراية جماعية مفيدة: كاين لي غير يضيعلك وقتك، خمم مع من تقرا. 12. كل واحد وطريقتو: افهم كيفاش دماغك يخدم، وقرا بالطريقة لي تفهم بيها أنت، مش كيما صحابك. 13. لازم تعاود القديم قبل الجديد: باش ما تنساش وتكون ديما فايق، راجع دايمًا قبل ما تدخل في كور جديد. 14. تشات جي بي تي صديق وفي: لخصلك الكور، يشرحلك، وحتى جيميناي يحل كوسيام! 15. القرآن يعطي بركة: خصص وقت للقراءة، خاصة سورة يس ويوسف، يعطيك راحة ووقت مبارك.