Refaatix Academy
Открыть в Telegram
REFAATIX is a trademark intended for use in physical therapy, rehabilitation, medical education, scientific research, healthcare innovation, medical software, artificial intelligence applications, educational publications, digital platforms, medical devic
Больше2 814
Подписчики
+324 часа
+357 дней
+20830 день
Архив постов
2 816
اول غلطة عملتها ف حق نفسك انك بتقارن نفسك بزمايلك
ده هو السبب الرئيسي انك تكون مدمر نفسيا وتايه
ف قارن نفسك ب نفسك كل شهر كده بالورقه والقلم مش ب زمايلك ولا تقدير ولا مجموع
ومتربطش قيمتك بالتقدير بس، لأن فيه فرق بين تقدير الكلية والشطارة الكلينيكال فعلًا.
دلوقتي ركز إنك:
- تعدي المواد اللي عليك
- تنظم مذاكرتك
- تراجع باستمرار
- تقلل جلد الذات
وآه تقدر تحسن تقديرك في رابعة وامتياز بإذن الله لو اشتغلت بهدوء واستمرارية.
ومتنساش:
«اللي بيحاول يطور نفسه كل يوم ده لسه عنده فرصة كبيرة جدًا ❤️»
2 816
طبيعي جدًا جدًا إن مستوى أولى ميكونش أحسن حاجة
أغلب الناس في أولى بيكونوا بلاليص وتايهين بين:
- طريقة مذاكرة جديدة
- ضغط المواد
- إنجليزي ومصطلحات
- وعدم فهم طبيعة المجال أصلًا
ومع الوقت في تانية وتالتة ورابعة بتبدأ:
- تفهم المجال أكتر
- تربط المواد ببعض
- تعرف تذاكر إزاي
- تفرق بين المهم وغير المهم
- يبقى عندك clinical thinking أحسن
فغالبًا آه مستواك هيتحسن جدًا بإذن الله طالما بتحاول تتعلم وتطور نفسك.
ومتقيسش نفسك دلوقتي بحد بقاله سنين في المجال، قيس نفسك:
«هل أنا أحسن من نفسي من كام شهر؟»
وده المهم فعلًا ❤️
2 816
يلا هنلم الفرشه ونقفل صراحه ع بالليل كده
ف الحق نفسك وقول اللي عندك و ف قلبك علشان مش هنفرش تاني غير بعد شهر ونص دا ان فضيت ف الامتياز🙂🙆♂️🙆♂️
للرد ع جميع الاسئلة والاستفسارات لفترة محدودة
@AhmedRef3at
or
https://ahmedrefaatsaraha3.sarhne.com
2 816
✅️بص ده ليه ميزة وعيب في نفس الوقت 🙆♂️
الميزة إنك غالبًا فهمك بيكون أعمق وبتربط المعلومات كويس، وده هيفرق جدًا في الكلينيكال بعدين إن شاء الله.
✅️لكن المشكلة إنك أحيانًا بتحاول تفهم كل تفصيلة بنفس العمق، وده مستحيل عمليًا في الكلية الطبية.
✅️الوسط الصح إنك تقسّم المعلومات 3 مستويات:
- حاجات لازم أفهم منطقها بعمق
زي biomechanics / neuro / clinical reasoning
دي تستحق وقت فعلًا.
- حاجات أفهمها بشكل معقول وخلاص
مش لازم أتعمق جدًا.
- حاجات حفظ مباشر
ودي موجودة فعلًا ومش محتاجة فلسفة زيادة 😅
كمان مهم جدًا تفرق بين:
«“الفهم المطلوب للامتحان”
و
“الفهم الاحترافي العميق”»
✅️مش كل محاضرة محتاجة تدخل فيها كأنك بتحضر ماجستير.
وجرب الطريقة دي:
✅️وصدقني ناس كتير قوية أكاديميًا بتقع في فخ “الكمالية العلمية”، فيضيع الوقت قبل ما يخلصوا المنهج.
✅️طالما عندك foundation كويس الحمد لله، فدلوقتي محتاج تتعلم:
«“إدارة الوقت مع الفهم”
مش الفهم فقط.»
✅️وده Skill مهمة جدًا خصوصًا وإنت داخل رابعة والكلينيكال هيزيد ❤️
2 816
وعليكم السلام ورحمة الله وبركاته
بصّ أول حاجة انت مش لوحدك، أغلب الناس قبل الفاينل بتحس إنها ناسية كل حاجة حتى اللي ذاكروه 🙆♂️
✅️المشكلة غالبًا مش في “الذاكرة”، المشكلة في طريقة المذاكرة.
✅️متقعدش يوم كامل على محاضرة واحدة بتحاول تفهم وتحفظ كل كلمة، ده بيتعب المخ جدًا.
اعملي الآتي:
- ذاكر بالـ sessions:
45 دقيقة مذاكرة
10 دقائق راحة
- الأناتومي خصوصًا:
ركز على:
- origin
- insertion
- nerve
- action
- الرسومات
مش كل سطر.
✅️ المراجعة السريعة كل شوية تثبت أكتر من القعدة الطويلة.
✅️- لو نسيت متخافش، النسيان الطبيعي جزء من التعلم أصلًا، المهم التكرار السريع.
✅️ودلوقتي بما إن الفاينل السبت:
- متحاولش تلم كل حاجة perfect
- ركز على المهم والمتكرر والأسئلة
- اشتغل بهدوء ومحاضرة وراء محاضرة
✅️ود.محمد جمال عمي وعم العيال ملك الgyna والميكا درجاته زي الفل متقلقش
2 816
✅️بصي انتي كده غالبًا بتفكري صح مش بتهبدي
✅️طالما الـ Spurling والـ ULTTs طلعوا negative ومفيش numbness واضح وقت الفحص، فده يقلل شوية فكرة الـ cervical radiculopathy خصوصًا لو مفيش weakness أو symptoms واضحة ماشية على dermatome.
✅️ووصفها إن الألم بيزيد مع القعدة ويخف بالمساج يخلي الـ muscular strain / upper trap tightness / trigger points احتمالهم أكبر فعلًا.
✅️والـ trigger point مش لازم تبقى نوديول واضحة جدًا، ساعات بتحسي العضلة كلها tight وخصوصًا مع posture غلط لفترات طويلة.
فكري كده:
- posture
- muscle tightness
- stress
- prolonged sitting
- referred pain
وفي نفس الوقت خليكِ دايمًا عاملة screening للأعصاب زي ما عملتي.
✅️وانتي مش مطلوب منك دلوقتي تطلعي diagnosis perfect، المهم طريقة التفكير تكون منظمة
✅️ف اعملي palpation كويس هتلقي السبب وظبطي posture و chin in و stretch و strenght for neck flexors
✅️ومقدرش احكم ع حاجه مش قدامي برضو
2 816
انتم الاتنين غلط علشان بتبصوا ع بعض ف مين اللي يجيب درجه اعلي من التاني واحسن من التاني
من امتي والواحد يبقي احسن من حد فالدرجات!!
اومال الاخلاق والمبادي والاصول والادب والاحترام فين
دول المنافسه الحقيقه غير كده شكليات وارهاق ذهني ونفسي وضغينه هتسبب ف نتيجه مش كويسه ف الاخر
الانسان بيقارن نفسه ب نفسه فقط لاغير مش ب حد او بمجموع او بمعارف او بتقدير
والله اعلم بقا
2 816
✅️تشانل ابراهيم عادل ع يوتيوب اسمها the amrican english
فيها مستوي قواعد جاامد جداا بصراحه ف قائمه التشغيل عنده
انصحك بيها عن تجربه
✅️بجد ماشاء الله ده احسن سؤال مابين كل المسجات عندي🫡
فعلا اكاديمه زاد انا درست فيها وبجد كونتنت شامل سيرة واحاديث وعقيده ودين وعربي ونحو وحجات حلوة اووي
انصحك بيها وفيه البناء المنهجي برضو
2 816
✅️تاني بلاص معانا😂♥️♥️
✅️احب اقولك وعن تجربه محدش هينقذك غير فيديوهات lower بتاعت د.احمد فريد عمي وعم العيال واللي بسببه جبت امتياز بعدتوفيق ربنا
✅️ف ابحث عنه ع اليوتيوب حالا بالا فالا
2 816
هقولك ازاي ي بلاص علشان زنقت نفسك 😁♥️
✅️قسم المحاضرات:
مهم / متوسط / قليل الأهمية
وابدأ بالمهم.
ذاكر بنظام:
45–50 دقيقة مذاكرة
10 دقائق بريك.
✅️متقرأش كتير بتركيز وهمي، افهم الفكرة واشرحها لنفسك بسرعة.
ركز على:
التعريف
الأسباب
الأعراض
العلاج / الـ management
النقاط المتكررة
✅️متفتحش مصادر كتير في الفاينل: محاضرة + شرح + أسئلة سنين سابقه
متعملهاش تاني ي بلاص😂♥️♥️
2 816
وبالنسبة لليوتيوب والكورسات:
🔸 قنوات كويسة:
- Physiotutors
- Bob & Brad
- Institute of Human Anatomy
- Clinical Physio
- Kenhub للـ anatomy
🔸 كورسات:
ابدأ بالحاجات الأساسية:
- Medical English
- أساسيات MRI/X-ray
- Documentation & assessment
- Exercise prescription
ومتدفعش فلوس كتير في البداية إلا لو كورس فعلًا قوي.
أما بالنسبة لمصدر دخل:
طالما لسه طالب، حاول تبدأ بحاجة مرتبطة بالمجال أو تطورك:
- شغل سوشيال ميديا/تصميم بسيط للعيادات
- كتابة أو ترجمة طبية
- مونتاج بسيط
- مساعد في عيادة
- شرح لطلبة أصغر منك
- صناعة محتوى طبي تدريجيًا
ومتستقلش بأي بداية، أغلب الناس بتبدأ صغير جدًا.
وأهم نقطة:
متقارنش نفسك بحد.
في ناس شكلها متقدمة جدًا وهي تايهة، وناس ماشية براحة لكن بتبني نفسها صح.
طالما بتحاول تتعلم وتطور نفسك خطوة خطوة فأنت ماشي صح بإذن الله وتبقي دكتور شاطر مش بلاص😁❤️
2 816
حبيبي ربنا يوفقك يا رب وتعدي تالتة ورابعة وكل السنين على خير ❤️
وبصراحة كويس جدًا إنك بتفكر من دلوقتي لأن ده بيفرق جدًا بعدين.
سنة رابعة بتبدأ تحس فيها إنك داخل على clinical أكتر، فالفكرة مش إنك تذاكر أكتر عدد ساعات، الفكرة إنك تذاكر صح.
في الإجازة حاول تعمل 3 حاجات مع بعض:
1- تثبت أساسياتك
خصوصًا:
- Anatomy
- Biomechanics
- Muscle actions
- Special tests
- Neuro basics
ودي مهمة جدًا لأن أي مادة بعد كده مبنية عليهم.
2- تبدأ تقرأ من تكستات جنب الكلية
مش لازم تعتمد على كتب الكلية بس، لأن التكستات بتشرح clinical أكتر.
مثلاً:
🔹 Ortho:
- Magee مهم جدًا في الـ assessment
- Kisner & Colby للعلاج والتمارين
🔹 Neuro:
- O’Sullivan
- Neurological Rehabilitation by Umphred
🔹 Pediatrics:
- Campbell
- Tecklin
🔹 Electro:
- الكتاااااب بتاعنا الجامد😂♥️♥️☝️
🔹 Anatomy:
- Netter Atlas
- Complete Anatomy app لو تقدر عليه
لكن متغرقش نفسك في 20 مصدر، اختار مصدر أساسي لكل مادة وامشي عليه.
3- تبدأ تحتك بالمجال عملي
حتى لو observation في عيادة أو تنزل مع PT شاطر كام يوم في الأسبوع، دي هتفرق جدًا عن ألف ساعة مذاكرة.
2 816
✅️ومن أحسن الحاجات اللي ممكن تبدأ بيها:
- Orthopedic Examination – Magee
- Kisner & Colby
- Netter Atlas عشان الـ anatomy
✅️- ولو أطفال:
- Campbell
- Tecklin
✅️- ولو Neuro:
- O’Sullivan
- Bobath concepts
✅️وكمان حاول تطور:
- الإنجليزي الطبي
- قراءة MRI/X-ray
- communication مع المرضى
- كتابة assessment محترم
✅️ومتضغطش نفسك إنك تبقى جامد في كل حاجة مرة واحدة، امتياز هدفه الأساسي يخليك تبدأ تبقى clinician مش مجرد طالب.
✅️وأهم نصيحة:
انزل كتير واسأل كتير ومتخفش تغلط، لأن أكتر ناس بتتطور هي اللي بتحتك بالحالات فعلًا.
ياررررب نبقوا دكاتره شاطرين مش بلاليص😂♥️♥️
2 816
✅️بص يا صديقي تبعا ل كلام اخواتنا الاكبر واللي عرفته منهم ان
امتياز من أكتر الفترات اللي هتفرق معاك فعلًا لو استغلّيتها صح، لأنك لأول مرة هتنزل تتعامل مع مرضى بشكل يومي وتربط الدراسة بالشغل الحقيقي.
✅️بالنسبة لأحسن الأماكن، فده بيرجع أنت عايز تتعلم إيه بالظبط، لكن عمومًا:
✅️- القصر العيني فعلًا قوي جدًا خصوصًا لو عايز cases كتير وتشوف شغل تقيل و exposure عالي، هتتعب شوية بس هتطلع فاهم أكتر.
✅️- لو هتاخد فيه مدة طويلة فآه يستاهل لو هدفك تتطور clinical وتتعلم من التعامل مع حالات مختلفة.
- بالنسبة لناس بحري فيه أماكن كويسة جدًا برضو حسب المحافظة والمستشفيات الجامعية الموجودة، المهم المكان يكون فيه:
- cases كتير
- ناس بتشرح
- إيدك تشتغل مش مجرد حضور
✅️ومتفكرش في اسم المكان بس، فكر هتتعلم قد إيه.
✅️أما المذاكرة فمتذاكرش امتياز زي الكلية بالحفظ، حاول تربط كل حاجة بالـ case:
- anatomy
- biomechanics
- assessment
- special tests
- treatment
✅️وده هيخلي المعلومات تثبت جدًا.
