طبيب على الدرب 🎒

آخر خطوات في التسجيل بعد تضمن مقعدك ويتم التسجيل المبدئي بتسدد رسوم الامتحان في حساب باسم المجلس الطبي السوداني في بنك الخرطوم برقم الحساب 8248071 زي ما موضح في الملف دا https://t.me/tabeebme/292 و لازم تكتب تعليق في الإشعار (رسوم امتحان+اسمك رباعي)، لو ما كتبت التعليق دا بتعتبر غير مسدد الرسوم،وحترفع الإشعار دا في قوقل فورم القاعد في نفس الملف الفوق دا. خلال ساعات بعد التسجيل المبدئي بجيك ملف PDF في الإيميل بتاعك فيهو معلوماتك الأساسية وأهم حاجة فيهو User name و Password حتدخل بيهم صفحتك يوم الامتحان فحافط عليهم. حتدخل الامتحان ومعاك ٣ حاجات؛ إثبات شخصية وصورة ورقية من الملف دا وصورة ورقية من سكرينشوت إشعار الدفع. موفقين... -طبيب على الدرب.

👀👀👀👀👀👀👀

🛑الساعة ١ ونص بإذن الله تعالى حنفتح بث مباشر لنصائح زيادة للتسجيل ولو في زول عنده سؤال

🚨خطوات التسجيل للبيرمننت ⚡️: السلام عليكم ورحمة الله بسم الله نبدأ يا أطباء خطوات التسجيل، زي ما مكتوب المتطلبات واضحة وهي : -رقم التسجيل التمهيدي -اسمك الأول بالعربي -تاريج التمهيدي _ -ايميلك -رقم تلفونك وفي مطالب تانية ما مكتوبة ألا وهي: ⚡️التحضير المبكر ⚡️السرعة ⚡️التركيز 🔰التحضير المبكر بيبدأ من الآن، أنك تجيب التمهيدي بتاعك تشيل منه اسمك الأول ورقم التمهيدي اللي هو آخر خمسة أرقام على يدك اليمين بعد الأصفار وتاريخ التسجيل التمهيدي المكتوب تحت، ما تاريج الإصدار المكتوب فوق. 🔰حتدخل موقع المجلس الطبي السوداني الآن https://www.smcsdn.com/ وتدوس على التلاتة نقاط على يدك الشمال لو تلفونك بالعربي، حتضغط على الخدمات ثم التسجيل امتحان ممارسة المهنة، حتظهر ليك الصفحة الموضحة في الصورة دي https://t.me/tabeebme/296 تكتب فيها بياناتك دي وتضغط على تسجيل وقبل تضغط لازم تتأكد من بياناتك كويس، الاسم اتأكد منه لو فيهو همزة أو نقاط أو مساحة أو أي تفاصيل تانية الكلام دا قبل الزمن المعلن للتسجيل لو البيانات صحيحة حيجيب ليك إشعار أحمر فوق أنه لا يوجد امتحان متاح الآن، لو فيها خطأ حيجيب ليك الرجاء التأكد من صحة البيانات، أو أي كلام تاني، معناها في مشكلة في الحاجات المكتوبة دي فترجع تتأكد منها قبل موعد التسجيل، دي أهمية الخطوة دي الآن. 🔰قبل موعد التسجيل بتلت ساعة خليك قاعد في الموقع واكتب البيانات دي واضغط تسجيل كل مرة، وأبعد عن أي حاجة ممكن تبقى ليك مصدر تشتيت واقعد في حتة هااااااااادئة واتأكد أنه النت عندك شغال فل وتلفونك شاحن من الصباح وأقفل من التلفون أي حاجة ممكن تحول بينك وبين التسجيل. كل مرة حيجيب ليك أنه لا يوجد تسجيل متاح الآن وبياناتك قاعدة ما تمسحها، لحدي ما يجي الوقت المحدد وتلقى الموقع دخل معاك بعد تدوس تسجيل. 🔰الصفحة التانية فيها بيانات زيادة عنك؛ اسمك رباعي وجامعتك وحاجات تانية ماف زول بيركز معاها 🙈ركز مع اسمك الرباعي بس، بمجرد ما اتأكدت أنه صحيح أنزل تحت في خانتين تحت فاضيات للإيميل ورقم تلفونك، في ناس بيقولوا خليهم منسوخات في الحافظة عندك، وأنا بقول ليك خليك حافظهم في رأسك عشان ما تحصل ليك مشاكل في النسخ زي إضافة خانة زيادة وتعمل تقديم ويقولوا ليك الايميل غلط وترجع تاني تتأخر... أنت أي ثانية جوة محسوبة عليك للأسف... لو فكرت تطلع من الموقع دا لحظات بس أو اتأخرت في التفكير حتلقاهو قفل حسب تجربة امتحان مايو. اكتب إيميلك صاح ورقمك واتوكل، 🔰حتجيك صفحة اختيار يوم الامتحان، أنت لازم تختار بدون تفكير.. الموقع دا كله جوة أنت مفروض تشتغل باللاوعي بتاعك في كتابة أي حاجة، وأصلاً أنت ما حتحتاج تكتب بعد دا لأنها خيارات مكتوبة وأنت بتختار منها بس. بعد اختيار اليوم حتختار المكان، وقبل تدخل خت في بالك كم مكان عشان لو لقيت المكان القاصدو أنت اتملأ وسحبوهو تلقائياً من الموقع، تقوم تختار غيرو بدون تفكير، وبعد المكان حتختار الزمن لأنه اليوم فيهو جلستين؛ الأولى ٧ صباحاً والتانية ١٢ ظهراً. بعد وصولك المرحلة دي وضغطك على تسجيل حتجيك صفحة أنه تم التسجيل المبدئي في الموقع والزمان المعينين...كما موضح أدناه https://t.me/tabeebme/297 بعد كدة مبروك❤️ أنت أمورك طيبة وممكن تدفع وتحتفظ بإشعارك وتكون تميت التسجيل بسلام ✅ الموضوع دا كله ساهل وبتم في ثواني بس فيهو توتر عالي وداير تركيز ربنا يوفقكم 💙 -طبيب على الدرب.

🛑خطوات التسجيل لامتحان ممارسة المهنة (بيرمننت) يونيو وأغسطس

وزارة الصحة الاتحادية الإدارة العامة لتنمية الموارد البشرية الصحية إدارة الامتياز للتأكد من وصول أسماء الأطباء المعتمدين للمجلس الطبي السوداني لفئات الامتياز (طب بشري- صيدلة- أسنان) ، أدناه تحديث لرابط قوائم أسماء الأطباء المعتمدين لدى إدارة الامتياز والمُرسلة بدورها للمجلس الطبي السوداني. https://www.facebook.com/share/p/1NMGGnpHQd/

حيكون منشور مكتوب والساعة ١ ونص بإذن الله نفتح بث مباشر للاستفسارات بخصوص التسجيل ونصائح الامتحان

إعلان تسجيل بيرمننت يونيو وأغسطس والمراكز المتاحة

مواعيد التسجيل لـ بيرمننت يونيو وأغسطس والمراكز المتاحة

🔰الخدمة الوطنية 🫡 بمجرد نجاحك في البيرمننت أنت بتقدر تبدأ فيها، ممكن تقضيها في : مستشفى حكومي، مستشفى عسكري، أو مركز صحي حكومي بتمش الحتة الداير تعمل فيها الخدمة بتشيل منها خطاب حوجة، لو عملتها في مستشفى عسكري حتكون إجراءاتك بين المستشفى العسكري ومنسقية الخدمة الوطنية، أما لو مستشفى حكومي أو مركز حكومي بتضيف ليهم وزارة الصحة. 🗯المطلوبات: ١.سكرين شوت نجاح البيرمننت تظهر فيهو الترويسة بتاعة المجلس فوق ٢.شهادة الجامعة موثقة من التعليم العالي ٣.إثبات شخصية ٤.التمهيدي ٥.صورة شخصية خلفية حمراء كل ورقة خلي معاك كم صورة (على الأقل ٣) عشان ما تتجرجر في صفوف التصوير لو خطاب الحوجة من جهة تابعة لوزارة الصحة بتمش برضو وزارة الصحة تجيب منها ورقة حتى تمش المنسقية، والخطابات دي عندها فترة زمنية معينة فمن تبدأ الإجراءات أعملها كلها مع بعض في أيام ممتالية عشان ما تضطر ترجع تاني تعيد الخطوات من الأول. بعد تخلص الإجراءات والقائد في المنسقية يوقّع ليك بشيلوا رقمك وبدخلوك قروب بنزلوا فيهو أنه "أمر التحرك للآتية أسماؤهم صدر وعليهم الاستلام خلال أسبوع" عشان ما تعيد الخطوات تاني. أمر التحرك بتمش بيهو الجهة الشلت منها طلب الحوجة وبدوك استلام عمل، توديهو المنسقية أو المحلية (حسب الحتة الأنت نزلت فيها، فلازم تسأل الجهة أنه استلام العمل دا أوديهو وين) في المستشفى العسكري ببدو ليك إجراءات مرتب. المهم كدة حيكون عندك أمر تحرك ولائي وأمر تحرك مركزي فتحافظ عليهم زي عيونك، وبدوك ورقة فيها تمام شهري بعدد الشهور الحتشتغلا. يقال أنه الخدمة مقسمة حسب المكان لتلاتة فئات؛ ٦ شهور لو مناطق عمليات، و٩ شهور لمناطق الشدة، و١٢ شهر لو منطقة عادية. دا كله حسب تصنيفهم هم، ورقة التمام دي بتمش تتمم بيها كل شهر في رينج من يوم ١ في الشهر لحدي يوم ١٠ تكون تممت في المكان (المنسقية أو المحلية، حسب الجهة الأولى المسؤولة منك)، التمام عبارة عن مواظبة بتشيلا من الجهة الشغال فيها وبختموها ليك ويوقعوها، بالإضافة لورقة التمام تمشي بيها للجهة المعينة يوقعوا ليك فيها برضو قالوا لو الإجراء دا ما تم خلال العشرة يوم دي حتكون مضطر تعيد الشهر دا تاني بعد انتهاء الخدمة إذن استخراج البيرمننت ما ممكن تطلعه إلا بعد ٣ شهور على الأقل من بداية الخدمة، حتمش بأوراقك الفاتت دي كلها للمنسقية تقسِم أنك شغال خدمة وحتواصل فيها عشان يدوك مواظبة لاستخراج البيرمننت، بتمشي بيها الموقع الإلكتروني للمجلس الطبي ومعاك كل ورقك الفات داك من اثباتات لشهادات لصور بالإضافة لنسخ مصورة من أمر التحرك الولائي والمركزي. وهنا لازم يكون عندك حساب محدث في المجلس الطبي، وحساب المجلس الطبي دا حنتكلم عنه في منشور في قادم الأيام بإذن الله تعالى. -طبيب على الدرب.

🔹شرح طريقة التقديم ومتطلباته 🔹وكيف تكسب زمنك أثناء التقديم لتفادي التأخير بقدر الإمكان 🔹مع فتح باب الاستفسارات بخصوص التقديم والامتحان كله في قناتكم على تليقرام : طبيب على الدرب 🎒

بين المجلس الطبي ووزارة الصحة

لسة الاستبيان مفتوح عشان نعرف نجوّد المحتوى ونحدد الفئة المستهدفة

نبارك لكل الناجحين ❤️

بسم الله الرحمن الرحيم المجلس الطبي السوداني التاريخ: 11/5/2026م إعلان نتائج امتحان ممارسة المهنة دورة مايو 2026م يُعرب المجلس الطبي السوداني عن تهانيه الخالصة للأطباء والصيادلة وأطباء الاسنان الذين اجتازوا امتحان ممارسة المهنة، والذي عُقد يومي 9 – 10 مايو 2026م، متمنّيًا لهم دوام التوفيق والنجاح في مسيرتهم العملية. كما يتمنى حظًا أوفر في المحاولات القادمة للذين لم يحالفهم التوفيق. 1. نتيجة امتحان الطب 9 مايو 2026م https://drive.google.com/file/d/1w3-flHh5wK8lvMCZwx7psYXRRY0odFfO/view?usp=sharing 2. نتيجة امتحان الطب10 مايو 2026م https://drive.google.com/file/d/1AHwKMc57Yn0m6msjXWX6Agh5jreSfNUk/view?usp=sharing 3. نتيجة امتحان الصيدلة 9 مايو 2026م https://drive.google.com/file/d/1aymXr2IpTtVoE9g6bKnPJMRcarghGt7K/view?usp=sharing 4. نتيجة امتحان طب الاسنان 9 مايو 2026م https://drive.google.com/file/d/1m2RegA_pzUbjxjxtfaMBHYDzpKqTVdhN/view?usp=sharing