طــاعة اللّٰـه تجمـعنـآ🕊♥
Открыть в Telegram
⤶وإن ضاقت بك الأركانُ يومًا فَرُكن اللّٰه رحبٌ لا يضيقُ🦋♥ ﴿ادْعُ إِلَـى سَبِيـلِ رَبِّـكَ﴾ واجعلني يا ﷲ داعيةٌ لك ناشِرةٌ للخير أينما وقعت نفعت «اللَّهُمَّ اهْدِنَا ، وَاهْدِ بِنَا ، وَاجْعَلْنَا سَبَبًا لِمَنِ اهْتَدَى» حُباّ لـ رسول ﷲ صلوا عليه))♥🦋
Больше940
Подписчики
-324 часа
-107 дней
-6430 день
Архив постов
بتحس إنك مضغوط ومخنوق وطاقتك خلصت من كتر مشاغل الدنيا؟
النبي ﷺ كان إذا ضاق به الأمر لجأ إلى الصلاة، وكان يقول لبلال رضي الله عنه:
«يا بلالُ، أَقِمِ الصلاةَ، أَرِحْنا بها»
رواه أبو داود وصححه الألباني.
الصلاة مش مجرد فريضة بنأديها وخلاص..
الصلاة راحة للقلب، وسكينة للروح، ووقفة بنرجع فيها لربنا وسط زحمة وضغوط الحياة.
حافظ على صلاتك.. فهي حصنك وسر ثباتك.
قيام الليل عظيم حقًا وكأنك ضيف عند الله تقف بين يديه تتلو آياته أمام هيبته وتختم وقوفك بوترٍ تدعو فيه بدعاء الخائف الوجل وتطلب منه حاجاتك وتشكو له ما أهمّك وتعبّر بأسلوبك المليء بالضعف وتُسلّم وتنصرف ، أتظن أن الله سيردك!
كلا والله إنهُ يستحي أن يرد يديك صفرًا.
"إذا فتح الله عليك بابًا في العبادة فأكثر منه، لعل الله يرحمك بِه، إذا فتح الله عليك باب الدعاء فاستغل جميع أوقات الإجابة وإذا فتح عليك بالصدقة فتصدّق، وإذا فُتح عليك باب التسبيح أو الذكر فأكثر وتذكّر أن لك ربٌّ رحيم."
في ذلك الوقت عليك بالاستغفار وقيام الليل والسحور للصيام يوم الاثنين بنية يوم ترفع فيه الأعمال ويوم ١٣ صفر
﴿ وَلَا تَمُدَّنَّ عَيْنَيْكَ ﴾
منهجٌ ربّانيّ يُعلّمك ألّا تُقارن نفسك بالآخرين وبما آتاهم الله من فضله؛ لأنّ لكلٍّ منهم نصيبه في الحياة.
فانطلاقُ البصر إلى ما عند الآخرين غفلةٌ عمّا أعطاك الله من نِعَم،
قد يكونون محرومين منها أو مفتونين فيها.
- «نهرب من الحياة إلى كهف حلقاتِ القرآن».
اللهُمَّ اروِ أفئدتَنا بالقُرآن حتَّى تطمئنَّ بِه🤍.
عارفين؟ 🤎
فيه ناس كده لسانهم جميل تبارك الله عليهم، كلامهم كله طيّب ولطيف
عندهم قُدرة عجيبة يختاروا أحسن لفظ وأحنّ تعبير، لما ييجوا يمدحوا حاجة فيك بيخلوك تحبّها أكتر، وتصدقها جوّه نفسك كمان.
في مقولة جميلة أوي لسيدنا عمر بن الخطاب بتقول:
"لولا إخوة يتخيّرون أطيب الكلام كما يتخيّرون أطيب الثمر، لما أحببت البقاء في الدنيا"
الفكرة مش بس في الكلام الحلو، الفكرة في أثره
في إن كلمة واحدة ممكن ترفعك، تهوّن عليك، تغيّر كمان نظرتك لنفسك،
أنا بحب الفئة دي من الناس جدًا وكتير بستنى رأيهم، تعليقهم، نظرِتهم
لإنها بتفرّحني وبتترك آثر جميل فيّ.
علشان كده النبيّﷺ قال: "إنَّ في الجنةِ غُرَفًا يُرَى ظاهرُها من باطنِها، وباطنُها من ظاهرِها، أعدَّها اللهُ لمَنْ أطابَ الكلامَ.."
يا ربّ أكون من الناس اللي كلامها جميل ولسانها طيّب و وجودها خفيف وسايبة آثر طيّب ولطيف يلازمها في وفاتها قبل حياتها.
قم من فراشك وأحسِن الوضوء.
ثم توجه الى سجادتك وصل قيام الليل ولو بركعتين!
وناجي ربك و كُن على يقين أنه سيستجيب لك فَ والله ستجد السعادة و الطمأنينة التي تبحث عنها في حياتك.
فَ لقيام الليل مُعجزات تتحقق وراحة نفسية لا يعرفها إلا من جربها، أقيموا الليل يا من ترغبون الجنة.
قِيامُ اللَّيل مِنْ أصْدقِ عَلامَات حبّك لله.
قَالَ الإمَام ابْنُ رَجَب - رَحِمَه الله - :
(ومِنْ عَلامَاتِ المُحبّين لله وهُو مِمَّا يحصُل بِه المحَبَّةٌ أيضًا: حُبُّ الخَلوة بمُناجاة الله تَعَالىٰ، وخُصوصًا فِي ظُلمة اللَّيل).
في حفلات التخرج ونهاية امتحانات الثانوية
تعرف مَن الذي هذّبهُ علمه ومن الذي لم يزدهُ تعلمهُ إلا اعوجاجًا، بئس العلم الذي لا يُهذب صاحبه.
هَب لي حُريةً مِن ضغوطٍ لا تُناسب عُمري، مِن رأسٍ لا تفعل معروفًا بِصاحبها أبدًا، ومِن حساسيةٍ زائدةٍ تُضيع عليَّ بسببها حقوقًا كثيرةً..
هَب لي سكينةً تُطفئ هذا الغضب المُتراكم داخلي، سكينةً علىٰ إثرها تُغادرني هذه الغصة، تذوب الأحاديث الكثيرة العالقة في حنجرتي، ويتعافىٰ جسدي مِن ارتجافة القلق..
هَب لي نفسي القديمة البريئة مِن كُل هذه النُّدوب، الخام مِن التفكير، التأقلُم، الصّمت، وحتىٰ وعيها الشديد بِالدُّنيا.
يا ربّ.. يا ربّ.
هل تخيّلت يومًا إن الإنسان اللي بتغتابه بياخد من أغلى حاجة عندك؟
بياخد من حسناتك المتقبَّلة… مش أي حسنات!
الحسنات اللي ربنا قبلها منك بعد إخلاص، وبعد مجاهدة، وبعد تعب وقيام ليل وصدقة وحرص على رضا ربنا.
يمكن تعمل في اليوم مية عمل، وما يُقبلش عند ربنا إلا عمل واحد بس كنت فيه صادق ومخلص…
والعمل ده بالذات هو اللي بيروح للي اغتبتُه!
تتعب وتدفع وقت وفلوس وجهد، وتقوم الليل وتتصدق… وفي الآخر تخسر ده كله بكلمة؟
وتدي غيرك حسناتك من غير ما يعمل هو أي مجهود؟!
فكل كلمة تقولها على حد هتتوزن يوم القيامة
فاحفظ لسانك عشان ما تديش حد حسناتك على طبق من ذهب.
﴿ لَا تَمُدَّنَّ عَيْنَيْكَ ﴾.
الشِّيخ: أمجَد سَمِير.
تذكير للنّساء بغضَ البَصر...🌱
"الرجاء الاتصال لاحقًا…"
عبارة دايمًا بنسمعها لما نرنّ على حد وموبايله مقفول أو غير متاح…
بس الكارثة بجد لما يكون ربنا هو إللي بيناديك… وأنت إللي "فاصل"!
ربنا بيقولك: "حي على الصلاة"
وأنت ترد: "مشغول دلوقتي!"
🕰 مشغول بإيه؟ مسلسل؟ سوشيال؟ أصحاب؟
كل تأخير عن الصلاة… يعني تأخير في "الاتصال باللَّه"!
يعني قلبك بعيد… شحنك الإيماني ضعيف… الرحمة والطمأنينة إللي كنت هتاخدها من السجود، راحت منك!
قال تعالى:
﴿فَوَيْلٌ لِلْمُصَلِّينَ • الَّذِينَ هُمْ عَنْ صَلاتِهِمْ سَاهُونَ﴾ [الماعون: 4-5]
راجع حساباتك… وصلي قبل ما يفوت الأوان!
التشدُد في الدين، أو تطبيقُه بشكل غلط!
ڤيديُو مُهم لعقلنَا إنه يفهم إن كُون الإنسان مُلتزم مش معناها بقىٰ صعب وشديد ودمه تقيل بالعكس!
سلُوكك بعد التديُن سبب في دعوتِك للي حواليك.)
-
اتعود تنام على نظافة وإياك تنام على معصية ..
النوم ده يا شباب مَوتَة صُغرَى .. أنت لما تنام كل يوم على سوء خاتمة صغيرة أخشَى عليك يتجمعوا ويكونوا سوء خاتمة في المَوتَة الكُبرَى اللي مفيش بعدها صحيان تاني للدنيا
اوعى تنام وأنت بتتفرج على حاجة مش كويسة، ولا تنام على أغنية أو مسلسل
واتعود تنام على وضوء وتكون مصلي الفروض بتاعتك كلها ويا سلام لو ركعتين قيام وركعة وتر في خمس دقائق وتظبط المنبه للفجر وتقرأ أذكار النوم وتنام
والله الموضوع مفهوش هزار .. أنت ممكن تنام متصحاش فعلًا
"لذائِذُ الحُبّ متشَابهَة، إلاّ لَذةُ حُبّ المَدينَة؛
كأنّكَ ما ذُقتَ حُبًا قَطّ!".
الله يوعدنا.
«كَلَّا ۖ بَلْ ۜ رَانَ عَلَىٰ قُلُوبِهِمْ مَا كَانُوا يَكْسِبُونَ »
عارفين إيه هو الرّان ؟
لما بيتجمع ذنب على ذنب بدون إستغفار !
دا بيسبب رَان القلب يعني بيسوّد ومن السهل جدًا تكون فريسة وصيد سهل للشيطان ، ولأي شُبهه
من الطبيعي إننا نذنب ، ونقصر لإننا بشر لكن المش طبيعي أبدًا إننا مانستغفرش وننسى إن كل دا بيزيد قسوة القلوب
عن أبي هريرة عن رسول الله - صلىٰ الله عليه وسلم - قال ':
«إن العبد إذا أخطأ خطيئة نكتت في قلبه نكتة سوداء ، فإذا هو نزع واستغفر الله وتاب ، صقل قلبه ، فإن عاد زيد فيها ، حتى تعلو على قلبه ، وهو الران الذي ذَكرهُ الله في كتابهِ : كلّا بل ران على قلوبهم ما كانوا يكسبون »
مين فينا يستاهل؟
بلاش حالة اليأس وجلد الذات اللي بتعيش فيها كل ما تقع
وتفضل تقول: "أنا عارف نفسي.. مستاهلش توفيق ربنا"
"أنا مش زي الناس اللي بتتغير وتنجح.. وهفضل فاشل"
بس هو مين فينا يستاهل أصلاً؟
لو ربنا بيتعامل معانا بعدله ماكانش حد فينا قدر يكمل أي حاجة
احنا كلنا ماشيين برحمته
أنت مش مطلوب منك تبقى مثالي
إنت بس محتاج تبقى صادق..
خد بالأسباب وراجع نيتك واستعن بالله واجتهد
وخليك موقن إن كل شيء بيد الكريم سبحانه وتعالى ولن يضيع الله سعيك
